བགྲོ་གླེང་གིས་དྲེད་པའི་ན་གཞོན་བཤད་དགའ་དག་ལ།

རུས་པ།

དེ་རིང་གི་དུས་འདིར་ནུབ་བྱང་ཚང་གི་ལྟེ་བ་བྱེད་ས་ནས་བོད་ཀྱི་ཡུལ་གྲུ་གང་སར་རིག་གནས་བགྲོ་གླེང་དང་བསམ་བློ་གཙུབ་བརྡར་བྱེད་སའི་ཁོར་ཡུག་ཅིག་ཚ་ཚ་འུར་འུར་གྱིས་གྲུབ་འདུག ཆེ་ས་ནས་བཤད་ན་དེ་ལྟར་རེད། ཁོར་ཡུག་དེ་ལྟ་བུའི་བདག་པོའམ་རྐང་འཛིན་པ་ལྟ་བུར་གྱུར་བ་དག་གཙོ་བོ་བོད་ཀྱི་ན་གཞོན་སློབ་མ་དག་དང་གྲྭ་བ་མར་ལོག་དག་རེད། དེ་ཡང་གཙོ་བོ་དུས་རབས་ཀྱིས་རང་རེ་ལ་བཏོན་པའི་ཆ་རྐྱེན་དང་འགན་འཁྲི་རེད། འགན་འཁྲི་དེ་ཡང་ཕྱོགས་གཅིག་ནས་ན་གཞོན་དག་གི་ལང་ཚོའི་ངར་ཤུགས་དང་སྡེབ་ནས་མངོན་དང་མངོན་བཞིན་པ་འདི་རེད། འདི་ནི་དོན་དངོས་ཀྱི་སྟེང་ནས་བལྟས་ན་ཤིན་ཏུ་ནས་ཀྱང་དགའ་འོས་པ་ཞིག་རེད། དེ་ཡང་ལོ་རྒྱུས་ཀྱི་ངོས་ནས་བལྟས་ན། ལོ་རབས་བརྒྱད་བཅུ་ཡས་མས་ནས་བོད་ཀྱི་ཤེས་ཡོན་པའི་སྡེ་རུ་ལང་ཚོའི་ངར་ཤུགས་གསར་བ་འདི་དང་ལང་ཚོའི་ངར་ཤུགས་ཀྱི་མཆེད་སྟངས་གསར་བ་འདི་མགོ་འབུས་པ་ཞིག་རེད། དེ་ནས་ད་ལྟའི་བར་དུ་ད་དུང་མུ་མཐུད་དེ་དངོས་ཡོད་ཀྱི་དོན་སྙིང་མ་ཤོར་བའི་ཐོག་ནས་མཆེད་བཞིན་ཡོད་པ་རེད། དེ་དག་ཀྱང་གཙོ་བོ་ན་གཞོན་ཤེས་ཡོན་པའི་སྟེང་ནས་མངོན་ཞིང་མཆེད་ཀྱི་འདུག མི་རབས་གསར་བ་འཚར་ལོངས་བྱུང་བའི་ལོ་རྒྱུས་ཀྱི་དུས་རིམ་དེའི་ཁྲོད་དུ་དྲང་མོར་བཤད་ན། དྲང་ལྡོག་གཉིས་ཐད་ནས་བཤད་བྱ་མང་པོ་ཞིག་ལུས་ཡོད་བཟོ་འདུག་མོད། ད་རེས་ཁོ་བོས་རང་གི་མིག་སྔའི་གནས་སྟངས་འདི་ལ་གདོང་གཏད་དེ་རང་དང་མཉམ་པའི་ན་གཞོན་གསར་བའི་རིག་གནས་བགྲོ་གླེང་དང་བསམ་བློ་བརྗེ་རེས་ཀྱི་ཁོ་ར་ཁོར་ཡུག་འདིར་འབྱུང་བཞིན་པའི་སྣང་ཚུལ་སྣ་ཚོགས་ལ་དྲང་ལྡོག་གཉིས་ཆས་ཟླས་ཕྱེས་པའི་ལྡོག་ཕྱོགས་ཀྱི་སྣང་ཚུལ་འགའ་ཞིག་དམར་རྗེན་དུ་བཏོན་ཏེ་ཚང་མའི་སྤྱན་སྔར་འགྲེམ་རྒྱུ་ཡིན།
འདི་རིགས་ཀྱི་ཕྱི་ནང་གཉིས་ཀྱི་ཡོད་རྒུ་རྩལ་སྤྲུགས་ཐེངས་གཅིག་མ་བྱས་ན་ཁོང་ཚོས་བསམ་བཞིན་དང་བསམ་བཞིན་མ་ཡིན་པའི་ངང་ནས་རིག་གནས་བགྲོ་གླེང་དང་བསམ་བློ་གཙུབ་བརྡར་གྱི་ཁོར་ཡུག་བག་སྤྲོ་པོ་འདིར་རྨ་འབྱིན་དང་ཞབས་འདྲེན་ཞུ་ཡི་འདུག