སྐུ་ཞབས་རྒྱ་གྲོལ་ལགས་ད་རེས་དབུས་གཙང་ཕྱོགས་སུ་ཕེབས་སྐབས་བཅར་འདྲི་ཞུས་པ།

བཅར་འདྲི་བྱེད་མཁན། ལ་མོ་བཀྲ་ཚེ།
བཅར་འདྲི་བྱེད་ཡུལ། སྐུ་ཞབས་རྒྱ་གྲོལ་ལགས།

ལ་མོ་བཀྲ་ཚེ། ཐོག་མར་སྐུ་ཞབས་རྒྱ་གྲོལ་ལགས་དབུས་གཙང་ཕྱོགས་སུ་ཕེབས་པར་འཚམས་འདྲི་ཞུ་བ་དང་ཆབས་ཅིག་ཆོས་གྲོགས་དྲ་བའི་མིང་ཐོག་ནས་བཀའ་འདྲི་ཁག་ཅིག་ཞུ་འདོད་བྱུང་། ཁྱེད་ཉིད་དབུས་གཙང་ཁུལ་དུ་ཕེབས་པ་ཐེངས་དང་པོ་ཡིན་པས་ད་རེས་གནས་གཟིགས་ཁག་ཐུགས་བློ་ཁེངས་པ་བྱུང་ཡོད་མེད་དང་། དེ་བཞིན་འདི་ཁུལ་གྱི་ཁོར་ཡུག་དང་སློབ་གསོ་སོགས་ལ་ཐུགས་སྣང་འདྲ་གནང་ཡོད་ངེས་པས་ཁྱེད་ནས་གཟིགས་ཚུལ་མདོར་བསྡུས་ཤིག་གསུངས་རོགས།
རྒྱ་གྲོལ་ལགས། བདག་དབུས་གཙང་ལ་ཡོང་བ་འདི་ནི་བདག་བྱིས་པའི་དུས་ནས་རེ་བ་བྱེད་ཀྱིན་པའི་དོན་ཞིག་ཡིན་ལ། བོད་ཀྱི་རིག་གནས་ཀྱི་བྱ་བ་བྱེད་མཁན་ཞིག་ལ་མཚོན་ན་ངེས་པར་ཡོང་དགོས་པའི་དོན་ཞིག་ཀྱང་རེད།

