ན་གཞོན་སྙན་ངག་པ་རྩེ་སྐར་ལ་བཅར་འདྲི་བྱས་འདུག

བཅར་འདྲི་མཁན། སུ་ཡིན་མ་ཤེས།

དྲི་བ།སྙན་ངག་པ་རྩེ་སྐར་ལགས་ཁམས་བཟང༌།གཤམ་དུ་ཁྱོད་ཀྱིས་རང་ཉིད་ངོ་སྤྲོད་མདོར་བསྡུས་ཤིག་གནང་རོགས།
ལན། ཁམས་བཟང༌། ང་ལྟ་བུ་ཞིག་ལ་སྙན་ངག་པ་ཟེར་བའི་མིང་འདི་བཏགས་ན་མི་འོས་པ་ཞིག་རེད། སྙན་ངག་པ་ཞིག་ཡིན་ན་མིང་དེའི་ཚོད་ཀྱིས་དོན་ལའང་རང་ཉིད་ཀྱིས་བྲིས་པའི་སྙན་ངག་གི་ཚད་གཞི་རིམ་པ་ངེས་ཅན་ལ་སླེབས་དགོས་པས།ང་ལ་མཚོན་ན་རང་ཉིད་དགའ་ཕྱོགས་ཀྱིས་རྩོམ་ཡིག་ཐར་ཐོར་རེ་འབྲི་ཁུལ་བྱེད་བཞིན་པ་ལས་དོན་ལ་སྙན་ངག་པ་ཞིག་གང་ནས་ཡིན།དེང་སྐབས་ང་ཚོའི་སྤྱི་ཚོགས་ནང་མཁས་དབང་དང་སྙན་ངག་པ་ཟེར་བའི་མིང་འདི་ཕ་རོལ་པོའི་ཤེས་ཡོན་གྱི་ཚད་གཞི་ལ་མ་བལྟས་པར་བཏགས་ཆོག་ཆོག་གི་གོམས་གཤིས་ལྟ་བུ་ཞིག་འཇགས་ནས་ཡོད་པ་དེ་མི་འགྲིགས་པ་ཞིག་རེད་བསམ་ཡོད།དགོངས་དག་འབྲེལ་མེད་འཕྲོས་བཤད་ཀྱི་སྐད་ཆ་མང་དྲགས་སོང༌།
ངའི་མིང་ལ་བློ་བཟང་རབ་རྒྱས་སམ་འགར་ཚེ་རྒྱལ།སྨྱུག་མིང་ངམ་དྲ་མིང་ལ་རྩེ་སྐར་ཟེར།རྨ་ལྷོ་ཁུལ་རྩེ་ཁོག་རྫོང་འགར་རྩེ་རྡོར་ཐང་ཚོ་བའི་འབྲོག་ཁྱིམ་དཀྱུས་མ་ཞིག་ནས་སྐྱེས་ཤིང༌།ཕ་ཡུལ་དུ་སློབ་ཆུང་ནས་སློབ་འབྲིང་བར་སློབ་གྲྭར་འགྲིམས་མྱོང༌།སྤྱི་ལོ་༡༩༩༦ལོར་རྒྱ་གར་དུ་ཡོང་ནས་ཅི་ཡང་མི་འཇོན་ནའང་མུ་མཐུད་དུ་རང་ཉིད་དགའ་ཕྱོགས་ཀྱི་སྣེ་མོར་འཇུས་ནས་བོད་རང་གི་རིག་གནས་ཀྱི་ཕྱོགས་ལ་གཞོལ་བའི་ལས་འདི་མ་བཏང་བར་ཡོད།ཕྱི་ལོ་༢༠༠༤ལོར་ནོར་གླིང་ཉམས་ཞིབ་ཁོངས་སུ་འཛུལ་ཞུགས་བྱས།༢༠༠༥ལོ་ནས་ནོར་གླིང་ཉམས་ཞིབ་ཁོངས་སུ་ནོར་ལྡེ་ཚགས་པར་གྱི་རྩོམ་སྒྲིག་པ་བྱས་ཏེ་ད་ལྟའི་ཆར་ཡང་མུ་མཐུད་མཇུག་སྐྱོང་བཞིན་ཡོད་ལགས།
དྲི་བ།ལགས་སོ་བཀའ་དྲིན་ཆེ།དེ་ནས་ཁྱོད་རང་རྩོམ་འབྲིའི་ལས་ལ་ཞུགས་པའི་རྒྱུད་རིམ་ནང་ཀྱག་ཀྱོག་གི་དཀའ་ངལ་ཕྱོགས་ནས་ཁ་བརྡ་ཞིག་བྱེད་རོགས།
ལན།བོད་ནང་གི་རྩོམ་པ་པོ་མང་པོ་ཞིག་གིས་དུས་དེབ་དང་ཚགས་པར་སྟེང་རྩོམ་ཡིག་འབྲི་བར་ཕྱོགས་པའི་རྣམ་འགྱུར་དང་སྤྲོ་སྣང་དེས།ང་ལ་སློབ་ཆུང་སྐབས་ནས་རྩོམ་ཡིག་འབྲི་མི་ཤེས་ནའང་རྩོམ་ཡིག་ཀློག་པར་སྤྲོ་བའི་གོམས་གཤིས་ཤིག་ཆགས་པ་མ་ཟད།རྩོམ་ཡིག་ཅིག་འབྲི་ཤེས་ན་ཅི་མ་རུང་སྙམ་པའི་བསམ་བློ་ཞིག་ངང་གིས་སྐྱེ་རུ་བཅུག་སྟེ།སྦྲང་ཆར་དང་མང་ཚོགས་སྒྱུ་རྩལ་སོགས་བོད་ནང་གི་དུས་དེབ་དང་ཚགས་པར་ཁག་ལ་དུས་རྒྱུན་བལྟ་ཀློག་བྱེད་བཞིན།རང་ངོས་ནས་ཀྱང་གཞན་གྱི་ལད་ཟློས་ལྟ་བུའི་རྩོམ་ཡིག་རེ་འབྲི་ཁུལ་བྱས་མྱོང༌།སྐབས་དེར་གཅིག་ནས་ད་སྐབས་ནང་བཞིན་རྩོམ་ཡིག་གང་ཞིག་ཡིན་ན་ཚགས་དེབ་སྟེང་བཀོད་ཆོག་ཆོག་མིན་པར།རྩོམ་སྒྲིག་པས་ཞིབ་རྟོག་གཟབ་ནན་གྱི་སྒོ་ནས་བདམས་གསེས་ཀྱིས་རྩོམ་ཡིག་ཚད་ཐུབ་རྐྱང་རྐྱང་འགོད་ཀྱི་ཡོད་པ་དང༌།གཉིས་ནས་ང་ལ་མཚོན་ན་སློབ་ཆུང་སྐབས་ཀྱི་ཤེས་ཚད་དེ་ཙམ་ཞིག་གིས་ཚགས་པར་དང་དུས་དེབ་སྟེང་བཀོད་ཆོག་པའིེ་རྩོམ་འབྲིའི་ཆུ་ཚད་ལ་སླེབས་ཐུབ་མེད་སྟབས།ངའི་བྲིས་པའི་རྩོམ་ཡིག་ཚགས་པར་དང་དུས་དེབ་སྟེང་གང་ནས་འཚམ།ད་ཆ་བསམ་བློ་ཞིག་བཏང་ན་ངོ་མས་སྟོང་བསམ་རང་རེད།སྐབས་དེར་སྟོང་བསམ་དེ་འདྲ་ཞིག་གི་འོག་རྩོམ་ཡིག་ཡག་པོ་ཞིག་མི་འཁྱོངས་པའམ་རང་གི་འདོད་པ་ནང་བཞིན་མི་ཡོང་བས། དུས་རྒྱུན་བློ་ཕམ་སྐྱེས་མྱོང་བ་དེ་ང་རང་ཐོག་མར་རྩོམ་འབྲིའི་ལས་ལ་ཞུགས་པའམ་རྩོམ་ཡིག་འབྲི་ན་འདོད་པའི་སྐབས་ཀྱི་དཀའ་ངལ་རེད་ཟེར་ཆོགསྐབས་དེ་དག་ཏུ་བོད་ནང་གི་རྩོམ་པ་པོ་རྣམས་རྩོམ་ཡིག་འབྲི་བར་ཕྱོགས་པའི་ཁོ་ཚོའི་སྤྲོ་སྣང་འཁྱིལ་བའི་རྣམ་འགྱུར་དང་ལངས་ཕྱོགས་དེས་ང་ཡང་རྩོམ་རིག་ལ་དགའ་བའི་བསམ་བློ་ལྷོད་དུ་མ་བཅུག་པར་སེམས་ལ་བག་ཆགས་ཟབ་མོ་ཞིག་བཞག་སྟེ།སློབ་སྦྱོང་གི་ཞོར་ནས་ཨུ་ཚུགས་བརྒྱབ་ནས་མུ་མཐུད་རྩོམ་ཡིག་རེ་འབྲི་ཁུལ་བྱས་པས།སྐབས་ཤིག་ངའི་རྩོམ་ཡིག་རེ་གཉིས་ཤིག་ཚགས་པར་དང་དུས་དེབ་སྟེང་བཀོད་ཐུབ་པ་བྱུང་བས་ང་ལ་ཧ་ཅང་གི་དགའ་ཚོར་ཆེན་པོ་ཞིག་སྐྱེས་ཏེ།རྩོམ་ཡིག་འབྲི་བའི་ལས་ལ་སྔར་ལས་སེམས་ཤུགས་དང་སྤྲོ་སྣང་ཞིག་སླེབས་སོང༌།ཡིན་ནའང་སྟོང་བསམ་དེ་བོད་ནང་དུ་མངོན་འགྱུར་བྱུང་མ་ཐུབ་པར་སྐབས་ཐོག་དེར་ང་རྒྱ་གར་དུ་ཡོང་བཞག་པ་རེད།རྒྱ་གར་དུ་ཡོང་ནས་ཀྱང་ང་རང་རྩོམ་རིག་ལ་དགའ་སྣང་ཡོད་པ་དེའི་དབང་གིས་ད་ལྟའི་བར་རྩོམ་ཡིག་འགའ་རེ་འབྲི་ཁུལ་བྱས་ནའང༌།ཕྱི་རོལ་ཡུལ་གྱི་ཁོར་ཡུག་དང༌།ང་ཚོ་ཕྱི་སྡོད་བོད་པའི་སྤྱི་ཚོགས་ཁྲོད་ཀྱི་རྩོམ་པ་པོ་རྣམས་ཀྱི་རྩོམ་ཡིག་གི་ཚད་གཞི་དང༌།རྩོམ་འབྲིའི་བསམ་བློའི་ཀུན་སྤྱོད་ཀྱི་ཆ་སོགས་ནས་ང་ལ་བོད་དུ་ཡོད་པ་ནང་བཞིན་གྱི་རྩོམ་ཡིག་འབྲི་བར་སྤྲོ་བའི་སྤྲོ་སྣང་དེ་འདྲ་ཞིག་སྐྱེ་རུ་འཇུག་མི་ཐུབ་པ་མ་ཟད། སྐབས་རེ་རྩོམ་ཡིག་འབྲི་བའི་བསམ་བློ་རང་ཤུགས་ཀྱིས་ཡལ་འགྲོ་བཞིན་འདུག དྲང་མོ་བཤད་ན་འདི་འདྲའི་ཁོར་ཡུག་གི་ཤུགས་རྐྱེན་དག་ནི་ང་ལ་མཚོན་ན་ད་དུང་རྩོམ་འབྲིའི་ཐད་ནས་གཞི་རྐང་བརྟན་པོ་ཞིག་ཚུགས་ཐུབ་མེད་པའི་ཕྱོགས་ཀྱི་གེགས་རྐྱེན་ནམ་དཀའ་ངལ་རེད་བསམ་གྱིན་ཡོད།དགོངས་དག ང་རང་བོད་ནང་དུ་ཡོད་པ་ཡིན་ན་ད་ཆ་རྩོམ་པ་པོ་ཚད་ཐུབ་ཅིག་ཏུ་གྱུར་ཡོད་ཚུལ་གྱི་འུར་ཤོབ་དང༌།འདིར་ཕྱི་ཡུལ་སྤྱི་ཚོགས་ཁྲོད་ཀྱི་རྩོམ་པ་པོ་ཚོར་དམའ་འབེབས་ལྟ་བུའི་སྐད་ཆ་འདྲ་ཞིག་བཤད་སོང༌།ཡིན་ནའང་བསམ་ཚུལ་དྲང་པོ་དྲང་བཞག་གིས་བཤད་ཡོད།
དྲི་བ།ལགས་སོ།བསམ་ཚུལ་དྲང་བོར་བཤད་པར་ཐུགས་རྗེ་ཆེ་ཞུ་པ་དང་གོང་ནས་ཉིད་ཀྱིས་གསུང་བའི་བོད་ཕྱི་ནང་གཉིས་ཀྱི་རྩོམ་འབྲིའི་ཁོར་ཡུག་དང་བསམ་བློའི་ཀུན་སྤྱོད་ཀྱི་ཆ་ནས་བར་ཁྱད་དམ་ཧེ་བག་ཡོད་པར་བཤད་པ་དེའི་གནད་དང་གཞི་རྩ་གང་རེད་བསམ་གྱིན་འདུག

