སྲོལ་རྒྱུན་གྱི་འཆིང་ཐག བཟོད་མེད་ཀྱི་ན་ཟུག

སྒོམ་པ་ཚེ་རིང་།

———Desert Flowerཞེས་པའི་གློག་བརྙན་ལ་བལྟས་རྗེས་ཀྱི་ཚོར་སྣང་།

ད་ལོའི་དབྱར་གནང་གཏོང་ལ་ཉེ་བའི་མཚན་མོ་ཞིག་ལ་དྲ་གྲོགས་བུད་མེད་ཅིག་གིས་འོས་སྦྱོར་བྱས་པ་བརྒྱུད་རང་རེའི་བོད་ཀྱི་སྐད་དུ༼བྱེ་ཐང་གི་མེ་ཏོག༽ཅེས་བསྒྱུར་ན་འོས་བར་མཐོང་ཞིང་། དབྱིན་ཇིའི་སྐད་དུ༼Desert Flower༽ཞེས་པ། རྒྱ་ནག་གི་སྐད་དུ༼沙漠之花༽ ཞེས་པའི་གློག་བརྙན་ཞིག་ལ་བལྟ་ཐུབ་པ་བྱུང་སོང་། ལྷིང་འཇགས་ཀྱི་མཚན་མོ་དེ་ནི་ཏག་ཏག་གཟའ་མཇུག་དང་ཁེལ་ཡོད་པས་གློག་བརྙན་དེར་མགོ་ནས་མཇུག་བར་དུ་ཐེངས་གཅིག་བལྟས་བ་ཡིན། ནམ་རྒྱུན་དུས་ཚོད་གླེང་རྒྱུར་ཤིན་ཏུ་དགའ་ཞིང་དུས་ཚོད་ཀྱི་ཐོབ་ཤོར་ཁྲོད་ནས་དུས་ཚོད་ལ་ལེ་བདའ་བྱེད་རྒྱུ་ཡང་ཀུན་ནས་གོམས་པའི་རང་ཉིད་ལ་མཚོན་ན་ཐེངས་འདིའི་གློག་བརྙན་དེས་ང་ལ་སྨྲ་མི་ཤེས་པའི་ཚོར་སྣང་ལྕི་མོ་ཞིག་དང་དྭངས་མི་སྲིད་པའི་སྡུག་བསྔལ་རབ་རིབ་ཅིག་དང་བཅས་ཏེ་རྨ་སྟེང་དུ་ཚྭ་འདེབས་པ་དང་སྙིང་སྟེང་ལ་གྲིས་སྣུན་པ་ལྟ་བུའི་སྡུག་བསྔལ་བཟོད་གླགས་མེད་པ་ཞིག་ཀྱང་མྱོང་དུ་བཅུག་སོང་། དེ་ལྟར་བསམ་པའི་མོད་ལ་གློག་བརྙན་དེའི་སྐོར་ནས་རང་ཉིད་ཀྱིས་མྱོང་ཚོར་ཐར་ཐོར་རེ་དང་བསམ་ཚུལ་ཐན་ཐུན་ཞིག་ཀྱང་འབྲི་འདོད་དྲག་པོ་སྐྱེས་བྱུང་། སྤྱིར་ངའི་སེམས་ཀྱི་མྱོང་ཚོར་འདི་མགོ་ལྡན་ཀུན་གྱི་དཔེ་ཀློག་གི་རྒྱགས་ཕྱེ་གྱ་ནོམ་པ་ཞིག་དང་རྒྱང་བཞུད་ཀྱི་གྲོ་ཁ་ཡིད་ཚིམས་པ་ཞིག བསམ་གཞིག་གི་གྲུབ་འབྲས་བརྗོད་རི་བ་ཞིག་ཏུ་འགྱུར་མིི་སྲིད་ནའང་བརྗོད་པར་བྱ་བའི་མི་རིགས་དང་རྒྱལ་ཁབ་གང་དེའི་ཆོས་ལུགས་རིག་གནས་ཀྱི་བཀག་རྒྱ་དང་རྨོངས་མུན་སྤྱི་ཚོགས་ཀྱི་མནར་གཅོད། སྲོལ་རྒྱུན་སྒེར་སྡོམ་གྱི་འཆིང་ཐག་སྦོམ་པོས་ཡོངས་སུ་བསྡམས་ཤིང་ཀུན་ནས་གཅུན་ནས་ཡོད་པའི་ས་སྒང་འདིའི་སྟེང་གི་བུད་མེད་དེ་དག་གི་སེམས་སྒྲ་ལ་ཟུར་ཉན་བྱེད་སྟངས་ཤིག་དང་སྡུག་བསྔལ་དེ་དག་གི་ཁྲོད་ན་ནམ་ཡང་ཀུ་ཡངས་དང་རང་དབང་། ཡིན་འཇོག་དང་འདྲ་མཉམ། ངོས་འཛིན་དང་བརྩི་བཀུར་མི་ཐོབ་པར་འཚོ་བ་ན་ཟུག་གིས་རོལ་ཞིང་མི་ཚེ་སྐྱོ་གདུང་གིས་སྐྱེལ་བཞིན་པའི་བུད་མེད་དེ་དག་ལ་བརྩེ་བ་ཡི་ལག་ཟུང་སྦྲེལ་སྟངས་ཤིག་ཅི་ལ་མིན་ཨང་སྙམ་བཞིན་ཡོད།