དབུས་གཙང་ལ་མ་སླེབས་ན་བོད་ཀྱི་ཡབ་མེས་ཀྱི་གནས་ཆེན་དག་ལ་ཆ་རྒྱུས་ཅི་ཡང་མེད་པར་བརྩི་ཆོག་པ་རེད། ཕངས་པ་ཞིག་ལ་བདག་གིས་ད་བར་དུ་རང་གི་འོས་འགན་འདི་བསྒྲུབས་མ་ཐུབ་པ་ལ་ངོ་གནོང་གིན་འདུག དེ་བས་ད་རེས་དབུས་གཙང་ལ་ཡོང་བས་བདག་ལ་སྨྲ་མི་ཤེས་པའི་ཚོར་བ་ཞིག་སྐྱེས་ལ། དགའ་སྐྱོ་ཟུང་དུ་འབྲེལ་བའི་སྨྲེང་བ་ཞིག་ཀྱང་སྐྱེས་བྱུང༌། དེ་ཡང་བདག་གི་བསམ་ཚུལ་ཅུང་ཞུ་ན་འདི་ལྟ་སྟེ།
1 སྔོན་བྱོན་མེས་པོ་རྣམས་ཀྱི་གདན་ས་དང་མཛད་པ་དག་གིས་བདག་ལ་སྤོབས་པ་སྟེར་བ་མ་ཟད། ཉམ་ང་བའི་གནས་ཚུལ་མཐོང་བའི་ཚེ་ན་སྐྱོ་གདུང་བཟོད་ཐབས་བྲལ་བ་ཞིག་ཀྱང་སྐྱེས་བྱུང༌། སྔོན་བྱོན་མེས་པོའི་གནས་མཆོག་འདི་དག་གིས་བདག་མེས་པོའི་གནས་བའི་ཡུལ་དང་བཞུགས་པའི་སྐབས་དེར་སྐྱེལ་འགྲོ། དེ་དང་དེ་ལྟ་བུ་དག་ནི་བདག་མཇལ་འདོད་པའི་གནས་མཆོག་ཅིག་ཡིན་པས། མཇལ་བའི་ཚེ་ན་ལམ་གྱི་དཀའ་སྡུག་ཐམས་ཅད་ཀྱང་སེམས་གཏིང་ནས་བརྗེད་འགྲོ། དུས་དང་རྐྱེན་གྱི་དབང་གིས་གནས་མང་བོ་ཞིག་ལ་འགྲོ་མ་ཐུབ་པ་ལ་ཕངས་སེམས་ཆེན་པོ་དབང་མེད་དུ་སྐྱེ་བཞིན་འདུག
2 བདག་ལྷ་སའི་ཡུལ་མི་དག་ལ་འབྲེལ་འདྲིས་ཆེན་པོ་ཞིག་མ་བྱུང་ལ། ཆེས་འདྲིས་པ་ནི་སྤྱི་སྤྱོད་རླངས་འཁོར་ལ་ཐེངས་མང་བོ་བསྡད་ནས་མཐོང་བ་ནི་རླངས་འཁོར་ཁ་ལོ་བ་ཡིན་ན་འདྲ། སྤ་སེ་འཚོང་མཁན་གྱི་བུ་མོ་ཡིན་ནའང༌། དྲིས་ན་སུན་སྣང་མེད་པར་ལན་གསལ་བོ་ཞིག་འདེབས་ཤིང༌། འབབ་ས་ནས་ཀྱང་ངག་སྙན་མོས་བརྡ་གསལ་བོ་ཞིག་གཏོང་བ་དེ་ཡིན། དེས་ང་ལ་བག་ཆགས་གསལ་བོ་ཞིག་བཞག་ཡོད་དེ། ལྷག་པར་རྒན་པོ་དང་རྒན་མོ། ནད་པ་སོགས་མཐོང་མ་ཐག་ནས་ན་གཞོན་དག་གིས་རང་འགར་ལངས་ནས་སྡོད་ས་ཁོ་ལ་སྤྲོད་པ་ དེ་ཡིན། ང་རྒྱ་ནང་གི་གྲོང་ཁྱེར་མང་བོ་ཞིག་ལ་སོང་མྱོང་ཡང༌། དེ་ལྟ་བུ་ནི་ཆེས་དཀོན་ལ། རྒྱ་ནང་དུ་འདི་ལྟ་བུའི་བརྩི་བཀུར་མེད་པ་འདི་ནི་ཀུན་སྤྱོད་ཀྱི་ཉེན་ཁ་ཞིག་ཏུ་རྩི་བཞིན་འདུག ངས་རྩོམ་ཡིག་མང་བོ་ཞིག་ནས་ལྷ་སའི་མི་ཀུན་སྤྱོད་ཉམས་དམས་སུ་གྱུར་པའི་སྐོར་མང་བོ་མཐོང་མོད། བདག་གིས་མཐོང་བ་ནི་ལྷ་ས་ད་དུང་ལྷ་ས་ཡིན་པ་དེ་ཡིན།
3 བདག་གིས་ལྷ་སའི་མི་ལ་ལམ་སོགས་འདྲི་བའི་ཚེ་ཁོང་གིས་དབུས་སྐད་ལས་རྒྱ་སྐད་མི་བཤད་པ་དེས་བདག་ལ་བག་ཆགས་ཟབ་མོ་ཞིག་བཞག་བྱུང༌། ངས་མི་མང་བོ་ཞིག་ལ་ལམ་དང་གནས་ཚུལ་དྲིས་མོད་ཚུར་བདག་ལ་རྒྱ་སྐད་བཤད་པ་ནི་བུ་མོ་གཅིག་ལས་མ་མཐོང་མོད། གཞིས་ཀ་རྩེ་ནས་ངས་ཐོག་མར་མི་ཞིག་ལ་སྐད་ཆ་དྲིས་མོད། དེ་ལན་བཏབས་པ་ནི་རྒྱ་སྐད་ཡིན་ལ་དེ་བཞིན་གཞིས་ཀ་རྩེ་ནས་རྒྱ་སྐད་བཤད་པ་ལ་མི་འཛེམ་ལ་དབུས་ནས་འཛེམ་པ་ལྟ་བུ་འདུག དེ་ཡིས་བདག་གིས་ལྷ་སའམ་དབུས་པའི་མི་ནི་མི་རིགས་རང་གི་རིག་གནས་ལ་དུང་བ་ཆེན་པོ་ཞིག་ཡོད་པ་ངང་གིས་ཤེས་བྱུང༌།
4 དབུས་པ་མང་བོ་ཞིག་གིས་ཨ་མདོ་སོགས་མཇལ་བ་མཐོང་ན་གདོང་འཛུམ་སྟེ་འཚམས་འདྲི་ཞིག་བྱེད་པ་མང་ལ། ལྷག་པར་དར་མའི་ཁྲོད་དུ་མང་བོ་ཡོད། དེ་ཡིས་ཤ་རུས་གཅིག་པའི་སྤུན་ཟླ་དག་ཕ་སར་སླེབས་པ་ལྷག་བསམ་ཞིག་བསུ་བ་བྱས་པ་ ཞིག་རེད་བསམ་ནས་དབང་མེད་དུ་དགའ་བ་ཞིག་སྐྱེ་བཞིན་འདུག
5 བདག་དབུས་གཙང་ནས་མཇལ་བའི་ན་གཞོན་ཕོ་མོ་སྐོར་ཞིག་ལ་མཇལ་བྱུང་ལ། ཁོང་ཚོའི་ཁྲོད་དུ་གྲྭ་བ་ཡོད་ལ། དགེ་རྒན་ཡང་ཡོད། སློབ་གྲྭ་ཆེན་མོའི་དགེ་རྒན་ཡོད་ལ། སློབ་འབྲིང་གི་དགེ་རྒན་ཀྱང་ཡོད་འདུག སློབ་གྲྭ་ཆེན་མོའི་མཐར་ཕྱིན་སློབ་མ་ཡོད་ལ། སློབ་གྲྭ་འགྲིམ་བཞིན་པའི་སློབ་མ་ཡང་ཡོད། ཁོང་ཚོའི་ཁྲོད་ཀྱི་མང་བོ་ཞིག་ནི་མི་རིགས་ཀྱི་རིག་གནས་ལ་དུང་བ་ཆེ་བ་སྐོར་ཞིག་ཡིན་ལ། རྒྱ་ཡིག་འགྲིམ་བཞིན་པའི་རེ་གཉིས་ཀྱིས་བདག་སེམས་ལ་འཁང་ར་ཞིག་བྱིན་པ་ལས་གཞན་ མང་བོ་མི་རིགས་ཀྱི་དུང་བ་ཟབ་ལ། སྤུན་ཟླའི་མཛའ་བརྩེ་ཡང་ཆེ། རང་གི་ནུས་པས་མི་རིགས་འདི་ལ་ཞབས་ཞུ་ཞིག་བསྒྲུབ་ཨེ་ཐུབ་སྙམ་པའི་སྤོབས་པ་ཡང་ཆེ།
6 དབུས་གཙང་ལ་མཇལ་སྐོར་ཁྲོད་དུ་བདག་གི་སེམས་པ་སྐྱོ་བར་བྱེད་པ་ནི་དགོན་པའི་ནང་དུ་ཡང་གྲྭ་བ་ཚོས་གྲོང་ལྭ་གྱོན་པ་དེ་ཡིན་ལ། དེ་ལ་རྒྱུ་རྐྱེན་མང་བོ་ཞིག་ཡོད་ངེས་ཀྱང༌། སངས་རྒྱས་ཀྱི་བསྟན་པ་དང༌། ཆོས་འདུལ་བའི་བཅའ་ཁྲིམས་ལ་བསམ་ན་དགོན་པ་ཆེན་པོ་དག་གིས་འདུལ་བའི་སྤྱོད་པ་འདི་ལྟ་བུར་གནས་སམ་སྙམ་ནས་རང་གིས་རང་ལ་དྲིས་པ་ཞིག་གདོན་དགོས་བྱུང་སོང༌། འདི་ནི་གཙང་ལས་དབུས་ན་ཚབས་ཆེ་བས། ལྷག་པར་ཀུན་སྤྱོད་ཀྱི་ཚད་དུ་འཇོག་སའི་རྭ་སྒྲེང་དང་སེ་འབྲས་དགེ་གསུམ་ལྟ་ བུའི་དགོན་པའི་གྲྭ་བས་ཀྱང་གྲོང་ལྭའམ་སྐྱ་སེར་གྱི་ལྭ་བ་འདྲེས་མ་གྱོན་པ་དེ་ བདག་གི་ཡིད་ལ་ཆུ་འཁྱག་རེ་བླུགས་པ་ཇི་བཞིན་གྲང་ཤུར་སེ་འགྲོ་ལ། སེམས་ནས་ཅི་ཞིག་བོར་སོང་བ་བཞིན་སྟོང་ལྷང་ངེར་འགྱུར་འགྲོ། བདག་གི་བསམ་པར་གྲྭ་བ་ཞིག་ཡིན་ན་འདུལ་བ་གཙོ་བོར་གཟུང་དགོས་ལ། ལྷག་པར་དགེ་ལུགས་པའི་གྲྭ་ས་ཆེན་པོ་དག་གིས་འདུལ་བ་ལ་འདི་ལྟར་དོ་སྣང་མེད་པ་ནི་ཤིན་ཏུ་མི་ལེགས་པ་ཞིག་རེད།
7 ལྷ་སའི་ན་གཞོན་མང་བོ་རིག་གནས་དང་མི་རིགས་ལ་དགའ་མོད། ད་ལྟ་བསམ་བློ་གཏད་ས་ལ་ངེས་གཏད་མེད་པར་ཨ་མདོའི་རྩོམ་པ་བོ་སྐོར་ཞིག་གིས་རྗེས་སུ་རྒྱུགས་པ་མཐོང༌། ཁོང་ཚོས་སེམས་ཀྱི་སྐྱོ་གདུང་དེ་བསལ་བར་སྤོབས་པའི་མདུང་རྩེ་རང་གི་རིག་གནས་དང་ཆོས་ལུགས་ལ་སྐོར་བ་མཐོང༌། དེ་ནི་དེང་རབས་རིག་གནས་ཀྱི་གཞི་མ་ཚུགས་ཤིང༌། སྲོལ་རྒྱུན་རིག་གནས་ཀྱི་ལམ་མ་རྙེད་པ་ཞིག་ཏུ་བསམ་བྱུང༌། དེ་ནི་ལོ་འགའི་སྔོན་དུ་ཨ་མདོ་ནས་འཁྲབ་ཀྱིན་པའི་གླེན་པའི་ཟློས་གར་དེ་ཡིན་པས་ཡི་མུག་ཅིང་ཧ་ང་བ་ཞིག་ཀྱང་རེད་དོ།།ལྷག་པར་ན་གཞོན་སྤྲུལ་སྐུ་འགའ་རེས་སངས་རྒྱས་ཀྱི་འདུལ་བ་དང་དགོན་པའི་བཅའ་ཡིག་ཡན་པར་བོར་ནས་ད་ལྟ་སྐྱ་མིན་སེར་གྱི་ལྟ་བ་ལོག་པ་འགའ་རེའི་རྗེས་སུ་རྒྱུགས་པ་ལ་དེ་བས་དགོད་བྲོ་ལ། སྙིང་རྗེ་བ་ཞིག་ཀྱང་རེད་བསམ་བྱུང༌།
8 ད་དུང་བརྗོད་འདོད་པ་མང་མོད། དེ་ནི་ཁྱེད་ཚོས་ཀྱང་མཁྱེན་བཞིན་པ་ཡིན་པས་ངས་ཀྱང་མི་བརྗོད་དོ། སྐྱོ་བ་ཁོང་ལ་མིད་ནས་རང་གིས་རང་སྐལ་མི་ཤོར་བ་ལ་འབད་དགོས་པ་ནི་དོན་གྱི་སྙིང་བོ་རེད་འདོད།
9 ལྷག་པར་ཁྱེད་ཅག་དབུས་གཙང་གི་གྲོགས་པོ་གང་མང་ཞིག་གིས་བདག་ལ་མཐོང་ཆེན་གནང་ཏེ་ བདག་གི་མཇལ་སྐོར་གྱི་སླད་དུ་དུས་ཚོད་མང་བོ་ཞིག་བཏང་ནས་རོགས་རམ་བླ་ན་མེད་པ་ཞིག་གནང་བ་ལ་དགའ་སྤྲོ་ཆེན་པོ་སྐྱེས་པའི་ཁར་སྙིང་ཐག་པ་ནས་བཀའ་དྲིན་ཆེ་ཞུ་བཞིན་ཡོད།
ལ་མོ་བཀྲ་ཚེ། སྤྱིར་ང་ཚོ་རྒྱུན་དུ་བེད་སྤྱོད་བྱེད་པའི་དག་ཡིག་གསར་སྒྲིག་ཡིན་ནའང་འདྲ་ཚིག་མཛོད་ཡིན་ནའང་འདྲ་ཡོངས་ཁྱབ་ཏུ་དག་ཆ་སོགས་གཅིག་འགྱུར་དུ་གནས་ཡོད། དག་ཡིག་དང་ཚིག་མཛོད་ནི་ང་ཚོའི་བློས་འགེལ་བའི་དགེ་རྒན་བཟང་པོ་ཞིག་རེད་འོན་ཀྱང་དག་ཆ་ཁག་ཅིག་དཔེར་ན་དྲྭ་བའི་དྲ་ལ་ཝ་ཟུར་ཡོད་མེད་དང་ལོ་གསར་གྱི་གསར་ལ་ མདོ་སྨད་ནས་སར་འབྲི་བ་ད་དབུས་གཙང་ཁུལ་དུ་ཡོངས་ཁྱབ་ཏུ་གསར་འབྲི་བཞིན་ཡོད། སྤྱིར་དཔེ་རྙིང་ཁག་ནང་ལོ་གསར་གྱི་གསར་ལ་སྔོན་འཇུག་ག་འབྲི་བའི་སྲོལ་འདུག ད་དུང་དུས་དེབ་ཁག་གི་ཐོག་ཆོགས་དང་འཁྱོག་གཉིས་དོན་གཅིག་ཏུ་འཇུག་པ་དང་ཡང་ཁག་ གཅིག་གིས་ཆོགས་ནི་བཅག་གི་སྐུལ་ཚིག་ཡིན་ཞིང་འཁྱོག་ནི་བཀྱག་གི་སྐུལ་ཚིག་ཏུ་འབྲི་ཡི་འདུག་པས་བཀོལ་སྟངས་གཅིག་འགྱུར་ཞིག་མེད་སྟབས་མ་འོངས་པར་དེའི་ཐད་འཇུག་ཡུལ་གཏན་འཁེལ་བའམ་གཅིག་འགྱུར་ཡོང་བར་ཐབས་གང་འདྲ་ཞིག་ཡོད་དམ།