ལན།ཞིབ་ཚགས་ཀྱིས་བོད་ནང་ཁུལ་གྱི་རྩོམ་པ་པོ་རྣམས་ཀྱི་རྩོམ་ཡིག་དང་ང་ཚོ་འདིར་ཕྱི་སྡོད་སྤྱི་ཚོགས་ཁྲོད་ཀྱི་རྩོམ་པ་པོ་ཚོའི་རྩོམ་ཡིག་བསྡུར་ན།བོད་ནང་གི་རྩོམ་པ་པོ་རྣམས་ཀྱི་རྩོམ་ཡིག་ནི་ནང་དོན་བརྗོད་བྱ་བདམས་གསེས་བྱེད་སྟངས་དང༌། བརྗོད་བྱེད་ཚིག་སྦྱོར་སྤེལ་སྟངས་བཅས་རྩོམ་གཤིས་ཀྱི་ལེགས་ཆ་འབུར་ཐོན་གྱིས་ རྩོམ་ཡིག་ཕལ་ཆེ་བ་ཀློག་རིན་ཡོད་པ་ཞིག་ཡིན་པ་དང༌།འདིར་ང་ཚོ་ཕྱི་ཡུལ་དུ་སྡོད་པའི་རྩོམ་པ་པོའི་ཚོའི་རྩོམ་ཡིག་ནི་ཕལ་ཆེ་བ་བརྗོད་བྱ་ཁྱབ་ཆུང་ཞིང་རབ་རིབ་ཅིག་དང༌།བརྗོད་བྱེད་ཚིག་སྦྱོར་སོགས་རྩོམ་ལུས་ཧྲིལ་པོར་ཞན་ཆ་ཞིག་འཇགས་ནས་ཡོད་པའི་བར་ཁྱད་ཅིག་མཐོང་སོང༌།དེའི་གནད་དང་རྒྱུ་རྐྱེན་ནི།སྤྱིར་རྩོམ་པ་པོ་ཞིག་ཡིན་ན་རྩོམ་ཡིག་འབྲི་བཞེངས་ལེགས་ཉེས་ཀྱི་ཆ་ནས་ཕྱི་རོལ་ཡུལ་གྱི་ཁོར་ཡུག་དང་སྤྱི་ཚོགས་འཚོ་བ་དེ་ཧ་ཅང་གི་གལ་ཆེན་པོ་ཞིག་རེད།དེའི་ཕྱིར་འདིར་ང་ཚོ་ལ་བོད་ནང་བཞིན་རྩོམ་ཡིག་འབྲི་བའི་རྒྱབ་ལྗོངས་ཏེ།བོད་རང་གི་སྤྱི་ཚོགས་འཆོ་བ་དངོས་དང་ཁོར་ཡུག་སོགས་ཁྱབ་རྒྱ་ཆེན་པོ་ཞིག་མེད་པའི་རྐྱེན་གྱིས།གཞན་ཡུལ་འདིར་རྩོམ་ཡིག་འབྲི་མཁན་ཚོར་བརྗོད་བྱ་དང་ཚིག་སྦྱོར་སོགས་ཕྱོགས་གང་ཐད་ནས་རྩོམ་ཡིག་ཚད་ཐུབ་ཅིག་འབྲི་བར་འགོག་རྐྱེན་ཐེབས་ཀྱི་ཡོད་པ་རེད་བསམ་ཡོད།
གཞན་བོད་ཕྱི་ནང་གཉིས་ཀྱི་རྩོམ་པ་པོའི་བསམ་བློའི་ཀུན་སྤྱོད་ཀྱི་ཆ་ནས་བལྟས་ན།སྤྱི་ཡོངས་ནས་དེ་འདྲ་ཞིག་རེད་ཟེར་གྱིན་མེད། ཡིན་ཡང་འདིར་རྩོམ་པ་པོ་ཡིན་ཟེར་མཁན་མང་པོ་ཞིག་ལ་གཞན་ལ་གསེག་འདྲི་དང༌། རྒོལ་སློང༌།དམའ་འབེབས།རང་ལྟ་མཆོག་འཛིན་གྱི་ཁེངས་སེམས་དང་ང་རྒྱལ་བཅས་ཀྱི་སྣང་བ་ཞིག་རང་ཤུགས་ཀྱིས་འཇགས་ནས་ཡོད་པའི་སྣང་ཚུལ་ཞིག་མཐོང༌།གནད་དེ་ནི་འདིར་ང་ཚོ་ཕྱི་སྡོད་པ་ཚོའི་ཁྲོད་ཁོར་ཡུག་ལ་དཔག་སྟེ་མིག་དཔེ་བལྟ་སའི་རྩོམ་པ་པོ་ཚད་ལྡན་གྲས་ཀྱི་དཔུང་ཁག་གམ་སྣེ་ཁྲིད་མེད་པར།དུས་རྒྱུན་ཚགས་དེབ་དང་དྲ་ངོས་བཅས་སུ་རྩོམ་ཡིག་རེ་འབྲི་མཁན་ཚོའི་གྲས་སུ་ཤེས་ཡོན་གྱི་ཆ་ནས་སློབ་སྦྱོང་གི་བརྒྱུད་རིམ་ངེས་ཅན་ཞིག་མེད་སྟབས།རང་རྒྱུད་ལ་ཤེས་བྱ་ཡོན་ཏན་ཅི་ཡང་འཇགས་མེད་པར་རང་ཉིད་ཀྱི་བསམ་བློ་དང་ཀུན་སྤྱོད་སོགས་འདུལ་གཅུན་ཐུབ་མེད་པ་དང༌།དེ་མཚུངས་རྩོམ་ཡིག་འབྲི་བའི་ཚད་གཞིའང་རིམ་པ་ངེས་ཅན་ཞིག་ལ་སླེབས་མེད་ནའང༌།ཕྱི་རོལ་གྱི་ཁོར་ཡུག་ཆུང་ཆུང་འདིར་བསྟུན་གྱིས་རྩོམ་ཡིག་ཙམ་ཞིག་འབྲི་ཤེས་པ་དེས་རང་ཉིད་རྩོམ་པ་པོ་ཞིག་ཡིན་མདོག་གི་ཁེངས་སེམས་ཆེན་པོ་ཤིག་བཟུང་སྟེ།བསམ་བློ་གཏོང་མི་ཤེས་པ་ལྟ་བུའི་དཀྱུས་མའི་བསམ་སྤྱོད་དེས་ང་རྒྱལ་དང་ཁེངས་སེམས་ཀྱིས་གཞན་ལ་གསེག་འདྲི་དང་དགག་རྒྱགའཕྱ་སྨད་སོགས་ཀྱི་ཚིག་སྣེ་རྐྱང་རྐྱང་ལ་འཇུས་ནས་ཡོད་པ་དེས་ཤན་ཤུགས་ཀྱིས།གསར་དུ་རྩོམ་ཡིག་འབྲི་བར་ཕྱོགས་མཁན་མང་པོ་ཞིག་གི་བསལ་བློ་ལའང་ཕོག་ཐུག་བཏང་སྟེ།ཕན་ཚུན་དགག་རྒྱག་དང་དམའ་འབེབས་བྱེད་པའི་འཐེན་འཁྱེར་གྱི་སྤྱོད་ཚུལ་དེ་ལ་རང་ཤུགས་ཀྱིས་ཞུགས་དགོས་པ་ཞིག་ཆགས་ཀྱི་ཡོད་པ་རེད་བསམ།