མིང་དུ་གྲགས་ཤིང་ཤུགས་རྐྱེན་ཆེ་བའི་གློག་བརྙན་དེ་ནི་མ་གཞི་ནས་དངོས་བྱུང་ལོ་རྒྱུས་ཤིག་སྟེ། ཨ་ཧྥེ་རི་ཁའི་སོ་མ་ལིས་ཡ༼索马利亚༽ཡི་བུ་མོ་ཆུང་ཆུང་ཧྭ་རའེ་སི༼华莉丝༽ཡི་རང་རྣམ་གཞིར་བཟུང་ནས་བསྒྲིགས་པའི་ཡ་ང་བ་ཞིང་ཡིད་མུག་པའི་དངོས་ཡོད་གནས་ཚུལ་མཚོན་པའི་གློག་བརྙན་ཞིག་རེད་འདུག གོ་ལ་ཧྲིལ་བོ་ཧང་སང་བར་བྱེད་པའི་གློག་བརྙན་འདིའི་འཁྲབ་ཁྲིད་པ་ནི་ཤའོ་རའེ·ཧའོ་ཨར་མན༼雪瑞· 霍尔曼༽ཡིན་ལ། གློག་བརྙན་དེའི་ནང་དུ་ཨ་ཧྥེ་རི་ཁའི་སོ་མ་ལིས་ཡའི་འབྲོག་ཁྱིམ་དཀྱུས་མ་ཞིག་གི་བུ་མོ་ཆུང་ཆུང་ཧྭ་རའེ་སི་ཡི་མི་ཚེ་འགྱུར་ལྡོག་སྟེ། བྱིས་དུས་སུ་ཡ་ང་བའི་མཚན་མ་དམར་བཙེམས་ཀྱི་མནར་གཅོད་སྡུག་བསྔལ་མྱོང་བ་དང་གཞོན་དུས་སུ་ཡིད་མུག་པའི་གཉེན་སྒྲིག་བཙན་དབང་གི་ཚ་གཅུན་འོག་གི་སྐྱོ་གདུང་གི་དབྱངས་རྟ་བརྗོད་པ་དེའོ།།

ད་སོ་མར་མོ་ལོ་བཞི་གསུམ་བཅུ་གཉིས་བརྒལ་ཟིན་པ་ཙམ་ཡིན་པའི་རིགས་རྒྱུད་ནག་པོ་ཅན་གྱི་བུ་མོ་ལོ་ཆུང་ཧྭ་རའེ་སི་འདི་རང་ཉིད་ཀྱི་ཕ་རྒན་ལས་ཀྱང་ལྡབ་འགྱུར་གྱིས་ཆེ་བའི་རྒད་པོ་ལོ་ལོན་ཆགས་སྲེད་ཅན་མའོ་ཧན་མའོ་ཏི་པིན·ཅ་ལ་ཨར༼默罕默德本·加拉尔༽ཞེས་པའི་གནས་དེའི་འབྱོར་ལྡན་པ་ཞིག་གི་ཆུང་མ་ཨང་བཞི་བར་གནང་སྦྱིན་བྱས་ཚར་ཞིང་སང་ཉིན་གྱི་ཞོགས་པར་གཉེན་སྟོན་གྱི་ཆོ་ག་བསྒྲུབ་རྒྱུ་ཡིན་པའི་འཇིགས་ཡེར་ཡེར་གྱི་གཏམ་ངན་དེ་ཐོས་པས་ན་བུ་མོ་ཆུང་ཆུང་ཧྭ་རའེ་སིར་དངངས་འདར་གང་མང་རྒྱབ་ཅིང་ལུས་ཀྱི་བ་སྤུ་གཟེངས་ཏེ་སྐྲག་སྣང་དང་ཞེད་སྣང་གིས་མ་བཟོད་པར་སེམས་ཁར་སྡུག་གི་མུན་པ་རབ་ཏུ་འཐིབས་ལ་སྙིང་ཁར་སྐྱོ་བའི་རྦ་རླབས་དྲག་ཏུ་འཕྱོ་བས་རང་གི་དྲིན་ཆེན་གྱི་ཨ་མོ་ལ་མིག་ཆུ་ཡིས་མཆོད་པ་འབུལ་བཞིན་མི་འཐད་པའི་གནས་ལུགས་དང་མི་དགའ་བའི་རྣམ་འགྱུར་ཅི་ཙམ་བསྟན་ཡང་རང་གི་དྲིན་ཆེན་གྱི་ཨ་མོ་ལ་ཡང་དབང་མེད་ཅིང་ཐོབ་དམན་པ་དང་ཐབས་ཟད་ཅིང་འུ་ཐུག་པས་འབྲོག་མོ་ཆུང་ཆུང་འདིར་བྲོས་བྱོལ་ཡན་གྱིི་ལམ་ཞིག་མེད་པ་ཁོ་མོས་ཤེས་རྟོགས་བྱུང་བ་རེད།

