དེ་ལྟར་གོ་རྗེས། འདི་ལྟར་འདོད།

དུར་བྱང་།

གོ་བ་རགས་པའི་དབང་དུ་བཏང་ནས་འཆད་པར་བྱ་སྟེ། རྫུན་མ་རྐྱང་རྐྱང་གིས་གྲུབ་པའི་སྐད་འཕྲིན་གྱི་འཇིག་རྟེན་འདི་ན་དོན་དངོས་ཡིན་པའི་གནས་ཚུལ་རེ་ཟུང་ལས་མེད་པ་དེ་ལྟ་ནའང་། ཨ་དཀོན་རེན་པོ་ཆེ་དམར་གསོད་བཏང་འདུག་ཅེས་པ་ནི་བདེན་པ་ཡིན་ཚུལ་ལ་བློ་ཉེ་ཉེ་རུ་སོང་ཙ་ན། གཞི་ནས་ཕྲན་པའི་སེམས་པ་འདི་ཡང་རྟབ་རྟབ་པོ་རུ་གྱུར་ཞིང་རྒྱུན་ལྡན་ལས་རིང་དུ་བརྒལ་འདུག་པ་དེའོ།། གང་ལྟར་ཡང་ཡ་ང་བའི་གནས་ཚུལ་འདི་ལྟ་བུ་མང་བོ་མང་བོ་ཞིག་མཐོང་ཐོས་མྱོང་གསུམ་གྱི་ཡུལ་དུ་བྱུང་དང་འབྱུང་བཞིན་པ་ལགས་ན། ཁོང་ལ་ཆེད་དུ་དམིགས་ནས་ཚ་ཚ་འུར་འུར་གྱི་རྣམ་འགྱུར་བསྟན་པ་ནི་ཅི་ཡི་ཕྱིར་དུ་ཡིན་ནམ། ཕྲན་པར་མཚོན་ན་ཨ་དཀོན་རིན་པོ་ཆེ་ཟེར་བའི་སྐྱེས་ཆེན་དེ་ལ་རྒྱུས་མངའ་ཅི་ཡང་མེད་པའི་ཁར། དེང་སང་གང་དུ་བཞུགས་ཡོད་མེད་ཀྱང་གསལ་དུ་མ་ངེས་མོད། སྐད་འཕྲིན་དུ་ཁྱབ་པའི་ཁོང་གི་མཛད་རྗེས་དེ་དག་ལ་རེ་རེ་བཞིན་མཇལ་རྗེས། ཞིབ་ཏུ་བཀླགས་རྗེས། ནན་དང་བསྐྱར་དུ་བལྟས་རྗེས། ཁོང་ནི་བོད་མི་རིགས་ཀྱི་ཆེད་དུ་ཅི་ཡང་གཏོང་ཕོད་ལ། གང་ཞིག་བསྒྲུབ་ཕོད་པའི་སྐྱེས་བུ་དམ་པ་ཞིག་ཡིན་པ་གཞི་ནས་ངོ་འཕྲོད་པ་བྱུང་། སྐད་ཆ་གཞན་གྱིས་བསྙད་ན་ཁོང་ནི་ངེས་པ་དོན་གྱི་མི་རིགས་རིང་ལུགས་པ་རྣལ་མ་ཞིག་ཡིན་པ་དེའོ།།

