དཀར་ཆག་ཡིག་ཚགས། མི་སྣ་བཅར་འདྲི།

རྒྱལ་སྲས་རྣལ་མ།

རྒྱལ་སྲས་རྣལ་མ།

—King Jamesཡི་ལོ་རྒྱུས་མདོར་བསྡུས། མུར་དུང་ཟླ། རྨ་ཆུ། སྐད་ཆ་དངོས་གནས་པ་ཞིག་བརྗོད་ན་དེང་གི་དུས་རབས་འདིར་ཡོད་ཚད་ལ་འགྱུར་ལྡོག་ཆེན་པོ་བྱུང་དང་འབྱུང་གྱིན་པ་ཚང་མའི་ཤེས་གསལ་རེད་དེ།

སྟག་འབུམ་རྒྱལ་གྱི་སྒྲུང་གཏམ་གྱི་མི་ཚེའི་བརྒྱུད་རིམ།

མདོ་འཛིན་པ། འབྲོང་ཕྲུག དགེ་རྒན་སྟག་འབུམ་རྒྱལ་ལ་མཚོན་ན། འུ་ཚོ་ཚང་མས་ཤེས་གསལ་ལྟར་རེད། འོན་ཀྱང༌། འུ་ཚོས་དགེ་རྒན་སྟག་འབུམ་རྒྱལ་ནི་ལས་གྲོགས་ཀྱི་ཅིག་ཆ་ནས་ཤེས་པ་དང༌། ཡང་ན། ཆང་ཤགས་ཤིག་གི་ཆ་ནས་ཤེས་པ་མ་གཏོགས། དགེ་རྒན་ཁོང་རྩོམ་པ་པོ་ཞིག་ཡིན་པའི་ཆ་ནས་དེ་འདྲ་ཤེས་ཀྱིན་མི་འདུག རྒྱུ་མཚན་ནི། འུ་ཚོ་ཚང་མར་སློབ་དེབ་ལ་ཞིབ་འཇུག་དང་ཁྲིད་ཟིན་ལ་ཇུས་འགོད། ལས་བྱ་ལ་ཞུ་དག་ལ་སོགས་ཀྱི་ཁྲོད་ནས་རྩོམ་རིག་བརྩམས་ཆོས་མང་པོ་ཞིག་ལ་ལྟ་བའི་དུས་ཚོད་མ་ལྡན་པ་རེད། གལ་ཏེ་ལྡན་པའི་དབང་དུ་བཏང་ན་ཡང༌། ཞེ་ལྷོད་ལ་བབ་ནས་སེམས་རྣལ་ལ་ཕབ་ནས་བལྟ་རྒྱུའི་དུས་ཚོད་ཉུང་སོང་བ་རེད། དེ་བས། ད་ཐེངས་ཁོ་ལ་ཁོ་རང་གི་རྩོམ་རིག་གསར་རྩོམ་གྱི་ལམ་བུའི་ཕྱོགས་ན་ཁ་བརྡ་ཞིག་བྱེད་དུ་འཇུག་རྒྱུ་དེ་འུ་ཚོ་ཚང་མའི་གཅིག་མཐུན་གྱི་རེ་བ་རེད། འབྲོང་ཕྲུག དགེ་རྒན། ང་ཚོས་ཐོག་མར་ཤེས་འདོད་པ་ནི་ཁྱོད་རང་ཆུང་དུས་ནས་བཟུང་རྩོམ་ཡིག་འབྲི་རྒྱུར་དགའ་