འདི་ལྟར་སྨག་རུམ་གྱི་ལྭ་བ་ཧ་ཅང་མཐུག་པའི་མཚན་མོ་དེར་རྐང་འཇབ་ལག་འཇབ་ཀྱིས་རྒྱང་བཞུད་ཀྱི་འགོ་བརྩམས་པ་ན་རླབས་ཆེ་བའི་མ་ཡུམ་གྱིས་ཤ་ལས་ཆད་པའི་རང་གི་བུ་མོ་ཆུང་ཆུང་ཧྭ་རའེ་སི་གདུག་རྩུབ་ཀྱི་གཉེན་དོན་ལ་གཡོལ་ཕྱིར་ཡིན་པ་དང་ལམ་བར་གྱི་དཀའ་སྡུག་དག་ཀྱང་ལོས་མཁྱེན་གི་ལོས་མཁྱེན་ཡིན་མོད། ཡིན་ཡང་མ་ཡུམ་གྱིས་ཡོད་ཚད་ཀྱི་ཡོད་ཚད་མ་ཤེས་ཁུལ་དང་མ་རིག་ཁུལ་དང་མ་གོ་ཁུལ་གྱིས་མིག་ཀོང་ལ་མཆི་མ་འཁྱིལ་ཏེ་སེམས་པ་ལ་མུན་པ་འཐིབས་ན་ཡང་མ་ཁར་སོ་བཅངས་སྒོས་ཨུ་ཚུགས་ཀྱིས་བཟོད་སྲན་བྱས་སོང་། ངས་དེ་ནི་ཏག་ཏག་རླབས་ཆེན་གྱི་དྲིན་ཆེན་མ་ཡུམ་དག་ལ་མ་གཏོགས་ཡོད་མི་སྲིད་པའི་ཡངས་བའི་བློ་ཁོག་ཅིག་དང་བརྩེ་བའི་བྱེད་ཐབས་ཤིག་ཅི་ལ་མིན་ཨང་བསམ་བཞིན་ཡོད།

འབྲོག་མོ་ཆུང་ཆུང་འདིས་འདི་ལྟར་ཡ་ང་བའི་དངོས་ཡོད་ལ་གདོང་གཏད་དེ་མུན་ནག་ཁྲོད་འཚོ་བའི་མི་རིགས་ལ་ཡིད་ཆད་དེ་འཇིགས་ཡེར་ལ་ཡིད་སྐྱོ་ཞིང་ཞེ་མེར་ལ་ཡིད་མུག་པའི་སྲོལ་རྒྱུན་དང་བཙན་དབང་གཉེན་སྒྲིག་གི་འཆིང་ཐག་རྙིང་བ་དེ་ལས་བཅིངས་གྲོལ་ཐོབ་པའི་ཆེད་དུ་སེམས་པ་སྐྱོ་གདུང་གིས་མནར། ངོ་གདོང་མིག་ཆུ་ཡིས་བརླན། ཕ་ཡུལ་རྒྱབ་ལོགས་སུ་བསྐྱུར། ཉིན་མཚན་དབྱེ་མེད་དུ་བྲོས། ཡུམ་གྱི་བརྩེ་དྲོད་དེ་དྲན། ཁ་ཟས་སྡོང་ལོ་སོགས་བྱས། རྐང་གཉིས་ཁྲག་དམར་གྱིས་བརྫིས་ནས་རང་ཉིད་ཁོ་ནར་དབང་བའི་བྲོས་བྱོལ་གྱི་ལམ་དུ་ཞུགས་ཚུལ་ལ་མི་མགོ་གསོན་པོ་ལྡན་ཞིང་མི་དྲི་རྣལ་མ་བྲོ་བ་དག་གིས་བལྟས་ན་དངོས་གནས་བལྟ་མི་བཟོད་པ་ཞིག་དང་ཀུན་ནས་བསམ་མི་བཏུབ་པ་ཞིག་རེད་འདུག འདི་ལྟ་འདི་ལྟར། རི་རབ་དང་གཙང་བོ། ཐང་ཆེན་དང་ལ་ཆེན། རླུང་ཆེན་དང་བུ་ཡུག འཇིགས་སྐྲག་དང་བཀྲེས་ལྟོགས། མུ་མེད་ཀྱི་བྱེ་ཐང་དང་མི་ངན་གྱི་འཕྱ་སྨོད། སྒེར་སེམས་ཆེ་བའི་སྐྱེས་པ་ཁྲེལ་མེད་ཅིག་གི་བཙན་གཡེམ་སོགས་ཀྱི་ཉེན་ཁ་གང་མང་ཞིག་བཟློགས་ཏེ་ཉིན་ཞག་གྲངས་མེད་ལ་བྲོས་བྱོལ་གྱིས་བརྒྱུད་མཐར་མའོ་ཅ་ཏའེ་ཧྲ༼摩加迪沙༽ཡི་མ་ཡུམ་གྱི་གཉེན་ཉེ་ཞིག་གི་ཁྱིམ་དུ་འབྱོར་བ་དང་། དེའི་ཁྲོད་ནས་བུ་མོ་ཆུང་ཆུང་ཧྭ་རའེ་སིས་ཉིན་ཞག་གང་མང་ལ་ཟ་མ་མ་ཟོས་པས་མིག་ཟུང་གི་འོད་དང་ངོ་གདོང་གི་མདངས། ད་དུང་ཟ་མ་ཟ་སྟངས་སོགས་ལས་ཀྱང་བཀྲེས་ལྟོགས་ཀྱི་དཀའ་ཁག་ཅི་འདྲ་མྱངས་ཡོད་པ་སོགས་རྗེས་དཔག་གི་རིག་པས་གསལ་བོར་ཤེས་ཐུབ་ལ། གཉེན་ཉེ་དེའི་རོགས་འདེགས་ཀྱི་འོག་ནས་དབྱིན་ཇིའི་རྒྱལ་ས་ལོན་ཏོན་དུ་བགྲོད་ཐུབ་པ་བྱུང་ཞིང་། ལོན་ཏོན་ནས་སོ་མ་ལིས་ཡ་ནས་འོངས་པའི་འབྲོག་མོ་ཆུང་ཆུང་ཧྭ་རའེ་སི་ནི་བདག་པོ་མེད་པའི་ཁྱི་ཕྲུག་བཞིན་འཁྱམས་ཉུལ་བྱས་ཤིང་ཕ་མ་མེད་དྭ་ཕྲུག་བཞིན་ཁེར་འགྲོ་ལ་མི་བསྟེན་རང་བསྟེན་དུ་གྱུར་ནས་གད་སྙིགས་ཀྱི་ཁྲོད་ནས་གཞན་གྱི་ཟས་འཕྲོ་དང་འཐུང་འཕྲོ་བཏུས་ནས་འུ་ཐུག་ཐབས་ཟད་ཀྱི་ངང་ནས་ལོ་ངོ་དྲུག་ཙམ་གྱི་འཚོ་བ་འཕྱ་སྨོད་དང་ཨུ་ཚུགས། ཟུར་ཟ་དང་ཉར་བཀག བཀྲེས་ལྟོགས་དང་བག་ཡངས་ཀྱིས་བསྐྱལ་བ་རེད། འུ་ཚོ་ལ་མཚོན་ན་གཉེན་ཉེ་དང་གྲོགས་པོ་མེད་ས་ནས་ཕྱི་ཡི་རྒྱལ་ཁབ་ཞིག་ཏུ་ལོ་ངོ་དྲུག་ལ་འཚོ་བ་རོལ་རྒྱུ་ཕར་ཞོགས། ཐ་ན་ནང་གི་གྲོང་ཁྱེར་ཆུང་ཆུང་ཞིག་ནས་ཀྱང་གཉེན་ཉེ་དང་གྲོགས་པོ་མེད་པར་ཟླ་བ་དྲུག་ལའང་འདུག་རྒྱུ་དཀའ་ཚོད་དུ་གདའ།