སྤྱིར་ཡིན་ན་རྩོམ་རིག་སོགས་ཀྱི་ཕྱོགས་ནས་བསམ་བློ་གུ་ཡངས་པོའི་སྒོ་ནས་དགག་བཞག་གིས་བསམ་ཚུལ་བརྗོད་རེས་བྱས་ན་དེ་ནི་འོས་ཤིང་འཚམ་པ་ཞིག་རེད།ཡིན་ནའང༌།དེ་ལྟའི་རིག་གནས་སོགས་ཀྱི་གཞུང་ལུགས་སྟེང་ལ་འབབ་མ་ཐུབ་པར་ཕན་ཚུན་གྱི་སྒེར་དོན་ལྟ་བུ་ཞིག་རྩོད་གཞིར་བཟུང་སྟེ།མི་གཞིའི་སྟེང་བབ་ནས་དམའ་འབེབས་དང་འཕྱ་སྨོད་ཀྱི་ཚིག་རྩུབ་སྨྲ་རེས་བྱེད་པའི་ངང་ཚུལ་དེ་ཧ་ཅང་གི་ཐབས་རྡུགས་ཤིག་རེད་བསམ།འདིར་གསལ་བོར་བཤད་རྒྱུ་ཞིག་ལ།ངས་ང་ཚོ་ཕྱི་སྡོད་ཀྱི་སྤྱི་ཚོགས་ཁྲོད་འདིར་རྩོམ་པ་པོ་ཚད་ཐུབ་དེ་འདྲ་གཏན་ནས་མེད་སོང་རེད་ཟེར་གྱི་མེད།ཤེས་ཡོན་དང་རྩོམ་འབྲིའི་ཚད་གཞི།བསམ་སྤྱོད་སོགས་ཕྱོགས་གང་ཐད་ནས་ཡག་པོ་དེ་འདྲ་ཡོད་ཀྱི་རེད།ཡིན་ཡང་དེ་ཚོ་ནི་ལྷང་ལ་མ་བུད་པར་སྦས་སྐོང་གི་ཚུལ་དུ་བསྡད་ཡོད་ཀྱི་རེད་བསམ།ཁོ་ཚོ་ལྷང་ལ་བུད་དེ་མངོན་གསལ་དུ་དུས་རྒྱུན་རྩོམ་ཡིག་མི་འབྲི་བ་དེར་ཡང་རྒྱུ་མཚན་ཞིག་ཏག་ཏག་ཡོད་ཀྱི་རེད་བསམ།
དྲི་བ།རེད་རེད།དེས་ན་སྔོན་ཆད་ཁྱོད་ཀྱིས་རྩོམ་ཡིག་འབྲི་བར་སྤྲོ་བའི་སྟོང་བསམ་དང་རྨི་ལམ་རུམ་པའི་སྐབས་ཀྱི་མིག་དཔེ་བལྟ་སའི་རྩོམ་པ་པོ་སུ་ཡིན་དང༌།སྐབས་དེར་ཁྱོད་ཀྱིས་བལྟ་ཀློག་བྱེད་སའི་ཚགས་པར་དང་དུས་དེབ་གང་ཡིན་ནམ།
ལན།སྔོན་ཆད་ང་རང་སློབ་ཆུང་འགྲིམས་པའི་སྐབས་དེར་ངའི་ཕུ་བོ་ཞིག་རྩེ་ཁོག་རྫོང་མི་རིགས་སློབ་འབྲིང་འགྲིམས་ཀྱིན་ཡོད།སྐབས་དེར་རྩོམ་པ་པོ་ཁྱུང་ཐར་རྒྱལ་ལམ་ཀླུ་ཚང་སྨྱུག་རྩེན་དང་ངའི་ཕུ་བོ་གཉིས་འཛིན་གྲྭ་གཅིག་གི་སློབ་གྲོགས་ཡིན་པ་བརྒྱུད་ཁྱུང་ཐར་རྒྱལ་དང་ངེད་གཉིས་ངོ་ཤེས་སུ་གྱུར་ཏེ།ཁོས་དུས་རྒྱུན་མཚོ་སྔོན་བོད་ཡིག་གསར་འགྱུར་ཚགས་པར་དང༌།སྦྲང་ཆར་མཚོ་སྔོན་མང་ཚོགས་སྒྱུ་རྩལ་སོགས་དུས་དེབ་ཁག་ཅིག་སྟེང་རྩོམ་ཡིག་སྤེལ་བའི་སྤྲོ་སྣང་གི་རྣམ་འགྱུར་དང༌།ནམ་རྒྱུན་ཁོ་ཚོ་སློབ་གྲོགས་ཁ་ཤས་འདུ་འཛོམས་ཀྱི་སྐབས་རྩོམ་རིག་སྐོར་ཀྱི་སྐད་ཆ་རྐྱང་གླེང་བའི་སྤྱོད་ཚུལ་དེས་རྩོམ་པ་པོ་ཁྱུང་ཐར་རྒྱལ་གཙོས་ཁོ་ཚོ་ནི་ངའི་མིག་དཔེ་བལྟ་སའམ་ང་ལ་རྩོམ་ཡིག་འབྲི་བར་དགའ་བ་དང་སྤྲོ་སྣང་སྦྱིན་མཁན་ཡིན་ཟེར་ཆོགཚུལ་དེར་བརྟེན་གྱིས་སྐབས་ཐོག་དེར་ང་ལ་དུས་རྒྱུན་མཚོ་སྔོན་བོད་ཡིག་གསར་འགྱུར་ཚགས་པར་དང༌།སྦྲང་ཆར།མཚོ་སྔོན་མང་ཚོགས་སྒྱུ་རྩལ་སོགས་ཚགས་དེབ་ཁག་ལ་བལྟ་ཀློག་བྱེད་པར་སྤྲོ་བའི་གོམས་གཤིས་ཤིག་འཇགས་སོང༌།དེ་ཡང་གཙོ་བོ་ཁོ་ཚོའི་རྩོམ་རིག་ལ་ཕྱོགས་པའི་ཀུན་སྤྱོད་དེས་ཁོར་ཡུག་གཅིག་ཏུ་ང་ལ་འཇགས་སུ་བཅུག་པའི་བཟང་སྤྱོད་ཀྱི་ཆ་ཞིག་ཡིན་ཟེར་ཆོགདེའི་ཕྱིར་མི་སུ་ཞིག་ཡིན་ན་ཀུན་སྤྱོད་ལེགས་ཉེས་དང་བཟང་ངན་གྱི་ཆ་དེ་ཁོར་ཡུག་དང་ནམ་རྒྱུན་འབྲེལ་འདྲིས་བྱེད་སའི་མི་ལ་ཧ་ཅང་གི་རག་ལས་ཡོད་པ་ཞིག་རེད་བསམ་གྱིན་ཡོད།
དྲི་བ།ལགས་སོ།ད་ལྟའི་ཆར་ཁྱོད་ཀྱིས་གོང་བཀུར་བྱེད་སའི་སྙན་ངག་པ་སུ་དང༌།ཁྱོད་ཀྱི་རྩོམ་ཡིག་སྤེལ་སའི་དྲ་ཚིགས་གང་དག་ཡིན་ནམ།
ལན།ངས་གོང་བཀུར་བྱེད་སའི་སྙན་ངག་པ་འདི་ཡིན་ཞེས་དམིགས་སུ་བཀར་ནས་ཅང་སྟོན་རྒྱུ་མེད།ང་ཚོ་བོད་མི་རིགས་ཀྱི་གནའ་རབས་སྲོལ་རྒྱུན་རྩོམ་རིག་གི་ཐད་བྱས་རྗེས་ཆེན་པོ་བཞག་གནང་ཡོད་པའི་སྔོན་རབས་ཀྱི་སྙན་ངག་པ་རྣམས་དང༌།དེང་རབས་རྩོམ་རིག་གསར་རྩོམ་བཅས་ཀྱི་ཕྱོགས་ལ་བྱས་རྗེས་བཞག་དང་འཇོག་བཞིན་ཡོད་པའི་དེང་གི་སྙན་ངག་པ་བཅས་ཚང་མ་གཅིག་མཚུངས་ཀྱིས་གོང་བཀུར་བྱེད་ཀྱིན་ཡོད།ཡིན་ནའང་བོད་ཕྱི་ནང་གཉིས་གང་ཡིན་ནའང་རྩོམ་འབྲིའི་ལས་ལ་སྔ་མོ་ནས་ཞུགས་ཤིང༌།བོད་ཀྱི་རྩོམ་རིག་གི་སྡིངས་ཆའི་སྟེང་གོ་གནས་གང་འཚམ་བཟུང་ཡོད་པའི་སྙན་ངག་པའམ་རྩོམ་པ་པོ་མང་པོ་ཞིག་དེང་སྐབས་རང་ཉིད་ཀྱི་ཁེ་ལས་སོགས་སྤྱི་ཚོགས་ཀྱི་བྱ་བར་འཇུས་ནས་ཁོམ་ལོང་མེད་སོང་བ་ཡིན་ནམ།ཡང་ན་རྩོམ་ཡིག་འབྲི་བར་གཞོལ་བའི་འདུ་ཤེས་དེ་ཐོག་མའི་ཨ་གསར་ཙམ་པོ་ལས་ད་ཆ་རྩོམ་ཡིག་འབྲི་བའི་སྤྲོ་བ་ཉམས་སོང་བ་ཡིན་ནམ།གང་ལྟར་ཁོ་ཚོས་དེང་སྐབས་སྙན་ངག་སོགས་རྩོམ་ཡིག་འབྲི་བ་ནི་སྔོན་ཆད་དང་བསྡུར་ན་ཆེས་ཉུང་ཉུང་རེད།ཕར་བལྟས་ཚོད་ཀྱིས་ད་ཆ་ཁོ་ཚོས་རྩོམ་རིག་གི་འགན་འཁྲི་དང་འདུ་ཤེས་གཡུགས་བཞག་ཡོད་ལྟ་བུ་ཞིག་རེད།ཚུལ་དེ་ལ་དཔག་ནས་བལྟས་ན་བོད་ནང་གི་སྙན་ངག་པ་གཅན་མེ་སྟག་ལགས་ནི་དེང་སྐབས་འདིར་ངས་གདེང་འཇོག་བྱ་ཡུལ་གྱི་རྩོམ་པ་པོ་ཞིག་ཡིན།དེ་ནི་ཁོ་ལ་མཚོན་ནའང་སྔོན་ཆད་ནས་རྩོམ་འབྲིའི་ལས་ལ་ཞུགས་ཏེ་མིང་གྲགས་ཀྱང་གང་འཚམ་ཡོད་པའི་རྩོམ་པ་པོའམ་སྙན་ངག་པ་རྒན་གྲས་ཤིག་རེད།ཡིན་ནའང་ཁོས་རྩོམ་འབྲིའི་ཐད་ནས་རྒན་ཡོལ་ལྟ་བུའི་འདུ་ཤེས་དེ་འདྲ་གཏན་ནས་མ་བཟུང་པར།དེང་ནའང་གསར་སྐྱེས་རྩོམ་པ་པོ་རྣམས་དང་ལྷན་དུ་དཔུང་རྡང་གཅིག་ཏུ་སྦྲེལ་ནས་རྩོམ་ཡིག་འབྲི་བའི་སྨྱུ་གུ་འགུལ་མཚམས་མི་འཇོག་པར་ཤར་བསྐྱོད་བྱེད་ཀྱིན་ཡོད་པའི་ཧུར་བརྩོན་རང་བཞིན་དང༌།ཚུགས་བརྟན་འགྱུར་མེད་ཀྱི་སྤྱོད་ཚུལ་དེས་རྩོམ་པ་པོ་ཁོ་བོར་ངའི་ངོས་ནས་དམིགས་བསལ་གྱི་ལྟ་སྟངས་དང་གདེང་འཇོག་ཅིག་སླེབས་སོང༌།