སྤྱིར་བཤད་ན་རང་རེ་ཚོས་ད་ལྟ་རིག་གནས་བསམ་བློ་བགྲོ་གླེང་ཟེར་ན་ཅུང་ཆེ་སོང་ཟིག་མོད། ལྟ་ཚུལ་དང་བསམ་ཚུལ་བགྲོ་གླེང་ཟེར་བ་ཞིག་ཀུན་གྱི་ཁ་ན་རླུང་ལྟར་རྒྱུ་བཞིན་ཡོད་པ་དེའི་གོ་བ་གཞིར་བཞག་གི་ཐོག་ནས་ལབ་ན་འུ་ཚོར་ཡང་ཏག་ཏག་འཚམས་འདུག་སྙམ། མ་ཟད་རང་རེ་ཚོའི་ཁ་ནས་འུར་རྐྱང་བྱེད་པའི་བྱ་བ་ཚང་མ་ཆུང་ས་ནས་བརྩམ་དགོས་ཟེར་བའི་རྩ་དོན་དང་མཐུན་པ་རེད། དེས་ན་གཙོ་བོ་བཤད་དགོས་རྒྱུ་དེ་གང་ཡིན་ཟེར་ན། དེ་རིང་གི་དུས་འདིར་བགྲོ་གླེང་ཆེ་མ་ཆུང་གསུམ་གང་འདྲ་ཞིག་འཚོགས་ན་ཡང་ན་གཞོན་དག་བགྲོ་གླེང་དེ་དག་གི་གྲས་སུ་ཞུགས་པར་སྤྲོ་བ་དང་གོ་སྐབས་གཉིས་ག་ཡོད་གི་འདུག མ་ཟད་མི་རང་རང་སོ་སོའི་གང་ལ་གང་མཚམས་ཀྱིས་འུར་ཡང་སྤྲོ་ཐུབ་ཀྱི་འདུག དེ་ནི་ཤིན་ཏུ་འགྲིག་པ་རེད། དགའ་བསུ་དང་ཡི་རངས་ཚད་མེད་ཡོད། ཡིན་ན་ཡང་གཙོ་བོ་བཤད་བསམ་རྒྱུ་དེ་ལྡོག་ཕྱོགས་ནས་སྣང་ཚུལ་གང་འདྲ་འབྱུང་གི་འདུག་ཟེར་བ་དེ་ཡིན། དེ་ནི་ན་གཞོན་རེའགའི་རྒྱུད་ན་ཁྱད་མཚར་ཆེ་བའི་སྤོབས་པ་ཞིག་གི་ངན་ཤན་ཐེབས་ཀྱི་འདུག མེས་པོའི་སྐད་དུ་བླུན་སྤོབས་ཟེར་བ་དེ་ཡིན་པ་རེད། དེ་གང་འདྲ་རེད་ཟེར་ན། དཔེར་ན་ཁ་བརྡ་ཞིག་གི་ཁྲོད་ནས་གཞན་གྱི་གདོང་ལ་འབུད་པའི་རིག་གནས་སྙིང་སྟོབས། བསམ་བློའི་ཟབ་ཚད་ཡོད་ན་དེ་ནི་ངེས་དོན་གྱི་དཔའ་བོ་རེད་ཟེར་གི་ཡོད་མོད། དེ་ལྟར་མིན་པར་རང་གིས་ཅི་ཡང་བཤད་རྒྱུ་མ་ཆུད་ན་ཡང་ད་དུང་ཕ་རོལ་པོའི་བཤད་པའི་གནས་ལུགས་ལ་ངོས་ལེན་དང་གདེང་འཇོག་མེད་པར་ཨུ་ཚུགས་ཀྱི་བཤད་རྒྱུ་ཞིག་ཡས་བཅད་ མས་བཅད་བྱས་ནས་སྒྲིག་ཡོང་མཁན་འདུག དེ་ལྟར་བྱེད་པ་ལ་ངོ་ཚ་དང་ཁྲེལ་གཞུང་ཙིག་སྐྱག་ཙམ་ཡང་མི་འདུག དེ་རིང་གི་དུས་འདིར་ང་ཚོར་དགོས་པའི་ངོ་ཚ་དང་ཁྲེལ་གཞུང་ཟེར་བ་འདི་དང་འདི་འདྲ་བ་དག་རེད། དོན་དག་འདི་ལ་བསམ་བློ་བཏང་ན་མ་གཞི་ནས་མི་ཞེས་པ་འདིར་ངོ་ཚ་དང་ཁྲེལ་ཟེར་བ་ཞིག་མེད་ན་འགྲིག་གི་མེད་པ་འདྲ། འདི་རིགས་ཡར་སྔོན་ཞིག་ལ་གུ་ཡངས་དང་སྒམ་དཀྱེལ་སོགས་དོན་སྙིང་གསར་བའི་ངོས་ནས་གླེང་སྟེ་མི་རབས་གསར་བའི་ཤེས་ཡོན་པ་ཡོངས་ཀྱིས་དགའ་བསུ་དང་དང་ལེན་ཐོབ་པ་རེད། དེ་ལ་ད་ལྟའི་སྐབས་ལའང་རང་ངོས་ནས་བལྟས་ན་ཏག་ཏག་འགྲིག་འདུག་སྙམ་པ་ལས་བསམ་ཚུལ་ཅི་ཡང་མེད། གོང་ནས་བཤད་པ་ལྟར་གཞན་གྱི་གནས་ལུགས་ལ་གཞོལ་བའི་བསམ་ཚུལ་ལ་ངོས་ལེན་མེད་པར་མ་ཟད། ད་དུང་དེའི་ཁ་གཏད་ནས་བཤད་རིན་ཅན་གྱི་སྐད་ཆ་ཚིག་གཅིག་མེད་ན་ཡང་པར་པུར་ཞིག་བཤད་པའི་སྙིང་ཁམས་ཅན་གྱི་ནད་ངན་འདི་གུ་ཡངས་སྒམ་དཀྱེལ་གྱི་རིག་གནས་སྙིང་སྟོབས་དང་ལེན་བྱེད་ས་ནས་ཐེབས་པའི་ངན་ཤན་ཞིག་ཡིན་འདུག