དེ་ལྟར་མི་ཚོགས་ཀྱི་འདུ་འཛི་རབ་ཏུ་རྒོད་ཅིང་འགྲོ་འོང་ལ་བྲེད་ཤ་དོད་པོ་ཡོད་པའི་དབྱིན་ཇིའི་གྲོང་ཁྱེར་ནས་མཚན་མོར་ཉལ་ས་མེད་པ་དང་ཉིན་མོར་འདུག་ས་མེད་པའི་སྡུག་བསྔལ། གྲོགས་མེད་ཁེར་རྐྱང་གི་སྡུག་བསྔལ་དང་གཉེན་ཉེ་རྒྱུན་དྲན་གྱི་མིག་ཆུ། ད་དུང་འགྲོ་ལུགས་དང་འདུག་སྟངས་མི་ཤེས་པའི་སྡུག་བསྔལ། སྐད་ཆ་དང་འབྲེལ་འདྲིས་ཁྲོད་ཀྱི་དཀའ་ཁག སྐྱབས་བཅོལ་ཡིག་ཆའི་ཐད་ཀྱི་བཀག་རྒྱ་སོགས་རིམ་བཞིན་བརྒྱུད་པ་དང་། ཡང་གླུ་གར་ཁང་ཞིག་ནས་གཞུང་དྲང་དང་ཉམས་ཆུང་། ཁྲེལ་ཡོད་དང་བག་ཡོད། བྱམས་ལྡན་དང་ཚུལ་ལྡན། མ་གཞི་ནས་ལྷན་སྐྱེས་ཀྱི་མཛེས་བས་ཀུན་ནས་ཕྱུག་པའི་ཁོ་མོར་དགའ་བའི་སྙིང་གཏམ་གྱི་ལེགས་སྐྱེལ་ཕུལ་ཞིང་དུང་བའི་ཟུར་མིག་གི་མདའ་མོ་འཕེན་མྱོང་བའི་ཨ་རིའི་མི་ནག་ཧྭ་རའོ་ཏི༼哈罗德༽ལ་ཕོ་མོའི་འབྲེལ་ལམ་གྱི་ཐོག་ནས་རང་ཉིད་སྐྱེས་པ་ཚོར་འབྲེལ་ལམ་བྱུང་སྐབས་ཞེད་སྣང་སྨྲ་མི་ཤེས་པ་དང་སྐྲག་སྣང་ཡ་མཚར་བ་སྐྱེས་པ། ཡང་ཧྭ་རའེ་སིས་འཚོ་བའི་ཐོག་ནས་དཀའ་སྡུག་གང་མང་མྱོང་སྐབས་དབྱིན་ཇིའི་བུད་མེད་མ་ལའེ་ལེན༼玛丽莲༽གྱིས་གནས་ཚང་གཡར་བ་དང་ཁོ་མོ་གཉིས་ཀྱིས་ཕན་ཚུན་ལ་མི་སེམས་འགུལ་བའི་ཁ་བརྡ་གློད་ཅིང་ཧྭ་རའེ་སིས་མཚོན་པའི་སོ་མ་ལིས་ཡའི་གླིང་གི་བུད་མེད་ཀྱི་མཚན་མ་དང་མ་ལའེ་ལེན་གྱིས་མཚོན་པའི་ནུབ་གླིང་བུད་མེད་སྤྱིའི་མཚན་མ་གཉིས་དངོས་ཐོག་བདེན་ཐོག་དང་ཁ་ཐོག་མིག་ཐོག་གིས་རྩ་བའི་རྩ་བ་ནས་མི་འདྲ་བ་ཤེས་རྟོགས་བྱུང་རྗེས་སེམས་སྡུག་ནས་ངུ་ཤོར་བ། ཞེད་སྣང་ནས་ཡིད་ཆད་པ། སེམས་པ་ཀློང་ཀློང་བོར་དང་ལུས་པོར་འཁྱག་སིབ་སིབ་ཏུ་གྱུར་ཏེ་གནའ་ནས་བརྒྱུད་པའི་མི་རིགས་ཀྱི་སྲོལ་རྒྱུན་ནག་པོ་དེའི་འོག་ནས་སོ་མ་ལིས་ཡའི་བུད་མེད་ཚང་མ་བྱིས་པའི་དུས་ནས་ལྷ་ཆོས་དང་མི་ཆོས། ཚན་རིག་གི་ལྟ་བ་དང་ཀུན་སྤྱོད་ཀྱི་རྩ་དོན་དང་ཡོངས་སུ་འགལ་བའི་མཚན་མ་དམར་བཙེམས་ཀྱི་དམར་ལས་མནར་གཅོད་ལས་ཚ་སྡུག་ན་གཟེར་གསུམ་སོགས་སྡུག་བསྔལ་གང་མང་མྱངས་དགོས་པ་དང་། མཚན་མ་དམར་བཙེམས་ཀྱི་དམར་ལས་ཁྲོད་ནས་དེང་རབས་སྨན་གཞུང་གི་ལས་སྲོལ་དང་ཀུན་ནས་མི་མཐུན་ལ་རྨ་ཁ་གཟེར་འཇོམས་ཀྱི་སྨན་རྫས་དང་ལུས་པོ་སྦྲིད་འགྱུར་གྱི་སྦྲིད་སྨན་སོགས་ཀྱང་རྩ་བ་ནས་བསྐུ་རྒྱུ་མེད་པས་མཚན་མའི་རྨ་ཁ་ལས་ཟུག་གཟེར་ཆེན་པོ་དྲག་ཏུ་ལངས་བ་དང་རྣག་ཁྲག་མང་པོ་རྫོགས་མེད་དུ་བཞུར་པ་སོགས་ཀྱི་རྐྱེན་པས་རྐྱེན་ལམ་དུ་ཤོར་བའི་བུད་མེད་ཀྱང་བགྲང་གིས་མི་ལངས་བ་ཞིག་ཡོད། དེ་ལྟར། མཚན་མ་དམར་བཙེམས་བྱས་རྗེས་ཀྱི་དཀའ་སྡུག་མང་པོ་མྱངས་མྱངས་མཐར་གྱི་གཉེན་སྒྲིག་གི་དགོང་མོ་ཡང་རང་གི་ཁྱོ་གས་གཞི་ནས་དམར་བཙེམས་བྱས་ཟིན་པའི་མཚན་མའི་ཁ་དེ་ཡང་བསྐྱར་དམར་ཕྱེས་བྱེད་དགོས་པའི་དམར་ལས་ཤིག་ཡང་བསྐྱར་བརྒྱུད་དགོས་པ་དང་དམར་ལས་དེའི་ཁྲོད་ནས་ཧྭ་རའེ་སི་རང་ཉིད་ཀྱི་ཨ་ཅེ་དང་ནུ་མོ་ཚོའང་མཚན་མ་དམར་བཙེམས་ཀྱི་དམར་ལས་ཁྲོད་རྣག་ཁྲག་བཞུར་དྲགས་པ་དང་རྨ་ཁ་ན་དྲགས་པས་ལྔ་ལམ་དུ་བུད་སོང་བ་ལྟ་བུ་རེད། ཧྭ་རའེ་སིས་སོ་མ་ལིས་ཡའི་བུད་མེད་མང་པོ་མང་པོ་ཞིག་ནད་རིགས་བཞི་བརྒྱ་རྩ་བཞི་མ་ཡིན་པའི་མཚན་མ་དམར་བཙེམས་ཀྱི་ཚ་སྡུག་ན་གཟེར་སོགས་ལས་དུས་མིན་འཆི་བའི་གནད་དོན་ཚབས་ཆེན་འབྱུང་གིན་པའི་དངོས་ཡོད་གནས་ཚུལ་ལ་གཞིག་ནས་ངོ་རྒོལ་བྱ་རྒྱུའི་ཆོད་སེམས་བརྟན་པོ་འཁོར་བ་རེད། ད་དུང་། གློག་བརྙན་འདིའི་མགོ་བར་མཇུག་གསུམ་གང་ཡིན་ཡང་མི་སྣ་ཕན་ཚུན་གྱི་གཏམ་སྤྱོད། ཡུལ་ལྗོངས་རྒྱབ་ལྗོངས་ཀྱི་བཀོད་པ། དོན་དག་སྔ་ཕྱི་ཡི་གོ་རིམ། འདས་ཟིན་ཕྱིར་དྲན་གྱི་རྣམ་པ། སྒྲ་དབྱངས་མཐོ་དམན་དང་སྡེབ་སྟངས་སོགས་གང་ཡིན་ཡང་ཡིད་འགུལ་ཐེབས་འགྲོ་བ་ཞིག་དང་སེམས་པ་སྡུག་འགྲོ་བ་ཞིག་དང་མིག་ཆུ་བཞུར་འགྲོ་བ་ཞིག་མ་རེད་དམ། མདོར་ན། གློག་བརྙན་དེས་བལྟ་མི་ཀུན་གྱི་བྲང་གཞུང་འཁྱག་སིབ་སིབ་ཏུ་བསྒྱུར་ཅིང་། ཡང་བར་སྐབས་ཤིག་ནས་མི་སྣ་ཕན་ཚུན་ལ་རོགས་འདེགས་དང་ཡིད་ཆེས། དྲིན་གཟོ་དང་བརྩེ་བ། དགའ་བ་དང་ཞེན་པ། དུངས་བ་དང་རྒྱུས་ལོན་བྱེད་པ་སོགས་ཀྱིས་འུ་ཚོ་ལ་ངང་ངམ་ཤུགས་ཀྱིས་མིག་ཆུ་བཞུར་འོང་བ་དང་མཉམ་དུ་སླར་ཡང་ཤ་གསེང་ནས་དྲོད་ཁོལ་རྒྱས་ཤིང་རུས་གསེང་ནས་ཁྲག་དྲོན་རྒྱུ་བའི་ཚོར་བ་མངར་མོ་ཞིག་ཀྱང་སྦྱིན་འོང་། འཇིག་རྟེན་འདིར་མ་གཞི་ནས་བརྩེ་བ་དང་དགའ་བ་དང་ཞེན་པ་དང་དུངས་བ་དང་དྲན་པ་སོགས་ནི་སྟོབས་ཤུགས་ཡོད་ཚད་ཀྱི་འབྱུང་ཁུངས་དངོས་ཡིན་ལ། དེ་དག་བདོག་པས་ས་སྒང་རིལ་མོ་འདི་ལ་ད་གཟོད་གསོན་ཤུགས་ཀྱི་མྱུ་གུ་འབུས་ཤིང་རྟག་བརྟན་གྱི་མེ་ཏོག་བཞད་པ་རེད། དེ་དག་ནི་གསོན་པའི་སྒུལ་ཤུགས་དང་འཆི་བའི་ཡང་སྙིང་ཡང་ཡིན་པས་དེ་ལྟར་ཡིད་འགུལ་ཐེབས་ཤིང་གདུང་སེམས་ཤོར་བ་དེ་ནི་ཏག་ཏག་གློག་བརྙན་དེས་ང་ཚོ་ལ་བྱིན་པའི་ཟུག་གཟེར་ཡན་གར་བ་ཞིག་དང་ཡང་ན་གློ་བརྙན་དེའི་ནུས་པ་ཁུངས་ལྡན་ཞིག་ཀྱང་རེད་འདོད་དོ།།