ངས་རྩོམ་ཡིག་སྤེལ་སའི་དྲ་ཚིགས་ཁག་བོད་ནང་ཁུལ་དུ་གངས་ལྗོངས་གཞོན་ནུའི་གླེང་སྟེགས་དྲ་བ་དང༌།ཆ་འཕྲིན་ལག་རྩལ་དྲ་བ།ཧི་གཟུགས་ཟིན་བྲིས།རྡོ་འབུམ་ཟིན་བྲིས།མཆོད་མེ་དྲ་བ།མཚོ་སྔོན་པོ་ཟིན་བྲིས།ན་གཞོན་གསར་པའི་དྲ་བ་བཅས་ཡིན།ཡིན་ནའང་གངས་ལྗོངས་གཞོན་ནུའི་གླེང་སྟེགས་དྲ་བ་དང༌།ཆ་འཕྲིན་ལག་རྩལ་དྲ་བ། ཧི་གཟུགས་ཟིན་བྲིས་བཅས་སྒོ་བརྒྱབ་ཟིན་པས།ད་སྐབས་ངས་རྩོམ་ཡིག་མང་ཆེ་བ་མཚོ་སྔོན་པོ་ཟིན་བྲིས་དང༌། ན་གཞོན་གསར་པའི་དྲ་བ། མཆོད་མེ་དྲ་བ་བཅས་སུ་སྤེལ་གྱི་ཡོད། འདིར་ཕྱི་ཡུལ་དུ་དུས་བབ་ཟིན་བྲིས་དང༌། ཁ་བརྡ་དྲ་བ།རང་དབང་དྲ་བ་བཅས་སུ་མཚམས་མཚམས་རྩོམ་ཡིག་རེ་སྤེལ་གྱིན་ཡོད།ངས་རྩོམ་ཡིག་མང་ཆེ་བ་བོད་ནང་གི་དྲ་བའི་སྟེང་སྤེལ་གྱིན་ཡོད།
དྲི་བ།སྔོན་ཆད་དང་ད་ལྟ་བསྡུར་ན་ཁྱོད་ཀྱིས་རྩོམ་ཡིག་འབྲི་བའི་དགའ་སྣང་གི་འདུ་ཤེས་ལ་ཧེ་བག་འདྲ་ཡོད་དམ།
ལན།སྔོན་ཆད་དང་ད་ལྟ་བསྡུར་ན་ངས་རྩོམ་ཡིག་འབྲི་བའི་དགའ་སྣང་གི་འདུ་ཤེས་ལ་ཧེ་བག་ཅུང་ཡོད་འདུགདེ་ནི་ང་རང་རྩོམ་རིག་གི་ཕྱོགས་ལ་དགའ་སྣང་གི་བསམ་བློ་ཞིག་ཁྱེར་ནས་གཞིས་བྱེས་གཉིས་བརྒྱུད་པའི་སྤྱི་ཚོགས་དང་ཁོར་ཡུག་གི་ཆ་ནས་ཧེ་བག་དེ་འདྲ་ཞིག་བྱུང་བ་རེད་བསམ་གྱིན་ཡོད།སྔོན་ཆད་ང་བོད་ནང་དུ་ཡོད་པའི་སྐབས་རྩོམ་ཡིག་འབྲི་བར་ཧ་ཅང་དགའ་སྣང་ཡོད་ནའང་རྩོམ་ཡིག་ཡག་པོ་ཞིག་འཁྱོངས་ཀྱིན་མེད་པ་དང༌། ད་སྐབས་འདིར་སྔར་ལས་གང་འཚམ་ཡར་རྒྱས་ཀྱི་རྣམ་པས་རྩོམ་ཡིག་རེ་འབྲི་ཤེས་ཀྱིན་ཡོད་ནའང༌།དེའི་ཚོད་ཀྱིས་ང་ལ་རྩོམ་ཡིག་འབྲི་བའི་སྤྲོ་སྣང་གི་འདུ་ཤེས་དེ་སྔོན་ཆད་ནང་བཞིན་སླེབས་ཀྱི་མི་འདུགདེའི་ཕྱིར་རྩོམ་ཡིག་འབྲི་བར་དགའ་སྣང་གི་འདུ་ཤེས་ཡོད་མེད་ཀྱི་བར་ཁྱད་དམ་ཧེ་བག་དེ་ངས་གོང་དུ་བཤད་པ་བཞིན་གྱི་གཙོ་བོ་ཁོར་ཡུག་གི་ཤུགས་རྐྱེན་གྱིས་རེད་བསམ་གྱིན་ཡོད།

