[འོས་སྦྱོར]མཚོ་སྔོན་ཞིང་ཆེན་ཚོང་ལས་ཡར་སྐུལ་ཚོགས་པས་མི་རིགས་ཚོང་ཁྲོམ་དར་སྤེལ་བཞུགས་མོལ་ཚོགས་འདུ་བསྡུས།

ཉམས་མྱོང་མཉམ་སྤྱོད། འཕེལ་རྒྱས་མཉམ་ཇུས།  
—— ཟི་ལིང་མི་རིགས་ཚོང་ཁྲོམ་དར་སྤེལ་བཞུགས་མོལ་ཚོགས་འདུ།   

   ཟླ་༣པའི་ཚེས་༡༧ཉིན་མཚོ་སྔོན་ཞིང་ཆེན་ཚོང་ལས་ཡར་སྐུལ་ཚོགས་པས་ཉམས་མྱོང་མཉམ་སྤྱོད་དང་འཕེལ་རྒྱས་མཉམ་ཇུས་བརྗོད་གཞིའི་མི་རིགས་ཚོང་ཁྲོམ་དར་སྤེལ་བཞུགས་མོལ་ཚོགས་འདུ་བསྡུས། མཚོ་སྔོ་ཞིང་ཆེན་ཚོང་ལས་ཡར་སྐུལ་ཚོགས་པའི་རྒྱུན་ལས་ཚོགས་གཙོ་གཞོན་པ་དང་དྲུང་ཡིག་ཆེན་མོ་ནམ་མཁའ། ཚོགས་གཙོ་གཞོན་པ་དང་དྲུང་ཡིག་གཞོན་པ་དོན་འགྲུབ་ཚེ་བརྟན། ཚོགས་གཙོ་གཞོན་པ་ལྷ་འབྲུག་སྒྲོལ་མ་སོགས་གཙོས་མི་རིགས་ཚོང་ཁྲོམ་ཁེ་ལས་པ་དག་དང་དྲུང་ཡིག་ཁྲུའུ་གཞུང་སྒྲུང་ཁང་གི་ལས་བྱེད་མི་སྣ་ཡོངས་མཉམ་དུ་ཚོགས་འདུར་ཞུགས། 

རྒྱུན་ལས་ཚོགས་གཙོ་གཞོན་པ་དང་དྲུང་ཡིག་ཆེན་མོ་ནམ་མཁའ་ཡིས་གཏམ་བཤད་གནང་བཞིན་པ།

 ཐེངས་འདིའི་བཞུགས་མོལ་ཚོགས་འདུའི་གླེང་གཞི་གཙོ་བོ་ནི། ཉམས་མྱོང་མཉམ་སྤྱོད་དང་འཕེལ་རྒྱས་མཉམ་ཇུས་གྱིས་མི་རིགས་ཚོང་ཁྲོམ་ལ་ཞབས་ཞུ་དང་། ཁེ་དབང་སྲུང་སྐྱོབ། བྱ་ལས་མཉམ་སྒྲུབ་སོགས་ཀྱི་ཐད་གླེང་མོལ་དང་བསམ་བློ་བརྗེ་རེས་ཀྱིས་ཕན་ཚུན་སློབ་སྦྱོང་བྱས་ཤིང་། ངེད་ཚོང་ལས་ཡར་སྐུལ་ཚོགས་པའི་རྒྱུན་ལས་ཚོགས་གཙོ་གཞོན་པ་དྲུང་ཡིག་ཆེན་མོ་ནམ་མཁའ་ཡིས་ཁེ་ལས་པ་རྣམས་ལ་མཚོ་སྔོན་ཞིང་ཆེན་ཚོང་ལས་ཡར་སྐུལ་ཚོགས་པའི་ཞབས་ཞུའི་སྤྱི་དོན་དང་། སྤྱི་ཚོགས་བྱེད་ནུས། འབུར་ཐོན་གྱི་འབྲས་བུ་བླངས་པ་བཅས་དང་འབྲེལ་ཏེ་ད་ལོའི་བྱ་བའི་འཆར་གཞི་ཞིབ་བཤད་གནང་ཞིང་། མཚོ་སྔོན་ཞིང་ཆེན་ཚོང་ལས་ཡར་སྐུལ་ཚོགས་པའི་བྱ་བའི་འོས་འགན་གལ་གནད་སྐོར་ནན་བཤད་བགྱིས།  

༡ དུས་བཅད་ནང་རྩ་འཛུགས་ཀྱིས་ཏང་དང་རྒྱལ་ཁབ་ཀྱི་བྱེད་ཕྱོགས་སྲིད་ཇུས་ལ་སློབ་སྦྱོང་བྱེད་པ། ཞིང་ཆེན་དང་གྲོང་ཁྱེར་ནང་ལྟ་སྐྱོང་སྲིད་ཇུས་གསར་པ་ཁྱབ་སྒྲོག་དང་ལས་རིགས་ནང་ཁུལ་དུ་བཅའ་ཁྲིམས་དང་སྒྲིག་ཁྲིམས་གསར་པ་ཁྱབ་སྒྲོག་བྱེད་པ། 

༢ གོང་རིམ་སྡེ་ཁག་ལ་དུས་ལྟར་ཚོགས་པའི་རྣམ་པ་གསར་པ་ཡར་ཞུ་བྱེད་པ་དང་། ལས་རིགས་ནང་ཁུལ་གྱི་ལས་དོན་གལ་ཆེན་རྟོག་དཔྱད་དང་ཞིབ་འཇུག་བྱས་ཏེ་ཐག་གཅོད་འཆར་འགོད་བཟོ་བ། 