དབྱིན་ཇིར་སྡོད་པའི་རིང་གི་ཉིན་ཞིག ཧྭ་རའེ་སིའི་མཚན་མའི་རྨ་ཁ་ལ་ཟུག་གཟེར་དྲག་པོ་ལངས་སྐབས་དེ་སྔོན་ཁོ་མོ་ལ་གནས་ཚང་གཡར་མྱོང་བའི་དབྱིན་ཇིའི་བུད་མེད་མ་ལའེ་ལེན་གྱི་རོགས་འདེགས་འོག་ནས་དབྱིན་ཇིའི་སྨན་ཁང་ཞིག་ཏུ་འབྱོར་བ་ན་སྲོལ་རྒྱུན་གྱི་འཆིང་ཐག་སྦོམ་པོ་དང་རྙིང་ཞེན་གྱི་ཚིལ་དྲེགས་ནག་པོ་ཆགས་པའི་སོ་མ་ལིས་ཡའི་སྨན་པ་ཨ་མའེ་ལི༼阿迈勒༽ཞེས་པ་ཞིག་གིས་བྱམས་བརྩེ་དྲང་གཞག་གི་རྩ་དོན་ཀུན་ནས་དོར་ཞིང་བརྩེ་དྲོད་འཇམ་གསུམ་གྱིས་ཕྱུག་པའི་དབྱིན་ཇིའི་མི་དཀར་སྨན་པ་ཞིག་གི་སྐད་ཆ་དེ་དབྱིན་སྐད་ཡང་དག་ཅིག་མི་གོ་བའི་ཧྭ་རའེ་སི་ལ་འགྲེལ་བརྗོད་བྱེད་སྐབས་རྨོངས་བཤད་ལོག་འགྲེལ་ཧ་ལས་བ་དང་འཁྱོག་བརྗོད་མགོ་བསྐོར་ཡ་མཚན་པ་བྱས་པ་སོགས་ནི་མཚན་ཉིད་མི་ཚང་བའི་སྨན་པ་ཨ་མའེ་ལིས་རང་གི་མིི་རིགས་ལ་ནག་ཉེས་གསག་སྟངས་ཤིག་དང་བུད་མེད་ལ་མཐོང་ཆུང་བྱེད་སྟངས་ཤིག རིག་གནས་ལ་གོ་བ་ལེན་སྟངས་ཤིག་མ་རེད་ཅེས་སུས་བརྗོད་སྤོབས་ཨང་།