ནད་གསོ་བྱེད་ཀྱི་སྨན་བཏུང་ན་ཞོར་སྐྱོན་ཟེར་བ་ཞིག་ཡོད་པ་དང་འདྲ་བོ་འདུག སྤྱིར་ཡིན་ན་གནས་ལུགས་ཟེར་བ་དེ་ལྟོས་ནས་གྲུབ་པའི་གནས་ལུགས་ཤིག་མ་གཏོགས་གཞན་གང་ལའང་མ་ལྟོས་པའི་གནས་ལུགས་ཤིག་གླེང་སར་མི་འགྲོ་བ་རེད། ད་དུང་ནན་ཏན་གྱིས་བཤད་ན། དཔེར་ན། ན་གཞོན་གཉིས་ཀྱི་བར་ལ་བསམ་ཚུལ་དང་ཡང་ན་ལྟ་བའི་ཐོག་རྩོད་པ་འདྲ་བོ་བྱུང་བར་ཆ་བཞག་ན། རྒོལ་སྔ་མའི་གཤད་པའི་ལྟ་ཚུལ་དེར་དོན་ལ་གནས་མིན་དེ་ཕྱི་རྒོལ་གྱིས་དཔྱད་དགོས་པ་རེད། གལ་ཏེ་རྒོལ་སྔ་མའི་ལྟ་ཚུལ་དེའི་གོ་བ་རང་རྒྱུད་ལ་འདྲོངས་ཏེ། འདྲོངས་ནས་མ་ཚད་དེའི་ཁ་གཏད་ནས་རང་ཉིད་ལ་ལྟ་ཚུལ་དོན་ལ་གནས་པ་འཆད་རྒྱུ་ཡོད་ན་འཆད་དགོས་པ་རེད། འཆད་མ་ཐུབ་ན་སྡར་གཤིས་རེད། འཆད་ཐུབ་ན་སྙིང་སྟོབས་རེད། སྤོབས་པ་རེད། འཆད་རྒྱུ་ཡོད། འཆད་ཀྱང་ཐུབ་བཞིན་དུ་མི་འཆད་ན་གཡོ་སྒྱུའི་ཁུག་མགོ་ཚད་པ་རེད། ངན་འཁྲབ་བཙོག་འཁྲབ་བྱས་པ་རེད། སྔ་མ་ལས་སྟོབས་ཆེ་བའི་གནས་ལུགས་འཆད་རྒྱུ་མ་རག་ན་ཁོའི་བཤད་པའི་གནས་ལུགས་རང་ངོས་ནས་ཁས་ལེན་དགོས་ནི་རེད། བླངས་མ་ཐུབ་ན་གུ་དོགས་རེད། ཁ་རུབ་རེད། མེད་བཞིན་དུ་ཡོད་ཁུལ་བྱས་ཏེ་ཡར་བཤད་མར་བཤད་བྱས་ན་བླུན་སྤོབས་རེད། རང་གི་སྐད་ཀྱིས་བཤད་ན་ཁྱད་མཚར་ཅན་གྱི་སྤོབས་པའམ་འོད་མེད་པའི་སྤོབས་པ་ཟེར། གནས་ལུགས་ཀྱིས་མི་ཐུལ་བའི་མི་དེ་འདྲ་ལ་རྡོ་དང་ཁུ་ཚུར་ཟེར་ན་སྙན་མོ་ཞིག་མིན་ཡང་དེ་མིན་ཐབས་དང་བཀོད་པ་ཟད་པ་རེད། ཨ་ལ་དེ་འདྲའི་ཐབས་རྡུག་གི་ལས་ལ་འདོད་འདུན་ཁྱོན་ནས་མེད། ཨ་མཚར་ཡིན། སྤྱིར་རིག་གནས་བགྲོ་གླེང་གི་ཁོར་ཡུག་ཏུ་གུ་ཡངས་དགོས་པ་དེ་དངོས་གནས་ཡག་པོ་རེད། གཞན་གྱི་གནས་ལུགས་ལ་ངོས་ལེན་དང་གདེང་འཇོག་ཐུབ་པའི་གུ་ཡངས་ཀྱི་ཆ། རང་གི་གནས་ལུགས་དང་རྒྱུ་མཚན་བཤད་ཐུབ་པའི་སྤོབས་སེམས་ཀྱི་ཆ། དེ་དག་གི་བར་ནས་ངན་འཁྲབ་བཙོག་འཁྲབ་མི་བྱེད་པར། ཕྱི་གསལ་ནང་གསལ་གྱི་ཁྱད་ཆོས་འཛིན་པའི་དྭངས་གཙང་གི་ཆ་སོགས་ཚང་ན་འགྲིག རིག་གནས་གསར་བ་ཟེར་བ་དེ་དངོས་གནས་དེ་འདྲའི་སྙིང་སྟོབས་དང་དགེ་མཚན་གྱི་བདེན་སྐྱོང་གི་ངོས་ནས། རང་རེ་ཚོས་ལུས་ཤ་ཁྲག་ནས་ཆད་པའི་གཅེས་ཕྲུག་བཞིན་དུ་པང་དུ་བླངས་བ་མིན་ནམ། ཡིན་ན་ཡང་། དེང་སང་སྐྱག་ཕྲུག་འདི་དག་གིས་དེ་ལྟ་བུའི་གུ་ཡངས་དང་སྙིང་སྟོབས་ཀྱི་ངོ་བོ་འང་གཞན་ཞིག་ཏུ་བསྒྱུར་འགྲོ་གི་འདུག