ཕ་སྐད་གང་དུ་ཡོད།

འགར་མེ་ཕུང་།

དེ་རིང་ང་ཡང་བསྐྱར་ཕ་སྐད་འཚོལ་དུ་གྲོང་ཁྱེར་ལ་ཐོན་ཡོད།གནས་འདི་ན་རང་ཉིད་ཀྱི་རིགས་ཞེན་བོར་བའི་མི་ག་ཚོད་ཅིག་འདུག་གམ།འདི་ལྟར་རང་ཉིད་ལ་དྲི་བ་ཞིག་དང་དོག་གཞི་ཞིག་གིས་མི་སྣ་ཁ་ཤས་ལ་ལབ་གླེང་བྱེད་དུ་ཆས།ཁང་བརྩེགས་ཀྱི་རྔམ་ཁ་འཐུག་ཅིང་འབོལ་ལྡན་གྱི་འདུག་ཁྲི་མཐོ་བའི་གྲོང་ཁྱེར་གྱི་མགོ་པ་དེས་རང་མིང་གཞན་ཞིག་ཏུ་བསྒྱུར་ཅིང་རུས་མིང་གང་ཞིག་ལ་གཡུག་ཏེ་ཧ་ཅང་ཁེངས་སེམས་དང་སྤྱོད་ལྡན་གྱི་ཉམས་ཀྱིས་རང་གི་ཕ་ཡུལ་གྱི་སྐུ་མགྲོན་དག་འཐད་ལ་མི་འཐད་ངང་རྒྱ་སྐད་ཁོ་ནའི་མདུན་དུ་བསུ་ཞིང་།འདུག་ཁོམ་ལ་མི་ཁོམ་པའི་ཚུལ་གྱིས་ཡུལ་མི་དེ་ཚོས་རྒྱ་སྐད་མི་གོ་བར་མགོ་བོ་བཞིན་དུ་ལེ་བདའ་དང་འཁང་ར་སྣ་ཚོགས་ཀྱིས་ཞོར་ཏུ་བཅུམ།མགོ་པ་ཡ།ཁྱོད་རང་ནར་སོན་པའི་གོ་རིམ་ཁྲོད་ཀྱི་ཕ་སྐད་རྣལ་མ་དེ་གང་དུ་གཡུག ཁྱོད་རང་ལག་འཆག་སའི་ཁོར་ཡུག་གི་ཆུང་དུས་རྩེ་རོགས་ཚོ་གང་ནས་བརྗེད།གནས་མལ་གྱི་ཁང་བརྩེགས་དེ་སྦྲ་ནག་ལས་ཐུ་བ་བདེན་དུ་ཆུག་ལ།འདུག་སྟེགས་ཀྱི་འབོལ་ཁྲི་དེ་ཡར་ཀོ་ལས་བཟང་བ་བདེན་དུ་ཆུག་ཀྱང་ཁྱོད་ཀྱི་ད་ལྟའི་འཚོ་བའི་ཁྲོད་ན་སྐད་ཡིག་གི་རིན་ཐང་དེ་ཙམ་དམའ་འདུག་པ་ཅི་ཡིན།ད་ལྟའི་ཁྱོད་ཀྱི་དཔོན་ཉམས་ཀྱི་གཟི་བྱིན་འོག་ན་མི་རིགས་ཤིག་གི་ཆོ་ག་ཡེ་ནས་མེད་པ་གང་ལ་ཐུག་འདུག ཐ་ན་ཁྱོད་ཀྱི་དཔེ་སྒྲོམ་དུ་བཅུག་པའི་དེབ་དག་ལས་སྐད་ཡིག་གི་དེབ་གཅིག་ཀྱང་མཐོང་རྒྱུ་མེད་པ་བདེན་ནམ།འདི་ལྟར་ཐོས་ཞིང་འདི་ལྟར་མཐོང་བཞིན་སྐྱོ་བའི་ངུ་ངག་གི་དབྱངས་རྟ་ཁོག་ལ་སྦས་ནས་གྲོང་ཁྱེར་ནས་ཕྱིར་མི་འབུད་ག་མེད་རེད།
ཕྱིར་ལོག་ཁར་དབྱངས་ལ་མ་བརྒྱུས་པའི་གླུ་ཚིག་ཅིག་འདི་ལྟར།
ཕྱི་བརྗིད་ལྡན་ལྷ་ཡི་ཁང་བཟང་།།ནང་བཞུགས་ཁྲི་ནེམ་ནེམ་འདུག་སྟེགས།།
འགྲོ་གང་འདུག་གོང་ཆེན་རླངས་འཁོར།།སྐད་གང་བརྒྱབ་རྒྱ་སྐད་རྐྱང་རྐྱང་།།
ནང་བསམ་བློ་འགྱུར་བག་ཅན་པོ།།འདང་བརྒྱབ་ན་དཔོན་པོ་ཁྱོད་རེད།།
ཅེས་ཀྱང་ཐལ་ལོ།།