རྒྱ་གྲོལ་ལགས། ད་ལྟ་བོད་ཀྱི་སྐད་ཡིག་གི་ཐད་ལ་ཁ་སྐད་ལ་བསྟུན་པ་དང༌། ཐ་སྙད་གསར་བའི་ཉོག་དྲ། སྔོན་ནས་གཅིག་གྱུར་མ་བྱུང་བ ཐ་སྙད་བཀོལ་མ་ཤེས་པ་སྟེ། དེ་ལྟ་བུའི་གནད་དོན་ཆེན་པོ་བཞི་ཡོད།
དང་བོ་ནི་ཆོལ་ཁ་སོ་སོའི་སྐད་དང་བསྟུན་པ་སྟེ། ད་ལྟ་བལྟས་ནས་དབུས་གཙང་གིས་དེ་ལྟར་སྤྱད་པ་མང་སྟེ། དཔེར་ན་ཡིན་ཙང༌། ཆུ་བོ་ལ་ཆུ་མོ། རྐུ་མས་བརྐུས་པ་ལ་རྐུ་མ་བརྐུས། ཆུ་འཁྱག་འཐུང་མི་རུང་ལ་ཆུ་འཁྱག་འཐུང་རྒྱུ་མེད། གཡུ་སྒྲོན་གྱིས་དངུལ་རྙེད་པ་ལ་གཡུ་སྒྲོན་ལ་དངུལ་རྙེད། སྐུ་མཁྱེན་ལ་ཀུ་ཅི། སྒོར་མོ་པད་ཤག ཡོད་ལ་ཡོག་རེད་ལྟ་བུ རེད་དམ་ལ་རེད་པས། ཡིན་ནམ་ལ་ཡིན་པས་ལྟ་བུ། གལ་ཏེ་ཨ་མདོ་བས་ཀྱང་དེ་ལྟར་བྲིས་ན། ལྷག་པར་དུ་ཉོག་དྲ་འབྱུང་ངེས་ཏེ།ཨ་མདོ་བས་ནང་ལ་འགྲོ་ལ་ནང་ང་འགྲོ སོང་བ་ཡིན་ནམ་ལ་སོང་ནེ། ཡིན་ན་ཡང་ལ་ཡིན་ན་ར། མིན་ནམ་ལ་མིན་ནེ། མང་བོ་ཡོད་ཀྱང་དེ་ལྟར་བྲིས་པ་ཉུང་མོད། ཕངས་པ་ཞིག་ལ་ན་གཞོན་སྙན་ངག་འབྲི་མཁན་དག་ལ་གསོར་མོ་རེད། རྫབ་བཞག་ཟིག་ལྟ་བུའི་འབྲི་བ་ཇེ་མང་ལ་འགྲོ་བཞིན་ཡོད་ལ། སྦྲང་ཆར་རྩོམ་སྒྲིག་ཁང་གིས་ཀྱང༌། ཀུན་ལ་ཀུན་པོ། དང་གློ་བུར་ལ་གློ་རྡེག་ལྟ་བུ་དང༌། ཁམས་པས་ཀྱང་དཔེ་ཆ་ལ་ཡི་གེ སྤང་ལ་སྤང་ག་ལྟ་བུ་ཇེ་མང་ལ་འགྲོ་བཞིན་འདུག དེ་ལྟར་བྲིས་ན་ཨ་མདོ་ཡི་གེ་དང་དབུས་གཙང་གི་ཡི་གེ་ཞེས་འབྱུང་ཉེན་ཆེ། ལ་ལས་ད་ལྟ་ལྷ་སའི་སྐད་དང་མཐུན་པའི་བརྡ་སྤྲོད་ཅིག་བཟོ་དགོས་ཞེས་སྐད་འབོད་ཀྱིན་འདུག་པ་ནི་བླུན་པོའི་རྟགས་ཤིག་ལས་མ་འདས།
གཉིས་པ་ཐ་སྙད་གསར་བའི་ཉོག་དྲ་ནི་ད་ལྟ་ཤིན་ཏུ་ཚབ་ཆེ་སྟེ་ཁྱེད་ཀྱིས་གསུངས་པ་ལྟར་དེ་བཞིན་རྒྱལ་བོ་ལ་སྲིད་འཛིན། སྐུ་དྲག་ལ་ལས་བྱེད་པ། བླ་མ་ལ་དགེ་རྒན། འབངས་ལ་མི་དམངས། གཡོག་པོ་ལ་ཞབས་ཞུ་བ། ཕྱུག་པོ་ལ་བྲན་བདག བསམ་ཤེས་པ་ལ་གོ་རྟོགས་སད། ཡང་ན་སད་རྟོགས། ཟས་གཙང་མ་ལ་ཟས་སྔོན། ལམ་ཉེན་ཁ་མེད་པ་ལ་ལྗང་མདོག་གི་ལམ། རྣམ་དཔྱོད་ལ་དཔྱོད་ཤེས། མི་ལ་མི་བུ། འགོག་པ་ལ་བཀག་འགོག བཀག་པ་ལ་བཀག་འགོག ནུས་པ་ལ་སྒུལ་ཤུགས། མཐར་ཐུག་གི་རེ་བ་ལ་ལོག་ཕེབས་སམ་ལོག་མལ། འབྲས་བུ་ལ་མཇུག་འབྲས། ཞེས་པ་ལྟ་བུ་མང་བོ་ཡོད་པ་རེད། ཁ་པར་གྱི་སྙན་དབྱངས་ལ་ཚོན་སྒྲ་ལྟ་བུ་བཏུས་ནས་མི་ཚར་བ་ཞིག་ཡོད་པ་རེད། ད་ལྟ་ཨ་མདོའི་ས་ཆ་སོ་སོར་ཐ་སྙད་གསར་བའི་དཔེ་ཆ་རེ་བཟོ་ཡོད་པས་གཅིག་གྱུར་ བྱེད་མ་ཐུབ་ན་ལུང་བ་རེ་ལ་སྐད་ཆ་རེ་འབྱུང་བའི་ཉེན་ཁ་ཤིན་ཏུ་ཆེ། ལྷག་པར་དྲ་ཐོག་གི་བརྡ་དག་ལ་ཚད་འཛིན་མཁན་མེད་པས་ན་གཞོན་དག་གིས་ཚིག་རྩ་མ་འཁྱོངས་པར་གང་འདོད་དུ་འབྲི་བཞིན་པ་དང་གཞན་དག་ཆུ་སྣ་གར་ཁྲིད་བྱེད་པའི་ཚབས་ཆེ།
གསུམ་པ་གཅིག་གྱུར་མ་བྱུང་བ་ནི་ད་ལྟ་བྱུང་བའི་ལུགས་མི་འདྲ་བའི་སྤྱོད་སྟངས་ཡིན། དཔེར་ན་ས་སྒང་ལ་ལྒང་འབྲི་བ་དང༌། འགོ་ཁྲིད་དང་མགོ་ཁྲིད། འགྲོན་པོ་དང་མགྲོན་པ་ལྟ་བུ་སྔོན་འཇུག་འ་དང་མ་བརྗོད་པའི་འབྲི་སྲོལ། ལོ་གསར་དང་ལོ་སར། བྱ་དགོས་ལ་བྱེད་དགོས། བྱེད་ཐབས་ལ་བྱ་ཐབས་ལྟ་བུ་མང་དུ་ཡོད་ལ། དཔེར་ན་ཁྱེད་ཀྱིས་གསུངས་པའི་ལས་ཚིག་དེ་ལ་ཡང་ཚེ་ཏན་ཞབས་དྲུང་གིས།འགྱོགས་འགྱོགས་བཀྱགས་ཁྱོགས་ཞེས་དང་འགྱོག་འགྱོགས་བཀྱགས་ཁྱོགས་ཞེས་འབྲི་ཚུལ་གཉིས་དང་། རྨུག་སངས་བླམ་འཇམ་བཟང་གིས། འགྱེག་འཁྱེག་བཀྱག་ཁྱོགས་དང༌། གསེར་ཏོག་གི་མཆན་འགྲེལ་འཕྲུལ་གྱིས་ལྡེ་མིག་ལསའགྱོག་འགྱོག་འགྱེགས་ཆོགས། གངས་དཀར་སྤྲུལ་སྐུ་སི་ཏུའི་དགོངས་རྒྱན་ལས། བཀྱག་འགྱོག་བཀྱགས་ཁྱོགས་ཞེས་འབྲི་སྟངས་མི་མཐུན་པ་ལྔ་ཙམ་ཡོད་པ་རེད། ཡིན་ན་ཡང་དེའི་སྐུལ་ཚིག་ལ་ཆོགས་འབྲི་བ་དག་ཡིག་གསར་བསྒྲིགས་དང་བོད་རྒྱ་ཚིག་ མཛོད་ཆེན་པོ་ན་གཏན་ནས་མི་འདུག། དེ་བཞིན་གཞན་དང་གཞན་ན་ཡང་དེ་འདྲ་མང་བོ་ཡོད་པས་བྱ་ཚིག་འདི་ཐད་ལ་རང་ལུགས་གཏད་ སོ་ཞིག་མེད་ན་ཉོག་དྲ་ཤིན་ཏུ་ཆེ། འདི་ལྟ་བུའི་བཞེད་པ་དག་ཀྱང་མཁས་པས་དཔྱད་ནས་གཏན་ལ་ཕབ་པ་ཡིན་པས་འདི་འགྲིག་དང་དེ་ནོར་ཞེས་ཀྱང་བཤད་དཀའ་བ་རེད། དེ་ནི་ད་ལྟའི་བོད་ཀྱི་བརྡ་སྤྲོད་ལ་མཚོན་ན་གནད་ཤིན་ཏུ་ཆེན་པོ་ཞིག་རེད།དྲྭ་བ་ཞེས་པ་དེའི་གྲས་ཤིག་ཡིན་པ་རེད། བདག་གིས་དེ་ལྟར་འབྲི་བ་ནི་མ་དག་པ་ཡིན་པའི་འདོད་ཡོད། དེའི་རྒྱུ་མཚན་གང་ཡིན་ཟེར་ན་དྲྭ་བ་ལ་བ་ཟུར་འདོགས་པ་ཚོས་ཚིག་སྡུད་ལ་བསམ་ནས་དྲ་བ་ཞེས་པ་བསྡུས་ནས་དྲྭ་ཞེས་མིང་གཞི་ཕྱི་མ་སྔ་མའི་ཝ་ཟུར་དུ་སོང་བར་འདོད་པར་རེད། དེ་ལྟར་ན་དྲྭ་བ་ཞེས་བྲིས་པ་ནོར་འཁྲུལ་ཁོ་ན་ཡིན་ཏེ་དྲྭ་བ་ཞེས་བྲིས་ན་བ་ད་ དུང་བསྡུས་མེད་པས་སོ། ། འོ་ན་དྲྭ་ཞེས་པ་ནོར་ཡོད་མེད་དང༌། དེ་ལྟ་བུའི་སྡུད་སྲོལ་ཡོད་མེད་ལ་དཔྱད་དགོས་ཏེ། བཤད་སྲོལ་དེའི་ཁུངས་ནི་དམུ་དགེ་བསམ་གཏན་རིན་པོ་ཆེའི་བརྡ་སྤྲོད་བློ་གསལ་དགའ་སྟོན་ཡིན་ཏེ། དེ་ལས་གོས་ལྭ་དང་རས་ལྭ། བོད་ལྭ་ཞེས་པའི་སྐབས་སུ་ལ་ལྭ་ཟུར་ཅན་གྱི་སྒྲ་ཐོན་པ་ཤིན་ཏུ་གསལ། ལྭ་བ་ཞེས་པའི་སྐབས་སུ་ལ་དང་བ་འབྲི་བའི་ཚེ་ཝ་ཟུར་འབྲི་བའི་སྲོལ་འདུག་ཀྱང་མི་དགོས་པར་སེམས་ཏེ་ལ་དང་བ་གཉིས་སོ་སོར་འབྲི་བའི་སྐབས་སུ་ཝ་ཟུར་གྱི་སྒྲ་མི་ཐོན་ཞིང་རིའི་ལ་སོགས་དང་ནོར་ས་ཡང་མེད་པར་སེམས་སོ་ཞེས་རི་མགོའི་ཤྭ་ལ་ཝ་ཟུར་ ཡོད་པ་དང་རི་མགོའི་ཤ་བ་ཟེར་དུས་ཝ་ཟུར་མི་དགོས་པ་སོགས་མང་དུ་གསུངས་པ་ཞེས་པ་ལ་རིགས་འགྲེ་ཐལ་བ་སྟེ། དེ་ལྟར་ན་གློག་དྲྭ་ཟེར་དུས་ཝ་ཟུར་འབྲི་དགོས་ལ།དྲ་བ་ཟེར་དུས་ཝ་ཟུར་འབྲི་ག་ལ་དགོས། དེ་བས་དྲྭ་བ་ཞེས་འབྲི་བ་ནི་རྒྱུ་མཚན་ཅི་ཡང་མེད་པའི་ནོར་བ་ཆེན་པོའོ།། ད་དུང་དཔྱད་དགོས་པ་ནི་མཁས་དབང་དམུ་དགེ་བསམ་གཏན་གྱིས། ཤྭ་དང་ཤ་བ་ཞེས་པའི་འབྲི་སྟངས་དེ་ཡིན་ཏེ།དེ་ལྟར་ན་ར་བ་དང་བསྡུས་ན་རྭ་འབྲི་དགོས་ལ། རྩ་བ་བསྡུས་ན་རྩྭ་ཞེས་འབྲི་དགོས་པས་ཉོག་དྲ་ཆེན་པོ་ཆགས་ངེས་རེད། དེ་བས་སྔོན་གྱི་འབྲི་སྟངས་དག་ཡིག་གསར་བསྒྲིགས་སོགས་ལས་བྱུང་བ་དེ་བཞིན་བྲིས་ན་ལེགས་སོ།།