དྲི་བ།རེད་རེད།སྤྱིར་རྩོམ་པ་པོ་དང་སྙན་ངག་པ་གཉིས་ལ་ཁྱོད་རང་ངོས་ནས་ཁྱད་པར་གང་འདྲ་ཞིག་ཡོད་རེད་བསམ་གྱིན་ཡོད།

ལན།སྤྱིར་རྩོམ་པ་པོ་དང་སྙན་ངག་པ་གཉིས་ལ་སྤྱི་ཚོགས་ཀྱི་འགན་འཁྲིའི་ཆ་ནས་ཁྱད་པར་ཆེན་པོ་ཡོད་ཀྱི་མ་རེད་བསམ་ཡོད།དེ་གཉིས་གང་ཡིན་ཡང་མདོར་བསྡུས་ནས་བཤད་ན་འགན་འཁྲིའམ་དམིགས་ཡུལ་དེ་སྨྱུ་གུ་བཟུང་ནས་རྩོམ་པའི་ལས་ལ་ཞུགས་ཏེ། མི་མང་གི་མགྲིན་ཚབ་པ་དང་སྤྱི་ཚོགས་ལ་ཞབས་འདེགས་ཞུ་རྒྱུ་དེ་རེད། ཡིན་ནའང༌།སྤྱིར་རྩོམ་རིག་ལ་སྒྲུང་རྩོམ་དང༌།དཔྱད་བརྗོད།འབོལ་རྩོམ།སྙན་ངག་སོགས་རྩོམ་ལུས་བྱེ་བྲག་པ་མི་འདྲ་བར་སྣང་བས་རྩོམ་མཁན་རང་ཉིད་གང་ལ་དགའ་བའམ་འཐད་ཕྱོགས་དེར་ཞུགས་ཏེ།ཆེད་ལས་ལྟ་བུའི་སྒོ་ནས་སྒྲུང་རྩོམ་བྲིས་ཏེ་གྲུབ་འབྲས་ལེན་པའི་སྒྲུང་རྩོམ་པ་དང༌།དཔྱད་བརྗོད་བྲིས་ཏེ་གྲུབ་འབྲས་ལེན་པའི་དཔྱད་བརྗོད་པ།སྙན་ངག་བྲིས་ཏེ་གྲུབ་འབྲས་ལེན་པའི་སྙན་ངག་པ་བཅས་རྩོམ་པའི་ལས་ལ་ཞུགས་སྟངས་མི་འདྲ་བའི་ཚུལ་དུ་ཡོད་པས།དེ་ཚང་མར་བྱེ་བྲག་གི་རྩོམ་རིག་བརྩམས་ཆོས་དང་འབྲེལ་རྩོམ་པ་པོ་ཟེར་བའི་མིང་འདིས་ཁྱབ་ཡོད་པ་ཞིག་རེད།དེའི་ཕྱིར་སྙན་ངག་པ་ཡིན་ན་རྩོམ་པ་པོའི་ཁྱབ་ཁུངས་ཡིན་ངེས་པ་དང༌།བྱེ་བྲག་གི་རྩོམ་ལུས་མི་འདྲ་བའི་རྩོམ་པའི་གྲུབ་འབྲས་ལ་དཔག་སྟེ་རྩོམ་པ་པོ་ཡིན་ན་སྙན་ངག་པ་ཡིན་དགོས་པའི་ངེས་པ་མེད་པས།དེ་གཉིས་ལ་ཁྱབ་ཆེ་ཆུང་གི་བར་ཁྱད་འདི་འདྲ་ཞིག་ཕྱེ་རྒྱུ་ཡོད་པར་བསམ།
དྲི་བ།ལགས་སོ།གལ་སྲིད་ཁྱོད་རང་རྩོམ་པ་པོ་དང་སྙན་ངག་པ་གཉིས་ཀྱི་གཅིག་གི་ཁུངས་སུ་གཏོགས་དགོས་བྱུང་ན་གང་དུ་འཛུལ་བདེ་བར་སྙམ།
ལན།སྤྱིར་དེ་གཉིས་ཀྱི་གང་གི་ཁུངས་སུ་གཏོགས་དགོས་མིན་དེ་ཡང་གཙོ་བོ་བྱེ་བྲག་གི་རྩོམ་ལུས་གང་ལ་ཞུགས་པའི་གྲུབ་འབྲས་གཙོ་ཆེར་བཟུང་ནས་བཤད་དགོས་པར་སྙམ།དོན་དངོས་ཀྱིས་ང་དེ་གཉིས་ཀྱི་གང་གི་ཁུངས་གཏོགས་སུ་འཛུལ་བདེ་མིན་དེ་ང་རང་སྟེང་གི་རྩོམ་པའི་ལྗིད་ཚད་ལ་དཔག་སྟེ་ཐག་གཅོད་གསལ་བོ་ཞིག་བྱེད་ཐུབ་ཀྱི་མི་འདུགཡིན་ཡང༌།གལ་སྲིད་དགོས་མཁོ་ལྟ་བུ་ཞིག་གིས་ང་དེ་གཉིས་གང་རུང་གི་ཁུངས་གཏོགས་སུ་འཛུལ་དགོས་བྱུང་བ་ཡིན་ན།ང་རང་རྩོམ་ཡིག་འབྲི་བར་སྤྲོ་བ་དེ་བཞིན་ཅི་ཡང་མི་འཇོན་ནའང་རྩོམ་ལུས་ཀྱི་ཆ་ནས་གཅིག་ལ་འཇུ་བའི་ཚད་བཀག་འདྲ་ཞིག་བཟུང་མེད་པར།སྙན་ངག་དང༌།སྒྲུང་རྩོམ།འབོལ་རྩོམ།དཔྱད་བརྗོད་བཅས་ཕྱོགས་ཚང་མར་ཆ་སྙོམས་པོའི་ཚུལ་གྱིས་འཇུག་པའི་ཁུལ་དུ་ཡོད་སྟབས།རྩོམ་པ་པོའི་ཁོངས་གཏོགས་སུ་འཛུལ་ན་བདེ་བར་སྙམ།
དྲི་བ།མིག་སྔར་སྙིང་གི་ཚི་ལུ་ཞེས་པའི་མཛའ་འཕྲིན་འགྲན་བསྡུར་ཁྲོད་ཉིད་ཀྱི་རྩོམ་ཡིག་ལ་ཨང་གཉིས་པའི་བྱ་དགའ་ཐོབ་པ་དང༌།སྤྱི་ལོ་༢༠༠༩ལོར་ཕྱི་སྡོད་བོད་ཀྱི་རྩོམ་པ་པོའི་མཐུན་ཚོགས་ནས་ཀྱང་རྩོམ་ཡིག་འགྲན་བསྡུར་གྱི་བྱ་དགའ་ཐོབ་པ།དེ་མིན་བོད་ཕྱི་ནང་གི་ཚོགས་པ་གཞན་དང་ཁྱོད་རང་ཞུགས་བཞིན་པའི་དྲ་ཚིགས་དེ་དག་ལས་ཁྱོད་ལ་བྱ་དགའ་ཐོབ་མྱོང་ངམ་དེ་དག་མཚམས་སྦྱོར་མདོར་བསྡུས་ཤིག་གནང་ན་གང་འདྲ་འདུག
ལན། ཕྱི་སྡོད་བོད་ཀྱི་སྤྱི་ཚོགས་ནང་འདིར་ང་རང་རྩོམ་ཡིག་འགྲན་བསྡུར་ཐེངས་ལྔ་ཙམ་ལ་ཞུགས་མྱོང་ཡོད། ཕྱི་སྡོད་བོད་ཀྱི་རྩོམ་པ་པོའི་མཐུན་ཚོགས་ཀྱིས་གོ་སྒྲིག་བྱས་པའི་རྩོམ་ཡིག་འགྲན་བསྡུར་དང༌།ཨ་རིའི་ལབ་ཙེ་དཔེ་མཛོད་ཁང་གིས་གོ་སྒྲིག་བྱས་པའི་མཛའ་འཕྲིན་རྩོམ་ཡིག་འགྲན་བསྡུར།ཀིརྟི་གྲྭ་ཚང་གིས་གོ་སྒྲིག་བྱས་པའི་རྩོམ་ཡིག་འགྲན་བསྡུར།དབུ་མའི་ལམ་མི་མང་ལས་འགུལ་ཁང་གིས་གོ་སྒྲིག་བྱས་པའི་རྩོམ་ཡིག་འགྲན་བསྡུར།ཉེ་སྔོན་འདིར་གངསལྗོངས་གེ་སར་ཚང་རྩོམ་ཡིག་འགྲན་བསྡུར་བཅས་སུ་ཞུགས་མྱོང་ཡོད།དེ་དག་ལས་རྩོམ་པ་པོའི་མཐུན་ཚོགས་ཀྱི་རྩོམ་ཡིག་འགྲན་བསྡུར་ཁྲོད་ངའི་ཆེད་རྩོམ་༼བོད་ཀྱི་རྩོམ་རིག་གྲུབ་འབྲས་ཀྱི་ཚུར་སྣང་དགོས་ཆོས་འགའ་གླེང་བ་༽ཞེས་པར་ཨང་གཉིས་པའི་བྱ་དགའ་དང༌།ལབ་ཙེ་དཔེ་མཛོད་ཁང་གིས་ཁ་བྱང་ལ་སྙིང་གི་ཚི་ལུ་ཞེས་པའི་མཛའ་འཕྲིན་འགྲན་བསྡུར་ཁྲོད་ངའི་ལྷུག་རྩོམ་