སྐུ་ཞབས་རང་སྒྲར་བརྩམས་སྒྲུང་ཐད་ནས་བཅར་འདྲི་ཞུས་པ།

བཅར་འདྲི་མཁན། འབའ་སྨད་རྒྱལ་ལོ་ཚེ་རིང་། འབའ་སྨད་རྒྱལ་ལོ་ཚེ་རིང༌། ཐོག་མར་ཉིད་ཀྱིས་བོད་ཀྱི་རྩོམ་རིག་གར་སྟེགས་སྟེང་གི་ད་ལྟའི་བརྩམས་སྒྲུང་གི་གནས་སྟངས་དང་གོ་གནས༌།རིན་ཐང་སོགས་ཀྱི་སྐོར་ནས་རང་གི་ལྟ་ཚུལ་ཙམ་བརྗོད་པར་ཞུ། རང་སྒྲ། ལྟོས་འཇོག་གིས་བཤད་ན། ད་ལྟ་བོད་ཀྱི་རྩོམ་སྟེགས་སྟེང་ནས་རང་མོས་སྙན་ངག་འབྲི་མཁན་མང༌། སྒྲུང་གཏམ་འབྲི་མཁན་ཉུང༌། དེའི་རྒྱུ་རྐྱེན་ནི་ཁོ་བོའི་རྩོམ་གྲོགས་ཤིག་གིས་བཤད་པ་ལྟར། “སྙན་ངག་འབྲི་རྒྱུར་དགའ་ཞིང༌། སྒྲུང་གཏམ་འབྲི་རྒྱུར་སྐྲག་པའི”རྩོམ་པ་པོ་མང་བའི་རྐྱེན་གྱིས་རེད། རྩོམ་ལུས་རིགས་བཞིའི་ངོས་ནས་ཞུས་ན། སྒྲུང་གཏམ་ནི་མི་མང་གི་འཚོ་བར་ཆེས་ཉེ་བའི་རྩོམ་ལུས་ཤིག་ཡིན། རྒྱུ་མཚན་ནི་སྒྲུང་གཏམ་གྱིས་སྤྱོད་པའི་སྐད་ཆ་ནི་སྙན་ངག་གི་སྐད་ཆ་ལྟར་གོ་ དཀའ་བ་མིན་ལ། ལྷུག་རྩོམ་གྱི་སྐད་ཆ་ལྟར་བརྗོད་དོན་སྦས་པའི་རྣམ་པ་ཡང་མེད། དེ་བཞིན་དུ་འཁྲབ་གཞུང་གི་སྐད་ཆ་ལྟར་ནང་སེམས་ཀྱི་འཇིག་རྟེན་སྟོན་མི་ཐུབ་པ་ཡང་མིན། མི་ཚོས་རྩོམ་རིག་གི་སྐད་ཆ་འགྲེལ་སྐབས།

རྒྱལ་སྤྱིའི་བོད་རིག་པའི་ཞིབ་འཇུག་ཚོགས་པའི་ཚོགས་འདུ་ཐེངས་བཅུ་གསུམ་པའི་སྐོར་ནས་*རྒྱང་འདྲི་ཞིག

སོ་རུ་དར་རྒྱས། དྲི་བ། དང་བོར་ཁྱེད་རང་ངོ་སྤྲོད་མདོར་བསྡུས་ཤིག་གནང་རོགས་ཞུ། ལན། ངའི་མིང་ལ་སོ་རུ་དར་རྒྱས་ཟེར། མདོ་སྨད་རྔ་བ་རྫོང་གི་ཁོངས་གཏོགས་སོ་རུ་སྡེ་བར་སྐྱེས། ཆུང་དུས་ནས་སྔགས་གསར་རྙིང་གི་འདོན་ཆོས་སྤྱོད་མང་དུ་སྦྱངས་མྱོང་། ཕྱིས་སུ་རྔ་བ་ཀིརྟིའི་དགོན་ནས་གཞུང་ཆེན་བཀའ་པོད་ལྔའི་རྩ་བ་བློ་འཛིན་དང་བསྡུས་གྲྭའི་སྐྱོར་དཔོན་བྱས། ཕྱི་ལོ་ ༡༩༩༡ ལོར་རྒྱ་གར་དུ་འབྱོར་ཏེ་ཀིརྟིའི་བྱེས་པ་གྲྭ་ཚང་ནས་བོད་ཀྱི་ཆོས་དང་རིག་གནས་སོགས་ལ་སྦྱངས་པ་རིམ་པར་བྱས་མཐར། ཕྱི་ལོ་ ༢༠༠༠ ལོར་མཐོ་རིམ་རིག་གནས་རབ་འབྱམས་པའི་ལག་འཁྱེར་ཐོབ། ཕྱི་ལོ་ ༡༩༩༩ ནས་སྔ་ཕྱིར་གྲྭ་ཚང་གི་དགེ་རྒན་གྱི་ལས་ཀ་དང་ཆབས་ཅིག དཔེ་དེབ་འགྲེམས་སྤེལ་བ་དང་དེའི་འགན་འཛིན། དུས་དེབ་སོགས་ཀྱི་རྩོམ་སྒྲིག་པ་བྱས། ཕྱི་ལོ་ ༢༠༠༥ ནས་ཀིརྟིའི་བྱེས་པ་གྲྭ་ཚང་གི་སྤྱི་ཁྱབ་རྩོམ་སྒྲིག་པའི་ལས་འགན་ལོ་བཞིའི་རིང་ཁུར་ཏེ་བོད་ཀྱི་ཆོས་དང་རིག་གནས།