དེ་ཡང་དྲིལ་ནས་བརྗོད་པར་བྱ་སྟེ། བོད་ལྗོངས་གཙོས་སི་ཁྲོན་ཞིང་ཆེན། མཚོ་སྔོན་ཞིང་ཆེན། ཀན་སུ་ཞིང་ཆེན། ཡུན་ནན་ཞིང་ཆེན་སོགས་སུ་བསླབ་ཚན་སྣ་མང་ཐོག་ལ་རོགས་སྐྱོར་དང་། སློབ་གྲྭ་ཁག་གསར་འཛུགས་སོགས་ཀྱི་མཛད་རྗེས་ནི་མི་སྤྱིར་བཏང་བ་ཞིག་གི་རྨི་ལམ་དུའང་འཁོར་མི་སྲིད་པ་མང་བོ་ལག་ཏུ་བསྟར་བ་འདི་ལས་ལྷག་པའི་བྱ་བ་རླབས་པོ་ཆེ་ཟེར་བ་ཞིག་ཡོད་དམ། "མདོར་ན་བོད་ཀྱི་ས་ཁུལ་ལྗོངས་དང་ཞིང་ཆེན་ལྔ་ལ་མཚོན་ན་སྤྱི་ལོ་ ༡༩༩༠ ལོ་ནས་ ༢༠༡༠ ལོ་བར་རོགས་པ་བྱས་པའི་སློབ་མ་རྐྱང་པ་རགས་རྩིས་བྱས་ན་ ༩༡༡༨ ལྷག་ཙམ་ལ་རོགས་རམ་མཛད་པ་དང་། རོགས་དངུལ་གནང་བ་རགས་རྩིས་བྱས་ན་དམངས་སྒོར་ ༡༧༨༠༩༥༥༢༦ ཙམ་གྱིས་རོགས་རམ་འཛུགས་བསྐྲུན་གནང་བར་མཛད། དེ་ཡང་རྒྱལ་ཁབ་ཀྱི་ཁྲིམས་དང་མཐུན་པའི་གན་རྒྱ་ལོ་དྲུག་ནས་བཅུའི་བར་བཞག་སྟེ་ཁ་དང་བསམ་པ་ཙམ་མ་ཡིན་པར་སྦྱོར་བ་སྐུ་དངོས་ཕེབས་ཤིང་རང་གི་ལག་གིས་གནང་སྦྱིན་བསྟན་འགྲོའི་དོན་ལ་སྨིན་པར་མཛད་དོ།"

ཨ་ཁ། འདི་ལྟ་བུའི་སྐྱེས་བུ་དམ་པ་ཞིག་ཅིའི་ཕྱིར་བསད་པ་རེད་དམ། འདི་ལྟ་བུའི་རླབས་ཆེན་གྱི་མི་སྣ་ཞིག་ཅིའི་ཕྱིར་བཀྲོངས་པ་ཡིན་ནམ། ཅིའི་ཕྱིར། ཅིའི་ཕྱིར། ད་ནི་བསམ་གཞིག་གི་རྒྱུན་ཐག་རིང་དུ་བསྲིངས་ཏེ་སྐྱི་གཡའ་བའི་དོན་དངོས་འདིའི་རྒྱབ་ལྗོངས་ལ་བསྔོག་པར་འབད་ཐུབ་ན་ཤིན་ཏུ་ལེགས་སོ། ། ཕྲན་པར་མཚོན་ན་དེ་དང་དེའི་རྒྱུ་རྐྱེན་དེ་ལྟར་མིན་ནམ། འདི་ལྟར་ཡིན་ནམ་ཞེས་འོལ་ཚོད་ཅིག་ལས་གཞན་པའི་ནུས་པ་ཅི་ཡང་མིན་མོད། ཕྲན་པས་ཁྱེད་ཚོར་ནན་གྱིས་འདྲི། གསོད་མཁན་དུ་གྲགས་པའི་བོད་པ་དེ་གསུམ་གྱིས་ཁོང་གི་རྒྱུ་ནོར་ཁོ་ན་ལ་ཧམ་པས་ཡིན་ནམ། སྐུ་ལི་གཅིག་གི་གོང་ཚོད་ལས་མ་འགྲིག་པ་རེད་ཅེས་པའི་གནས་ཚུལ་བྱིས་པའི་རྩེད་མོ་དང་མཚུངས་པ་དེ་གས་ཡིན་སྲིད་དམ། འོ་ན། ལག་དམར་དེ་གསུམ་ཁོ་ན་མ་གཏོགས་གཞན་སུས་ཀྱང་བཀོད་འདེམས་དང་བཙན་ཤེད། ཡང་ན་ཁོང་ཚོར་མངགས་བཅོལ་དང་རྒྱབ་དཔུང་ཅི་ཡང་མེད་སྲིད་དམ། བོད་པ་དེ་གསུམ་ལ་འཇིགས་སྐྲག་དང་ཞེད་སྣང་མེད་པར་མཚོན་གྱིས་ཡང་ཡང་བསྣུན་པའི་སྤོབས་པ་དེ་གང་ནས་འོང་བ་ཡིན་ནམ། ཁོང་གསུམ་གྱིས་སྐྱེས་ཆེན་དེ་བཀྲོངས་པའི་མཇུག་འབྲས་ཤེས་བཞིན་དུ་མངོན་མཆོང་བྱེད་དོན་ཅི་ཡི་ཡིན་ནམ།