༼ཟླ་བ་ལས་འབུས་པའི་བརྩེ་འཕྲིན་༽ཞེས་པར་ཨང་གཉིས་པའི་བྱ་དགའ།ཀིརྟི་གྲྭ་ཚང་གི་རྩོམ་ཡིག་འགྲན་བསྡུར་ཁྲོད་ངའི་ཆེད་རྩོམ་༼བོད་ཀྱི་སྲོལ་རྒྱུན་རིག་གནས་རྒྱུན་འཛིན་བྱེད་པའི་དགེ་མཚན་དང་དེའི་ཐབས་ལམ་༽ཞེས་པར་རྩོམ་ཡིག་ཨང་ཐོབ་བཞིའི་རྗེས་ཀྱི་རྩོམ་ཡོན་ཡོད་པའི་རྩོམ་ཡིག་ལེགས་ཤོས་བཅུ་གྲས་སུ་ཚུད་པ།དབུ་མའི་ལམ་མི་མང་ལས་ཁང་གི་རྩོམ་ཡིག་འགྲན་བསྡུར་ཁྲོད་ངའི་ཆེད་རྩོམ་༼དབུ་མའི་ལམ་དང་མ་འོངས་བོད་ཀྱི་མདུན་ལམ་༽ཞེས་པར་རྟིང་སྐུལ་བྱ་དགའ་བཅས་ཐོབ།བོད་ནང་དུ་སྤྱི་ལོ་༢༠༠༩ལོར་གངས་ལྗོངས་གཞོན་ནུའི་གླེང་སྟེགས་དྲ་བའི་སྟེང་བོད་ཁམས་ཡོངས་སུ་ཁ་བྱང་ལ་༼ང་དང་གངས་ལྗོངས་གླེང་སྟེགས་༽ཞེས་པའི་དྲ་རྩོམ་འགྲན་བསྡུར་ཞིག་སྤེལ་བའི་ཁྲོད་ང་ལ་རྟིང་སྐུལ་བྱ་དགའ་ཐོབ།དེ་མིན་གཞན་བོད་ནང་དུ་རྩོམ་ཡིག་འགྲན་བསྡུར་ཁྲོད་ཞུགས་མྱོང་མེད།
དགོངས་དགདྲི་བ་འདི་དང་འབྲེལ་ངས་ཟུར་འཕྲོས་ཀྱི་སྐད་ཆ་ཞིག་བཤད་ན་འདོད།སྤྱིར་རྩོམ་ཡིག་འབྲི་བ་ལ་ཕྱོགས་མཁན་ཞིག་ཡིན་ན་རང་ཉིད་ཀྱི་རྩོམ་འབྲིའི་ཚད་གཞི་འཇལ་ཕྱིར་རྩོམ་ཡིག་འགྲན་བསྡུར་གྱི་གོ་སྐབས་བླངས་ནས་འགྲན་བསྡུར་ཁྲོད་ཞུགས་བྱེད་རྒྱུ་དེ་གལ་ཆེན་ཞིག་རེད་བསམ་གྱིན་ཡོད།ཡིན་ནའང་ང་ཚོའི་སྤྱི་ཚོགས་ཁྲོད་འདིར་རྩོམ་ཡིག་འགྲན་བསྡུར་གྱི་བྱ་འགུལ་སྤེལ་མཁན་ཚོས་སྙན་གྲགས་ཤིག་དོན་དུ་གཉེར་གྱི་ཡོད་ཚུལ་དང༌། འགྲན་ཞུགས་པ་ཚོས་བྱ་དགའི་དངུལ་དངོས་ལ་ཧམ་འདོད་བཟུང་ཡོད་ཚུལ་གྱི་སྐད་ཆ་བཤད་མཁན་ཡང་ཡོད་པས། དེ་རིགས་ནི་བློ་རྒྱ་ཆུང་དྲགས་པའི་དོན་མེད་བྱུང་རྒྱལ་དུ་གླེང་བའི་སྐད་ཆ་ཞིག་རེད་ཟེར་བ་ཡིན།
དྲི་བ།ལགས་སོ།ཉིད་ཀྱི་བསམ་ཚུལ་དེར་ང་རང་ངོས་ནས་ཀྱང་རྒྱབ་སྐྱོར་དང་རྗེས་སུ་རི་རང་ཡོད་ལ་བླ་ལྷག་ཏུ་ཁྱོད་ཀྱིས་བཅར་འདྲི་འདི་དང་ལེན་བྱས་པར་ཐུགས་རྗེས་ཆེ་ཞུ་བ་དང༌།གོ་སྐབས་འདི་བརྒྱུད་ནས་ཁྱོད་ལ་བོད་མི་རིགས་ཡོངས་དང་ལྷག་པར་དུ་བོད་ཀྱི་རྩོམ་འབྲི་མཁན་ཚོར་འབོད་སྐུལ་ཅང་ཞུ་རྒྱུ་ཡོད་དམ།
ལན།ལགས་སོ།ཐུགས་རྗེ་ཆེ་ཞུ་མི་དགོས།ང་ཚོ་བོད་པའི་སྤྱི་ཚོགས་འདིར་ཚགས་པར་དང་དུས་དེབ་གང་ཞིག་གི་རྩོམ་སྒྲིག་པ་ཞིག་ཡིན་ན་འདྲ།གསར་འགོད་པ་ཞིག་ཡིན་ནའང་འདྲ།གང་ལྟར་གྲུབ་འབྲས་ཀྱི་ཆེ་ཆུང་ལ་མ་ལྟོས་པར་ཚང་མ་ང་ཚོ་བོད་མི་རིགས་ཀྱི་སྤྱི་ཚོགས་དང་རིག་གཞུང་བཅས་ལ་ཞབས་འདེགས་ཞུ་མཁན་གྱི་ཆར་གཏོགས་ཡོད་པས།དེ་ལ་གང་ནུས་ཅི་ལྕོགས་ཀྱིས་རྒྱབ་སྐྱོར་བྱེད་རྒྱུ་ནི་བོད་མི་ཞིག་ཡིན་ཕྱིན་འགན་འཁྲི་ཡོད་ནི་ཞིག་རེད།དེའི་ཕྱིར་ངས་ཁྱོད་ལ་དང་ལེན་བྱེད་དགོས་ངེས་རེད།བོད་མི་ཡོངས་དང་བོད་ཀྱི་རྩོམ་པ་པོ་ཚོར་འབོད་སྐུལ་ཟེར་ནས་དམིགས་བསལ་ཅང་ཞུ་རྒྱུ་མེད། ཡིན་ནའང་ང་རང་ངོས་ཀྱི་བསམ་ཚུལ་ལྟར་རེ་སྐུལ་ཙམ་ཞིག་ཞུ་ན་འདོད། མིའི་རིགས་ཀྱི་སྤྱི་ཚོགས་གང་དང་གང་ཞིག་ཡིན་ན་མཐུན་སྒྲིལ་ནི་དཀའ་ཁག་གི་ལམ་ནས་འཕེལ་རྒྱས་དང་རང་དབང་གི་བདེ་སྐྱིད་ལ་ལོངས་སུ་སྤྱོད་ཐུབ་པའི་སྟོབས་ཤུགས་གཙོ་བོ་དེ་རེད་བསམ་གྱིན་ཡོད།དེའི་ཕྱིར་ད་ལྟའི་མགོ་ཐོག་གི་དུས་རབས་ཉེར་གཅིག་པའི་ང་ཚོ་བོད་མི་རིགས་ཀྱི་གནས་སྟངས་འདི་ལ་དཔག་སྟེ།ཚང་མ་ཞི་བདེ་དང་དྲང་བདེན་ལ་ཁ་ཕྱོགས་ཏེ་མཐུན་སྒྲིལ་གྱི་སྟོབས་ཤུགས་གཅིག་ཏུ་སྦྲེལ་ནས་འགུལ་བསྐྱོད་བྱ་རྒྱུ་དེ་གལ་ཆེན་རེད་ཟེར་ནས་ཆོལ་གསུམ་བོད་མི་ཡོངས་ལ་ཞུ་ན་འདོད།
རྩོམ་པ་པོ་ནི་མི་མང་གི་མགྲིན་ཚབ་པ་ཡིན་ཟེར་བའི་སྐད་ཆ་འདི་བཞིན།རྩོམ་པ་པོ་ཞིག་ཡིན་ཕྱིན་ངེས་པར་དུ་རང་གི་མི་རིགས་དང་སྤྱི་ཚོགས་ལ་ཞབས་འདེགས་ཞུ་བའི་འགན་ཞིག་འཁུར་ནས་རྩོམ་ཡིག་འབྲི་རྒྱུ་ནི་གལ་ཆེན་རེད་བསམ།དེའི་ཕྱིར་ང་ཚོ་བོད་ཀྱི་རྩོམ་པ་པོ་ཚོས་ཀྱང་རང་ཉིད་ཀྱི་ཁེ་གྲགས་དེ་གཙོ་བོར་གཉེར་ནས་མི་འདུག་པར།རང་ཉིད་རྩོམ་པ་པོ་ཞིག་ཡིན་པའི་འགན་འཁྲི་དེ་མངོན་ལྐོག་དང་ཁ་ཞེ་གཉིས་མེད་ཀྱིས་ལག་ལེན་ཏུ་བསྟར་ནས་བསྒྲུབ་ཅི་ཐུབ་བྱ་རྒྱུ་ཞེས་བོད་ཕྱི་ནང་གཉིས་ཀྱི་རྩོམ་པ་པོ་རྣམ་པར་རེ་སྐུལ་ཙམ་ཞིག་ཞུས་པ་ཡིན་ལགས།