རྩོམ་པ་པོ་གྲགས་ཅན་ཧོར་གཙང་འཇིགས་མེད་ལགས་སུ་བཅར་འདྲི་བྱས་པ།

བཅར་འདྲི་བ། སྐྲན། གཤིས་ལ་ཡོད་པའི་སྙན་ངག་ལ་ནམ་ཡང་འཆི་རྒྱུ་མེད། ……….. རང་རེའི་བོད་ཀྱི་རྩོམ་པ་པོ་ཧོར་གཙང་འཇིགས་མེད་ལགས་སུ་བཅར་འདྲི་ཞིག དྲི་བ། སྐུ་ཞབས་ཧོར་གཙང་འཇིགས་མེད་ལགས་ཁམས་བཟང་། དང་པོར་ཉིད་ཀྱི་ད་ལྟའི་ལས་གནས་གཞི་བྱས་ཐོག་རང་ཉིད་ཀྱི་ལོ་རྒྱུས་མདོར་བསྡུས་ཤིག་གསུང་རོགས་གནོངས། ལན། ཁམས་བཟང་། ང་ལ་ལས་གནས་ཟེར་བ་གང་ཡང་མེད། ཨ་རིའི་ནང་དུ་ཚོང་ཙག་ཙིག་རེ་བརྒྱབ་ནས་ཁང་གླ་སྤྲོད་ཐུབ་ཙམ་དང་ལྟོ་གོས་འདང་ཙམ་གྱིས་འཚོ་སྡོད་བྱེད་ཀྱིན་ཡོད་པ་རེད། དྲི་བ། ང་ཚོ་བོད་མི་རང་ངོས་ནས་ཐུན་མོང་མ་ཡིན་པའི་རིག་གཞུང་ཞེས་གོང་བཀུར་དང་འུད་བསྟོད་བླ་མེད་བྱེད་མོད། དེ་ལ་འདིར་ཉིད་ཀྱིས་ནང་ཆོས་དང་མ་འབྲེལ་བར་བོད་ཀྱི་རིག་གཞུང་རང་ངོས་ནས་ཐུན་མོང་མིན་ཞིང་ཁྱད་དུ་འཕགས་ཚུལ་ཞིག་གསུང་རོགས་ཞུ།

སྨན་པ་ཉི་ཟླ་ལྕེ་ནག་ཚང་ལ་རྒྱང་འདྲི་ཞིག

རྒྱང་འདྲི་བ། ཐོར་རྒོད་པ་སྤྱན་ཆབ། ཐོར་རྒོད་པ་སྤྱན་ཆབ། ཐོག་མར་ཁྱོད་ཀྱི་སློབ་སྦྱོང་གི་རྒྱུད་རིམ་དང་འབྲེལ་ནས་ངོ་སྤྲོད་ཅིག་བྱེད་རོགས་གནོངས། ཉི་ཟླ་ལྕེ་ནག་ཚང། ངའི་མིང་ལ་སྨན་པ་ཉི་ཟླ་ལྕེ་ནག་ཚང་ཟེར་། རྒྱལ་སྤྱིའི་བོད་ཀྱི་གསོ་རིག་གླིང་འཛུག་མཁན་དང་བོད་སྨན་གསོ་རིག་རྒྱུད་བཞི་དང་གཡུ་ཐོག་སྙིང་ཐིག་གི་སློབ་ཁྲིད་དགེ་རྒན་ཡིན། སྔགས་མང་ཞིབ་འཇུག་ཁང་འཛུག་མཁན་དང་སློབ་སྟོན་པ་ཡིན།ཆུང་དུས་ལོ་དྲུག་ཙམ་ནས་རྨ་ལྷོ་དམག་ཁྲང་འབྲོག་པའི་སྦྲ་གུར་སློབ་གྲྭར་བསྐྱོད། དེ་རྗེས་སུ་རྨ་ལྷོ་མི་རིགས་སློབ་འབྲིང་དུ་ཞུགས། ༡༩༨༥ལོར་ནས་༡༩༨༩ལོར་བར་རེབ་གོང་དགེ་འོས་སློབ་གྲྭ་འགྲིམས་ལ་རྗེས་སུ་རྨ་ལྷོ་སོག་རྫོང་མི་རིགས་སློབ་འབྲིང་གི་དགེ་རྒན་ལོ་གཅིག་ལྷག་བྱས། ༡༩༩༠ལོར་ནས་རྨ་ལྷོ་རྫོང་སོག་བོད་སྨན་ཁང་དུ་བོད་སྨན་གཞུང་ལུགས་དང་ལག་ལེན་གཉིས་ཆར་སློབ་སྦྱོང་བྱས། ༡༩༩༡ལོར་ནས་༡༩༩༦ལོ་བར་དུ་བོད་ལྗོངས་གསོ་རིག་སློབ་གྲྭ་ཆེན་མོ་རུ་དེང་རབས་གསོ་རིག་གི་རྨང་གཞི་དང་། བོད་ཀྱི་གསོ་བ་རིག་པ་ལ་སློབ་གཉེར་བྱས།

རྩོམ་པ་པོ་ཀླུ་སྨྱོན་ལགས་ལ་བཅར་འདྲི་ཞིག་བྱས་འདུག

བཅར་འདྲི་མཁན། གངས་དཀར་རྒྱལ་སྲས། དྲི་བ། ཁྱེད་རང་ངོ་སྤྲོད་མདོར་བསྡུས་ཤིག་བྱེད་རོགས། ལན། ངའི་སྨྱུག་མིང་ལ་ཀླུ་སྨྱོན་ཟེར། ཕ་ཡུལ་མདོ་སྨད་མང་ཡུལ། ཆུང་དུས་སློབ་ཆུང་མཐར་ཕྱིན་རྗེས་རྣམ་དག་ཁྲིམས་ལྡན་གླིང་ཞེས་པའི་དགོན་པ་ཞིག་ཏུ་བླ་མ་དང་དགེ་བཤེས་ལྔ་དྲུག་ཅིག་བསྟེན་ཏེ་ལོ་བཅུར་སུམ་རྟགས་སྙན་ངག་དེང་རབས་རྩོམ་རིག་དང་། བསྡུས་གྲྭ་ལམ་རིམ་ཕར་ཕྱིན་གསང་སྔགས་ལ་ཏོག་ཙམ་ཞིག་སྦྱངས་པ་ཡིན། དྲི་བ། ཁྱོད་ག་དུས་ཕ་ཡུལ་དང་གྱེས་པ་དང་དེ་ནས་གང་དུ་ཕྱག་ལས་ཅི་ཞིག་གནང་མྱོང། ལན། གོ་བཞི་ལོར་ཕ་ཡུལ་ནས་གྱེས་ནས་རྒྱ་གར་ལྷོ་ཕྱོགས་སུ་ནང་ཆོས་ལ་ཏོག་ཙམ་སྦྱོང་ཞོར་སྒོ་མང་སློབ་གྲྭའི་དགེ་རྒན་བྱས། དེ་ནས་བལ་ཡུལ་དུ་བསྡད་དེ་ལོ་དྲུག་རིང་དགེ་ལུགས་པའི་འཇམ་དབྱངས་བཞད་པ་དང་གུང་ཐང་ཚང་། རྙིང་མའི་གཏེར་སྟོན་མཆོག་གྱུར་བདེ་ཆེན་གླིང་པ་དང་ལྷ་བཙུན་ནམ་མཁའ་འཇིགས་མེད།