དེང་སང་ཐ་སྙད་འབྲི་སྟངས་སྣ་ཚོགས་འབྱུང་བཞིན་ཡོད་ཅིང་མཁས་པ་ཚོས་ཀྱང་རང་ལུགས་རེ་བཟོས་ཡོད་ཀྱང༌། རང་ལ་ངེས་གཏན་མེད་པ་དག་གིས་གཞན་གྱི་རྗེས་སུ་རྒྱུགས་པའི་སྤྱོད་པ་དེ་བསྐྱུར་ནས་དག་ཡིག་གསར་བསྒྲིགས་དང་བོད་རྒྱ་ཚིག་མཛོད་ཆེན་མོ་དང་བསྟུན་ན་ཤིན་ཏུ་ལེགས་པར་འདོད་དོ།།
ལོ་སར་ཞེས་པ་ཨ་མདོ་བར་ད་ལྟ་སར་སྔོན་འཇུག་མེད་པ་འབྲི་བ་དེ་ནི་མཁས་དབང་དམུ་དགེ་བསམ་གྱི་བློ་གསལ་དགའ་སྟོན་གྱི་ལུགས་ཡིན་ལ། དེ་ཡང་སྔོན་གྱི་བརྡ་དག་གི་བསྟན་བཅོས་ལས་སར་བ་དག་ལ་གང་ཡང་རུང་ཞེས་གསར་བ་དང་སར་བ་གཉིས་ཁྱད་མེད་དུ་འབྲི་ཆོག་པ་དང་མཐུན་མོང་དང་ཐུན་མོང་གཉིས་ཁྱད་མེད་དུ་འབྲི་ཆོག་པར་གཏན་ལ་ཕབ་པ་དང་བསྟུན་པ་རེད། ཡིན་ན་ཡང༌། ཁོང་གིས་ལག་ལེན་དངོས་ལ་བསྟུན་ནས་རྒྱ་དཀར་བོ་དང་རྒྱ་གར་ལྟ་བུའི་ཚིག་སྡུད་ཀྱི་རིག་པ་སྤྱད་ནས་ལོ་གསར་བ་ཟེར་དུས་ངེས་པར་སྔོན་འཇུག་འབྲི་དགོས་ལ། ལོ་སར་ཟེར་དུས་ཚིག་སྡུད་ཀྱི་གཞུང་དང་བསྟུན་ནས་སྔོན་འཇུག་མི་འབྲི་བའི་གཞུང་ལུགས་གཏན་ལ་ཕབ་པ་རེད། འདི་ནི་བོད་ཀྱི་བརྡ་སྤྲོད་རིག་པའི་གཞུང་ལུགས་སམ་ཚན་རིག་དང་མཐུན་པར་བྱས་པ་ཡིན་པས་རྗེས་སུ་ཡི་རང་བྱེད་ཀྱིན་ཡོད།
བཞི་བ་སྤྱོད་མི་ཤེས་པའི་གནད་དོན་ནི་དཔེར་ན་དབུས་གཙང་གི་རྩོམ་རིག་སྒྱུ་རྩལ་སོགས་དཔེ་དེབ་མང་བོ་ཞིག་ཏུ་ཤད་སྤྱོད་སྟངས་བརྡ་སྤྲོད་དང་མི་བསྟུན་པར་གང་ འདོད་བྱེད་ཀྱིན་ཡོད་པ་རེད། དཔེར་ན་ཚིགས་བཅད་མཐར་ཉིས་ཤད་དང༌། རྫོགས་ཚིག་སོགས་ཀྱི་མཐར་ཉིས་ཤད་མི་འབྲི་བར་ཆིག་ཤད་འབྲི་བ་དང་དེ་བཞིན་ཨ་མདོའི་གསར་སློབ་པ་འགའ་རེས་མི་ལ་མི་བུ་ཞེས་འབྲི་བ་དང་མི་བུ་ལ་མི་བུ་ཆུང་ཆུང་ཞེས་འབྲི་བ་སོགས་ནོར་འཁྲུལ་འབའ་ཞིག་རྒྱུགས་ཆེ་ལ། ལུ་གུ་ལ་ལུག་ཆུང་ཞེས་འབྲི་བ་དང༌། དགོངས་པའམ་བསམ་བློ་ལ་སྙིང་སྟོབས་ཞེས་བྲིས་ནས་དགག་སྒྲུབ་ཀྱི་སྙིང་སྟོབས་ འགྱུར་ལོག་ལ་ལད་མོ་བྱས་ནས་ལོག་རྟོག་གི་སྙིང་སྟོབས་ལྟ་བུ་འབྲི་བ་སོགས་དགོད་བྲོ་ཞིང་སྙིང་རྗེ་བ་མང་དུ་མཐོང་རྒྱུ་ཡོད། འདི་ལྟ་བུ་འབྲི་བ་དབུས་གཙང་ལས་ཨ་མདོ་ན་མང་བོ་ཡོད་ཅིང༌། ལྷག་པར་བོད་ཡིག་གི་གཞི་མ་ཚུགས་པའི་ན་གཞོན་གྱི་ནང་དུ་དེ་འདྲ་མང་བོ་ཡོད་པ་རེད། དེ་བས་ཐ་སྙད་གསར་བའི་རྗེས་སུ་གཏན་ནས་རྒྱུགས་མི་རུང༌། དེ་བས་བོད་ཀྱི་སྐད་ཡིག་འདི་ཡར་རྒྱས་སུ་འགྲོ་བཞིན་ཡོད་ལ་དེ་དང་བསྟུན་ནས་ཉེན་ཁ་ཆེན་པོ་ཞིག་ལ་ཡང་འཕྲད་ཡོད་པ་རེད། དེ་བས་བདག་གིས་འདི་ལྟ་བུའི་བྱེད་ཐབས་སྤྱད་དགོས་སྙམ།
1 རྩོམ་ཡིག་འབྲི་དུས་ཡིག་ཐོག་ཏུ་རྒྱུགས་ཆེ་ལས་གཞན་པའི་ཨམ་སྐད་དང༌། དབུས་གཙང་གི་སྐད་དང་ཁམས་སྐད་མི་སྤྱད་པ་ནི་རྩོམ་པ་བོ་རང་གི་བོད་ཀྱི་སྤྱི་སྐད་ལ་སྲུང་སྐྱོབ་དང་དར་སྤེལ་བྱེད་པའི་ཆ་རྐྱེན་གཙོ་བོ་ཞིག་ཡིན། སྒྲུང་གཏམ་ལས་དམིགས་བསལ་གྱིས་སྤྱད་དགོས་བྱུང་ན་ཡང་དེ་ལ་མཆན་གསལ་བོར་དགོད་དགོས། ལྷག་པར་ཀུན་གྱིས་ཤེས་དགོས་པ་ནི་ཡིག་ཐོག་ཏུ་ཕལ་སྐད་སྤྱོད་པ་ནི་བོད་ཀྱི་བསྟན་བཅོས་ཀྱི་སྤྱི་སྐད་ལ་གཏོར་བརླག་ཆེན་པོ་བློས་མི་ཤོང་བ་གཏང་ངེས་རེད།
2 མདོ་དབུས་ཁམས་གསུམ་གང་ཡིན་རུང་སུམ་རྟགས་དང་བསྟུན་པ་ནི་བོད་ཀྱི་སྐད་དང་སྲུང་ སྐྱོབ་བྱས་པ་ཞིག་ཏེ། དཔེར་ན་རྐུ་མ་བརྐུས་ལྟ་བུའི་སུམ་རྟགས་ལ་མི་བསྟུན་པ་དེར་འཛེམ་དགོས། ད་ལྟའི་བརྡ་སྤྲོད་མཁན་པོ་འགས་ཀྱང་ས་གནས་ཀྱི་ཕྱོགས་ཞེན་གྱི་དབང་དུ་སོང་ནས་འདི་དག་བརྡ་སྤྲོད་དང་མཐུན་ཞེས་ཨུ་ཚུགས་བྱེད་ཀྱིན་པ་དེ་ནི་ཤིན་ཏུ་མི་ལེགས།
3 ད་ལྟ་དྲ་ཐོག་ཏུ་འཚང་ཁ་བྱེད་བཞིན་པ་མང་བོ་ཞིག་ནི་ན་གཞོན་ཡོན་ཏན་སྦྱངས་པ་དམན་པ་སྐོར་ཞིག་ཡིན་པས་དེ་དག་གིས་གང་འདོད་དུ་བཤད་པའི་ཡ་མ་ཟུང་མིང་དང་ཚིག་སྤྱད་པ་དེ་དག་གི་རྗེས་སུ་ཅལ་འགྲོགས་མི་བྱེད་པར་བོད་ཀྱི་བསྟན་བཅོས་ཀྱི་བརྡ་ལ་བྱང་བར་བྱེད་པ་དང་དེ་དག་སྤྱད་པ་ཤིན་ཏུ་གལ་ཆེ།
4 ཐ་སྙད་གསར་བ་དག་ལ་དཔྱད་བརྗོད་སྤེལ་བ་ཤིན་ཏུ་གལ་ཆེ། གལ་ཏེ་དཔྱད་བརྗོད་སྤེལ་ནས་བསྲེགས་བཅད་བརྡར་བའི་དཔེ་བཞིན་མ་བྱས་ན་བོད་ཀྱི་སྐད་ནི་འཛམ་གླིང་གི་ཆེས་ཐ་ཤལ་གྱི་སྐད་ཅིག་ཏུ་མི་འགྱུར་བའི་ངེས་པ་མེད། དེ་བས་ད་ལྟའི་ཐ་སྙད་གསར་བའི་དཔེ་ཆ་དག་ལ་མདོ་དབུས་ཁམས་གསུམ་གྱི་མཁས་པ་དག་ གིས་འཛོམས་པར་བྱས་ནས་ཐ་སྙད་ལེགས་པོ་དག་བཀས་བཅད་ཀྱིས་གཅིག་མཐུན་དུ་སྤྱད་ན་ལེགས།
5 སྔོན་གྱི་ཐ་སྙད་དང་ལས་ཚིག བདག་སྒྲ་སྤྱོད་སྟངས་སོགས་གཅིག་གྱུར་མིན་པའི་གནད་དོན་ལ་བཀས་བཅད་བྱེད་པ་ཤིན་ཏུ་གལ་ཆེ། དེ་དག་ཇི་ལྟར་སྤྱོད་པའི་ཐད་དུ་ང་ཚོས་ཆོལ་ཁའི་ཕྱོགས་ལྷུང་དང་མཁས་པའི་ཞེན་ཕྱོགས་བཅས་ཡོད་ཚད་དོར་ནས་མཚོ་སྔོན་མི་རིགས་དཔེ་སྐྲུན་ཁང་གིས་དཔེ་སྐྲུན་གྱི་བཀས་བཅད་ཀྱི་དེབ་ཆུང་ཞིག་བསྐྲུན་ཡོད་པ་དེར་བསྟུན་ན་དགེ་མཚན་ཆེ་བར་འདོད། ངའི་བསམ་ཚུལ་ཀྱང་དེ་བཞིན་ཏེ་དག་ཡིག་གསར་བསྒྲིགས་ཀྱི་ལས་ཚིག་གི་སྤྱོད་སྟངས་སྔོན་བྱོན་མཁས་པ་དག་གིས་བཞེད་པའི་སྙིང་བོ་བསྡུས་ཡོད་པས་ད་ལྟ་དེ་ལས་ལྷག་པའི་དཔེ་ཆ་ཞིག་མེད་པས་དེར་བསྟུན་ན་ལེགས་པར་འདོད་ལ། དེ་བཞིན་དུ་ད་ལྟ་ཚད་ལྡན་བྱེད་པའི་དག་ཡིག་གཉིས་ཏེ་བོད་རྒྱ་ཚིག་མཛོད་ཆེན་མོ་དང་དག་ཡིག་གསར་བསྒྲིགས་གཉིས་ལ་བསྟུན་ན་ད་ལྟ་འབྱུང་བཞིན་པའི་ཉོག་དྲ་འདི་དག་འབྱུང་མི་སྲིད་པར་འདོད་དོ།།
ལྷག་པར་གལ་ཆེ་བ་ནི་ད་ལྟ་བོད་ཀྱི་ཡི་གེ་ལ་བཀས་བཅད་བཞི་བ་ཞིག་བྱ་དགོས་པ་དེ་ཡིན། དེའི་ཐད་དུ་ངས་བསམ་གཞིག་བྱས་མྱོང་ལ། བཀས་བཅད་བཞི་བ་ཇི་ལྟར་བྱེད་ཚུལ་ཐད་ལ་རྩོམ་ཡིག་ཅིག་ཀྱང་བོད་ལྗོངས་ཞིབ་འཇུག་ཏུ་སྤེལ་ཡོད་པས། ངས་བསྐྱར་བཟློས་ཀྱི་མང་བོ་མི་བརྗོད་དེ། རྩོམ་ཡིག་དེ་ཁྱེད་ལ་དཔྱད་གཞི་ཕུལ་ཆོག

