དཀར་ཆག་ཡིག་ཚགས། སྙན་ངག

སྤུན་ཟླ་ལགས། ངའི་མིག་ཆུའི་མཆོད་པ་འདི་སེམས་ཀྱིས་བཞེས་རོགས་ཞུ།

— ༤· ༢༥ས་ཡོམ་ཆག་འཇིག་ཁྲོད་རྐྱེན་ལམ་དུ་ཤོར་བའི་བོད་དང་བལ་བོའི་སྤུན་ཟླ་ཡོངས་ལ་ཕུལ་བ། ༡ ཉིན་དེའི་ཕྱི་དྲོར  ངས་སྐྱ་མདོག་གི་ནམ་མཁར་བལྟས་ཙ་ན གློ་བུར་དུ   མཐོངས་ཀྱི་ཉི་མ་དམར་པོར་གྱུར་ཞིང སྤྲིན་པ་དང་ས་གཞིའི་ཁ་དོག་ཀྱང་དམར་པོར་གྱུར་ཏེ མེ་ཏོག་ཁྲི་ཕྲག་སྐད་ཅིག་ལ་རྙིད་མགོ་བརྩམས་ནས སྐྱེད་ཚལ་ཆེན་པོ་ཞིག་མེ་ལ་ཤོར་བ་ལྟར་འཇིག་སོང དག་ཞིང་གསོན་པོ་ཞིག་ཆུ་ལ་ནུབ་པ་ལྟར་ཡལ་སོང ས་སྒང་ཧྲིལ་བོར་འཐིབས་པའི་མུན་པའི་ཀློང་དུ མིག་ཆུ་དང་ཟུངས་ཁྲག་གིས་སྦངས་པའི་རྒྱུས་ཡོད་ཀྱི་ངོ་གདོང་དེ་དག ས་ཆེན་པོའི་གཡོ་སྐྱོམ་གྱི་ཁྲོད་ན་ངུ་སྔངས་དང་འཕག་འཚག་བྱེད་ཅིང དབུགས་རྒྱུན་ཤོར་ཡོད་མེད་གཉི་གའི་ཚེ་སྲོག་གི་འདུ་བྱེད་དེ་དག