དགེ་བཤེས་བློ་བཟང་དཀོན་མཆོག་རྒྱ་མཚོ་ལགས་ལ་དཔལ་དུས་ཀྱི་འཁོར་ལོའི་དབང་ཆེན་སྐོར་བཅར་འདྲི་བྱས་པ།

བཅར་འདྲི་མཁན། སྤྱན་ཆབ། དྲི་བ། ཁྱེད་དང་ཁྱེད་ཀྱི་སློབ་གཉེར་སྐོར་རགས་ཙམ་ཞིག་གསུང་རོགས་གནང། ལན། ཕྲན་གྱི་མིང་ལ་བློ་བཟང་དཀོན་མཆོག་རྒྱ་མཚོའམ་དཀོན་མེ་ཟེར། ཕྱི་ལོ༡༩༦༦ལོར་ཨ་མདོ་རྔ་པའི་ཀ་ཉག་སྡེ་བར་སྐྱེས། དམའ་འབྲིང་བར་དུ་སློབ་གྲྭར་སོང། རང་ལོ་༡༥པ་ཕྱི་ལོ་༡༩༨༠ལོར་རྔ་པ་ཀིརྟིའི་དགོན་དགེ་ལྡན་ལེགས་བཤད་གླིང་གི་ཆོས་སྒོར་ཞུགས་ཏེ་བཤེས་གཉེན་དུ་མའི་དྲུང་ནས། བསྡུས་རྟགས་བློ་གསུམ་དང། རྣམ་འགྲེལ། དབུ་ཕར། གྲུབ་མཐའ། ལམ་རིམ། སྔགས་ཕྱོགས། སུམ་རྟགས་དག་གསུམ། སྙན་ངག སྒྲ་རིག་པ་བཅས་ལ་སྦྱངས་ཁུལ་བྱས། ཕྱི་ལོ༡༩༩༨ལོར་རྒྱ་གར་དུ་སླེབས་ནས་འབྲས་བློ་གླིང་གྲྭ་ཚང་དུ་འདུལ་མཛོད་གཉིས་ལ་སྦྱངས་པ་དང་བཀའ་པོད་གཞན་རྣམས་ལ་བསྐྱར་སྦྱོང་བྱས་པ་དང། ལྷག་པར་དུ་༸གོང་ས་མཆོག་གི་མདུན་ནས་དབང་ལུང་ཁྲིད་གསུམ་གང་མང་ཞིག་ཉན་རྒྱུའི་སྐལ་བཟང་

རྩོམ་པ་པོ་ལྷམ་ཀོག་ལ་བཅར་འདྲི་བྱས་པ།

བཅར་འདྲི་མཁན། རྫ་སྐྱེས་ཕུར་བ། ལྗང་རླུང་འདོན་ཐེངས་ཉེར་གཉིས་པར་བཀོད། དུས་ཚོད༢༠༡༡ལོའི་ཟླ༡ཚེས་༩ཡས་མས་ཤིག དྲི་བ། སྔར་རྩོམ་འབྲོང་གཡག་གི་ཧུར་སྒྲའི་ནང་ཚན་རྐང་གླིང་སྐྱ་བོ་དང་བར་ལམ་བཏོན་པའི་ལྷ་ཆེན་པོའི་སྙན་ངག་གཉིས་ལས་ད་ཐེངས་ཀྱི་ཕྲེང་བ་ནག་པོ་ནི་ཀློག་མཁན་མང་པོས་ཁྱེད་ཀྱི་སྙན་ངག་གསར་རྩོམ་གྱི་དཀྱོགས་མཚམས་ཤིག་ཏུ་བསླེབས་ཡོད་པ་དང་སྔ་མ་གཉིས་དང་མི་འདྲ་བའི་གདེང་འཇོག་གནང་བར་མ་ཟད། ཁྱེད་ཀྱིས་ཀྱང་དེ་ལྟར་ངོས་འཛིན་གནང་གི་ཡོད་ཚོད་འདུག དེས་ན་བརྩམས་ཆོས་དེ་གསུམ་གྱི་ཐད་ནས་ཁྱེད་ཀྱི་སྙན་ངག་གི་བྱུང་འཕེལ་བསྐོར་གསུང་རོགས།

