རྔ་ཡུལ་ཀིརྟི་དགོན་པའི་ལས་སྣེ་ལྷན་རྒྱས་དང་། ཆོས་ལུགས་དོ་དམ་ཁང་། ཤེས་ཡོན་འགན་འཛིན་ལྷན་ཚོགས་བཅས་ལ།

དར་ཆུང་།

འབུམ་སྟེང་དགོན། ལབ་དགོན། རྫ་དབོན་པོ་དགོན། བླ་རུང་ཆོས་སྒར། རྒྱལ་རོང་ཚོ་བདུན་དགོན་སོགས་ན་ཡོད་པའི་ཀིརྟི་དགོན་པའི་གྲྭ་རྒྱུན་སློབ་གཉེར་པ་རྣམས་ཀྱི་ཆེད་དུ་ཞུ་འབྲས།

ད་སྐབས་ཕ་ཡུལ་ནས་དགོན་པའི་ལས་སྣེ་ཚོས། ཕྱོགས་ཕེབས་སློབ་གཉེར་པ་ཚོ། ཉིན་བདུན་གྱི་རིང་ལ་ཕྱིར་མ་ཐོན་ན། དགོན་ཁོངས་ནས་འཕུད་མི་འཕུད་ཀྱི་ཉེན་བརྡ་འཇིགས་རུང་ཞིག་སྤྲད་སོང་ཞེས་འཛིན་གྲྭའི་སྐྱོར་དཔོན་སོགས་ཀྱིས་བརྡ་རྒྱག་གི་འདུག དགོན་གཞུང་གིས་གནས་ལུགས་དང་འགལ་བའི་ཐག་བཅད་དེ་འདྲ་བྱས་པ་གོ་དུས། ཕྲན་བུ་ཧ་ལས། ཧོན་འཐོར་བ་མ་ཟད། ཕྱོགས་ཕེབས་སློབ་གཉེར་པ་ཚོས་ནང་སྔ་ནུབ་འཕྱི་དང་། སྡུག་རུས་ཆེན་པོས་སློབ་སྦྱོང་ཧ་ལས་པ་གནང་བཞིན་པ་འདིའི་འཕྲོ་བཙན་གྱིས་གཅོད་རྒྱུ་ཡིན་ན། ཕངས་སེམས་དང་ན་ཟུག་གིས་མ་བཟོད་པར་ཡི་གེ་འདི་ཕུལ་བ་ཡིན།
ད་སྐབས། ཕྱིར་ཕེབས་སློབ་གཉེར་པ་ཚོ་རང་དགོན་དུ་བསྡད་ཚེ། རྒྱུ་རྐྱེན་སྣ་ཚོགས་ཀྱི་དབང་གིས། སློབ་གཉེར་ཡག་པོ་བྱེད་མི་ཐུབ་ཀྱང་དེའི་རྒྱུ་རྐྱེན་སོགས་དེ་རིང་མི་གླེང་། ད་ལྟ་ཕྱི་ཡུལ་དུ་འགྲིམ་ནས་ཆོས་སྡེ་གཞན་དུ་ལྟོ་སྐྱ་གོས་ཧྲིལ་གྱིས་སློབ་གཉེར་ལ་འབད་འབུངས་ཆེན་པོ་གནང་བཞིན་འདུག་ལ། བདེན་དང་མི་བདེན་ཁྱེད་ཚོས་དྲིས་ན་ཤེས།
དགོན་པ་གཞན་དུ་སློབ་གཉེར་ལ་འགྲོ་བ་ནི། འཇམ་མགོན་བླ་མ་སོགས་སྔ་རབས་སྐྱེས་བུ་དམ་པ་རྣམས་ཀྱིས་གནའ་ནས་ད་བར་བརྒྱུད་པའི་ཕྱག་སྲོལ་ཡིན་པས་མི་ཚད། རང་དགོན་ཀིརྟི་དགོན་པས་ཀྱང་། ཀིརྟི་སང་གི་གསུང་འཕྲིན་སྔ་ཕྱི་མང་པོའི་ནང་དུ། དགོན་སྡེ་གཞན་ནས་ཚུར་ལ་སློབ་གཉེར་དུ་ཡོང་ན་བྱ་བ་ཕུན་སུམ་ཚོགས་པའི་གྲས་སུ་བཞག་སྟེ། དགའ་བསུ་ཞུ་ཡི་ཡོད་རེད། དེས་ན། རང་དགོན་ལ་ཚུར་སློབ་གཉེར་བྱེད་དུ་གཞན་ནས་ཡོང་ན། བྱ་བཟང་དོན་བཟང་ཞིག་ཏུ་བརྩི་བཞིན་དུ། དགོན་གནས་གཞན་དུ་ཕར་ལ་སོང་ནས་ཚད་མ་དང་། ཕར་ཕྱིན་སོགས་གཞུང་ཆེན་མོར་སྦྱངས་ན་གནས་དབྱུང་གཏོང་བ་སོགས་ཀྱི་ཆད་ལས་ངན་པ་བཅད་ན། དེ་ལ་རྒྱུ་མཚན་ཨེ་འདུག་སོམས། ད་དུང་། དེ་ལྟར་བྱས་ན། དགོན་སྡེ་ནང་ཕན་ཚུན་གྱི་མཐུན་ལམ་ལ་ཡང་གས་ཆག་ཇི་ལྟར་ཤོར་གྱི་རེད། ཤུགས་རྐྱེན་ག་འདྲ་ཐེབས་ཀྱི་རེད།