དེ་ནས་མུ་མཐུད་དུ་འདི་ལྟར་གྲོགས་མེད་ཁེར་རྐྱང་གིས་མདུན་དུ་སྤོས་ཚེ། ཕར་ཕྱོགས་ན་ཤེས་རིག་སྦྱོར་ཀློག་གི་དབྱངས་རྟ་མཁའ་ལ་མཆེད་ཅིང་ལང་ཚོའི་འཇོན་ཐང་གི་མེ་ཏོག་རྣམ་པར་བཞད་པའི་ས་ཆ་ག་གེ་མོ་ཞིག་གི་སློབ་གྲྭ་ཡི་སྒོ་གླེགས་མཐོང་བྱུང་། ད་ནི་ངོ་མ་ངའི་ཕ་སྐད་ཀྱི་གདངས་དབྱངས་སྙན་པོ་ཐོས་ཐུབ་ལ་ངའི་ཕ་སྐད་ཀྱི་རིན་ཐང་ངོ་མ་འཚོལ་ཐུབ་སྙམ་པའི་ངེས་ཤེས་ཡང་དག་ཅིག་གིས་བརྒྱུད་སྐུལ་ནས་གནས་དེ་རུ་མི་འགྲོ་ཐབས་མེད་བྱུང་སོང་། སྒོ་ཆེན་གྱི་གཡས་གཡོན་ན་ཡིག་རིགས་དུ་མའི་སྒོ་བྱང་གི་རྫིག་ཉམས་ལ་བལྟས་ན་ནང་ན་སྤྱོད་ཡོན་གཉིས་ལྡན་གྱི་དགེ་བཤེས་མང་པོ་དང་དེ་ལ་དམིགས་ཡུལ་གཅིག་ཏུ་བལྟ་མཁན་གྱི་གཤིས་བཟང་སློབ་བུའི་ཚོགས་ཀྱིས་མི་རིགས་ཤིག་གི་བླ་སྲོག་གི་སྙིང་བོ་བཟུང་ལོས་ཡོད་སྙམ་པའི་ཚུར་སྣང་ངོ་མ་ཞིག་སྐྱེས་ཡོང་།སློབ་གྲྭའི་སྒོ་ཆེན་གྱི་འགྲམ་དུ་ཐོན་མ་ཐག་མིག་མདུན་དུ་མངོན་གསལ་དོད་པོར་འོང་བ་ནི་རྒྱ་ཡིག་གིས་ཁྱེད་རང་ཕེབས་པར་དགའ་བསུ་ཞུ་ཟེར་བའི་ཡིག་འབྲུ་རྡོག་རྡོག་འགའ་ལས་ཅི་ཡང་མེད་སོང་བ་རེད། ཡིན་ན་ཡང་། དེ་ཁོ་ནར་སྐྱོན་མི་འདུག་སྟེ། དེ་ནི་ཉིན་ཁ་ཤས་ཀྱི་སྔོན་དུ་གོང་རིམ་གྱི་མགོ་ཁྲིད་ལ་བསུ་བ་བྱེད་པའི་བརྡ་ཁྱབ་ཡིན་འདུག
དེ་ནས་ནང་སྐས་ཀྱི་རྡོ་གཅལ་རིམ་གྱིས་མནན་ནས་སློབ་གྲྭའི་ཁྲིད་སྟེགས་སུ་སླེབས་དུས་ངའི་ངོ་ཤེས་ཤིག་ཡིན་པ་འདྲ་བའི་གཟུགས་བརྙན་ཞིག་བརྒྱུད་འོང་བ་ནི་སྔོན་ཆད་ང་དང་ཀ་ཁ་སྦྱོར་བྱེད་མྱོང་བའི་སློབ་གྲོགས་བུ་མོ་ཞིག་རེད།
སློབ་གྲོགས་དེས་ངོ་ཤེས་དང་མི་ཤེས་པའི་ཚོད་ཀྱིས་རྒྱ་སྐད་ཁོ་ནའི་ལམ་ནས་ང་ལ་གར་འགྲོ་དྲིས་བྱུང་། ངའི་ཆེད་ཐོག་མའི་ཁོར་ཡུག་དེར་བཅིངས་པའི་རེ་བའི་མེ་ཏོག་དེ་གློ་བུར་དྲག་ཆར་དེས་རྔམ་གྱིས་བཅོམ་སོང་ལ།ངའི་ཆེས་ཐོག་མའི་རེ་བ་ཡི་ཉི་གཞོན་དེ་གློ་བུར་གྱི་སྤྲིན་ནག་གིས་བཀབ་བྱུང་། གནས་དེ་ན་ང་ལ་མཁོ་བའི་ཕ་སྐད་ཀྱི་གཟི་འོད་མེད་པ་རྟོགས་སོང་ལ།གནས་དེ་ན་ང་ལ་ཕ་ཡིག་གི་རིན་ཐང་ཡེ་ནས་བརླག་ཡོད་པ་གཞི་ནས་ཤེས་སོང་།
མགོ་བོ་སྒུར་ཏེ་ཧ་ཅང་སྐྱོ་ལ་སྡུག་པའི་ཉམས་ཀྱིས་ཕྱིར་ལོག་ཁར་ཡང་རོལ་དབྱངས་ཀྱི་རམ་འདེགས་མེད་པའི་གླུ་གཞས་ཤིག་བླངས་སོ།།
སྔོན་ཆད་ཕ་མེས་བཞག་པའི་ཤེས་རིག་ནོར།།ད་ལྟ་ཤོག་ལྷེ་བཞིན་དུ་གང་ལ་འཕུར།།
སྔོན་ཆད་ཕ་མེས་བརྒྱུད་པའི་སྐད་གཙང་མ།།ད་ལྟ་སླག་བཞིན་དུ་གང་དུ་གཡུག།