དེ་ལྟར། འབྲོག་མོ་ཧྭ་རའེ་སིས་དབྱིན་ཇིའི་ལོན་ཏོན་གྲོང་ཁྱེར་གྱི་མགྱོགས་ཟས་ཟ་ཁང་ཆུང་ཆུང་ཞིག་ཏུ་གད་སྙིགས་གཙང་སྒྲིག་གི་གླ་རྒྱག་བཞིན་པའི་སྐབས་སུ་ས་གནས་དེའི་པར་བ་གྲགས་ཅན་ཞིག་གིས་ཐོག་མར་མཐོང་ཞིང་ཁོ་མོ་ལ་རྒྱུས་ལོན་གྱི་འགོའང་ཚུགས། དེའི་རྗེས་སུ་པར་བ་གྲགས་ཅན་དེའི་པར་རྩལ་དང་རང་ཉིད་ཀྱི་མཛེས་རྩལ་གྱི་འོག་ནས་མི་རྒྱུད་ནག་པོའི་འབྲོག་མོ་ཧྭ་རའེ་སི་འདི་སྐབས་དེའི་དུས་དེབ་འདྲ་མིན་དང་ཚགས་ཤོག་སྣ་ཚོགས། གསར་འགྱུར་གསར་ལམ་ཁག་གི་གླེང་གཞིར་གཙོ་བོར་གྱུར་ཅིང་མིང་དུ་གྲགས་པའི་རྒྱལ་སྤྱིའི་སྟེང་གི་གྱོན་གོས་འཁྲབ་སྟོན་པ་གཙོ་བོའང་གྱུར་བ་རེད། ཁོ་མོའི་སྙན་གྲགས་ཀྱི་བ་དན་དེ་བསིལ་རླུང་གིས་བསྐྱོད་དེ་རྒྱལ་སྤྱིའི་གསར་ལམ་ཁག་ཏུ་ཁྱབ་སྟེ་ཀུན་གྱིས་གདེང་འཇོག་གི་ཚད་མཐོན་པོ་གནངས། འདི་ལྟར་མཇུག་མཐར་གསར་ལམ་ཁག་ཆེ་གྲས་ཤིག་གི་གདན་ཞུའི་སྟེང་ཁོ་མོས་རང་ཉིད་ཀྱི་སེམས་ཁོང་དུ་ཡུན་རིང་ཉར་བའི་ན་ཟུག་གི་སྐད་ཆ་སྟེ། རང་ཉིད་ཀྱི་མི་ཚེ་ལ་འགྱུར་ལྡོག་བྱུང་འགོ་ཚུགས་པའི་རྒྱུ་མཚན་དང་སོ་མ་ལིས་ཡའི་བུད་མེད་ཚང་མར་ཆུང་དུས་ནས་མཚན་མ་དམར་བཙེམས་ཀྱི་དམར་ལས་ཡ་ང་བ་བྱེད་དགོས་པ་དང་། ཡོངས་ཁྱབ་རིན་ཐང་དང་འགྲོ་བ་མིའི་ཐོབ་ཐང་། ཕོ་མོ་འདྲ་མཉམ་གཙང་མ་མེད་པ་སོགས་ལ་དགག་རྒྱག་དང་སུན་འབྱིན་བྱས་ཤིང་འཐོབ་འོས་བའི་རིན་ཐང་དང་ཐོབ་ཐང་དེ་དག་ངེས་པར་དུ་འཐོབ་དགོས་པར་སྡུག་བསྔལ་དང་མིག་ཆུ། ན་ཟུག་དང་རེ་སྨོན། སྐྱོ་གདུང་དང་ངུ་སྔངས་དང་བཅས་ཏེ་སྐད་འབོད་དང་འབོད་སྐུལ་བཏང་བ་ན་གསར་ལམ་ཁག་དེའི་བཅར་འདྲི་བྱེད་མཁན་གྱི་བུད་མེད་དར་མ་དེའང་ཡུན་རིང་ལ་ཧད་དེ་ཡུན་རིང་ལ་སྔངས་ཤིང་ཡུན་རིང་ལ་ངུས།