ཤར་ནུབ་ཀྱི་འཁྲིག་སྤྱོད་བྱེད་སྟངས་ཀྱི་ཁྱད་པར་མགོ་སེར་མ་ཞིག་གིས་གླེང་བ།

རྨ་དུག་ལྕེ་ཡི་ཟིན་བྲིས། 1 དྲི་བ། མིང་དང་ལོ་རྒྱུས་མདོར་བསྡུས་ཤིག་གསུང་རོགས། ལན། ངའི་མིང་ལ་་་་་་་་དགོས་དབང་ཞིག་གིས་མིང་འདིར་འགོད་ཐབས་བྲལ་བར་ཀློག་པ་པོར་དགོངས་དག་ཞུ་་་་་་་་་་་་་་་ཟེར་ཞིང་ཧྥ་རན་སའི་ཤར་ཕྱོགས་ནས་1980 ལོར་སྐྱེས།ངའི་ཨ་ཕ་ཧྥ་རན་སིའི་མི་དང་ཨ་མ་སི་ཁོ་ལན་ཌི་ནས་འདིར་མནའ་མར་ཡོང་བ་ཞིག་ཡིན།ང་ཚོར་དེང་སང་འབྲེལ་བ་དེ་ཙམ་མེད། སློབ་གྲྭ་འགྲིམས་པའི་ལོ་རྒྱུས་དང་ཕ་མའི་གནས་ཚུལ་དེ་ཙམ་གལ་ཆེན་མ་རེད་འདོད། 2 དྲི་བ། ཁྱེད་རང་ལ་གང་དྲིས་པ་དེར་དྲང་ཐད་ནས་ལན་འདེབས་གནང་བ་ལས་ང་ལ་ངོ་དགའ་ལྟ་བུའི་བཟང་རྫུའི་ངོ་འབག་འོག་ནས་དོན་དངོས་མི་འདོར་བའི་འབོད་སྐུལ་ཞུ་རྒྱུ་ཡིན།

ཅོ་ནེ་ཡུམ་ཚེ་རིང་ལ་བཅར་འདྲི་བྱས་པ།

ཅོ་ནེ་ཡུམ་ཚེ་རིང༌། རྩོམ་པ་པོ། ཅོ་ནེ་ཡུམ་ཚེ་རིང༌། ཆེད་ཞུས་མགོ་འཛིན་པ། ཚེ་རིང་བཀྲ་ཤིས། དུས་ཚོད། 2011.2 མགོ་འཛིན་པ། ཡུམ་ཚེ་རིང་ལགས། ཁྱོད་ཆེས་ཐོག་མར་གསར་རྩོམ་གྱི་ལམ་དུ་ཞུགས་དུས་དམིགས་བསལ་གྱི་རྒྱུ་རྐྱེན་འདྲ་ཡོད་དམ། རྩོམ་པ་པོ། ཐོག་མར་གསར་རྩོམ་གྱི་ལམ་དུ་ཞུགས་པའི་ཐད་ཀའི་རྒྱུ་རྐྱེན་ནི། དམའ་འབྲིང་གི་སྐབས་སུ་བདག་ལ་དྲིན་ཆེ་བའི་བོད་ཡིག་དགེ་རྒན་ལྷ་མོ་དོན་གྲུབ་ལགས་ཀྱིས་མཛུབ་སྟོན་དང་བློ་འབྱེད་གནང་བ་དང་འབྲེལ་བ་དམ་པོ་ཡོད། ཐེངས་ཤིག་དགེ་རྒན་ཁོང་གིས་སྦྱངས་རྩོམ་ཞིག་འཛིན་གྲྭའི་ནང་སྒྲོག་འདོན་བྱས་པས། དུས་དེ་ནས་བཟུང་རྩོམ་རིག་གི་མོས་པ་ནི་ངའི་ཡིད་ཀྱི་གཏིང་རིམ་ནས་རྒྱ་མཚོའི་རྦ་རླབས་བཞིན་འཕྱུར་ཞིང༌། རྩོམ་རིག་གསར་རྩོམ་ནི་མི་ཚེའི་འགྱུར་བ་མེད་པའི་ཁ་ཕྱོགས་ལྟ་བུར་ཆགས་སོང༌། ཡིན་ནའང་ད་ལྟ་ཕྱིར་འདང་རེ་བརྒྱབ་ན། རྩོམ་རིག་ནི་ངའི་མི་ཚེའི་གདམ་ག་དང་འཚོ་བའི་ཆ་ཤས་ཤིག་ཏུ་གྱུར་པ་ནི། ངའི་ཕ་ཡུལ་གྱི་རི་ཆུ་ནགས་གསུམ་དང་འབྲེལ་བ་ཡོད་ལ། ཆུང་དུས་ནས་ནོར་

