སྒོ་ཡོན། ཡི་སྐོར།

བོད་གསར་བའི་ཡི་གེ་བ།

དཀའ་སྡུག་ལ་བཀའ་དྲིན་ཞུ།

ལིན་ཆིན་ཤེན་གྱིས་བརྩམས། སྒོ་ཡོན་གྱིས་བསྒྱུར།        བདག་གིས་རྨི་ལམ་ཞིག་རྨིས།  རྨི་ལམ་ནང་ཁྲོམ་སྲང་དུ་འཕྲད་པའི་མིར་གསོལ་བ།   “ཁྱེད་ཀྱིས་བདག་ལ་དཀའ་ངལ་དང་བར་ཆད།  སྡུག་བསྔལ་མང་ཙམ་གནང་ཆོག་གམ།” མི་དེ་རྣམས་ཀྱིས་བདག་གི་རེ་སྐུལ་ཁས་ལེན་གནང་མ་སོང་།    བདག་གིས་བྲེལ་འཚུབ་ཆེན་པོའི་ངང་ནན་གྱིས་ཞུ་དོན།   “བདག་གིས་ཁྱེད་ལ་རྔན་པ་དབུལ་ཆོག   དུས་ཚོད་རེར་ཤོག་སྒོར་ལྔ་བརྒྱ་ཡོད།  ཁྱེད་ཀྱིས་བདག་ལ་མནར་གཅོད་བསྩལ་པར་འཚལ།” སྲང་ལམ་གྱི་མི་ཆ་མེད་དེ་ཚོས་མགོ་བོ་འཕྲེད་དུ་གཡུག་བཞིན་ཁུ་སིམ་མེར་བདག་དང་ཁ་བྲལ་འགྲོ། བདག་གིས་རང་ཉིད་ལ་བར་ཆད་སྩོལ་བའི་མི་ཞིག་བཙལ་མ་ཐུབ་པའི་སེམས་འཚེར་གྱིས་གཉིད་ལས་སད། བདག་ནི་མལ་ཁྲིའི་སྟེང་བསྡད་དེ་ཡུན་རིང་ཧང་སང་།    དངོས་གནས་དཀའ་ངལ་དང་མནར་གཅོད།   སྡུལ་བསྔལ་དག་ནི་ཅི་འདྲའི་རིན་ཐང་མངའ་བ་ལ་ཨང་། གལ་ཏེ་ཡོད་ཚད་ལམ་ལྷོངས་བྱུང་བ་ཡིན་ན།  གང་སུ་དག་གིས་སེམས་པ་ལྷོད་པོའི་སྒོ་ནས་བསམ་གཞིག་ནན་དུ་གཏང་ངམ།   གང་སུ་དག་ཡར་འགྲེངས་ནས་འཚོ་བའི་སླད་དུ་ཤེས་རབ་ཀྱི་རྩལ་སྤྱད་དམ།  གང་སུ་དག་བློ་བདེ་བག་ཕེབས་ཀྱིས་ཕལ་བའི་འཚོ་གནས་ཁྲོད་ཀྱི་བདག་ཉིད་ལས་བརྒལ་ཏེ་མཐོ་བའི་རི་རྩེར་འཛེགས་པར་འགྱུར་རམ། གལ་ཏེ་དཀའ་སྡུག་མེད་པ་ཡིན་ན།  གང་སུ་དག་གིས་ཟོལ་མེད་ཁེངས་སྐྱུང་གི་ཚུལ་དུ་པུས་མོའི་ལྷ་ང་ས་ལ་བཙུགས་ཏེ་གསོལ་བ་འདེབས་སྲིད་དམ།    གང་སུ་དག་མཐའ་ཡས་པའི་སྲིད་ཁམས་ལ་ཡིད་རྟོན་ནམ། གང་སུ་དག་གི་བརྩེ་སེམས་དྭངས་མ་སྐྱེ་བ་ཕྱི་མར་བཅོལ་བར་འགྱུར་རམ། བདག་གིས་དཀའ་ངལ་དང་བར་ཆད།  སྡུག་བསྔལ་བཅས་ལ་སྙིང་ཐག་པ་ནས་བཀའ་དྲིན་ཞུ་ཞིང་།   དེ་དང་ལྷན་ཅིག་སྔར་བདག་ལ་བར་ཆད་བསྩལ་པའི་སྐྱེས་བུ་ཁོང་ཚོའི་གཞལ་མེད་ཀྱི་དྲིན་ལན་ཡང་ཚོར་བར་བྱ་སྟེ།   ཁོང་ཚོ་ནི་ཅི་འདྲའི་བྱམས་བརྩེ་དང་ལྡན་པ་ལ།     བདག་གིས་ཁོང་ཚོར་ཆེད་དུ་ཡོན་སྦྱར་བ་གང་ཡང་མེད་ཀྱང་།   ཁོང་ཚོས་རིན་བྲལ་གྱི་དུས་ཚོད་བཀོལ་ནས་ཚོད་བགམ་དང་བདག་ཡར་འདེགས་པ་མ་ཟད།   བདག་གི་ཤེས་རབ་འཕེལ་བར་སྡོངས་གྲོགས་མཛད་པའོ། །   ༢༠༡༤.༠༦.༡༢ཉིན་བསྒྱུར་གྲུབ། ༢༠༡༧.༠༧.༧ཉིན་ཞུ་དག་བྱས།