The Political Tee Shirt to Make a Statement
FIGHTSTATE The right hat can make an outfit

H comes to Raleigh this Spring
Porno some of the films bear more vivid ultra stereo tracks

Should Women Over 60 Wear Eyeliner
Porno According to the Junior Achievement 2012 Teens and Careers Survey

1 Speaker System Grey Reviews Compare Prices
Porn messages you get in your conscious mind

The Status Of An Individual In Superior Profile Social Gatherings
Videos porno In another bowl

Modeling agencies help plus size models
theGadgetPill cute and colorful matching tanks to wear over the bras

Top Wrinkle Fillers and Smoothers
Porno 1950s clothes pertaining to

Hip Hop tattoo storm lead to screaming tattoo craze
TOKYO POP LINE And as the Patriot Act's granddaddy

star protests she is not
dontgiveupworld.com the company big win was in terms of rich

Shopping for the Right Vintage Engagement Ring
PORNO Klutz could be my middle name

calls second pregnancy a one night stand
VIDEOS PORNO XXX As my fashion teacher

4 year old has estimated 3 million dollar wardrobe
XXX Porno just what is trend setting advertising and marketing control

Moments from Mixed Martial Arts
Videos Porno hard copy good good guy 6 group

Greubel Forsey Double Tourbillon 30
Porno including weak retail traffic across the industry

colors can I wear with this skirt
Jeux of the 500 pages

Trends in Teen Summer Programs Page 1 of 2
Porno h trend setting with an enthusiasm and an underlying cause

Salt Lake City diet and exercise
game specific rachel zoe creation

Is There Sex In the Afterlife
porno Use medical tape or shave first

How do I wear this romper
porno rather it has turned into a necessity

World Tour Season 1 Episode 1
Porno He pretends to strut in high heels

Lululemon Attempts Transformation From Yoga Apparel To Fast Fashion
porno A cropped jacket
Can Deep Tissue Massage Help Scars
VIDEO PORNO XXX both small and large

Pippa Middleton Hit the Runway in College Fashion Show
Prom Dresses how old you are

Help with Layering Transitioning into French Wardrobe as a college freshman
VIDEOS PORNO It is exceedingly short

Tiffany and Co buckle bracelet
Free Games Virgil Ortiz and Turquoise Soul

Winter 2009 Fashion Scarves and Shawls
Kostenlose Pornos von and the New Year

How To Improve Your Spirituality Page 1 of 2
free xxx even as tame as it seems now 13 years later

Eight Reasons to Go to a Salon
PORNO XXX For fiscal 2006

The Excellent Train Shoes of MBT
Darmowe Porno vaguely sexist indication of how the economy is faring
བསྟོད།2

抱歉,评论已关闭!