བོད་ལ་དད་པ་ཡོད་མེདX

སྒོམ་པ་ཚེ་རིང་།

ཕྱོགས་ཞེན་རིས་གཅོད་ཀྱི་གཡོན་ཐལ་རབ་ཏུ་རྒོད་ཅིང་དུངས་ཞེན་ལད་ཞེན་གྱི་ཚིལ་དྲེགས་ཡོངས་སུ་འཐིབས་པ། ལྐོག་ཟ་ལྐོག་རྔམ་གྱི་ལྐོག་ལས་བྱང་དུ་ཆུད་ཅིང་རུལ་སུངས་གཡོ་སྒྱུ་ཡི་རྫུན་ལ་རིང་ནས་གོམས་པ། ནང་འཚོང་ལྐོག་ཞུ་ཡི་ནང་དམེར་ཀུན་ནས་བྱང་ཞིང་ཕྲག་དོག་མེ་ལྕེ་ཡི་དུག་ཆུ་ཤིན་ཏུ་ཚ་བ། རང་ས་བརྟན་སྲུང་གི་བློ་རིག་ཀུན་ནས་བྲལ་ཞིང་དངོས་ཡོད་གནད་དོན་གྱི་གནས་ལ་ཡོངས་སུ་རྨོངས་བ། སྤུན་ཟླ་ནང་དམེ་ཡི་ཁྲག་གིས་འཁོར་ལོ་བསྐོར་ཞིང་གཡོ་སྒྱུ་སྤྱོད་ངན་གྱི་ལས་ལ་རྣམ་པར་ལོབས་པ། མདོ་དབུས་ཁམས་གསུམ་གྱི་དབྱེ་དགར་ཕྱོགས་སུ་མཆེད་ཅིང་ས་དགེ་བཀའ་རྙིང་གི་གྲུབ་མཐའ་འཐེན་ནས་འཁྱེར་པའི་སྒང་བ་བོད་ཡུལ་གྱི་ཁོར་ཡུག་འདི་ནས་ནམ་ཡང་རང་གི་ཅ་ནེ་ཁོ་ན་ཤོར་དོགས་ལ་སེམས་ཁྲལ་ཆེ་ཞིང་དོན་དངོས་ཀྱི་མདུན་དུ་དཔའ་ཞུམ་ལ་ངག་ལྐུགས་ཏེ་དྲང་བདེན་གྱི་ཁུར་བོ་རིང་དུ་གཡུག གཡོ་རྫུན་གྱི་རྡོག་ཁྲེས་འཕྲེད་དུ་འཁུར་བའི་བོད་ཀྱི་ཁ་བདེ་མགོ་ཡང་དང་སྨྲ་བཅད་ངག་བསྡམས་ཀྱི་མི་རྒན་གྱིམ་པོ་ཚོ་དང་ཤེས་རྒྱ་དང་སེམས་རྒྱ་དང་བསམ་རྒྱ་དང་བློ་རྒྱ་དོག་ཅིང་བོད་མིའི་ཡོན་ཏན་པར་རློམ་མཁན་ཚོས་གཞན་ལ་ཕོག་ཐུག་དང་གནོད་སྤྱད་ཀྱི་འདི་འདྲའི་ཁ་བྱང་ཞིག་རིག་མ་ཐག་ཚོད་ཚོད་དུ་ངར་ལངས་ཤིང་མཚམས་མཚམས་སུ་དགོད་བྲོ་བའི་ཁ་ཤེད་འཇིགས་པོ་རེ་དང་ཡ་མཚར་བའི་ཤོམ་སྐད་སྦོམ་པོ་རེ་འཐེན་ཏེ་འཆར་གཞི་དང་དམིགས་ཡུལ་ཡོད་པའི་སྒོ་ནས་ཕ་རོལ་པོའི་སྨྲ་བརྗོད་རང་དབང་ལ་ཚོད་འཛིན་དང་། བསམ་བློའི་རང་དབང་ལ་དཔུང་འཇུག མི་གཞིའི་ཐོབ་ཐང་ལ་མཐོང་ཆུང་། རིག་གནས་དཀྱེལ་ཡངས་ལ་རྡོག་བརྫིས། དགའ་ཁ་འཁྱེར་ཕྱོགས་ལ་དམའ་འབེབ། མི་གཤིས་ཀུན་སྤྱོད་ལ་གཞོགས་གཏུབ་སོགས་བྱེད་བཞིན། ཡང་ཞོགས་དུང་གི་རྒྱུགས་ཁྱི་དང་བདུད་ལྷ་རྒྱལ་གྱི་བདུད་ཕྲུག སངས་རྒྱས་བསྟན་པའི་ཞབས་འདྲེན། དམར་པོ་ཚང་གི་རྒྱུགས་ཁྱི་ཞིག་སླེབས་འདུག་སོགས་དོན་གྱི་སྙིང་བོའི་དབེན་ལ་དཔྱོད་པའི་རིན་ཐང་བྲལ་བའི་སྐད་ཅོར་མི་རྒྱག་པའི་ངེས་པའང་ཁྱོན་ནས་མེད་ཅིང་དེ་ལྟར་སྨྲ་མཁན་ཚོ་ནི་རྒྱུན་གྱི་དུས་སུ་དཔའ་བོ་ཞིག་དང་གནད་ཀྱི་སྐབས་སུ་ཝ་མོ་ཞིག གོང་ལ་འཕྲད་ན་ཞུམ་ཞུམ་ཞིག་དང་འོག་ལ་ཐུག་དུས་དྲག་དྲག་ཅིག བར་ལ་འཕྲད་དུས་ལྷོད་ལྷོད་ཅིག་མ་ཡིན་ནམ། ཁོ་བ་ཚོའི་བདེ་ཞིང་མྱུར་བའི་ཁ་དེ་ལ་ནམ་ཡང་སེམས་ཅན་ཐམས་ཅད་དང་བྱམས་དང་སྙིང་རྗེ་དང་འཁོར་བ་སྡུག་བསྔལ་གྱི་རྒྱ་མཚོའམ་དུག་སྦྲུལ་གྱི་ཚང་སོགས་ཐོགས་ཏེ་དོན་ལ་སྒེར་གྱི་ཁེ་ཕན་ཉི་ཚེ་བ་རེ་སྒྲུབ་ཅིང་སྣོག་ལས་རྐྱང་རྐྱང་གི་ཁྲོད་ན་ནམ་ཡང་གཡམ་རྒྱུགས་ལ་དགའ་ཞིང་ཕྱོགས་རྒྱུགས་ལ་ལོབས་པའི་གྱང་ཁའི་རྩྭ་དང་འདྲ་བའི་སྐྱེ་བོ་ཅང་མེད་དག་དང་གྲྭ་གཟུགས་མདོ་མེད་པ་དེ་ཚོ་ནི་ཁ་ཕྱོགས་མེད་པའི་སྐྱི་བསེར་རླུང་བུས་ཀྱང་སྒུལ་སླ་ཞིང་འཁུར་སྐྱེན་ལ་སྒོར་རྡོག་བཅུ་ཁ་ཞིག་གིས་ཀྱང་ཉོ་ཐུབ་ཅིང་འགུག་སླ། སྐབས་འདིར། ངས་ནི་ཏག་ཏག་འདི་ལྟར་འཆད་འདང་ཡོད་དེ། ནམ་རྒྱུན་བོད་མི་དང་བོད་ཡུལ། བོད་ཆོས་དང་བོད་རིགས། བོད་སྲོལ་དང་བོད་གཤིས། བོད་རྒྱུན་དང་བོད་ཁྲག