༣ ཚོང་གཉེར་སྐབས་དཀའ་ལས་དང་ཕྲད་པའི་ཚོགས་མིའི་དཀའ་ཁག་སེལ་ཏེ་ཞབས་ཞུ་བཟང་པོ་བསྒྲུབས་པ། 

༤ ཁེ་ལས་བཅོས་བསྒྱུར་དང་རིམ་སྤར་ལ་སྣེ་ཁྲིད་དེ། འབད་པ་ཆེན་པོས་ལག་རྩལ་ཞབས་ཞུ་དང་། ལག་རྩལ་མཉམ་འབྲེལ། ལག་རྩལ་འདྲི་རྨེད་སོགས་ཀྱི་བྱ་འགུལ་སྤེལ་བ། 

༥ ཁེ་ལས་རྩ་འཛུགས་ཀྱིས་སློབ་སྦྱོང་དང་རྟོག་ཞིབ། འགྲེམ་སྟོན་དང་འཆད་ཁྲིད། དཔྱད་གླེང་དང་གསབ་སྦྱོང་སོགས་ཀྱི་བྱ་འགུལ་སྤེལ་བ། ༦   ཁེ་ལས་ལ་རོགས་འདེགས་ཀྱིས་རྣམ་གྲངས་ལེགས་གྲུབ་དང་བྱ་བ་ཡིག་ཞུ་བྱེད་པ། 

༧  མཚོ་སྔོན་ཞིང་ཆེན་ཚོང་ལས་ཡར་སྐུལ་ཚོགས་པའི་ཚགས་པར་དང་དྲ་ཚིགས་དང་སྨྱན་སྦྱོར་སོགས་བརྒྱུད་དེ་ཚོགས་མིར་ཁྱབ་སྒྲོག་གི་བྱ་བ་བསྒྲུབ་པ། ༨ སྣ་འཛོམས་རང་བཞིན་གྱི་མཛའ་འབྲེལ་གྱི་བྱ་འགུལ་སྤེལ་ཏེ་ཚོགས་མིའི་བར་གྱི་འབྲེལ་འདྲིས་དང་མཉམ་སྤྱོད་ཇེ་ལེགས་སུ་གཏོང་བ།  

ཚོང་ལས་ཡར་སྐུལ་ཚོགས་པའི་རྒྱུན་ལས་ཚོགས་གཙོ་གཞོན་པ་དང་དྲུང་ཡིག་ཆེན་མོ་ནམ་མཁས་ཚོགས་པས་སྔར་ལས་ལྷག་པར་ཇི་ལྟར་ནུས་པ་འདོན་ཚུལ་ཐད་གཏམ་བཤད་སྤེལ་ཏེ། མི་རིགས་ཚོང་ཁྲོམ་གྱི་ཁེ་ལས་པ་རྣམས་དང་ལྷན་དུ་ལབ་གླེང་བྱས་པ།  

ཚོགས་མིས་གཏམ་བཤད་སྤེལ་བ།


བཞུགས་མོལ་ཚོགས་འདུ་འདི་ནི་ངེད་ཚོང་ལས་ཡར་སྐུལ་ཚོགས་པ་དང་ཁེ་ལས་པའི་དར་སྤེལ་ཉམས་མྱོང་ཐད་ཀྱི་བསམ་བློ་བརྗེ་རེས་ཀྱི་རྨང་གཞིའི་སྟེང་སྤེལ་ཅིང་། སྔར་ལས་ཀྱང་ཚོང་ལས་ཉོ་ཚོང་མཉམ་འབྲེལ་གཅིག་མཐུན་གྱི་འདུ་ཤེས་སྐྱེས། མི་རིགས་ཚོང་ཁྲོམ་ཁེ་ལས་པ་རྣམས་ཀྱིས་རྒྱབ་སྐྱོར་བླ་མེད་གནང་ཞིང་། ཚོང་ལས་ཡར་སྐུལ་ཚོགས་པར་རིན་བྲལ་གྱི་བསམ་ཚུལ་བཏོན་ཏེ། རང་འགུལ་དང་རང་མོས་ཀྱིས་ཚོགས་ཞུགས་རེ་ཞུ་བྱས་ཤིང་། ཚོགས་པར་ཞུགས་པའི་རེ་ཞུའི་ཐོ་འགོད་འབྲེལ་ཡོད་འགྲོ་ལུགས་ལེགས་པར་བསྒྲུབས། 

ངེད་ཚོང་ལས་ཡར་སྐུལ་ཚོགས་པས་མི་རིགས་ཚོང་ཁྲོམ་ཁེ་ལས་པ་རྣམས་དང་མཉམ་དུ་ས་གནས་ཚོང་ལས་ཉོ་ཚོང་གི་བྱ་བར་ཤུགས་སྣོན་བྱེད་པར་འབད་བརྩོན་བགྱིས་ཏེ། མ་འོངས་བྱ་བའི་སྟེང་ཞབས་ཞུ་གང་ལེགས་ཀྱིས་ཁེ་ལས་གང་མང་ཞིག་དང་ཐོན་ཁུངས་མཉམ་འབྲེལ་བྱེད་པར་ཡིད་ཆེས་ཡོད།

 

འཕྲིན་གྱི་ཡོང་ཁུངས། ཚོང་ལས་ཡར་སྐུལ་ཚོགས་པའི་འཕྲིན་སྟེགས།


བསྟོད།6

དཔྱད་མཆན་སྤེལ།