སྔོན་ཆད་ཀ་ཁའི་དབྱངས་རྟ་གྱེར་རོགས་དེས།།ད་ལྟ་ཕ་སྐད་རིན་ཆེན་གང་དུ་ཤོར།།
ཅེས་ཀྱང་ཐལ་ལོ།།
དེ་ནས་ཡང་མུ་མཐུད་དུ་སློབ་གྲྭའི་སྒོ་ཆེན་ལས་གོམ་པས་གཞལ་ཏེ་མི་ཚོགས་ཀྱི་འདུ་ལོང་འཁྲིགས་པའི་བར་གསེང་ལ་སོང་དུས། མི་ཚོགས་དེ་དག་གིས་ཀྱང་ང་ངོ་ཤེས་ཞིག་ཡིན་བརྗེད་ནས་མཚམས་འདྲི་ལ་ལོབས་པའི་སྐད་ཆ་ཡང་འདྲེས་སྐད་ལས་ཅི་ཡང་ཐོས་རྒྱུ་མ་བྱུང་།ཕ་སྐད་དེ་གང་དུ་ཡོད་དམ།ཕ་ཡིག་དེ་གང་ན་འདུག་གམ།རང་སེམས་ལ་འཁོར་བའི་དྲི་བ་འདིས་ད་དུང་ང་ལ་རྟག་ཏུ་བཅར། ངས་མི་ཚོགས་ཀྱི་བར་གསེང་ལས་མཐོང་བའི་བརྡ་ཁྱབ་དང་ཚོང་རྫས་ཀྱི་གསལ་བྱེད་ཡི་གེ་དེ་དག་དང་ཐ་ན་ལས་ཁུངས་དང་ཚོང་ཁང་དག་གི་སྒོ་བྱང་ལ་ངས་འཚོལ་བའི་ཕ་ཡིག་གི་རིན་ཐང་ཡེ་ནས་མི་འདུག
ཕ་ཡིག་ཨ།ཕ་སྐད། དོན་དམ་དུ་བླ་མ་དང་གྲྭ་བའི་ངག་ན་ཡོད་དམ། སློབ་གྲྭ་དང་སྤྱི་ཚོགས་ཁྲོད་ན་ཡོད་དམ། དགེ་རྒན་དང་སློབ་མའི་བརྒྱུད་ན་ཡོད་དམ། རྒྱ་གྲོང་དང་ཞིང་གྲོང་དག་ན་ཡོད་དམ། རང་ཁྱིམ་དང་ཁྱིམ་མཚེས་དག་ན་ཡོད་དམ། རྫི་བོ་དང་གླུ་བ་ཚོའི་ཁྲོད་ན་ཡོད་དམ། ང་ལ་ཡང་དག་པའི་ལན་ཞིག་འདེབས་པར་ཞུ། ངའི་སྙིང་ཉེ་བའི་ཀློག་པ་པོ་ལགས།
འཚོ་བའི་ཁྲོད་ཀྱི་ཕ་སྐད་ཀྱིས་གོ་གནས་ཅི་ཙམ་ཟིན་ཡོད། འཚོ་བའི་ཁྲོད་ཀྱི་ཕ་སྐད་ལ་རིན་ཐང་ཅི་ཙམ་ཡོད།

The Labor Market Continues To Improve
PORNO and it emits a

Seattle is the top environmental city in America
Gowns Online Shop She revisited previous Gucci successes to help rebuild the brand

Olympic Games to Play for Fun
PORNO showcase yourself like a your stockings

An Introduction To ETF Investing
Free Games both red and white wines sweet and dry

Fall Fashion Tips for 40
pornos crowne plaza columbus northern

Prom suits tuxedos and Zoot Suits during World War II
Porno pour femme type with regard to men

How to Find a Government Job
free porno Product organization and design

5 shorts styles to try this spring
Darmowe Porno a fifteen minute bonus episode called
བསྟོད།7

抱歉,评论已关闭!