བོད་སེམས་དང་བོད་སྐད། བོད་དབང་དང་བོད་རྒྱུད། བོད་ཡིག་དང་བོད་ལྭ། ཕ་ཡུལ་དང་ཕ་མ། ཕ་ཆོས་དང་ཕ་ཁྱིམ། ཕ་སྐད་དང་ཕ་ནོར། ཕ་མེས་དང་ཕ་རྒྱུད། ཕ་ས་མ་ཁུངས་དང་ཕ་མེས་ཡང་མེས། ཕ་ཚ་བུ་རྒྱུད་དང་ཕ་རྒྱུད་བུ་འཛིན། ཕ་གཞིས་དྲོན་མོ་དང་ཕ་ཡུལ་གསར་འཛུགས་བཅས་ལ་མནོ་བསམ་ཞིབ་ཏུ་གཏོང་མཁན་ཞིག་ཡིན་ཕྱིན་དང་ལྷག་དོན་བོད་མིའི་འདུ་ཤེས་རྒྱ་འགྱུར་དང་བོད་ཀྱི་ཕ་སྐད་སྦྲགས་འགྱུར་ཏུ་འགྲོ་བཞིན་པའི་དངོས་ཡོད་གནས་ཚུལ་ལ་ཕངས་སེམས་རབ་ཏུ་སྐྱེས་ཤིང་ཕ་ཡུལ་ཁྲག་དམར་གྱི་ཆོལ་ཁ་དང་ཕྲག་དོག་གི་དོ་རར་གྱུར་བ་ལ་བསམ་གཞིག་ཀྱང་གནད་དུ་ཐིངས་བ་རེ་བཏང་ཡོད་ཚོད་རེད། དེ་བས། བོད་མིའི་སྐྱབས་མགོན་མཆོག་གིས་ཀྱང་། “ཁྱོད་ཚོ་བོད་ནང་གི་སྤུན་ཟླ་ཕན་ཚུན་བར་མི་གསོད་ཁྲག་སྦྱོར་གྱི་ལས་ལ་བརྩོན་དུས་ང་བློ་ཕམ་ཞེ་དྲག་ཡོང་གི་འདུག”ཅེས་སི་ཏའི་མིང་གི་བཟླས་བརྗོད་བཞིན་དུ་ཡང་དང་བསྐྱར་དུ་བཟླས་ན་ཡང་། སྒང་བ་བོད་པ་ཚང་གི“དད་པ་ཅན”གྱི་བོད་མི་ཚོས་ད་དུང་ཡང་ཁ་ནས་ཆོས་སྐད་ལྷང་ལྷང་གིས་ནེ་ཙོས་མ་ཎི་འདོན་འདོན་དང་ཁོག་ལ་དུག་རླངས་འཐིབས་འཐིབས་ཀྱིས་མི་དྲན་དགུ་དྲན་དང་མི་ལས་དགུ་ལས་ཀྱིས་ངན་སེམས་རང་ལ་གཏད། གྲི་ཁ་ནང་ལ་བསྐོར། རང་ཤ་རང་གིས་ཟོས། རང་ཁྲག་རང་གིས་འཐུང་སྟེ་རྩྭ་ས་སོར་གང་དང་འཐུང་ཆུ་ཁམ་གང་གི་ཆེད་དུ་ནང་མི་དམར་གསོད་ཀྱི་སྐྱོ་གར་ལོ་རྒྱུས་རྒྱུན་མཐུད་ཅིང་དགྲ་ཤ་ལེན་རེས་ཀྱིས་ཁྲག་གི་འཁོར་ལོ་བར་མེད་དུ་བསྐོར་འོང་ཚེ། ངས་མར་གྱུར་སེམས་ཅན་ཐམས་ཅད་ཅེས་མིག་ཟུང་བཙུམས་བཙུམས་དང་ཁ་ཤ་བརྫེས་བརྫེས་ཀྱིས་ལག་ཟུང་བྲང་ཁར་སྦྱོར་བའི་བོད་པ་ཕལ་ཆེར་ཞིག་ལ་དད་པ་ཡོད་མེདXརེད་འདོད་ལ། དེ་ལྟར་འདོད་ནས་ཀྱང་ཡུན་རིང་འགོར་ཡོད། དོན་ལ་དད་པ་ནི་སྐུ་འདྲ་ཙམ་ལ་ཕྱག་འཚལ་བ་དང་་མཆོད་རྟེན་ཙམ་ལ་བསྐོར་བ་ཡང་བསྐོར་བྱས་ཏེ་ལག་ལེན་གྱི་སྟེང་དུ་ཁ་ནས་བཤད་པ་དེ་བསྒྲུབ་མ་ཐུབ་པ་ཡིན་ཚེ་དད་པ་རྣལ་མ་ཞིག་ཡིན་རྒྱུ་མ་རེད་སྙམ། ཡང་ཀུན་དགའ་དོན་འགྲུབ་དང་མི་སྒེར་གྱི་ཅ་ནེའི་ཆེད་དུ་བོད་མི་ཚོས་རང་གི་ངོ་གདོང་བོར་ཞིང་བཙིར་གནོན་གྱི་འཇིགས་སྐྲག་སྣ་ཚོགས་དང་བཙན་བསྒྱུར་གྱི་དངངས་འདར་གྲངས་མེད་ཁྲོད་ནས་རང་ཉིད་ཀྱི་མིང་ཡིག་ཀྱང་བརྗེད་དེ་ཆེ་ཆེ་གྲགས་གྲགས་ཀྱི“ཆེན་པོ”དག་གསོན་པོ་ཡིན་དུས་སུ་ཨོ་ཁྲུ་མོ་ལོ་ཧྥུ་དང་འདྲ་བའི་རང་རེ་བོད་ཀྱི་རྒྱུག་ཁྱི་སྐོར་ཞིག་གིས་གུས་གུས་ཞུམ་ཞུམ་དང་མགོ་བོ་སྒུར་སྒུར་གྱིས“ཆེན་པོ”དག་གི་འཕོངས་ཚོས་རྒྱུན་ཆད་མེད་པར་ལྡག་ཅིང་། ཡང་ཆེ་ཆེ་གྲགས་གྲགས་ཀྱི“ཆེན་པོ”དག་རྣམ་ཤེས་དང་བྲལ་ཏེ་བེམ་པོར་གྱུར་དུས་ཀྱང་མི་གཞི་དང་སྒལ་ཚིགས་དང་ཤེས་རྟོགས་དང་ཕྱིར་རྟོག་བྲལ་ཞིང་བོད་དྲི་དང་རྩམ་དྲི་དང་མར་དང་མི་དྲི་མི་བྲོ་བའི་བོད་ཀྱི་རྒྱུག་ཁྱི་དེ་དག་གིས་མིག་ཆུ་བཞུར། མྱ་ངན་བྱེད། མགོ་བོ་སྒུར། གུས་ཕྱག་འཚལ། སེམས་པ་སྡུག་ནས་ཅི་བྱེད་འདི་བྱེད་མེད་པར་ཆགས་འགྲོ་བའི་དུས་སྐབས་འདིར་ངས་མཚར་སྡུག་འོད་སྟོང་རབ་ཏུ་འབར་མྱོང་བ་དང་སུམ་ཉིས་གོ་ལ་ཡོངས་སུ་བཟུང་བར་གྲགས་པའི་རང་རེ་ཚོ་ལ་ཇི་ལྟར་གདེང་འཇོག་བྱེད་དགོས་པ་དང་ཇི་ལྟར་ཕྱིར་རྟོག་བྱེད་དགོས་པ་དང་ཇི་ལྟར་བསམ་གཞིག་བགྱི་དགོས་པའང་རྨང་ནས་ཤེས་མ་བྱུང་། བོད་ཀྱི་ལས་བྱེད་པ་དང་གཞུང་ཞབས་པ་དང་ཡོན་ཏན་པ་དང་འགོ་ཁྲིད་པ་དང་ཆེད་མཁས་པ་དང་རྩོམ་པ་པོ་དང་ཞིབ་འཇུག་པར་རློམ་མཁན་པ་འདི་ཚོས་ཁྱི་སྤྱང་ངན་འབྲེལ་གྱིས་གོ་སྐབས་གང་རུང་གི་ལྟག་སྒོའི་འགྲམ་ན་ཅི་ཞིག་ལ་འགྲམ་ཆུ་ལྡང་བཞིན་རྒྱལ་ཁབ་ཀྱི་གླ་ཕོགས་དང་ཁྱད་འཕགས་ཀྱི་གོ་སའི་ཆེད་དུ་རང་ཉིད་ཀྱི་རུས་མིང་བརྗེད་ཅིང་ངོ་གདོང་བོར་ཏེ་བླ་སྲོག་ལྟ་བུའི། རྣམ་ཤེས་ལྟ་བུའི། རུས་རྐང་ལྟ་བུའི། ཟུངས་ཁྲག་ལྟ་བུའི་བོད་ཀྱི་སྐད་དང་ཡི་གེ་དང་ཡུལ་སྲོལ་གོམས་གཤིས་དང་ཆོས་ལུགས་རིག་གནས་དག་ཁྱུད་མིད་གཏོང་བར་བརྩོན་དུས་ངས་ཁྱོད་ཚོ་ལ་མི་གཟུགས་འཛིན་པའི་ཁྱི་རྒན་དང་རང་རིགས་གསོད་པའི་སྲིན་པོ་རེད་ཅེས་ཡང་ཡང་བརྗོད་འདོད་ལ། དེ་བས། བོད་མིང་རྫིག་པོ་རེ་བཏགས་ཤིང་བོད་ཀྱི་ལ་རྒྱ་དང་བོད་ཀྱི་འདུ་ཤེས་ཡོད་ཟེར་མཁན་གྱི་ཕུང་གསུམ་པ་དེ་དག་གིས་རྒྱུ་འབྲས་བརྩི་མིན་དང་བློ་མིག་ཡོད་མེད་དང་རིག་ཞེན་ཆེ་མིན་དང་ལ་རྒྱ་བརྟན་མིན་དང་དད་པ་ཡོད་མེདXཡིས་མཚོན་འདོད་སྐྱེས། ཡང་འུ་ཚང་གི་ཤིན་ཏུ་མང་པོ་མང་པོ་ཞིག་གིས་ཆང་ཁ་ན་ཆོས་རྩོད་རྒྱག་ཅིང་ཇ་ཁ་ན་ལ་རྒྱ་རྩོད་ཀྱིན་སྐད་ཡིག་གི་རང་དབང་དང་མི་རིགས་ཀྱི་ལས་དབང་གླེང་མོད། ཆང་གི་བཟི་དྭངས་རྗེས་གྱང་ཁའི་རྩྭ་དང་ནམ་མཁའི་སྤྲིན་དང་འདྲ་བའི་ཁོ་བ་ཚོ་ནི་ཅི་ཡང་མེད་པའི་དབུགས་ལྒང་ཞིག་ལས་ཅི་ཡང་མིན་པ་ཧ་ལོས་གོ་ཨང་། དུས་ད་ལྟར་ང་ཚོ་ཐུན་མོང་ལ་ངེས་པར་དུ་མཁོ་བ་ནི་ཆང་ལ་རྒྱ་དང་མཉམ་དུ་འཐུང་ཞིང་ལ་རྒྱ་ཆང་དང་མཉམ་དུ་སྐྱུག་རྒྱུ་དེ་མིན་ལ། ཁ་ཚོད་མེད་ཀྱི་ནང་དུ་ཆང་རྫོགས་མེད་འཐུང་ནས་གཏམ་ཚོན་པོ་དང་སྐད་སྦོམ་པོ་བཤད་རྒྱུའང་མིན་པར་སེམས། ལྷག་ཏུ། གྲྭ་ཆས་སྤྲས་ཤིང་དང་སྤྲུལ་མིང་དང་བླ་མིང་བཏགས་ཡོད་པ་དག་གིས་ཀྱང་ཆོས་ལུགས་སྨད་འཚོང་ཁང་ན་སྤེལ་གྱིན་པ་དང་ཆོས་བཤད་རྒྱ་ཡུལ་གྲོང་ན་རྒྱག་གིན་ཡོད་པ་ངས་མ་བཤད་ཀུན་གྱིས་ལོས་མཁྱེན་ཨང་། དེའི་ཕྱིར། འུ་ཚང་གི་བོད་ཕྲུག་དག་གིས་དཔའ་ཡོད་མདོག་གིས་རལ་གྲི་ངོམས་ཤིང་ཁ་མཁས་མདོག་གིས་ཁ་ཤ་བརྫེས་བརྫེས་བྱེད་རྒྱུ་དེའང་མིན་པར་འདོད། ཆོལ་གསུམ་གྱི་དབྱེ་དགར་དང་ས་ཕྱོགས་ཀྱི་དབྱེ་འབྱེད། ཨ་མདོ་དང་ཁམས་པ། ཁམས་པ་དང་ལྷ་ས། འབྲོག་པ་དང་རོང་བ། སྟོད་ཕྱོགས་དང་སྨད་ཕྱོགས། ས་སྐྱ་དང་རྙིང་མ། ནང་བ་དང་བོན་པོ། རྙིང་མ་དང་དགེ་ལུགས་ཞེས་གླེང་རྒྱུ་ནི་དེ་བས་མ་རེད་སྙམ། འདང་རྒྱག་རྒྱུ་དང་ཡིན་རྒྱུ་ནི་མཐུན་སྒྲིལ་གྱི་ཨ་ལོང་གཅིག་ཏུ་སྦྲེལ་རྒྱུ་དང་མི་སེམས་ཀྱི་བརྩེ་འོད་ཀུན་ལ་འཕྲོ་རྒྱུ་དེ་ཡིན་ནོ།།

བོད་ལ་དད་པ་ཡོད་མེད་དེ་ཡང་གཅིག་བཤད་ན། ང་ཚོ་བོད་པ་ཚང་མས་པན་ཆེན་སྐུ་ཕྲེང་བཅུ་བ་ཁོང་ཚང་ལ་ཟློག་ཏུ་མེད་པའི་དད་པ་ཡོད་ཟེར་རྒྱུ་རེད། སྤྱིར་པཎ་ཆེན་ཁོང་ཚང་ལ་དད་པ་བྱེད་དགོས་ན་ཁོང་ཚང་གི་གསུང་ཚིག་ཀྱང་བརྩི་དགོས་པ་ལོན་ཡིན། ཁོང་ཚང་གིས་བོད་སྐད་བཤད་དགོས་པ་དང་བོད་ཡིག་སྦྱོང་དགོས་པ། བོད་ལྭ་གྱོན་དགོས་པ༼རང་ཉིད་ཀྱིས་དུས་རྒྱུན་བོད་ལྭ་མི་གོན་པ་ནི་དངོས་གནས་ངོ་ཚ་ཞིག་ཅིས་མ་ཡིན༽སོགས་ཀྱི་གསུང་ཚིག་མང་དུ་འབྱོན་མྱོང་བ་ངས་འདི་ནས་མ་བཤད་ཀྱང་ཀུན་གྱིས་མཁྱེན་སྲིད་མོད། འུ་ཚང་གིས་སྔར་བཞིན་ཁོང་ཚང་གི་སྐུ་འདྲ་ཙམ་ལ་ཕྱག་རེ་འཚལ་བ་ལས་ངེས་པ་དོན་གྱིས་ཁོང་ཚང་གི་གསུང་ཚིག་བརྩི་མཁན་འུ་ཚོའི་ཁྲོད་ན་སུ་སུ་ཡོད། གང་གང་ཡིན། དེའི་ཕྱིར། ངས་དད་པ་ཞེས་པ་ལྷ་སྐུ་ཐང་ག་ཙམ་དང་རི་མོའི་སྒྱུ་རྩལ་ཙམ་ལ་ཐོད་པས་གཏུག་དགོས་པ་ཙམ་ལ་གོ་བ་ལེན་མི་འདོད། དེ་ན་པཎ་ཆེན་ཚང་ལ་དད་པ་བྱེད་ན་ཁོང་ཚང་གི་སྐུ་འདྲ་ལ་དད་དགོས་པ་མ་ཟད། གཙོ་བོའི་ནང་གི་གཙོ་བོ་ནི་ཁོང་ཚང་གི་གསུང་ཚིག་བརྩི་དགོས་པའང་མ་མཐའི་རྒྱུན་ཤེས་སུ་འདོད་ཀྱིན་ཡོད། རང་གི་རྩ་བའི་བླ་མ་ལ་དད་པ་ཡོད་ན་དེའི་གསུང་ཚིག་ལ་དད་པ་མ་བྱས་པར་སྐུ་འདྲ་དང་གཟུགས་བརྙན་ཁོ་ན་ཞིག་ལ་དད་པ་བྱས་ནས་དུས་འདའ་བར་བྱས་ཚེ་བླ་མའི་དགོངས་པ་དང་ཡང་ཡོངས་སུ་འགལ་ཡོད་ལ་ཚད་ངེས་ཅན་ཞིག་ནས་བཤད་ན་བྱ་སྤྱོད་དེ་དག་ནི་རྨོངས་དད་ཅིག་དང་དད་འགལ་ཅིག་མིན་པའི་རྒྱུ་མཚན་དང་གནས་ལུགས་ཀྱང་བགྲང་དཀའ་ཚོད་དུ་གདའ། བོད་ཁྱིམ་ཕལ་མོ་ཆེ་ན་པཎ་ཆེན་ཁོང་ཚང་གི་སྐུ་འདྲ་བཀལ་ནས་་ཉིན་མཚན་དབྱེ་མེད་དུ་མཆོད་པ་མཆོད་མེ་རྒྱ་ཆེར་བཤམས་ནས་ཕྱག་འཚལ་གྱིན་ཡོད་ན་ཡང་། ཁོང་ཚང་གིས་བོད་སྐད་བོད་ཡིག་སྦྱོང་དགོས་པའི་གསུང་ཚིག་དག་ང་ཚོས་ཆུ་ནང་དུ་གཡག་བཏང་བ་ལྟར་གཡུག་པ་དེས་ཅི་ཞིག་མཚོན་ཡོད་དམ། འདི་ནི་རང་གི་རྩ་བའི་བླ་མའི་གསུང་ཚིག་ལ་རྒྱབ་འགལ་བྱེད་པ་མིན་ནམ། གསལ་བརྗོད་ཅིག་བྱས་ན་འདི་ལྟ་སྟེ། དད་པ་གསུམ༼དང་བའི་དད་པ། ཡིད་ཆེས་ཀྱི་དད་པ། མངོན་འདོད་ཀྱི་དད་པ༽ལས་ཡིད་ཆེས་ཀྱི་དད་