ལ་མོ་བཀྲ་ཚེ། དེང་གི་ཆར་ན་གཞོན་ཁག་ཅིག་རྩོམ་ཡིག་དང་རིག་གནས་ཀྱི་ཆུ་ཚད་མཐོ་ཙམ་སླེབས་ཡོད་ལ་རྩོམ་རྩལ་གྱི་ཁོ་ལག་ཇེ་ཆེར་རྒྱས་ཡོད་ནའང་དེ་ནི་རང་ཉིད་ཀྱི་སྙན་པ་ཆེར་རློམས་འདོད་པ་ཙམ་ལས་དོན་ངོ་མའི་ལག་ལེན་ཐོག་ཕྱིར་བཀྱེད་ཀྱིས་མི་རིགས་སམ་རིག་ གནས་ཤིག་ལ་འགན་ཁུར་གྱི་བསམ་པ་ཞན་པས་ཁྱེད་ནས་དེའི་ཐོག་ལ་བསམ་ཚུལ་ཅི་འདྲ་ཡོད་མེད་གསུངས་དང་།

རྒྱ་གྲོལ་ལགས། འདི་ནི་གནད་དོན་ཞིག་རེད། ཤེས་ཡོན་ཅན་མང་བོ་ཞིག་གིས་བོད་དོན་གླེང་བཞིན་ཡོད་མོད། བོད་ཀྱི་རིག་གཞུང་ལ་སྣང་མེད་དང་ཁྱད་གསོད་བྱེད་པའི་ཤས་ཆེ། དེ་དག་གིས་བོད་མི་རིགས་ཞེས་གླེང་བའི་དགོངས་པ་ངོ་མ་ལ་ཐེ་ཚོམ་ཟ་བཞིན་ཡོད། དེ་རྒྱུ་མཚན་གང་ཞེ་ན། མི་རིགས་ཀྱི་རིག་གནས་རྩ་མེད་དུ་བཏང་ན་མི་རིགས་ཞེས་པའི་གཞི་མེད་པས་སོ། ། དེ་བས་མི་རིགས་ཀྱི་ལ་རྒྱ་གླེང་བ་ནི་རིག་གནས་ཀྱི་ལ་རྒྱ་ལས་རིག་གནས་རྩ་མེད་དུ་བཏང་ནས་མི་རིགས་ཀྱི་སླད་དུ་འཆི་ཕོད་ཟེར་བ་ནི་མའི་ཆེད་དུ་མའི་མགོ་གཅོད་ བཞིན་མའི་ཆེད་དུ་རང་སྲོག་བློས་གཏང་ཐུབ་ཅེས་བཤད་པ་དང་འདྲ། ད་ལྟ་དབུས་གཙང་གི་ན་གཞོན་མང་བོ་ཡང་དེ་དག་གི་རྗེས་སུ་རྒྱུགས་པ་ནི་ཡིད་སྐྱོ་བ་ཞིག་ཏུ་མཐོང་སོང༌། སྨད་ཚོང་མ་དང་རྐུན་མ་དག་གིས་མི་རིགས་འདིའི་མཚན་སྙན་དང་བདེ་ཐང་ལ་གནོད་པ་ལས་མི་རིགས་རྩ་མེད་དུ་གཏོང་མི་སྲིད་ལ། སྤྲང་བོ་ཇི་འདྲར་མང་ཡང་མི་རིགས་སྤྱི་ལ་གནོད་པ་གཏན་ནས་མེད། འོན་ཀྱང་ཤེས་ཡོན་ཅན་གྱི་བསམ་བློ་རུལ་བ་འདི་མི་རིགས་འདི་རྩ་མེད་དུ་གཏོང་བའི་ཉེས་པ་ཤིན་ཏུ་ཆེ། དེ་བས་མི་ཕལ་བ་ཞིག་ལ་བསམ་བློ་མེད་ན་དེ་ཡིད་སྐྱོ་བ་ཞིག་ཡིན་ཀྱང༌། ཤེས་ཡོན་ཅན་དག་གིས་བསམ་བློ་རུལ་བ་འདི་ནི་ཆེས་ཤིན་ཏུ་ཡ་ང་བ་ཞིག་ཡིན་པར་འདོད་དོ།།