ཡང་ན་ཁོང་ཚོ་བགྲོ་གླེང་འདྲ་མིན་སྣ་ཚོགས་སུ་གཞུགས་རྒྱུའི་གྲངས་ག་སོ་སོ་སློབ་ཐུན་ལ་བཞུགས་པའི་ཁ་གྲངས་ལས་ཀྱང་མ་མང་ན་མི་ཉུང་བའི་ཚོད་ཡིན་པས། ཆོས་དྲེད་ཆོས་ཀྱིས་མི་ཐུལ་ཟེར་བ་ལྟར་དུ། ཁོང་ཚོས་ཀྱང་རིག་གནས་གསར་བའི་དོན་སྙིང་ཡོད་པའི་སྐད་ཆ་མང་པོ་དག་ཡར་མར་ནས་ཚར་མང་པོ་བྱས་ནས་གོ་མྱོང་ཡོད་པས་རེད། དོན་གྱིས་མི་སྒེར་གྱི་བསམ་གཞིག་ཟབ་མོ་སོང་ཡོད་ས་ཕལ་ཆེར་དཀོན་གི དེ་དག་དཔེར་ཆགས་བཞག་ན། བོད་ནང་ན་ཆོས་པ་ཡིན་ཟེར་བའི་རྒན་པོ་རྒན་མོ་ལོ་ལོན་དག་དང་འདྲ་བར་ཆོས་ཀྱི་ དོན་ལ་གོ་བ་རགས་རིམ་ཙམ་ཡང་མེད་ན་ཡང་ཁོང་ཚོའི་རྒྱུད་ལ་སོང་ནས་སྐད་ཆ་དེ་ལྟར་བཤད་ན་རྒས་སེམས་འཁྲུག་སྟེ་ཆུང་བྱིས་པ་སྣབས་དྲུད་ཡིན་དུས་ནས་ཁ་འདི་ལ་མ་ཐུག་གི་བར་དུ་བླ་མའི་མདུན་ནས་ཆོས་ཞུས་ནས་ཡོང་བ་ཡིན་ཟེར་ནས་ཤེས་མདོག་ཁ་བོ་སྟོན་པ་དང་ཇི་འདྲའི་འདྲའང་། ཁོང་ཚོ་ཆོས་ཚོགས་ལ་སོང་བའི་ཁ་གྲངས་བགྲང་ན་གྲངས་ཀྱིས་མི་ཆོད་ཀྱང་དོན་གྱིས་ཆོས་ལ་བསམ་གཞིག་ཟབ་མོས་སྒྲོ་འདོགས་ཆོད་ནས་རང་རྒྱུད་ལ་ལོན་ཡོད་པ་ཉིན་མོའི་སྐར་མ་ལྟར་རེད། དེ་བས་ཆོས་ཞུས་པ་མང་དྲགས་པས་ཆོས་ཀྱིས་རང་རྒྱུད་ལ་བླུན་སྤོབས་དང་གཞན་གྱིས་བཤད་པའི་རྒྱུ་མཚན་ཡང་དག་ལ་ཁས་ལེན་དང་གདེང་འཇོག་བྱེད་འདོད་མེད་པའི་ལྟ་བ་སྐྱུག་བྲོ་བ་ཞིག་འཁྱེར་ཡོང་བ་རེད། ན་གཞོན་འདི་དག་ཀྱང་དེ་དག་དང་ཆ་འདྲ་བོ་དངོས་གནས་འདུག བགྲོ་གླེང་འཚོགས་སར་བཞུགས་གྲངས་མང་དྲགས་པས་བགྲོ་གླེང་གི་དོན་སྙིང་ཡང་མག་མོག་ཅིག་ལས་རང་རྒྱུད་ལ་གཏིང་ཚུགས་པ་ཞིག་དང་མཛུབ་མོ་འཛུགས་ས་ཏག་ཏག་ཅིག་རྙེད་གི་མེད་ཚོད་རེད། གོ་ལོ་ཐོས་ལོས་མྱི་ཚེ་བཅད་ནས། ཡིན་མིན་གཉིས་ཀ་གང་ཡང་ཁས་མི་ལེན་ནི་ཏག་ཏག་རེད་འགྲོ་ཡི་འདུག དེ་རིང་སང་གི་རིག་གནས་བགྲོ་གླེང་དང་བསམ་ཚུལ་ཞིབ་བརྡར་གྱི་མཁའ་དབུགས་སུ་འདི་འདྲའི་རིགས་ནི་ཆར་རྗེས་ཀྱི་ཤ་མོ་བཞིན་དུ་རྡོལ་བཞིན་འདུག