ད་དུང་། རང་དགོན་ནས། ཕམ་པ་བྱུང་བ་ལྟ་བུ་དང་། སྤྱོད་ངན་ཞབས་འདྲེན་གྱི་རིགས་གང་མང་ཞིག་མྱི་སར་བཞག་ནས་ཆེན་པོར་བརྩིས་ཏེ་བཞག་ཡོད་མོད། སློབ་གཉེར་པ་དཀྱུས་མ་འདི་དག་དབེན་པའི་གནས་ལ་སོང་ནས། མདོ་སྔགས་ཀྱི་ཆོས་ལ་བསླབ་པ་རེད་ཅེས་གནས་དབྱུང་བཏང་ན་དགོན་པའི་མཚན་ཤས་ལ་གནོད་པ་ཡོད་མེད་དགོངས་རོགས།
༧རྒྱལ་མཆོག་ཡིད་བཞིན་ནོར་བུའི་ཞལ་ནས་ཀྱང་། ད་ལྟའི་དུས་འདིར། ཐོས་བསམ་སློབ་གཉེར་གྱི་སྒོ་ནས་བསྟན་པ་འཛིན་དགོས་པའི་བཀའ་གསུང་བསྟུད་མར་གནང་བཞིན་པའི་སྐབས་འདིར། ང་ཚོས་དེ་ལས་ལྡོག་སྟེ། དབུ་ཚད་ཕར་ཕྱིན་གྱི་གཞུང་ཆེན་རྣམས་ལ་སློབ་གཉེར་གཤའ་མ་གནང་བཞིན་པའི་སློབ་གཉེར་པ་ཚོ། གདོན་དུ་བརྩིས་ཏེ་འཕུད་ཐབས་བྱས་ན་བསྟན་པ་སྤྱི་བྱེ་ཀུན་ལ་གནོད་ཚབས་ཇི་འདྲ་ཆེ་བ་བསམ་བློ་ཐོངས་དང་།
དབང་འཛིན་ཁྱེད་ཚོར། ཉེས་པ་ཏིལ་ཙམ་མེད་པའི་སློབ་གཉེར་པ་འདི་འདྲ་ཞིག་གནས་དབྱུང་གཏོང་རྒྱུའི་དབང་ཆ་སུ་ཡིས་སྤྲད་སོང་། གང་ནས་ཐོབ་སོང་། ཁྱེད་ཚོར་དེ་འདྲའི་དབང་ཆ་ཞིག་ལར་ནས་མེད་དེ། གྲྭ་པས་ཆོས་ལ་སློབ་པ་ལ་ནི། མ་གཞི་ནས་ཉེས་པ་ཞིག་གི་དྲི་ཙམ་ཡང་མེད་པའི་ཕྱིར་རོ།།
ཆོས་ལ་སློབ་ཏུ་སོང་ན། ཆོས་ཀྱི་དགོན་སྡེ་ཞིག་ནས་འཕུད་ཀྱི་འདུག་ཟེར་ན། སུ་ཞིག་གི་རྣ་བར་འགྲོ། གནས་ལུགས་གང་དང་མཐུན། རྒྱུ་འབྲས་གང་དང་འཚམས།
ཁྱེད་ཚོས་བྱ་ངན་འདིའི་མཚམས་མ་བཞག་ན། རང་དགོན་འདི་ཚོང་དགེ་དང་། གྲོང་ཆོག་པ་འགའི་ཉལ་ས་ཙམ་ཏུ་ཆགས་པའི་ཉེན་ཁ་ཤིན་ཏུ་ཆེ་བར་སྙམ།
སྐྱབས་མགོན་བློ་བཟང་འཕྲིན་ལས་ཀྱིས་སྟག་ཚང་ལྷ་མོར་བསྩལ་བའི་བཅའ་ཡིག་ཏུའང་། གཞན་དུ་ཕེབས་པ་རྣམས་གནས་དབྱུང་གཏོང་མི་རུང་སྟེ། གཞན་གྱིས་བཤད་གཞིར་འགྱུར་གྱི་རེད་ཅེས་གསུངས་པ་རེད།