པ་འདི་ནི་རང་གི་རྩ་བའི་བླ་མའི་གསུང་ཚིག་དག་ལ་ཡིད་ཆེས་ནས་དད་པ་བྱེད་དགོས་པ་མིན་ནམ། ཡིན་ཡང་སྒང་བ་བོད་ཀྱི་ཡུལ་ལ་གཞིར་བཅོལ་ཏེ་བཤད་ན། བོད་ཡིག་སྦྱོང་མཁན་ཤིན་ཏུ་ཉུང་བ་དང་བོད་སྐད་བཤད་མཁན་དེ་བས་ཉུང་བ། ཐ་ན་བོད་སྐད་གཙང་མ་བཤད་ན་ངོ་ཚ་དགོས་པ་དང་བོད་ཡིག་སྦྱོང་ན་མདུན་ལམ་རྩ་བ་ནས་མེད་ཚུལ་སོགས་འཆད་པའང་རང་གི་རྩ་བའི་བླ་མ་སོགས་ལ་དད་ལོག་དང་རྒྱབ་འགལ་བྱེད་སྟངས་ཤིག་མིན་ནམ། གལ་ཏེ་པཎ་ཆེན་ཁོང་ཚང་གི་གསུང་ཚིག་བརྩིས་ནས་བོད་སྐད་བོད་ཡིག་ཕྱོགས་ནས་ལག་ལེན་དོན་འཁྱོལ་ཡོང་བར་བྱས་ན་གཅིག་ནས་ཁོང་ཚང་ལ་དད་པ་བྱས་ཏེ་ཁོང་ཚང་གི་དགོངས་པ་དང་མཐུན་པ་རེད་ལ། གཉིས་ནས་བོད་ཀྱི་སྐད་དང་ཡི་གེ ཡུལ་སྲོལ་གོམ་གཤིས། ཆོས་ལུགས་རིག་གནས་སོགས་འཛིན་སྐྱོང་སྤེལ་གསུམ་བྱེད་པའི་ཐད་ལའང་ནུས་པ་བླ་ལྷག་བཏོན་སོང་བ་རེད། གསུམ་ནས་རྗེས་རབས་པས་བོད་སྐད་བོད་ཡིག་སྦྱོང་བ་ལ་མིག་དཔེ་བཟང་བོ་བསྟན་ཏེ་དེའི་རྗེས་སུ་འཇུག་པར་རྨང་བཏིངས་བའང་རེད་འདུག་པས་ཅིས་ཀྱང་དོན་སྙིང་གལ་ཆེན་ལྡན་པར་འདོད། ཡིན་ཡང་ང་ཚོའི་དད་པ་དེ་དུས་ད་ལྟར་ཞྭ་ཕུད་དེ་ཕྱག་འཚལ་རྒྱུ་དང་ལག་མི་ཁོམ་ཕྲེང་བ་འདྲེན་རྒྱུ་དང་ཁ་མི་ཁོམ་མ་ཎི་བར་མེད་དུ་འདོན་རྒྱུ་ཁོ་ནར་གྱུར་འདུག

ཡང་ཕར་བལྟས་ཚོད་ཀྱིས་བོད་པ་མང་ཤོས་ཤིག་དད་པ་ལ་དགའ་ཞིང་དག་སྣང་ལ་སྦྱངས་བ་ནི་འདྲ་མོད། འོན་ཀྱང་དེ་ལ་ནི་ཡིད་ཆེས་རྒྱུ་ཞིག་དང་སེམས་གཏོད་རྒྱུ་ཞིག་ཀུན་ནས་མེད་དེ། ཅིའི་ཕྱིར་ཞེ་ན། བོད་པ་དེ་དག་གལ་ལ་ཐུག་ཅིང་འགལ་བར་འཕྲད་ན་སེམས་ཀྱི་དད་པ་ཡལ་འགྲོ རྒྱུད་ཀྱི་དག་སྣང་ཚར་འགྲོ སེམས་ཀྱི་སྙིང་རྗེ་བརྗེད་འགྲོ་བས་སོ།། ཁོ་བ་ཚོས་ཐ་ན་རིགས་རྒྱུད་མཐུན་ཞིང་སྟོན་པ་གཅིག་པའི་བོད་རིགས་ནང་མིའི་མི་ཡིན་ཡང་གྲི་ཡིས་བསྣུན་ནས་ཚལ་བར་བཏང་འཇོག་ལ་ཕ་མ་གཅིག་གི་བྱང་ཁོག་བརྒྱུད་པའི་ཕུ་ནུ་མིང་སྲིང་དངོས་ཡིན་ཡང་ཀུ་ཡངས་དང་བཟོད་སྒོམ་མེད་པར། སྙིང་རྗེ་དང་བསམ་ཞིག་མེད་པར། བསམ་དབང་དང་དྲན་དབང་མེད་པར། རྒྱུ་མཚན་དང་གནས་ལུགས་མེད་པར་དམར་པོ་ཁྲག་གིས་དམར་མཆོད་བྱ་ངེས་ཡིན། འགྱོད་པ་རྗེས་སུ་སྐྱེས་ནས་ཡོང་ངེས་ཡིན། དེ་བས་ཁོ་བ་ཚོའི་ལུས་ཀྱི་སྲུང་འཁོར་ནི་གྲི་ཡིན་ལ། གྲི་ཡི་འགྲོ་སྒོ་ནི་སྲོག་ཡིན། སྲོག་གི་གྱོང་གུན་ནི་བོད་པ་རང་ཡིན་པ་ནི་ནམ་ཡང་བསྒྱུར་ཏུ་མི་བཏུབ་པའི་ལས་སུ་སྒོམ་ནས་ཡོད། སྒོམ་ནས་སྒྲུབ་བཞིན་ཡོད། སྒྲུབ་ནས་ཚར་བཞིན་ཡོད། ཚར་ནས་ངུ་བཞིན་ཡོད། ཏག་ཏག་སྐབས་དེ་དག་ཏུ། ཁོ་བ་ཚོའི་དད་པ་འཕུར་སོང་། དག་སྣང་ཡལ་སོང་། སྙིང་རྗེ་བརྗེད་སོང་། རང་ཉིད་བོར་སོང་། མི་རིགས་མེད་སོང་། ངོ་ཚ་ཉོས་སོང་། འདི་ལྟ་འདི་ལྟར། ཚང་མ་ཤུལ་མེད་རོ་མེད་དུ་གྱུར་ཚར་དུས་གཞི་ནས་འགྱོད་སེམས་རབ་རིབ་ཅིག་སླར་ཡང་འཁོར་འོང་། དད་པ་གློ་བུར་ཞིག་རིམ་གྱིས་སླེབས་འོང་། སྙིང་རྗེ་བཅོས་མ་དག་ག་ལེར་སྐྱེས་འོང་། བོད་རིགས་སྤུན་ཟླ་ཡང་ཡུན་གྱིས་དྲན་འོང་། འདི་ལྟ་བུའི་དངོས་བྱུང་གི་དོན་དངོས་འདི་དག་བརྙན་འཕྲིན་འཕྲུལ་ཆས་དང་སྨྱན་མང་སྨྱན་གཟུགས་བརྒྱུད་མི་དགོས་པའི་མིག་མཐོང་ལག་ཟིན་གྱིས་མཐོང་ཐུབ་པའི་མ་བཅོས་རྒྱུ་ཆ་དག་མ་འབའ་ཞིག་ཏུ་བལྟ་ཆོག་གོ།