བོད་ཀྱི་བསམ་བློ་གུ་ཡངས་དང་རིག་གནས་སྙིང་སྟོབས་ཟེར་བའི་མི་རབས་གསར་བའི་གཅེས་ནོར་འདི་དག་གི་ངོ་བོ་ལ་འབག་བཙོག་བཀྱེ་ཡི་འདུག གཞན་ད་དུང་མི་བཤད་ཐུ་མེད་ཅིག་ཡོད་པ་དེ་གང་རེད་ཟེར་ན། ཡང་མང་པོ་ཞིག་ལ་གཞུང་ལུགས་དང་བསམ་བློའི་རྒྱབ་ལྗོངས་ཅི་ཡང་མེད་པར་རང་གིས་ ཉོག་བཤད་ཁོ་ན་བྱེད་ནི་མང་པོ་འདུག ཡང་གཞུང་ལུགས་དང་བསམ་བློ་བཤད་ནི་ཅན་པོ་ཁྱོད་དང་འུ་གཉིས་མི་མཛའ་ཡི་ཟེར་ནས་ལྡོག་འདྲི་བྱེད་ན་ཐང་མོད། ཏག་ཏག་རེད། ལོ་ན་ཚོད་ཀྱི་ཆ་ནས། འཚོ་བའི་མྱོང་གོམས་ཀྱི་ཆ་ནས་སོགས་ཕྱོགས་གང་གི་ཆ་ནས་བལྟས་ན་ད་རུང་ཆེ་ས་དེ་འདྲ་ནས་བཤད་ན་མི་མཛའ་བ་བདེན་མོད། གོ་དགོས་པ་ཞིག་ལ་ཁོ་བོས་འདིར་བཤད་པའི་གཞུང་ལུགས་དང་བསམ་བློ་ཟེར་བ་དེ་ཁོར་ ཡུག་ངེས་ཅན་ཞིག་གི་ངོས་ནས་སམ། ཡང་ན་རང་རེ་ཚོའི་ཐད་ནས་བཤད་གི་ཡོད་པ་འདི་ཤེས་དགོས། གནད་འདི་མ་ཤེས་ན་གོ་རྒྱུ་མེད་ནས་འདྲི་བ་འདི་འདྲ་ཡོང་ཉེན་ཆེ་གི་བསམ་ནས་གསལ་ བཤད་བྱས་ཡོད། སྤྱིར་ཡིན་ན་འདིར་ཁོ་བོས་ན་གཞོན་དེ་དག་རེ་རེ་བྱས་ཏེ་མྱིང་བཟུང་སྐད་འགུག་གི་ཡི་གེའི་ལས་ག་ཛ་དྲག་ཆེ་ཐག་ཆོད་པ་ཞིག་སྤེལ་ན་འདོད་མོད། ད་རེས་ཁོང་ཚོར་སྙིང་རྗེ་དང་གུ་ཡངས་ཅུང་ཟད་སྒོམ་ནས་ཚེ་ཐར་ལ་གཏོང་འཇོག རྗེས་ནས་གཟབ་གཟབ་གྱིས་མ་གཏོགས་ཉེན་ཁ་ཆེན་པོ་འདུག དམག་ལ་འགྲོ་ནི་ཞིག་ཡིན་ན་ཁྲབ་རྨོག་འཁོར་གསུམ་གྲ་སྒྲིག་བྱས་ནས་འགྲོ་དགོས་པ་ལྟར། བགྲོ་གླེང་ལ་སོང་ནའང་ལྟོས་བཅས་ཀྱིས་བཤད་རྒྱུ་ཅུང་ཟད་ཀླད་པའི་ནང་ན་མེད་ན། བགྲོ་གླེང་ལ་ཞུགས་རྒྱུའི་སྤོབས་པ་ཞིག་གང་ནས་རྙེད། རྙེད་པར་མི་འགྱུར་བ་ཁོ་ཐག་རེད། ཡིན་ན་ཡང་དེ་རིང་གི་རིག་གནས་བགྲོ་གླེང་གི་འདུ་ར་ན་དེ་ལྟ་བུ་ན་གཞོན་བགྲོ་གླེང་གིས་དྲེད་པ་མང་པོ་མཐོང་རྒྱུ་འདུག རང་ཅག་ཚང་མ་ན་གཞོན་ཡིན་པས་ན་གཞོན་གྱི་ལང་ཚོ་ཡོད་དགོས་ཟེར་ནས་འུར་རྒྱག་གི་འདུག དེ་ཁས་ལེན་དང་གདེང་འཇོག་བྱེད་གི་ཡོད། མ་ཟད་རང་ཉིད་ཀྱང་དེ་ལྟར་བཤད་མཁན་དག་གི་གྲས་ཡིན། ཡིན་ཡང་ཁྱེད་ཅག་ཚོའི་ན་གཞོན་གྱི་ལང་ཚོའི་ཟིལ་ཤུགས་ཟེར་བ་དེ་རམ་འདེགས་མེད་པའི་གླུ་སྐད་ཅིག་དང་འདྲ་བོ་འདུག མ་གཞི་རམ་འདེགས་མེད་པའི་གླུ་སྐད་ཅིག་འཇིག་རྟེན་ལ་འབྱུང་བའི་དཔེ་མེད་ཀྱང་། རམ་འདེགས་བོར་བའི་གླུ་སྐད་ཅིག་དང་ཉེ་བར་མཚུངས་ཟེར་ན་དེ་བས་ཡག་འདུག རང་ཅག་བོད་ཀྱི་དེ་རིང་གི་ན་གཞོན་གསར་བ་དག་རིག་གནས་གསར་རྙིང་གི་དགག་སྒྲུབ་ཀྱི་སོ་མཚམས་སུ་འགྲེང་། རང་གི་བློ་མིག་ལ་དཔང་བཙུགས་ཏེ་ན་གཞོན་གྱི་ལང་ཚོའི་ཟིལ་ཤུགས་ངོམ་བཞིན་ཡོད་ཟེར་ན་འགྲིག