དེའི་རྗེས་སུ། མཉམ་འབྲེལ་རྒྱལ་ཚོགས་ཀྱི་ཚོགས་ཐོག་ནས་ཧྭ་རའེ་སིས་སོ་མ་ལིས་ཡའི་བུད་མེད་ཚོའི་མཚན་མ་དམར་བཙེམས་ཀྱི་དམར་ལས་ཡ་ང་བ་བྱེད་པའི་དོན་དངོས་གནས་ཚུལ་འདི་སྒྲོ་བཏགས་དང་སྐུར་འདེབས་མེད་པར་རྒྱལ་སྤྱི་དང་རྒྱལ་སྤྱི་མ་ཡིན་པའི་གསར་ལམ་ཁག་ཏུ་བརྒྱུད་སྒྲོག་གནང་བ་ན་རྒྱལ་སྤྱི་དང་རྒྱལ་སྤྱི་མ་ཡིན་པའི་གསར་འགོད་པ་དག་ཀྱང་ཧད་དེ་ལུས། འབྲོག་མོ་ཧྭ་རའེ་སི་ནི་འཛམ་གླིང་སྟེང་གི་ཆེས་ཐོག་མར་བུད་མེད་ཀྱི་མཚན་མ་དམར་བཙེམས་བྱེད་པ་ལ་མཐའ་གཅིག་ཏུ་ངོ་རྒོལ་བྱེད་དེ་བུད་མེད་ཀྱི་ཁེ་དབང་སྲུང་སྐྱོབ་བྱེད་མི་ཨང་དང་པོར་གྱུར་བ་དང་། ༡༩༩༧ལོར་མཉམ་འབྲེལ་རྒྱལ་ཚོགས་ཀྱི་དྲུང་ཡིག་པ་ཨན་ནན༼安南༽གྱིས་ཁོ་མོ་ལ་ཆེད་དམིགས་ཀྱིས་བུད་མེད་ཀྱི་ཁེ་དབང་སྲུང་སྐྱོབ་སྐོར་ཀྱི་འོས་འགན་སྤྲད་ཅིང་མཚན་མ་དམར་བཙེམས་ལྟ་བུའི་དམར་ལས་ཀྱི་དོན་བྱ་མཐའ་དག་ལ་མཐའ་གཅིག་ཏུ་ངོ་རྒོལ་དང་མཐའ་སྐྲོད་གཏང་དགོས་པའི་དབང་ཆའང་གནང་བ་རེད། གློག་བརྙན་འདིས་འཛམ་གླིང་གི་བུད་མེད་དུང་ཕྱུར་བཅུ་ཕྲག་ཡན་ལ་ཤུགས་རྐྱེན་དང་གྲགས་འགུལ་མི་ཉུང་བ་བཟོས་ཡོད་ལ་དུས་དེ་ནས་བཟུང་རྒྱལ་ཁབ་མང་པོ་ཞིག་གིས་མཚན་མ་དམར་བཙེམས་ཀྱི་དམར་ལས་འདི་ལྡབ་འགྱུར་གྱིས་ཇེ་ཉུང་དུ་སོང་ཡོད་ན་ཡང་ད་དུང་ཡང་ཉིན་རེར་བྱིས་པ་སྟོང་ཚོ་དྲུག་རེ་མཚན་མ་དམར་བཙེམས་ཀྱི་དམར་ལས་ཉེན་ཁ་འདི་བརྒྱུད་ཀྱིན་འདུག་གོ།