ལ་མོ་བཀྲ་ཚེ། ང་ཚོའི་སྤྱི་ཚོགས་འདིར་རིག་གནས་ཅན་གང་མང་ཞིག་ཡོད་རུང་དེ་རྣམས་རང་རང་སོ་སོའི་གནས་ས་གྲུ་ཟུར་ཞིག་ཏུ་ཁུམས་ནས་བསྡད་པ་ལས་ཕན་ཚུན་བསམ་བློ་བརྗེ་རེས་དང་མི་རིགས་སམ་རིག་གནས་ཤིག་གི་མ་འོངས་པའི་ཁ་ཕྱོགས་ལ་བསམ་ཏེ་འགན་སེམས་རྣལ་མ་ཞིག་གི་ཐོག་ནས་རིག་གཞུང་བགྲོ་གླེང་སོགས་གང་ཐད་ཀྱི་བྱེད་སྒོ་སྤེལ་མཁན་ཧ་ལམ་དཀོན་པས་དེའི་ཐད་ཁྱེད་རང་གི་བྱ་ཐབས་སམ་དགོངས་ཚུལ་ཅི་ཞིག་ཡོད་དམ།

རྒྱ་གྲོལ་ལགས། བགྲོ་གླེང་གི་ཚོགས་འདུ་འཚོགས་པ་ནི་ཨ་མདོ་ན་དར་ཁྱབ་ཤིན་ཏུ་ཆེན་པོ་ཡོད། འོན་ཀྱང་ཉེ་བའི་ལོ་འགར་བགྲོ་གླེང་གི་ཚོགས་འདུ་མང་བོ་ཞིག་འཚོག་པར་སྔར་བཞིན་དཀའ་ཁག་ཆེན་པོ་ལ་འཕྲད་བཞིན་ཡོད། ང་ཡོད་པའི་ས་ཆ་འདིར་ཉེ་བའི་ལོ་འགའི་རིང་ལ་ཕལ་ཆེར་འཚོག་དཀའ་བའི་གནས་ཚུལ་ འདུག ངའི་བསམ་ཚུལ་ལྟར་ན་མཁས་པ་རྣམས་ལ་བསམ་བློའི་བགྲོ་གླེང་བྱེད་པའི་ཁོར་ཡུག་དེ་ཤིན་ཏུ་གལ་ཆེ་བ་ཞིག་ཡིན་ཀྱང༌། དེ་བས་ཀྱང་གལ་ཆེ་བ་ནི་བགྲོ་གླེང་ལས་གྲོས་གཞི་ཞིག་གཏན་ལ་ཕབ་ནས་བསྒྲུབ་དགོས་ པ་ཤིན་ཏུ་གལ་ཆེན་པོ་རེད། ཚོགས་འདུ་མང་བོ་ཞིག་ནས་བཤད་བཤད་པའི་རྗེས་སུ་ལག་ལེན་ཀུན་གྱིས་བོར་ནས་བུད་འགྲོ། དེ་འདྲ་བྱས་ན་འབྲས་བུ་ལེགས་པོ་ཞིག་འབྱུང་མི་སྲིད། བགྲོ་གླེང་གི་ཚོགས་འདུ་ཞིག་ཡིན་ན་སྔོན་དུ་བསམ་རྒྱུ་ཞིག་དང༌། འཚོགས་དུས་ཐག་གཅོད་ཅིག གྲོལ་ནས་བསྒྲུབ་རྒྱུ་ཞིག་དགོས་པ་རེད། དེ་ལྟ་བུའི་ཁོར་ཡུག་ཅིག་བསྐྲུན་པ་ལ་དགོས་གལ་ཤིན་ཏུ་ཆེན་པོ་ཞིག་ཡོད་ཀྱང་དེ་ལས་ལྷག་པར་བསྒྲུབ་པ་ལ་འགལ་རྐྱེན་སྣ་ཚོགས་ཀྱི་དབང་གིས་དཀའ་ཚེགས་ཆེན་པོ་ཡོད། དེ་ནི་ང་རང་གིས་དངོས་སུ་དེ་འདྲའི་བྱ་བ་མང་བོ་བསྒྲུབས་པས་དཀའ་ངལ་དེ་དངོས་སུ་ཤེས་ཡོད། དེ་ནི་གཅིག་ནས་མཁས་པ་དག་བགྲོ་གླེང་ལ་མི་དགའ་བའི་སྐྱོན་ཡོད་སྲིད་ཀྱང༌། དེ་ལྟ་བུའི་ཁོར་ཡུག་བསྐྲུན་དགོས་པ་ནི་དེ་བས་ཀྱང་གལ་ཆེ་བ་ཞིག་རེད། འོན་ཀྱང་དེའི་རྒྱུ་རྐྱེན་ནི་དངོས་གནས་ང་ཚོའི་དཀའ་ཁག་ཅིག་ཏུ་གྱུར་ཡོད་པས་སྔར་བཞིན་བྱེད་ཐབས་སྣ་ཚོགས་སྤྱད་ནས་བསྒྲུབ་དགོས་པ་རེད།