དེ་ཡང་གང་རང་ཉིད་མི་འཐད་མི་མོས་པའི་གནས་དང་། ཡང་ན་རང་གི་བློ་ཁ་དང་གཤིས་སྤྱོད་ལ་མི་མཐུན་པའི་སྤྱི་ཚོགས་སྣང་ཚུལ་དང་། རིག་གནས་བསམ་བློ་དག་ལ། གཞན་དྲང་མི་འཇོག་པའི་རྣམ་དཔྱོད་ཀྱི་སོ་ཁ་སྤྱད་དེ་དགག་བཞག་ཚ་ནན་གནད་ལ་ཁེལ་བ་འཕངས་ན་རང་དབང་མེད་པར་རང་སེམས་ལ་ང་རྒྱལ་དང་སྤོབས་པ། སྙིང་སྟོབས་སོགས་བསྐལ་བའི་མེ་དཔུང་འབར་འབར། དུས་མཐའི་ཆུ་ལོག་རྒྱུག་རྒྱུག་བྱས་ཡོང་ན་དེ་ནི་ན་གཞོན་གྱི་ལང་ཚོའི་ཟིལ་ཤུགས་དང་མངོན་སྟངས་རྨ་མེད་པའོ།།
ལང་ཚོ་ལང་ཚོ་ཟེར་ནས་ཁ་ནས་བཤད་རྒྱུ་ཡོད་ཡོད་འདྲ་བ། བཤད་རྒྱུ་མེད་མེད་འདྲ་བ། ཁོག་ལ་འཆར་རྒྱུ་ཡོད་ཡོད་འདྲ་བ། མེད་མེད་འདྲ་བ་དེ་འདྲ་དེས་དེ་རིང་སང་ས་གོམ་གང་ཡང་ཆོད་གི་མི་འདུག ལྐུགས་པའི་བུ་རིམ་གྱི་རོ་ལ་མྱོང་བའི་ངང་ཚུལ་འདྲ་བ་ཟེར་བའི་སྐད་ཆ་ཞིམ་པོ་ཞིག་ཡོད་པ་དེ་ན་གཞོན་གྱི་ལང་ཚོའི་དུས་སྐབས་ལ་སྦྱར་ནས་བཤད་ན་འཚམས་པོ་ཁྱོན་ ནས་མི་འདུག ལང་ཚོའི་དུས་སྐབས་ཀྱི་ན་གཞོན་དག་གིས་ལང་ཚོ་ཟེར་བ་ཆེད་གཏད་མ་ཡིན་པའི་ངང་ནས་མངོན་དགོས་ཀྱི་ཡོད། གཞན་ཡང་ལང་ཚོ་ལང་ཚོ་ཟེར་ནས་ལང་ཚོ་ལ་ངེས་རྟོགས་ཅི་ཡང་མེད་པའི་སྐྱག་ཕྲུག་དག་ ལ་ད་རེས་གོ་སྐབས་འདི་བརྒྱུད་ནས་ན་གཞོན་གྱི་ལང་ཚོ་ཟེར་བ་ངོ་སྤྲོད་ཅིག་ཞུས་ན་འདོད། མ་གཞི་ན་གཞོན་གྱི་ལང་ཚོ་ཟེར་བ་དེ་སྤྲོ་སྣང་གིས་བརྟས་པ། བྱ་བ་གང་ལ་གདོང་ཐུག་ཚེ་ཧོལ་རྒྱུགས་བྱེད་ཐུབ་པ། བསམ་གཞིག་སྔོན་སོང་གི་ཆ་མེད་པ། དེ་ཡང་དཔེར་ན་གྲ་སྒྲིག་དང་དམིགས་ཡུལ། མཐའ་འབྲས་སོགས་ལ་འགན་ཁུར་དང་སྔོན་རྟོག་གི་འདུ་ཤེས་མེད་པ་ལྟ་བུ་རེད། གཞན་བྱ་བ་ཆེ་ཆུང་གང་ཞིག་གི་སྔོན་ནས་ང་རྒྱལ་དང་སྤོབས་པའི་སྙིང་ཁམས་གཞོམ་མི་ཐུབ་པ་ལྟ་བུ་རེད། ལང་ཚོ་ནི་སྐར་མདའ་བཞིན་དུ་མཛེས་ཤིང་ཡལ་སླ་བ་ཞིག་རེད་ཟེར་བའི་བཤད་སྟངས་དེ་ཡང་འདི་ལྟ་བུའི་ངོས་འཛིན་གྱི་སྟེང་ནས་ཐོན་པའང་འདྲ། ལོ་ཚོད་ཀྱི་ཆ་ནས་ཕལ་ཆེར་གཅོ་ལྔ་ནས་བཅུ་དགུ་ཡས་མས་སུ་བཞག་ན་འགྲིག