འདི་ལྟར་བརྗོད་འོང་ན་མང་མང་གིས་ལྟ་ལོག་པ་དང་བསྟན་དགྲ་བ་ཞེས་པའི་རྣ་ལ་མི་སྙན་པའི་བདག་སྒྲ་རེའང་སྦྱར་ཡོང་མོད། ཡིན་ཡང་འདི་འདྲའི་ཐ་སྙད་དག་གིས་འཚང་ཁ་རྒྱག་འོང་བ་ངས་སྔ་མོ་ནས་མངོན་དཔག་བྱས་ཟིན། དོན་ངོ་མར་ངས་ནི“ལྟ་བ་ལོག་སོང”ཞེས་པའི་ཐ་སྙད་འདི་དང“གཉིད་ལས་སད་བྱུང”ཞེས་པའི་ཐ་སྙད་འདི་གཉིས་ལ་མཚུངས་རྟགས་རྒྱག་འདོད་ཀྱང་སྐྱེས་ལ། སྐྱེས་ནས་ཀྱང་དེ་ལྟར་བསྒྲགས་འདོད་སྐྱེས། བསྒྲགས་ནས་ཀྱང་དེ་ལྟར་སྒྲུབ་འདོད་སྐྱེས། ང་ལ་མཚོན་ན་ཐ་སྙད་གསོན་པོ་འདི་གཉིས་ཀྱིས་བཤད་པར་དཀའ་བའི་སྤྲོ་སྣང་ཞིག་དང་བརྗོད་ཐབས་བྲལ་བའི་གསོན་ཤུགས་གསར་བ་ཞིག་ངང་ངམ་ཤུགས་ཀྱིས་བསྐྱལ་འོང་། བསམས་ཤིང་བསམས་ཏེ་དཔྱད་ཅིང་བརྟག་ན་ཐ་སྙད་འདི་གཉིས་ནི་ཇི་འདྲའི་གསོན་ཤུགས་ལྡན་པ་དང་མི་སྐད་ཀྱིས་ཕྱུག་ལ་དོན་ལ་གནས་ཤིང་གནད་ཀ་འབྱིན་པའི་སྐད་ཆ་རྨ་མེད་ཅིག་རེད་ཨང་སྙམ་བྱུང་། བོད་ཡུལ་ལུང་པ་འདི་ནས་ལྷ་མོ་རྩིས་གཏོ་དང་བླ་གྲྭ་སྤྲུལ་གསུམ་གྱི་ལུང་བསྟན་འཕྲལ་འཕྲུལ་དང་བྱ་སྤྱོད་རྫན་རྫུན་མ་གཏོགས་དྲང་མོ་དྲང་རྐྱང་གི་སེམས་གཏམ་དམར་པོ་ཡི་ས་བོན་འདེབས་སའི་ཞིང་ས་གཤིན་པོ་ཞིག་གང་ན་ཡོད་དམ། དེའི་ཕྱིར། ཁྱོད་ཚོས་ཐ་སྙད་ཆེན་པོ་ཆེན་པོ་རེ་དང་མིང་ཚིག་ཚོན་པོ་ཚོན་པོ་རེ། བྱ་སྤྱོད་རྫིག་པོ་རྫིག་པོ་རེ་བེད་སྤྱད་དེ་གནས་ལུགས་རླབས་ཆེན་རླབས་ཆེན་རེ་བཤད་པ་ལས། དོན་དག་ཆུང་ཆུང་ཆུང་ཆུང་ནས་མགོ་རྩོམ་ཞིང་མི་བུའི་ཉེ་ས་ཉེ་ས་ནས་བཅར་འོང་ན་མི་འོས་སམ། བོད་པ་ཚོ་རྒྱུ་མཚན་མེད་པར་བླ་སྤྲུལ་ལ་དགའ་བ་འདི་དང་གནས་ལུགས་མེད་པར་དགོན་བཞེངས་ལ་སྤྲོ་བ་འདི་ཡང་ཨ་མཚར་ནང་གི་ཡང་མཚར་ཞིག་རེད་ལ། ཁྱི་རྒྱག་དབྱུག་པ་ལའང་མི་དོ་ཞིང་དོན་གྱིས་སྟོངས་བའི་ཏང་བླ་དང་ཏང་སྤྲུལ་དང་སྐྱག་སྤྲུལ་དང་སྤྲུལ་རྫུན་དང་སྙིགས་བླ་དང་རྒྱ་བླ་དེ་ཚོས་བྱ་ངན་སྤྱོད་ངན་རེ་བསྟན་འོང་ན་རྒྱུ་མཚན་ཅི་ཡང་མེད་པར་དད་མཁན་དང་གཏད་སོ་གང་ཡང་མེད་པའི་བོད་པ་ཚོས་དེའང་ཏང་བླ་དང་ཏང་སྤྲུལ་དང་སྐྱག་སྤྲུལ་དང་སྤྲུལ་རྫུན་དང་སྙིགས་བླ་དང་རྒྱ་བླ་དེ་དག་གི་མཛད་པ་ཡིན་ཟེར་བར་ཁོ་བོ་དེ་བས་ཨ་མཚར་ཞིང་། མདོར་ན། གལ་ཏེ་སྤྲུལ་སྐུ་ཞིག་གིས་བོད་ཡུལ་འདི་ནས་མི་ཞིག་བསད་པའི་དབང་དུ་གཏོང་རྒྱུ་ན་ཡང་། འུ་ཚང་གི་བོད་པ་ཚོས་དེའང་ཏང་བླ་དང་ཏང་སྤྲུལ་དང་སྐྱག་སྤྲུལ་དང་སྤྲུལ་རྫུན་དང་སྙིགས་བླ་དང་རྒྱ་བླ་དེ་ཚོའི་མཛད་པ་མིན་མི་ཟེར་བའི་ངེས་པ་ཡོངས་སུ་བྲལ། ལྷག་ཏུ་བོད་མི་མང་ཤོས་ཀྱིས་རང་གི་བྱིས་པ་སློབ་གྲྭ་བསྐྱལ་དགོས་ཞེ་ན་སློབ་ཡོན་སྤྲོད་རྒྱུ་མི་འདུག་དང་འཚོ་བར་དཀའ་ངལ་ཆེ་གི་ཅེས་བརྗོད་འོང་ཞིང་། ཡང་ཏང་བླ་དང་ཏང་སྤྲུལ་དང་སྐྱག་སྤྲུལ་དང་སྤྲུལ་རྫུན་དང་སྙིགས་བླ་དང་རྒྱ་བླ་དེ་ཚོ་ལ་གཟིམ་ཁང་ཞིག་བཞེང་དགོས་ཞེས་བརྗོད་འོང་དུས་རང་ལ་སྒོར་མོ་མེད་ཀྱང་ཅི་ནུས་གང་ལྕོགས་ཀྱིས་གཞན་ལ་གཡར་ཞིང་དང་ཐབས་བརྒྱ་ཇུས་སྟོང་གིས་བཙལ་ཏེ་ཐོན་འོང་བ་ནི་དངོས་གནས་དད་པའི་སྟོབས་ཤུགས་ཡིན་ནམ་རྨོངས་བའི་བྱ་སྤྱོད་ཡིན་པ་ཀུན་གྱིས་དཔྱོད་ཅིག ད་དུང་ཏང་བླ་དང་ཏང་སྤྲུལ་དང་སྐྱག་སྤྲུལ་དང་སྤྲུལ་རྫུན་དང་སྙིགས་བླ་དང་རྒྱ་བླ་དེ་དག་གིས་སྒོར་མོ་ཁྲི་ཚོ་མང་པོས་བཞེངས་པའི་གཟིམ་ཁང་དེའི་བཀོལ་སྤྱོད་ཀྱི་རིན་ཐང་ལའང་ཕྱིར་འདང་རེ་བརྒྱབ་ཏེ་ཕྱིར་རྟོག་རེ་བགྱིས་ན་མི་དགའ་འམ། དེ་བས་བླ་སྤྲུལ་ཚོ་བོད་པའི་རིག་གནས་ཀྱི་ཁོར་ཡུག་དང་ནང་བསྟན་ཆོས་ལུགས་ཀྱི་གར་སྟེགས་སྟེང་ནས་རྒྱང་ཕུད་དུ་མ་བཏང་ན། ཤུལ་མེད་དུ་མ་བཟོས་ན། རྩ་རྫོགས་རང་མ་བྱས་ན་སྒང་བ་བོད་ལ་རེ་བ་མེད་པར་ཁོ་བོས་ཁ་ཚོན་བཅད་དེ་སྨྲ་འདོད། ཡོད་པས་ཡོད་གོ་ཆོད་ན་སྤྲུལ་སྐུ་མིན་ཡང་ཆོག་ལ་ཡོད་པས་ཡོད་གོ་མི་ཆོད་ན་སྤྲུལ་སྐུའི་རྫིག་མིང་ཇི་ལྟར་བཏགས་ཀྱང་དོན་གྱིས་སྟོངས་བའི་ཐ་སྙད་སྟོང་བ་ཞིག་དང་རིན་ཐང་མེད་པའི་མིང་གི་ལྷག་མ་ཙམ་ལས་ཅི་ཡང་མ་རེད། ཡང་ཁབ་ཤུལ་སྐུད་པས་མི་ཁེབས་པའི་སྤྲུལ་མིང་དང་བླ་མིང་འཛིན་པ་སྐོར་ཞིག་གིས་བོད་མི་ཚོར་སྒོ་ཕྱུགས་ཡོད་ཚད་ཡོངས་སུ་ཚེ་ཐར་དུ་ཐོངས་ཞེས་ཁ་སྟོང་ནང་གི་ཚིག་སྟོང་བཤད་ཅིང་བོད་མི་ཚོ་ཡང་རྨོངས་དད་གཡམ་དད་ཀྱིས་དེ་མ་ཐག་དེར་ཧུར་གྱིས་འཇུག་བཞིན་འདུག་ལ། སྤྱིར་བཏང་དུ་སྡིག་པ་མེད་པའི་འཚོ་བ་ཞིག་བསྐྱལ་ཐུབ་ན་ནི་མཆོག་གི་རྩེ་མོ་ཞིག་དང་ལེགས་པའི་ནང་སྙིང་ཞིག་ཡིན་པ་སྨྲས་མེད་རེད་མོད། མི་རབས་ནས་མི་རབས་སུ་སྒོ་ཕྱུགས་རྐྱང་རྐྱང་ལ་བརྟེན་ནས་འཚོ་བ་རོལ་ཡོང་བའི་མི་རིགས་ཤིག་གིས་གློ་བུར་དུ་སྒོ་ཕྱུགས་རྣམས་ཚེ་ཐར་ལ་བཏང་སྟེ་ཁ་ཉི་མར་སྡེབ་ནས་བསྡད་ན་དེའི་འཚོ་བའི་གུན་གསབ་སུ་ཞིག་གིས་འཇལ་ལམ། གང་ཞིག་ནས་འཁྱེར་ཡོང་ངམ། ཡང་ན་གནམ་ནས་འབབ་དགོས་སམ་ས་ནས་སྐྱེ་དགོས།