ལ་མོ་བཀྲ་ཚེ། ད་སྐབས་ང་ཚོའི་སྤྱི་ཚོགས་འདིར་བོད་པ་མང་ཚོགས་ཀྱི་བསམ་བློའི་ཆུ་ཚད་དང་གོ་རྟོགས་དམན་པས་ཆོས་ལུགས་ནི་ཕྱི་ཚུལ་ཙམ་ལས་མ་འདས་ཤིང་དེ་ནི་རང་བྱས་གཞན་ལ་ངོམས་རྒྱུ་ཙམ་ཞིག་ལས་དོན་ངོ་མའི་བྱམས་སྙིང་རྗེ་དང་བརྩེ་བ་སོགས་དང་བྲལ་ལ་ གཞན་སྨོད་དང་འཚེ་བ་དབྱེན་སྦྱོར་སོགས་ཀྱི་ལས་ཅི་རིགས་ལ་འཇུག་ཅིང་ཐ་ན་ས་ག་ཟླ་བ་ལ་བསྐོར་བ་བྱེད་པར་འགྲོ་མཁན་མི་བརྒྱ་སྟོང་མང་པོ་ཡོད་རུང་དེའི་ནང་ས་ག་ཟླ་ བ་ཞེས་པའི་དོན་སྙིང་ཅི་ཞིག་ཡིན་མིན་མི་ཤེས་པས་དུས་དེའི་རིང་དགེ་བའི་ལས་ཞིག་ སྒྲུབ་ན་ཕན་ཡོན་ནམ་དགེ་བ་གང་ཙམ་ཡོད་པ་རྟོགས་མཁན་གྱི་སྐྱེ་བོ་ཧ་ཅང་ཉུང་བས་ཁྱེད་ནས་གསུངས་ན་དེའི་རྩ་བའི་གནད་དོན་དེ་གང་ལ་ཐུགས་ཡོད་དམ།

རྒྱ་གྲོལ་ལགས། དངོས་གནས་འདི་འདྲ་རེད། ད་ལྟའི་བར་དུ་ང་ཚོ་བོད་མི་རིགས་ཀྱིས་ནང་བསྟན་ལ་དད་པ་བྱས་ཀྱང། དད་པ་བྱེད་པའི་ཁྱིམ་པ་མང་ཆེ་བ་ཞིག་ནི་ནང་བར་ཆ་རྒྱུས་ཅི་ཡང་མེད་པ་འབའ་ཞིག་རེད། ཁོང་ཚོ་ལ་མཚོན་ན་དད་པ་དང་བསྟན་པ་ལ་བཅང་བའི་ལྷག་བསམ་ཧ་ལས་པ་ཞིག་ཡོད་ཀྱང་ཁོང་ཚོའི་སེམས་ཀྱི་བསྟན་པ་དེ་བསྟན་པ་དངོས་གནས་པ་དང་རྒྱང་ཐག་རིང་དུ་གྱུར་པ་རེད། དེ་ནི་ཁོང་ཚོའི་སྐྱོན་མ་ཡིན་པར་ང་ཚོ་ཆོས་ལུགས་པའི་སྐྱོན་རེད། དེའི་རྒྱུ་མཚན་གང་ཡིན་ཞེ་ན། ད་ལྟའི་བར་དུ་དགེ་བཤེས་དང་བླ་མ་དག་གིས་བསྟན་པ་རིན་པོ་ཆེ་འདི་གྲྭ་སའི་མཁས་པའི་ཁྲོད་དུ་སྤེལ་བ་ལས་གྲོང་བ་ཕོ་མོ་ལ་ཁ་གསལ་དོན་གསལ་གྱི་སྒོ་ནས་འགྲེལ་བ་བྱེད་པར་དོ་སྣང་མ་བྱས་པའི་རྐྱེན་རེད། ད་ལྟ་མཁས་པ་མང་བོས་མང་ཚོགས་ལ་སྤེལ་བའི་དོ་སྣང་བྱེད་ཀྱིན་ཡོད་དེ། གྲོང་བ་ཕོ་མོ་མང་བོ་ཞིག་གིས་ཀྱང་ནང་བསྟན་ལ་སློབ་གཉེར་བྱེད་ཀྱིན་ཡོད། དེ་ནི་ཤིན་ཏུ་ལེགས་པོ་ཞིག་རེད། ངའི་སློབ་མའི་ནང་དུ་ཡང་གྲོང་བ་ན་གཞོན་ཕོ་མོ་བསྟན་པར་མཁྱེན་རྒྱ་ཡངས་པ་སྐོར་ ཞིག་ཡོད། མུ་མཐུད་དུ་དགེ་བསྙེན་རྣམ་དཔྱོད་ཅན་དང་དེ་མ་ཡིན་པའི་ཁྱིམ་པ་དག་ལ་ནང་བསྟན་ སློབ་གཉེར་བྱེད་པར་སྐུལ་བ་དང་སློབ་ཁྲིད་བྱེད་པ་ཤིན་ཏུ་གལ་ཆེ། ངའི་བསམ་པར་གྲོང་བ་དག་གི་ནང་བའི་བསྟན་པའི་ཤེས་ཡོན་ཡར་རྒྱས་སུ་འགྲོ་བ་ལ་བླ་ མ་དགེ་བའི་བཤེས་གཉེན་དག་གིས་གྲོང་བ་ཕོ་མོ་དག་ལ་རྒྱུན་ཏུ་ནང་བསྟན་གྱི་རྒྱུན་ ཤེས་སྐོར་གསུང་རྒྱུ་དང༌། གྲྭ་བ་དག་གིས་དུས་རྒྱུན་གྱི་ཁ་བརྡའི་ཚུན་ཆད་དུ་ནང་བསྟན་གྱི་སྐོར་བརྗོད་བྱར་ བཟུང་ནས་ཁ་བརྡ་བྱེད་པ། ཁ་གསལ་དོན་གསལ་གྱི་དཔེ་ཆ་མང་བོ་བརྩམས་ནས་རིན་མེད་གཟིགས་བྱེད་པ། ནང་བསྟན་ཁ་གསལ་གྱི་བཀའ་སློབ་གནང་བའི་འོད་སྡེར་གྱི་རིགས་བཟོས་ནས་རིན་མེད་ གཟིགས་འབུལ་བྱེད་པ། ནང་བའི་ལས་འབྲས་དང་བྱམས་སྙིང་རྗེ། ཉམས་ལེན་བློ་སྦྱོང་གི་སྐོར་གྱི་གློག་བརྙན་ནམ་ཁ་ཐུང་གློག་བརྙན་བཟོ་བ། ནང་བསྟན་གྱི་རྩོམ་རིག་དར་སྤེལ་དུ་གཏོང་བ་བཅས་བྱས་ན་ཕན་པ་ཆེ་བར་འདོད་ལ། བདག་གིས་ད་ལྟ་སྒྲུབ་བཞིན་པའི་ནང་བསྟན་ཤེས་རབ་གསུང་རབ་དངོས་འབུལ་ཁང་ཀྱང་དེའི་ཕྱོགས་ལ་སྤོས་པའི་གོམ་པ་དང་བོ་ཡིན་པས། ང་ཚོ་མཉམ་འབྲེལ་བྱས་ཀྱང་རུང་ལ་སོ་སོར་བསྒྲུབ་ཀྱང་ཆོག འདི་ནི་མི་རེ་གཉིས་ཤིག་གི་བསྒྲུབ་དགོས་པ་ཞིག་མིན་པར་བོད་ཀྱི་དགོན་སྡེ་ཀུན་གྱིས་བསྒྲུབ་དགོས་པ་ཞིག་རེད་སྙམ། ལྷག་པར་པོ་ཏ་ལ་ལ་དཔལ་འབྱོར་གྱི་ཆ་རྐྱེན་ལེགས་སྙམ་པས་དེའི་ཕྱོགས་ན་འབད་པ་བྱས་ན་གཞན་ལས་ཕན་ཁྱད་ཆེ་བར་འདོད་དོ།།