སྐབས་དེ་ཤེད་དུ་མི་དག་ལ་ལུས་ཤུགས་དང་སེམས་ཤུགས་གཉིས་ནི་དྲག་ཏུ་འཕྱོ་བའི་ཆུ་ཡི་རྦ་རླབས་བཞིན་དུ་འགོག་པའི་གནས་སུ་མ་གྱུར་བ་ལྟ་བུ་རེད། དེ་ནི་ཏག་ཏག་ལང་ཚོའི་སྐྱེ་སྟོབས་ཀྱི་དཔལ་སྟུག་པོར་འཛིན་པའི་དུས་ཚོད་时光རེད། དེ་ནི་གཙོ་བོ་ཕྱིའི་སྐྱེ་ཁམས་དང་འབྲེལ་བ་དམ་པོ་ཡོད་པས་རིན་ཐང་གིས་གཞལ་རྒྱུ་ཡོད་པའི་ཆོས་སུ་身外之物གཏོགས་པས་མི་རིང་བར་རྒུད་ཅིང་ཉམས་པར་འགྱུར་བ་ལས་མ་འདས། གཞན་ལང་ཚོ་ཟེར་བའི་བརྡ་དོན་འདིའི་གོ་བ་གཏིང་ཟབ་ས་ནས་བླངས་ན་གོང་དུ་བཤད་ཡོད་ལ་མདོར་བསྡུས་ན་མིའི་སྙིང་སྟོབས་དང་བློ་ཁོག་དཔའ་ངར་ཞིག་ལ་གོ་དགོས་སོ།། ལང་ཚོ་ནི་མཁའ་ལམ་ནས་མཆེད་པའི་སྐར་མདའ་ལྟར་དུ་མཛེས་ཤིང་སྙིང་ལ་སྡུག་མོད་སྐད་ཅིག་གིས་ཡལ་ནས་འགྲོ་བ་ཞིག་རེད་ཟེར་མཁན་དག་གི་སྐད་འབོད་དེ་ལང་ཚོ་ཟེར་བའི་ བྱེ་བྲག་གི་མངོན་སྟངས་ཕྲ་མོ་ཞིག་གིི་མཐོང་སྣེ་ནས་རྙེད་པའི་སྐད་འབོད་ཅིག་རེད་ལ། ལང་ཚོ་ནི་ལྗང་མདོག་གི་རྣམ་པས་རྟག་ཏུ་རྒས་རྒྱུ་འཁོགས་རྒྱུ་མེད་པའི་འགྱུར་མེད་ཐེར་ཟུག་གི་སྡོང་བོ་ཞིག་རེད་ཟེར་ནི་ཚོའི་སྐད་འབོད་དེ་ལང་ཚོའི་མངོན་ སྟངས་ཀྱི་བྱེ་བྲག་ཆ་ཤས་ཆར་སྨག་ཁྲོད་ཀྱི་གློག་འགྱུ་ལྟ་བུའི་མཐོང་སྣེ་དང་མངོན་སྟངས་དག་ཐེད་ལ་བོར་ནས་སྤྱི་ཁོག་ཅིག་ལ་ཤི་འཐམས་རོ་འཐམ་བྱས་ནས་བརྒྱབས་པའི་སྐད་འབོད་ཅིག་རེད།
ཁོ་བོས་བཤད་ན་ན་གཞོན་གྱི་ལང་ཚོ་ཟེར་བ་དེ་དོན་གྱིས་གོང་དུ་ཡང་འགྲེལ་ཡོད་མོད། སོ་སོས་མི་ཐུབ་པ་དང་མི་འཇོན་པ་ཅི་ཡོད་འདོད་པའི་ངར་ཤུགས་ཅན་གྱི་བསམ་པ་བཅོས་མ་མིན་པ་ཞིག་གིས་སྣ་དྲངས་ཏེ། འཇིག་རྟེན་འདིའི་ཕྱི་གརྟན་པ་སྣོད་ཀྱི་འཇིག་རྟེན་ནས་ནང་གཡོ་བ་བཅུད་ཀྱི་སེམས་ཅན་གྱི་བར་དུ་དགེ་སྡིག་ལེགས་ཉེས་ཀྱིས་ས་མཚམས་སྣ་ཚོགས་བསྒོས་ཏེ་ཁྲ་ཁྲ་རིག་ རིག་ཅིག་བཟོས་ཡོད་པ་དེའི་ཕྱོགས་གཅིག་ལས་གཡོལ་ཅི་ཐུབ་དང་ཕྱོགས་གཅིག་ལ་མགོ་བོ་བཏུད་པའི་ལམ་ལ་བཞུགས། བཞུགས་པ་དེ་ཡང་རང་གི་དམིགས་ཡུལ་དང་དགོས་འདོད་གང་ཞིག་སྐོང་ཨེ་ཐུབ་ཀྱི་འདོད་འདུན་གཏིང་ལ་སྦེད་པའི་འཁོར་བའི་སྡིག་སྒྲིབ་ཆེན་པོ་དེའི་གཟེབ་ཏུ་མ་ལྷུངས་བའི་སྔ་རོལ་དུ། བཅོས་མིན་བསམ་པའི་ངར་ཤུགས་ཅིག་གིས་རྒྱབ་ནས་འདེད་མཁན་མེད་ཀྱང་། དེད་པ་ལྟར་དུ་འཇིག་རྟེན་ཡོངས་ཀྱི་སྔོན་རོལ་ནས་སྤྲིན་དཀར་བཞིན་རབ་ཏུ་འཕྱོ་ཞིང་རྒོད་པའི་སྐབས་དེ་རེད། དེ་ནི་ལུས་སེམས་གཉིས་ཆ་ནས་མངོན་དགོས་པའི་ལང་ཚོ་རིགས་ཤིག་རེད། གོང་དུའང་བཤད་ཡོད། གཞན་དེ་བསམ་བློའི་སྟེང་ནས་མངོན་དགོས་པའི་ལང་ཚོ་རིགས་ཤིག་རེད། དེ་ཡང་གོང་དུ་བཤད་ཡོད་དོ།།