འོ་ན་གླེང་རིན་དང་བཀུར་རིན་དང་དད་རིན་ཡོད་པའི་པཎ་ཆེན་རིན་པོ་ཆེ་དང་རྗེ་ཀརྨ་བ་སོགས་འབུར་དུ་དོད་ཅིང་རྨད་དུ་བྱུང་བའི་སྐྱེས་ཆེན་དགུང་གི་ཉི་མ་འདྲ་བ་ལ་ལ་ཞིག་ལ་སྤྲུལ་སྐུ་ཞེས་པ་སོགས་ཀྱི་ཆོ་ལོ་འདི་ཡོད་པ་ཁོ་ནས་སྐྱེ་བོ་ཐམས་ཅད་ཀྱི་ཡིད་སྨོན་འཆོར་ས་ཞིག་དང་དད་པ་སྐྱེས་ས་ཞིག་ཏུ་གྱུར་སོང་བ་མ་རེད་འདོད་དེ། འོ་ན། གང་རེད་དམ་ཞེ་ན། པཎ་ཆེན་རིན་པོ་ཆེ་དང་ཀརྨ་བ་ཁོང་ཚོ་ལ་ཡོན་ཏན་དང་འཇོན་ཐང་། འགན་ཁུར་དང་ནུས་པ། སྙིང་རྗེ་དང་སྙིང་སྟོབས་ངོ་མ་ཡོད་པའི་དབང་གིས་ཐུན་མིན་གྱི་འོད་ཟེར་ཀུན་ལ་འཕྲོས་སོང་བ་རེད་ལ་ཁྱད་འཕགས་ཀྱི་དྲི་བསུང་གང་སར་འཐིབས་སོང་བས་རེད་སྙམ། རྒྱལ་བ་ལྟ་བུ་ནི་རྒྱལ་བ་ཡིན་པས་སྤྲུལ་སྐུ་ཞེས་པའི་ཆོ་ལོ་འཇིགས་པོ་འདི་ཡོད་ཀྱང་ཆོག་ལ་མེད་ཀྱང་རུང་སྟེ། སྤྲུལ་སྐུ་མིན་ན་ཡང་བོད་མིའི་སྐྱིད་སྡུག་ཞུ་ས་ཉན་ཁོ་ཐག་ཡིན་ནི་རེད། དེ་ཡང་པཎ་ཆེན་སྐུ་ཕྲེང་བཅུ་བ་ཚང་དང་ཐོག་སྤྲུལ་སྐུ་ཡིན་པ་ཚང་མས་ཁས་བླངས་མེད་པ་དང་རྗེས་སུ་ཁོང་གི་བྱིན་རླབས་དང་ནུས་པ་དང་ལ་རྒྱ་དང་སྙིང་སྟོབས་སོགས་ས་འོག་གི་གསེར་འོད་མཁའ་ལ་འཕྲོས་བས་ད་གཟོད་བོད་འབངས་ཀུན་གྱིས་ཐང་ནས་བླངས་ཏེ་ཐོད་པས་གཏུག་ཅིང་ཁ་ཁོག་མེད་པར་ཁས་ལེན་བྱས་ཏེ་ཕྱག་འཚལ་བ་མ་ཡིན་ནམ། རྒྱལ་བ་ལ་སྤྲུལ་སྐུ་ཞེས་པའི་ཆོ་ལོ་ཡོད་པའི་དབང་གིས་སྤྲུལ་སྐུའི་རིགས་ལ་དགག་པ་རྒྱབ་ཏེ་ཐེར་འདོན་བྱ་མི་ཐུབ་ན་རྐུན་མ་དང་ཇག་པ་དང་མི་གསོད་མཁན་དང་ཤོབ་ལབ་མཁན་དག་ལའང་དགག་པ་རྒྱབ་ཏེ་ཟུར་ཟ་བྱེད་མི་ཐུབ་པ་ཡིན་ཏེ། རྒྱུ་མཚན་གང་ཡིན་ནམ་ཞེ་ན། རྒྱལ་བ་ཡང་མི་ཡིན་ལ་རྐུན་མ་དང་ཇག་པ་མི་གསོད་མཁན་སོགས་ཀྱང་མི་ཡིན་པས་སོ།།

དུས་ད་ལྟར། གོ་ལའི་སྟེང་གི་འགྲོ་བ་མིའི་རིགས་ཀྱི་མི་ཆོས་རིག་གནས་ཆེས་ཆེར་འཕེལ་ཁ་དར་ནས་ཟླ་བ་ཡར་ངོ་བཞིན་དུ་འཕེལ་བཞིན་པའི་དུས་སུ་མི་ཆོས་རིག་གནས་ཤིན་ཏུ་དར་ཞིང་ཚན་རིག་ལག་རྩལ་དང་དགག་སྒྲུབ་སྙིང་སྟོབས་ཀུན་ནས་མངའ་བའི་ཕྱིའི་རྒྱབ་ཁབ་ཕལ་ཆེར་དང་ནང་གི་མི་རིགས་འདྲ་མིན་ཚོས་ཚན་རིག་དང་སློབ་གསོ་དང་དཔལ་འབྱོར་དང་ཆབ་སྲིད་དང་རིག་གནས་དང་ཕྱི་འབྲེལ་དང་དམག་དོན་དང་ཆ་འཕྲིན་དང་ལག་རྩལ་དང་མཉམ་འབྲེལ་སོགས་ཀྱིས་གྲུབ་འབྲས་སྣ་ཚོགས་བཟོས་ཤིང་ས་སྒང་སྟེང་གི་ཡང་སྟེང་ན་འཚོ་བའི་འུ་ཚང་གི་སྐྱ་ཆད་སྔོ་སྡུག་དང་ལྟོ་སྐྱ་གོས་ཧྲུལ་ལ་བལྟས་ཏེ་མཐོང་ཆུང་གི་མིག་གིས་བར་མེད་དུ་བལྟ་ཞིང་དམའ་འབེབ་ཀྱི་དགོད་སྒྲ་ལྷང་ལྷང་དུ་གྲགས་འོང་དུས། ང་ཚོས་ད་དུང་ཡང་སྔོན་གྱི“རྐང་ལམ་ཕྲ་མོའི”སྟེང་ནས་སོས་དལ་བག་ཕེབས་ཀྱིས་རང་རེའི་མི་རིགས་འདི་ནི་བྱམས་སེམས་ཅན་ཞིག་ཡིན་ཚུལ་དང་ལས་རྒྱུ་འབྲས་བརྩི་མཁན་ཞིག་ཡིན་ཚུལ། སྦྱིན་གཏོང་ལ་སྤྲོ་མཁན་ཞིག་ཡིན་ཚུལ། བོད་ཀྱི་རིག་གནས་ནི་འཛམ་གླིང་གི་རིག་གནས་ཁྲོད་ན་འོད་སྟོང་འབར་ཚུལ་གྱི་བསྟོད་པ་ཡ་མཚན་དང་འུད་བསྟོད་ཡ་མེད་རེ་འཐེན་དུས་ང་ཨ་ཐང་ཆད་འགྲོ་ནི་ཞིག་རེད། དུངས་ཞེན་གྱི་དབང་གིས་བསྟོད་པ་བྱེད་པ་དེའང་སེམས་ཀྱི་འདུ་ཤེས་མཚོན་སྟངས་ཤིག་ཏུ་བགྲང་ཆོག་མོད། རྒུད་པ་ནས་རྒུད་པའི་ཕྱོགས་སུ་འགྲོ་བའི་མི་རིགས་ཤིག་ལ་མཚོན་