ལ་མོ་བཀྲ་ཚེ། ངེད་ཆོས་གྲོགས་དྲ་བ་གཉེར་ནས་ལོ་ལྔ་ལ་ཉེ་ཞིང་མཇུག་ཏུ་ཁྱེད་ནས་ངེད་དྲ་བའི་རྩོམ་རིག་སྤེལ་ཕྱོགས་སོགས་ཀྱི་ཐད་ལ་དགོངས་ཚུལ་ཅི་ཞིག་ཡོད་དམ།

རྒྱ་གྲོལ་ལགས། དྲ་བའི་མིང་ལ་ཆོས་གྲོགས་ཞེས་པ་ལས་དོན་དུ་ཆོས་གྲོགས་སུ་འགྱུར་བའི་ཕྱོགས་ལ་བསྙེག་ན་འགྲིག དེང་དྲ་བ་སྣ་ཚོགས་མང་བོ་ཡོད་པ་རེད། ཁྱེད་ཅག་གིས་དྲ་བ་ནི་པོ་ཏ་ལ་དང་འབྲེལ་བ་དམ་ཟབ་ཡོད་པས་དྲ་བ་གཞན་བཞིན་ཡིན་ མིན་བཅོ་བརྒྱད་སྤེལ་ན་མི་ལེགས་པར་པོ་ཏ་ལའི་རིག་གནས་སྤེལ་དགོས་པ་རེད། པོ་ཏ་ལའི་རིག་གནས་ཞེས་པ་བདག་གིས་བཏགས་པ་སྟེ། བོད་མི་རིགས་ཀྱི་རིག་གནས་སྲོག་ཤིང་བྱ་དགོས་པ་དེ་རེད། དེ་བས་ཁྱེད་ཅག་གིས་བོད་ལྗོངས་ནང་བསྟན་ལ་མཉམ་འབྲེལ་བྱེད་པ་ཤིན་ཏུ་གལ་ཆེ་བར་འདོད། ངས་འདི་ལྟར་བཤད་དོན་ཡང་ཁྱེད་ཅག་གི་ཁ་ཕྱོགས་ཀྱང་བོད་ལྗོངས་ནང་བསྟན་གྱིས་སྲོག་ཤིང་བྱ་དགོས་པ་མ་ཟད། བོད་ལྗོངས་ཞིབ་འཇུག་གི་ལས་འགན་འཁུར་དགོས་ལ། གངས་ལྗོངས་རིག་གནས་ཀྱི་དགོངས་པ་ཡར་དར་སྤེལ་བྱ་དགོས་པ་རེད། དེ་བས་ཁྱེད་ཅིག་གིས་བོད་ལྗོངས་ནང་བསྟན་དང་གངས་ལྗོངས་རིག་གནས། བོད་ལྗོངས་ཞིབ་འཇུག བོད་ཀྱི་སྒྱུ་རྩལ་ཞིབ་འཇུག་ལྟ་བུའི་དུས་དེབ་དག་ལ་འབྲེལ་བྱས་ནས་དེ་ལྟ་བུའི་ ལེ་ཚན་སྤེལ་ནས་མི་རིགས་ཀྱི་རིག་གནས་དར་སྤེལ་དང་འཛིན་སྐྱོང་སྤེལ་བའི་ལས་ལ་གཞོལ་ན་ཐུན་མོང་མ་ཡིན་པའི་ཁྱད་ཆོས་ཐོན་ཡོང་ལ། བོད་ལ་ཁེ་ཕན་ཆེ་བ་ཡང་དེ་ཡིན་པར་འདོད། རྩོམ་རིག་ལ་གཞོལ་བ་ལ་མི་ལེགས་པ་མེད་ཀྱང་ཁྱེད་ཚོར་མཚོན་ན་དེ་ནི་ཆེས་ཆུང་བའི་ལས་ཀ་ཞིག་རེད་སྙམ། དེ་དང་མཉམ་དུ་པོ་ཏ་ལའི་རྒྱ་ཡིག་གི་དྲ་བ་དང་དབྱིན་ཡིག་གི་དྲ་བ་རེ་གཉེར་ཐུབ་ན་དེ་བས་ཀྱང་ལེགས་སྙམ།

ལ་མོ་བཀྲ་ཚེ། ཁྱེད་ནས་ངེད་དྲ་བའི་བཅར་འདྲི་དང་ལེན་གནང་བར་ཐུགས་རྗེ་ཆེ་ཞུ་རྒྱུ་དང་སླད་མ་འོངས་ལོ་ཟླའི་ནང་སྐུ་ཁམས་གསལ་ཐང་ཐོག་མཛད་འཕྲིན་ཁག་ལྷུན་གྱིས་གྲུབ་པར་སྨོན།

རྒྱ་གྲོལ་ལགས། ལགས་སོ།། ངས་ཀྱང་ཁྱེད་རྣམ་པའི་སྐུ་བདེ་ཐུགས་དགེ་བའི་ངོས་ནས་མཛད་འཕྲིན་ཡར་ངོའི་ཟླ་བཞིན་འཕེལ་པ་དང་ཆོས་གྲོགས་དྲ་བའི་འཕྲིན་ལས་ཀྱང་པོ་ཏ་ལའི་གཟི་དཔལ་དང་འགྲོགས་ནས་གངས་རིའི་ལྗོངས་སུ་ཁྱབ་ནས་བོད་མི་རེ་རེའི་སྙིང་ནས་འཛུམ་པའི་སྨོན་འདུན་ཞུ།

བཅར་འདྲི་འདི་ནི2011ལོའི་ཟླ་བ8ཚེས28ཉིན་ལྷ་ལྡན་གྲོང་དུ་ཞུས་པའོ།།

Hairstyles for Ages 7 to 10
FIGHTSTATE and you just want the series to reach some sort of conclusion

H Fashion Against AIDS Spring 2012 collection coming soon
Porno When shopping for their teen

All About French Fashion Dolls
Porno which is another thing

What Will It Cost Google to Leave China
Porn be sure your shorts don't ride up

Bags for Every Type of Storage
Videos porno The watch face is an offset triangle in a bezel setting

Robert Pattinson Leaves NYC Sans Kristen Stewart but Wearing Her
theGadgetPill Children can get away with their Sunday best

The Benefits of Wearing Women's Sneakers
Porno learn how to colors out of means week

Significance Of Wearing Silver Jewelry
TOKYO POP LINE the girls had the extra challenge of appearing taller

Walk With Confidence in Your Formal Attire
dontgiveupworld.com When further rumors spread

Graphic Novel Review of Coraline
PORNO Luccese has been making cowboy boots for over 100 years

How to Really End the Financial Crisis
VIDEOS PORNO XXX what sort of your beloved partner place on fashion curly hair diamonds and moreover pieces

Early Background of Beauty products
XXX Porno Glee season 4 began with Kurt still in Ohio

5 Ways The English Language Has Gone To Hell
Videos Porno bullet proof polyester pants

Komen for the Cure to stop funding Planned Parenthood centers
Porno The blue color design works well too

Del Amo Fashion Center Teen Vogue Kick Off Back
Jeux Gratuits here's what I'll be proposing for discussion

Scripps Network Continues Global Expansion
Pornodingue When he provided some very accurate and safe services in Columbia

Check out the fashionable zentai costume
Cool Math Games and I will be your conference coordinator for today

Online Shopping For Ladies Bags
porno tasty more mature trend recipe for food intake within a few minutes

Red Sox Baseball Music To Fan
porno the most important 6 a large amount of brainless superhero disadvantages

8 Wedding Photography Tips for Beginners
Porno wintry weather the white kind of 2015 inventions

Smart Flip Type Mobile LG GB220 Black
porno Let's not beat around the bush
Top 5 style and fashion channels on YouTube
VIDEO PORNO XXX Choose dressier shoes for children rather than sneakers

Five Items to anticipate from Providers of NYC Low Income Housing
Wedding Dresses Requirements to Become a Hair Stylist

7 things to pack on your trip to Hawaii
PORNO That could be a designer for a fashion label or a designer

Victoria Justice Meets with Fans in London
Free Games teenager stress by visiting 5

The Awesome Indian Traditional Attire
pornos A seamstress is not synonymous to a dressmaker

How Colour Analysis Can Help
Pornofilme but this is only going to leave you looking tacky

7 Impractical Rock Star Fashions We Wish Had Caught On
free porno style360 remembers california approach week with an original solution

You Can Find Comfortable Shoes
Filme Porno consisting of a single lineage in the smaller villages
བསྟོད།4

抱歉,评论已关闭!