ལྗང་རླུང་ཚགས་པར་ཁང་གིས་རིན་སྤུངས་ཚུལ་བསྟན་ལ་བཅར་འདྲི་བྱས་པ།

ལན་འདེབས་པ་པོ། རིན་སྤུངས་ཚུལ་བསྟན། བོན་གྱི་མདོ་བཞི་ཁས་ལེན་པ་ནི་ནང་བ་གཤེན་རབ་པ་ཡིན། ལྗང་རླུང་ཚགས་པར་འདོན་ཐེངས་སོ་བདུན་པ་ལས་ཟུར་འདོན་བྱས། དྲི་བ་མཁན། བོན་རྒྱ་བསྟན་འཛིན་རབ་རྒྱས། ལན་འདེབས་པ་པོ། རིན་སྤུངས་ཚུལ་བསྟན། ༡ ཁྱོད་ཀྱི་ལོ་རྒྱུས་ངོ་སྤྲོད་མདོར་ཙམ་གནང་རོགས། དྲི་བ་དང་བོའི་ལན། མིང་ལ་རིན་སྤུངས་ཚུལ་བསྟན། ཕ་ཡུལ་ཨ་མདོ་རྔ་བ་ཁུལ་ཟིང་ཆུ་རྫོང་རིན་སྤུངས་བཀྲ་ཤིས་སྨིན་གྲོལ་གླིང་། སྐྱེས་ལོ་༡༩༨༠ལོའི་ཟླ༧ཚེས་༢༤ཉིན། རང་ལོ་བཅོ་ལྔ་སྟེང་རང་དགོན་དུ་གྲྭ་སྒོར་བཞུགས་ནས་དགོན་པའི་འདོན་འཆར་འབུད་གསུམ་སོགས་སྦྱོང་བ་བྱས། དེ་ནས་རང་ལོ་བཅོ་བརྒྱད་སྟེང་ནས་རང་དགོན་སྒྲུབ་གྲྭར་བཞུགས་ནས་ལོ་ངོ་དྲུག་ཏུ་རིང་ལ་སྒྲུབ་པ་ཉམས་ལེན་ལ་གཞོལ། ༢༠༠༣ལོ་ཡི་