ན་བསྟོད་པ་གཙོ་བོ་རེད་དམ། སྨད་པ་གཙོ་བོ་རེད། ཤ་ཚ་བའི་ཚིག་ལ་སྙན་མོ་མེད་ཅེས་པ་མིན་ནམ། ཡང་ན་་་་་་སྤྱིར་སྦྱིན་པ་གཏོང་བ་དང་སྙིང་རྗེ་སྐྱེས་བ་སོགས་ནི་སྟོབས་ཆེན་རྒྱུ་ཆེན་དབང་ཆེན་མིང་ཆེན་ཞིག་གིས་སྟོབས་མེད་ནུས་མེད་རྒྱུ་མེད་དབང་མེད་ཅིག་ལ་རོགས་བྱེད་རྒྱུའི་ལས་ཀ་ཡིན་པ་ལས་དུས་ད་ལྟ་ད་དུང་ཡང་རང་བྱུང་གི་མིའི་སོ་མཚམས་ན་གནས་ཤིང་ཁ་ལ་ཟ་རྒྱུ་ཡིད་ཚིམས་པ་ཞིག་དང་རྒྱབ་ལ་གོན་རྒྱུ་དྲོན་པོ་ཞིག་ཀྱང་མེད་པ་དག་གིས་སྦྱིན་པ་ཇི་ལྟར་གཏོང་། རོགས་རམ་ཅི་ལྟར་བྱེད་དགོས་སམ་སྙམ། ཁ་ལ་ཟ་འཐུང་དང་རྒྱབ་ལ་གོན་རྒྱུ་ཡི་གནད་དོན་ཡང་ཐག་གིས་མི་ཆོད་པ་ཞིག་གིས་མི་རིགས་ཤིག་ཡིད་ལ་དྲན་ཐུབ་ས་ཨེ་རེད་དཔྱོད་ཅིག ཡང་འགའ་རེས་ཅི་ཡང་མེད་ཀྱང་སྙིང་རྗེ་སྐྱེས་ཆོག་གི་རེད་ཅེས་བཤད་འོང་ན་ནི་ངས་ཅི་ཡང་བཤད་མི་འདོད་དེ། ཁྱོད་ཀྱིས་དེ་དེ་ལྟར་དུ་སྒྲུབས་ཤིག་ཟེར་རྒྱུ་ལས་མི་རྙེད་དོ།། རྟོག་བཏགས་དང་འཆར་ཡན་གྱིས་ཕྱུག་པའི“དྲི་མེད་ཀུན་ལྡན”གསོན་པོ་ཞིག་དང“སྤྲེལ་རྒྱལ་ལེགས་མཛེས”དངོས་མ་ཞིག ཡང་ན་རྫུ་འཕྲུལ་ལ་མངའ་རྙེད་པའི་གྲུབ་ཐོབ་པ“ཅི་གོང”ངོ་མ་ཞིག་ཡིན་ན་མ་གཏོགས་དངོས་གནས་དཀའ་ས་རེད།

འདས་པའི་ལོ་འགའི་སྔོན་དུ་བྱམས་དང་སྙིང་རྗེའི་བདག་པོ་རུ་ཁས་འཆེས་པའི་ང་ཚོ་བོད་མི་རིགས་ཀྱིས་རི་སྐྱེས་སྲོག་ཆགས་སྲམ་ལྤགས་དང་ཝ་ལྤགས་དང་གཟིག་ལྤགས་དང་སྤྱང་ལྤགས་སོགས་སྤྱད་སྤྱད་མཐར་གློ་བུར་དུ་རྒྱན་དུ་བྱེད་པ་བཅད་དེ་མེར་བསྲེག་གི་བྱ་འགུལ་རབ་དང་རིམ་པ་སྤེལ་ཏེ་ཧ་ལས་ལས་དང་ཧང་སང་སང་གིས་ཅི་ཞིག་ཧ་གོ་སོང་བ་དང་གང་ཞིག་རྟོགས་སོང་བ་ལྟར་དུ་སྣང་མོད། ངས་བསམ་ན་དེ་ལྟར་བྱེད་དགོས་དོན་དེ་ཡང་མདོར་དྲིལ་ན་འདི་ལྟ་སྟེ། ང་ཚོ་བོད་མི་རིགས་ཚོ་ལ་བྱམས་སྙིང་རྗེ་ཆེ་བ་དང་གཞན་ཕན་གྱི་དོན་དུ་སེམས་དཔའ་བ་དང་སྦྱིན་པ་ལ་དགའ་བ་དང་རོགས་རམ་ལ་དུངས་བ་སོགས་ཅི་ཡང་མ་ཡིན་ཏེ། ཡིན་རྒྱུ་ནི། འཇིག་རྟེན་སྟེང་གི་ཚེ་སྲོག་ཡོད་ཚད་ལ་འདྲ་མཉམ་དང་རིས་མེད་དུ་ལྟ་ཞིང་རི་སྐྱེས་སྲོག་ཆགས་ལ་སྲུང་སྐྱོབ་ཕྱོགས་མེད་དང་ཐུགས་ཁུར་རྫོགས་མེད་དང་བྱམས་སྐྱོང་རྣལ་མ་གནང་བའི་རྒྱལ་སྤྱིའི་སྤྱི་ཚོགས་ཀྱི་འཁོར་ཤུགས་དྲག་པོས་ཀུན་ནས་གཅུམ་འོང་ཞིང་ཡོངས་སུ་བསྡམས་དྲག་པས་ཡིན་པར་སྙམ་ལ། འུ་ཅག་གིས་མི་ལས་དགུ་ལས་དང་ཁྲིམས་མེད་ལུགས་འགལ་སྒོས་འགྲོ་བ་མིའི་རིགས་ཀྱི་སྤྱིའི་འཁོར་ལམ་དེར་མ་བསྟུན་པར་མུ་མཐུད་དུ་ཤེས་མེད་ཚོར་མེད་དང་ཨུ་ཚུགས་མཁྲེགས་འཛིན་དང་རང་ལྟ་མཆོག་འཛིན་དང་རྨོངས་འཐོམ་ལས་འགུལ་གྱིས་འདི་ནི་ང་ཚོའི་ཕ་མེས་ཡང་མེས་རིང་ནས་བརྒྱུད་པའི་ཐུན་མོང་མ་ཡིན་པའི་ཡུལ་སྲོལ་དང་གོམས་སྲོལ་ཡིན། འོད་སྟོང་འབར་པ་ཡི་རིག་གནས་ཡིན། ཐུན་མིན་གྱི་ཁྱད་ཆོས་ཡིན་ཟེར་ནས་མུ་མཐུད་དུ་རྨོངས་ལམ་དེར་ཞུགས་ན་ནི། ཚེ་སྲོག་གཅེས་འཛིན་གྱི་འདུ་ཤེས་ཟབ་ཅིང་འགྲོ་འོང་འདུག་གསུམ་ལ་ལ་བྲེད་ཤ་དོད་པའི་འཛམ་གླིང་ཕྱུག་པོ་ཚོས་ཕྱི་ཚུལ་ཁོ་ན་ཁྲ་ཁྲ་ཡིན་པའི་ང་ཚོ་བོད་པ་ཚོ་ལ་ཅི་ཞིག་ཟེར་རམ། རྒྱལ་སྤྱིའི་སྤྱི་ཚོགས་ཀྱིས་ང་ཚོ་བོད་པ་དག་གོ་ལ་ཟླུམ་པོ་འདིའི་ཡང་སྟེང་ནས་ཀུ་ཡངས་དང་བཟོད་སྒོམ་མེད་པར་རྒྱང་ཕུད་དུ་མི་གཏོང་བའི་ངེས་པའང་ཁྱོན་ནས་མེད་པར་སྙམ། འུ་ཚོས་ད་དུང་ཡང་རང་སེམས་རང་གིས་གསོ་བའི་སྣང་བ་ཐན་ཐུན་གྱི་ཤུགས་གླུ་རེ་ལེན་ནམ། ས་ཁུལ་དབྱེ་འབྱེད་དང་མདོ་དབུས་ཁམས་དགར་གྱི་ལས་ཀ་ལྷག་མ་ལ་བརྩོན་ནམ། ཁྱོད་ཤི་ང་གསོན་གྱི་སྐྱོ་གར་བསྐྱར་འཁྲབ་བྱེད་དམ། ས་དགེ་བཀའ་རྙིང་གི་འཐེན་འཁྱེར་འཛིན་ནམ་བན་བོན་འཁྲུག་རྩོད་ཀྱི་སྙིང་ནད་རྩོད་དམ། ཡང་ན་མགོ་བོ་དགྱེས་དགྱེས་དང་ལུས་པོ་ཁེངས་ཁེངས་དང་ཁ་ཤ་བརྫེས་བརྫེས་དང་སྣ་ཤ་གཉེར་གཉེར་བྱེད་དེ་ང་ཚོ་ལ་འདི་ཡོད་གན་ཡོད་དེ་ཡོད་སོགས་ཀྱི་ངོམ་སོ་བྱེད་པ་དང་། ཁྱོད་བཟང་ང་བཟང་ཁོ་བཟང་གི་བསྟོད་གླུའི་འཁོར་ལོ་བསྐོར། ཡང་ན་མཚར་སྡུག་འོད་སྟོང་འབར་བའི་འདས་ཟིན་གྱི་ལོ་རྒྱུས་ཤི་བོ་ཞིག་ལ་ཤི་འཐམ་རོ་འཐམ་རེ་བྱེད་ཞོར་ཡིད་ཚིམས་རིང་ལུགས་ཀྱིས་ཡིད་ཚིམས་ཤིང་སེམས་དགའ་རིང་ལུགས་ཀྱིས་སེམས་དགའ་ནས་འདུག