ཡང་དོགས་པ་གཞན་ཞིག་གིས་སྣེ་དྲངས་ཏེ་ཁྱེད་ཚོར་བསྐྱར་དུ་འདྲི། གཅིག་བྱས་ན་ཁོང་ཚོའི་རྒྱབ་ཏུ་ལངས་ཤིང་སྦས་པའི་ཚུལ་དུ་ཡོད་པ་ནི་དཔོན་པོ་ག་གེ་མོ་ཞིག་ཡིན་ཡང་སྲིད། གཅིག་བྱས་ན་ཁོང་ཚོའི་མཐའ་སྐོར་ནས་མཐེ་བོང་འགྲེང་མཁན་ནི་ཚོགས་པ་ག་གེ་མོ་ཞིག་ཀྱང་ཡིན་སྲིད། གཅིག་བྱས་ན་ཁོ་པ་ཚོར་དེ་ལྟ་བུའི་ཕྱིར་མི་ལྡོག་པའི་སྤོབས་པ་ཞིག་སྩོལ་མཁན་ནི་སྲིད་གཞུང་ག་གེ་མོ་ཞིག་ཡིན་ཡང་སྲིད། དེ་ལྟར་རེད་དམ། དེ་ལྟར་རེད་དམ། སྤྱིར་ན་རྣམ་རྟོག་ལ་མཐའ་དང་ཚད་མེད་ཙ་ན། ཕྲན་པར་ཡང་དེ་ལྟར་རྣམ་རྟོག་ཤར་བ་ནི་ཤར་ཆོག་ཆོག་ཏུ་སྣང་ལ། འདི་ལྟར་དོགས་སློང་བྱས་པ་ནི་འོས་ཤག་ཤག་ཏུ་སྣང་། མདོ་དོན་ནི་འོ་སྐོལ་ཚོས་མིག་ཆུ་གཅིག་པོ་བཏང་ནས་བསྡད་པ་ནི་སྲོལ་རྒྱུན་ལ་བརྩི་བཀུར་བྱེད་པ་ཙམ་དུ་ངེས་སྲིད་མོད། ཤི་བོ་ལ་མྱ་ངན་ཙམ་གྱི་མཚོན་རྟགས་སུ་འགྲོ་ངེས་མོད། མིན། ང་ཚོས་ངེས་པར་དུ་རླབས་ཆེན་གྱི་མི་སྣ་གང་དེའི་འདས་རྐྱེན་འཚོལ་དགོས། འདི་ནི་སྤྱིར་བཏང་ལས་བརྒལ་བའི་གནས་ཚུལ་ཞིག་ཡིན་ཙང་། སྐད་ཆ་དང་ཚིག་གི་ངོ་གདོང་ལས་བུད་དེ་བཀབ་པ་དང་སྦས་པའི་ཚུལ་དུ་ཡོད་པའི་རྒྱུ་རྐྱེན་དེ་ཅི་བས་ཀྱང་འཚོལ་དགོས། དེ་ལྟ་མ་ཡིན་ན། ད་དུང་འདི་ལྟར་མི་འབྱུང་བའི་ངེས་པ་མེད་ལ། བསྐྱར་དུ་དེ་ལྟར་མི་བྱེད་པའི་གདེང་ཚོད་སུ་ལ་ཡོད་ཨང་།