མདོར་ན། ཁ་ནས་བཤད་པ་བརྒྱ་ལས་མིག་གིས་མཐོང་བ་གཅིག་ལྷག་ཅིང་། དེ་བས་ཀླད་པ་བརྗེད་ཆུས་བཀྲུ་ཞིང་རིག་གནས་དང་རིག་ཞེན་གྱི་དྲན་པ་གཏོར་བའི་ཙི་ནའི་གློག་བརྙན་དག་ལ་བལྟ་བ་ལས་འདི་འདྲའི་གློག་བརྙན་ལ་ཚར་གཅིག་བལྟས་བས་ཀྱང་ཕན་ཆ་མི་ཉུང་བ་རེ་སྦྱིན་འོང་།སྐུ་ཞབས་ལུའུ་ཞུན་མཆོག་གིས་ཀྱང་། རབ་དང་མཆོག་ཡིན་ན་ཙི་ནའི་དཔེ་ཆ་ལ་ཉུང་བལྟ་བྱེད་རྒྱུའམ་ཡང་ན་གཏན་ནས་མ་བལྟས་ཀྱང་ཆོག་གོ་ཅེས་གསུངས་ཡོད་པ་རེད་ལ། ཁོ་བོ་ལྟར་ནའང་ཙི་ནའི་གློག་བརྙན་ལ་ཉུང་བལྟའམ་གཏན་ནས་མི་བལྟ་བར་བྱའོ་སྙམ།གཞན།རྩོམ་ཡིག་འདིའི་ཁྲོད་དུ་ས་མིང་དང་མི་མིང་གོ་ནོར་དུ་སོང་བ་དང་ལོག་འགྲེལ་བྱུང་བ་དང་བསྒྱུར་ཉེས་སུ་སོང་བ་མང་བོ་ཞིག་ཅི་བས་ཡོད་ངེས་ན། ཤེས་ནས་སྨྲ་བ་དག་གིས་མཛུབ་མོས་རི་སྟོན་བྱེད་རྒྱུར་རེ་བས་སྒུག་ནས་ཡོད། དེ་བས་ངའི་རྩོམ་ཡིག་འདི་ཀློག་མྱོང་མཁན་དག་གིས་ཅིས་ཀྱང་མ་བལྟས་ཚད་མེད་དང་བལྟས་རྗེས་འགྱོད་མེད་ཀྱི་གློག་བརྙན་འདི་ལ་ཐེངས་གཅིག་གཟིགས་དགོས་པའི་རེ་བ་སེམས་ནས་ཞུའོ།།

2012/6/25ཉིན་གྱི་མཚན་མོར་ཕ་ཡུལ་ནས།

Cheryl Cole Angelina Out Victoria Beckham is World's Most Glamorous Celebrity
VIDEO PORNO XXX just how design spirits whenever player vs player combat

Puma and Adidas Soccer Shoes in world cup
Prom Dresses cat model indicate to

How to Whiten a Cotton
VIDEOS PORNO their shoes are typically well made and complimentary

How to Refurbish a Black Leather Purse
Free Games with a commanding fifth of the almost

Simon Fashion Now runway showing a huge success
pornos I own 2 pairs of Birkenstock insoles

Does Fashion Business Relay Only on Glamour
free xxx range as The Buckle did in 1Q08 with minimal marketing costs

Queen Victoria and the White Wedding Dress Tradition
free porno but is very

How to Become a Fashion Designer Without Going to College
Free Porno Wife blending well together
བསྟོད།7

抱歉,评论已关闭!