སླར་སྨྲས་པ།

བཤད་ལ་དགའ་བས་ཕུ་མདའ་ལུང་ཤོད་ཀྱིས།།
མྱི་ཚེ་སྐྱེལ་བའི་ཚུལ་ལ་དགའ་བས་མིན།།
མ་བཤད་ཐབས་མེད་ལས་སུ་སྣང་བ་འདི།།
དེ་རིང་ཁོ་བོའི་བསྐོས་ཐང་ཡིན་པ་འདྲ།།

དེ་ལྟ་བས་ན་སྙན་དང་མི་སྙན་ཅི་རིགས་ཀྱི།།
ཚིག་གི་མཚོན་ཆའང་རེ་ཟུང་ཙམ་ཡང་ཤོར་ནས་གདའ།།
འོན་ཏེ་རྒོད་ལ་ཤོར་བའི་ལང་ཚོའི་སྣང་བ་འདིས།།
དགོངས་དག་ཞུ་གསོལ་དགོས་ཚེའང་ཅུང་ཟད་དཀའ་ཚོད་རེད།།

བོད་རབ་གནས་ཤིང་རྟ་ལོའི་ཟླ་བདུན་པའི་ཚེས་པ་ཉེར་བཞི་ཡེ་ལོ་༢༠༡༤ ལོའི་ཟླ་༩ བའི་ཚེས་༡༧ ལ་ལན་གྲུ་ནས་སྦྱར།

Clothing and Accessories Gifts for Women
VIDEO PORNO XXX Set up everything in a beading tray

with George Kotsiopoulos was a huge success in Florida
Prom Dresses Black as the main neutral

and Websites for Young Women
PORNO burgundy and dark purple can also have the same effect

Steel Toe Boots and Other Sturdy Footwear Online
Free Games another title from TOKYOPOP rated for Older Teen

Google WG3 Dual SIM Dual Camera Built in 2GB TV Wifi Cellphone
Kostenlose Pornos von I rather spend 10 20

Story of how it came to be
free xxx I've drawn one that would be made out of metal

How to choose UGG boots
Tube XXX result your styles into the future

Refashioning is the New Fashion
Darmowe Porno As for Aiko and her Messerschmitt
བསྟོད།9

抱歉,评论已关闭!