སྐྱེས་མ་རྩོམ་པ་པོ་རྡོར་དབྱངས་ལགས་ལ་བཅར་འདྲི་བྱས་འདུག རྡོར་དབྱངས།

རྡོར་དབྱངས། རྒན་རྡོར་དབྱིངས་ལགས་ནི་ལྷ་ས་གྲོང་ཁྱེར་འདམ་གཞུང་རྫོང་གི་མི་ཡིན།སྨྱུག་མིང་ལ་ཧོར་མོ་ཟེར།ཁོ་མོ་ནི་ཕ་སྐད་ལ་དུངས་ཞེན་རྣལ་མ་བཅངས་ནས་བོད་རིགས་སློབ་ཕྲུག་མང་པོ་གསོ་སྐྱོང་བྱེད་མཁན་གྱི་བུད་མེད་དགེ་རྒན་ཞིག་ཡིན རྩོམ་རིག་གར་སྟེགས་སྟེང་ཕྱོགས་ཀུན་ལ་འཇོན་ཐང་ལྡན་པའི་བུད་མེད་རྩོམ་པ་པོ་ཞིག་ཡིན།མོའི་བརྩམས་ཆོས་དེ་ནང་དོན་གྱི་ཆ་ནས་འབོལ་རྩོམ་གྱི་འབྲི་ཐབས་སྤྱད་དེ་འཚོ་བ་དངོས་བརྗོད་བྱར་བྱས་ནས་དངོས་ཡོད་ཀྱི་གནས་ཚུལ་དང་དངོས་ཡོད་ཀྱི་བརྩེ་དུང་ཞིབ་བརྗོད་བྱས་ཡོད་པ་རེད།མོས་སྔ་གཞུག་དུ་བོད་ཁུལ་གྱི་དུས་དེབ་མང་པོའི་སྟེང་རང་གི་བརྩམས་ཆོས་བཀོད་པ་མ་ཟད།ད་ལོར་《བུམ་ནང་གི་མེ་ཏོག》ཞེས་པའི་དཔེ་དེབ་ཐོག་མ་པར་བསྐྲུན་བྱས་པ་རེད།༢༠༠༧ལོ་ནས་བཟུང་བོད་ཁམས་ཀྱི་བུད་མེད་རྩོམ་པ་པོའི་དུས་དེབ་ཐོག་མ་གངས་རིའི་བུ་མོ་ཞེས་པའི་རྩོམ་སྒྲིག་ལ་ཞུགས་ནས་བོད་པའི་བུད་མེད་ཚོའི་མིག་དཔེ་ཡར་འདྲེན་དང་ཤེས་རིག་ལ་བློ་ཁ་ཕྱོགས་ཏེ་རང་སེམས་བཅིངས་འགྲོལ་

སྙན་ངག་པ་གེ་སར་ལགས་ལ་བཅར་འདྲི་བྱས་འདུག

བཅར་འདྲི་མཁན། ཁྲི་སེམས་དཔའ། སྙན་ངག་ནི་རང་གི་མྱོང་ཚོར་དངོས་དང་བརྩེ་སེམས་ངོ་མས་འབྲི་རྒྱུ་ཞིག་རེད། ཁྲི་སེམས་དཔའ་། སྐུ་ཞབས་གེ་སར་ལགས། བདེ་མོ་ཡིན་ནམ། གེ་སར། བདེ་མོ་ཡིན་ལགས། ཁྲི་སེམས་དཔའ། ཁྱེད་ཀྱིས་སྙན་ངག་འབྲི་དོན་ཅི་ཞིག་ཡིན། གེ་སར། འདི་ནི་དྲི་བ་ཅུང་ཆེན་པོ་ཞིག་མ་ཡིན་ནམ། ཡིན་ནའང་ང་ཚོ་འགྲོ་བ་མི་ནི་དགའ་སྐྱོ་ཆགས་སྡང་གི་བདག་ཉིད་ཅན་ཞིག་ཡིན་ལ། དགའ་དུས་གླུ་ལེན་ཞིང་བྲོ་འཁྲབ་ལ། སྡུག་དུས་མིག་ཆུ་འདོན་ཞིང་སྐད་ཅོར་རྒྱག་པ་ནི་ཆོས་ཉིད་ཡིན་པས། ངས་ཀྱང་དེ་དག་གི་མཚོན་བྱེད་དུ་སྙན་ངག་བྲིས་པ་ཡིན། ཁྲི་སེམས་དཔའ། ཁྱེད་ཀྱིས་སྙན་ངག་ཅེས་པ་ཇི་ལྟ་བུ་ཞིག་ལ་ངོས་འཛིན་པ་ཡིན།