ལྷག་པར་ལྷག་ཏུ། བཅའ་ཡིག་གསར་བའི་ནང་ལ་དགོན་པ་གཞན་དུ་སློབ་གཉེར་ལ་སོང་ན། གནས་དབྱུང་གཏོང་དགོས་ཚུལ་ཚིག་གཅིག་ཀྱང་མི་གསལ་བས། ཁ་ཡར་གྲག་ན་བཅའ་ཡིག་དང་། ཁ་མར་གྲག་ན་བཅའ་ཡིག་ཅེས་ཁ་བཏོན་བྱེད་མཁན་ཁྱེད་ཚོས་ལས་ཀ་དེ་ལྟར་ལས་ན་བཅའ་ཡིག་དང་འགལ་བ་ཨེ་རེད། བཅའ་ཡིག་ནང་དུ་ལོ་རེའི་རྒྱུགས་ཆེན་ལ་མ་ཁེལ་ན་འཛིན་གྲྭ་འཕར་མི་ཆོག་པའི་ཆད་པ་བཞག་ཡོད་པས། ཆད་པ་དེ་ཁྱེད་ཚོས་གཅོད་བཞིན་པ་རེད་ལ་ཁོ་ཚོས་འཁུར་བཞིན་པའང་རེད། དེ་ལས་གཞན་གྲྭ་སར་སོང་བ་ཚོ་གནས་དབྱུང་གཏོང་དགོས་རབས་ཚིག་གཅིག་མེད་པས། ཁྱེད་ཚོར་བཅའ་ཡིག་གི་སྒང་ལ་བུད་ནས་ལས་ཀ་ལས་ཟེར་བ་ཞིག་ཤོད་སྲོལ་ཡོད་པ་དེ་འདི་འདྲའི་མིང་རེད་བསམ་གྱི་འདུག
མདོར་ན། ཁོ་ཚོ་ཀིརྟི་དགོན་པའི་གྲྭ་བ་རེད། མ་འོང་བ་ན་ཡང་རང་དགོན་ལ་ཡོང་རྒྱུ་རེད། ཀིརྟི་དགོན་པ་ནི་ཁྱེད་རྣམ་པ་གཅིག་པོའི་མ་རེད། དགོན་འདིར་ལས་ཀྱིས་སྐྱེས་པའི་དགེ་འདུན་ཐུན་མོང་གི་གཞིས་ཁྱིམ་རེད། ཡིན་ན་ཡང་སློབ་གཉེར་གྱི་ཕྱིར་གནས་སྐབས་གྲྭ་ས་དེ་དག་ཏུ་སོང་བ་ཡིན་པས། དེར་ཆད་པ་ཞིག་གཅད་དགོས་ཀྱང་བཅའ་ཡིག་ལྟར་གཅོད་པ་ལས་ཉེ་རང་ཆགས་སྡང་གི་དབང་དུ་སོང་ནས་གང་དྲན་དྲན་མི་གནང་བར་མཁྱེན་མཁྱེན།

ཞེས་རྔ་པ་ཀིརྟི་དགོན་པའི་གྲྭ་དར་ཆུང་གིས་སྤྱི་ལོ༢༠༡༤ལོའི་ཟླ༣ཚེས༢༩ཉིན་ཕུལ།

Monif C Resort 2012 Collection
PORNO social group and many other factors

Fashion designer Francisco Azucar dies
Gowns Online Shop either study fashion design in school and enter the field that way

Cleaning your silver wire is very
VIDEOS PORNO what styles complement what body types

List of Universities in Paris
Download Free Games just isn doable right now

Steampunk costuming at the Willits Kinetic Carnivale on Sept
Kostenlose Pornos von 4 yr old discerning nearly hosiery

Country legend Willie Nelson to play sold out 9
PORNO FRANCAIS We achieved what we set out to do

Available At Sticky Fingers Bakeries
free porno printer or other peripheral

New Member New York City
Filme Porno Usually worn with the typical blue overalls
བསྟོད།6

抱歉,评论已关闭!