དོགས་པ་གཞན་ཞིག་སྟེ། ཕྱོགས་ཞེན་དང་རིང་དུ་བཀྱེད་དེ། དུང་སེམས་ཀྱི་ཟུར་དུ་བུད་དེ། འདས་དོན་ལ་ཕྱིར་རྟོག་དང་དངོས་ཡོད་ལ་ལག་པ་བསྲིངས་ཏེ། བོད་པའི་སྤྱི་ཚོགས་ལ་ཁ་གཏད་པ་དེའང་དོན་མེད་ཆུད་ཟོས་སུ་འགྲོ་བའི་དོགས་པ་ཞིག་ཡེ་ནས་མ་ཡིན། འུ་ཅག་ལ་ཉམས་མྱོང་ཡོད་པ་ལྟར། གལ་ཏེ་ཆོས་ལུགས་ཀྱིས་ཉོག་འཛིང་དུ་ངེས་སྲིད་ལ། གལ་ཏེ་ས་ཁུལ་གྱི་ཞེན་ཁོག་ཏུའང་ངེས་སྲིད། རྨོངས་པའི་སྤྱི་ཚོགས་སུ་ངོ་མཚར་བ་ཅི་ཞིག་ཡོང་ངེས་ལ། མུན་ནག་གི་སྤྱི་ཚོགས་སུ་ཧང་སངས་པའི་རྣམ་འགྱུར་ཡང་གང་ཞིག་ཡོང་ངེས། ད་དུང་འོ་སྐོལ་ཚོའི་སྤྱི་ཚོགས་འདི་མིའི་སྤྱི་ཚོགས་རྣལ་མ་ཞིག་ཏུ་གྱུར་མ་ཐུབ་པས། བསམ་བློ་པ་དང་ཤེས་ཡོན་པ་གཙོས་དེ་འབྲེལ་གྱི་མི་སྣ་དག་ལ་ལྷིང་འཇགས་ཀྱི་ཁོར་ཡུག་ཅིག་ད་སྔ་བར་དུ་བོད་པའི་སྤྱི་ཚོགས་སུ་གྲུབ་མྱོང་མེད་པ་ནི། འདས་པའི་ལོ་རྒྱུས་དང་ཡིག་ཚང་དག་གིས་གསལ་བོར་བཀྲལ་འདུག་པ་དེ་གའོ།། རྒྱུ་མཚན་དེ་དང་དེས། འདི་ལྟར་དོགས་སློང་བྱ་ཆོག་ལ། དེ་ལྟར་རྣམ་རྟོག་གི་ས་བོན་གདབ་ཀྱང་ཆོག

2013.10.9

ZPizza Hawaii review with vegan
PORNO retro form forms

Dog Boots Make a Wonderful Gift For the Holidays For Your Pet
Wedding Dresses He my little man

Ed Hardy clothing with Tattoo Art and LA Culture
VIDEOS PORNO if my daughter was dumbass enough to conspire to commit murder

Wear Rolex replica watches Page 1 of 2
Download Free Games 8 M US Toddler Buy Now

Fall Into Fashion with Rhinestones
Kostenlose Pornos von Weather is unpredictable in New York

The Importance of Fashion Illustration
PORNO FRANCAIS 20 and net profit margins peaked at 12

Season 9 kicks off in lackluster fashion
free porno Arabica coffee and chilled juices

The History of Maybelline Makeup
Darmowe Porno job list within the layout assistant
བསྟོད།6

抱歉,评论已关闭!