བོད་ཀྱི་སྐད་ཡིག་ཉམས་པར་ལོ་བཅུ་དྲུག་ལས་མི་འདུག

བོད་ཀྱི་སྐད་ཡིག་ཉམས་པར་ལོ་བཅུ་དྲུག་ལས་མི་འདུག

སྒོ་ཡོན། ལོ་ངོ་བཞིའི་ཡར་སྔོན་དུ་གྲོགས་པོ་ཞིག་བརྒྱུད་དེ«མེས་པོའི་མཆོད་སྤྲིན»ཞེས་པའི་ལོ་དེབ་ཅིག་ལག་ཏུ་ཐོབ་ཅིང་།  དེར་རྫོང་སར་འཇམ་དབྱངས་མཁྱེན་བརྩེ་ལགས་ལ་བཅར་འདྲི་ཞུས་པ་ཞིག་ཡོད་པ་མཇལ།  དྲིས་ལན་ཞིག་ཏུ་ཁོང་གིས“……མ་འོངས་པར་ལོ་ཉི་ཤུ་ཙམ་གྱི་མཇུག་ལ་བོད་ཀྱི་སྐད་ཡིག་ཀྱང་སྲིད་དོན་དང་མཐུན་རྐྱེན་སོགས་གང་ནས་བསམ་ནའང་ཉམས་འགྲོ་ཡི་ཡོད་པ་རེད……”ཅེས་གསུངས་འདུག གསུང་ཚིག་འདི་ཉིད་ཐོག་མར་མཇལ་མ་ཐག་ང་ནི་རང་གི་མིག་ལ་ཡིད་མ་ཆེས་པར་གྱུར་པས།  བསྐྱར་དུ་ཚར་འགའ་བཀླགས་ཀྱང་སྔར་བཞིན་ཚིག་དོན་གཅིག་པ་རེད།    དེ་འཕྲལ་ཉེ་འཁོར་གྱི་གྲོགས་པོ་ཞིག་བོས་ཏེ་ཚར་གཅིག་གདོན་པར་བསྐུལ་ཡང་།    ཁོང་གིས་ཀྱང་གོང་བཞིན་བཏོན་བྱུང་།   

«རང་རིག་རང་གསལ»གྱི་བསྔོ་སྨོན།

«རང་རིག་རང་གསལ»གྱི་བསྔོ་སྨོན།

  ༢༠༡༣ལོར«རིག་རྩལ་རྒྱང་སྐྱོད»སྒོར་ཕུད་པ་ནས་ད་ལྟའི་བར།  ངས་འབེལ་རྩོམ་དང་ཐོར་རྩོམ་རང་བཞིན་གྱི་རྩོམ་ཡིག་བཞི་བཅུར་ཉེ་བ་བྲིས་ཤིང་། བརྗོད་དོན་མི་མཚུངས་པའི་ཁ་ནང་ལྟའི་རྩོམ་ཡིག་རྣམས་ལས།  དུས་འདིར་ཅུང་འོས་འཚམས་ཡིན་པའི་རིགས་འགའ་ཕྱོགས་སྒྲིག་གི་མཚན་དོན་ལ«རང་རིག་རང་གསལ»ཞེས་གསོལ་ཡོད། དེ་ནི་ད་ལྟ་ཁྱེད་ཀྱི་ཕྱག་ཏུ་ཐོགས་པའི་དེབ་ཆུང་འདི་ཉིད་དོ།།

ཤོག་སྒོར་སིལ་མ་གཅིག་དང་བདག་གི་མི་ཚེ།

ཤོག་སྒོར་སིལ་མ་གཅིག་དང་བདག་གི་མི་ཚེ།

སྒོ་ཡོན། དེ་རིང་ནི་སྤྱི་ཟླ་བཅུ་གཅིག་པའི་ཚེས་ཉེར་གསུམ་སྟེ། ལྟོས་བཅས་ཀྱིས་གནམ་ངོ་ཤིན་ཏུ་དྭངས་ཤིང་མཁའ་དབུགས་ཀྱང་བསིལ་བའི་རྣམ་པ་ཤར་བས། ངའི་སེམས་པའང་གནམ་གཤིས་འདིའི་འགྲོ་ལུགས་བཞིན་བསམ་གཞིག་གཞན་མེད་པར་སྟོང་ལྷང་ལྷིང་གི་ཚོར་བས་ལུས་སེམས་གཉིས་ཀ་ཟིན་པས།

སྐྱེས་མའི་ནང་སེམས་ཀྱི་རེ་དོགས།

སྐྱེས་མའི་ནང་སེམས་ཀྱི་རེ་དོགས།

སི་ཐེ་ཝེ•ཧར་བེས་བརྩམས། སྒོ་ཡོན་གྱིས་བསྒྱུར། སྒྱུར་མཁན་གྱི་གཏམ།  སྐུ་ཞབས་སི་ཐེ་ཝེ•ཧར་བེ(Steve Harvey)ལགས་ནི་ཨ་རིའི་འཁྲབ་སྟོན་མཁན་ཞིག་ཡིན་པ་མ་ཟད།