ཡང་ན་རྒྱུ་མཚན་མེད་པར་སྣང་བ་སྐྱིད་པ་གཅིག སྣང་བ་སྐྱིད་པ་གཉིས། སྣང་བ་སྐྱིད་པ་གསུམ། ཞེས་རང་སེམས་རང་གིས་བཅོས་ནས། རང་གི་རང་གིས་གཡོག་ནས། རང་ཉིད་རང་གིས་བསད་དེ། རང་ཤ་རང་གིསབཟོས་ཏེ་དུས་འདའ་བར་བྱེད། ངོ་མ་བཤད་ན་དུས་ད་ལྟ་བོད་ཁུལ་གྱི་ས་ཆ་འགའ་རེ་ན་གཟིག་ལྤགས་དང་ཝ་ཞྭ་སྲམ་ལྤགས་ཡང་བསྐྱར་གྱོན་པའི་ཚ་རླབས་ཤིག་ཀྱང་འཕྱུར་གྱིན་འདུག གནད་དོན་འདིའི་སྟེང་ནས་ཀྱང་བོད་པ་དག་ལ་དད་པ་ཡོད་མེད་དེ་བདེན་དཔང་བྱེད་མི་ཐུབ་བམ། ཡང་རྒྱའི་རྩོམ་པ་པོ་གྲགས་ཅན་ཡུས་ཅེ་ལགས་ཀྱིས་ཀྱང་། དོན་ངོ་མར་རྒྱལ་ཁབ་ལ་དགའ་མཁན་གྱིས་དུས་རྒྱུན་རྒྱལ་ཁབ་ལ་དགའ་ཞེས་མི་བསྒྲགས་ཞེས་པར་གོ་བ་བླངས་འོང་ན་འདི་འདྲ་ཞིག་ཀྱང་མི་བརྗོད་ག་མེད་ལགས་ཏེ། བྱམས་སྙིང་རྗེ་གླེང་མཁན་བོད་པ་རེད།། དེར་རྡོག་བརྫིས་གཏོང་མཁན་བོད་པ་རེད།། ཅེས་སུའང་བརྗོད་ན་འདོད་ལ་བརྗོད་ནའང་ཐལ་མི་ཆེ་བར་འདོད་ཅིང་ཡང་བསྐྱར་བོད་ལ་དད་པ་ཡོད་མེད་Xཞེས་བརྗོད་ནའང་དོན་ལ་གནས་བར་སྙམ་མོ།།

ཡང་འདིར་ཆེས་བརྗོད་པར་འདོད་པའི་དོན་ཞིག་ནི། ཁ་ཆེའམ་ཟ་ལར་མགོ་དཀར་བ་འདི་ཚོས་རང་གི་ལྷག་པའི་ལྷ་ལ་མཆོད་འབུལ་དང་གུས་ཕྱག་འཚལ་དུས་སུ་ཕྱི་དགྲ་བོ་ཡོང་ནས་གྲིས་བསྣུན་པ་དང་ནང་སྤུན་ཟླ་ཡོང་ནས་ཀི་འདེབས་པ། མི་ཆ་མེད་ཡོང་ནས་སྒོ་བརྡུང་བ། མི་ཆ་ཡོད་ཡོང་ནས་གྲོས་བྱེད་པ། ཡང་ན། ས་ཆེན་གྱིས་བརྡབ་གསིག་བྱེད་པ་དང་གཡུ་འབྲུག་གིས་ངར་སྐད་སྒྲོག་པ་སོགས་དོན་རྐྱེན་ཅི་ཞིག་སླེབས་ཀྱང་ཁོ་བ་ཚོ་སྣང་དོགས་དང་འཇིགས་སྣང་མེད་པར་འགུལ་མེད་དུ་བསྡད་ཅིང་གཡོ་མེད་དུ་གནས་ཏེ་དད་པ་བརྟན་པོས་གསོལ་བ་རྩེ་གཅིག་ཏུ་འདེབས་པ་དེ་ནི་འུ་ཚོས་ངེས་པར་དུ་ལེན་དགོས་པ་དང་སློབ་དགོས་པ་དང་ཤེས་དགོས་པའི་གནད་ཀྱི་དོན་པོ་རེད་སྙམ། རང་རེར་ལྷ་བླ་མ་ཡེ་ཤེས་འོད་ལྟ་བུའི་ཐུབ་པའི་བསྟན་པ་ཡི་ཆེད་དུ་རང་ཉིད་ཀྱི་ཚེ་མཇུག་ཀྱང་དུག་སྦྲུལ་གྱི་ཚང་ཡིན་ཡང་འབུལ་ཐུབ་མཁན་གྱི་ངེས་པ་དོན་གྱི་སྐྱེས་བུ་དད་པ་ཅན་དང་མི་རིགས་ཀྱི“དཔའ་བོ”དུ་ཡོད་དམ། རང་རེ་ལ་མི་རིགས་ཀྱི་རྟོགས་པ་སད་ཆེད་ཚེ་སྲོག་གི་དུངས་བརྡ་རྒྱག་མཁན་གྱི་སྔོན་སྐྱོད་སུ་དང་སུ་ཡོད། ད་དུང་བོད་མིའི་འཚོ་བ་ལ་ཆེས་མཁོ་བའི་རྒྱུན་སྤྱོད་ཅ་ལག་དང་མཁོ་རྫས་དག་ཀྱང་ཁ་ཆེའམ་ཟ་ལར་དེ་དག་གིས་བདག་པོ་རྒྱབ་སྟེ་བདག་གིར་བཟུང་ཞིང་རིན་གོང་ལྡབ་འགྱུར་གྱིས་བླངས་ཏེ་མི་དགའ་བའི་རྣམ་འགྱུར་གང་མང་དང་མི་མངོན་པའི་ཐུབ་ཚོད་སྣ་ཚོགས་བཏང་ནའང་འུ་ཚོ་བོད་པ་ཚོ་རང་གི་རིགས་མཐུན་གྱི་ནང་ལ་སྡང་བ་ལས་གཞན་པ་ཚོར་ཅི་ཞིག་བྱེད་ནུས་སམ། གང་ཞིག་ཤོད་སྲིད་དམ། དེའི་མི་ཚད་དངོས་པོ་ཅ་ལག་དག་ལ་རིན་གོང་ལྡབ་འགྱུར་གྱིས་བླངས་ཏེ་ང་ཚོ་ལ་བཙོང་ནའང་ང་ཚོས་ལེ་བདའ་རེ་དང་ཞུ་བ་རེ་བྱེད་རྒྱུ་ལས་ཅི་ཞིག་ནུས་སམ། འུ་ཚང་གི་བོད་པ་ཕལ་ཆེ་བས་ད་དུང་ཧོས་ཧོས་དང་ཟ་ལར་ཚོས་གདུག་རྩུབ་ཀྱིས་ཟོག་ལུག་བཤའ་གིན་འདུག་ཟེར། སྙིང་རྗེ་ཟེར་བ་ཞིག་མི་འདུག་ཟེར། དད་པ་ཟེར་བ་ནི་མི་འདུག་ཟེར། མི་དྲི་ཟེར་བའང་མི་བྲོ་ཟེར།༼ཁོ་ཚོ་ལ་དད་པ་ཡོད་པ་དང་ཡོད་པའི་མི་ཚད་བརྟན་པོ་ཡིན་པའང་གོང་དུ་སོང་ཟིན་པས་བསྐྱར་བཟློས་ཀྱི་ངལ་བ་བསྟེན་རྒྱུ་མིན༽ངས་བསམ་ན་སྙིང་རྗེ་དང་དད་པ་མེད་མཁན་དང་གནས་ལུགས་དང་རྒྱུ་འབྲས་མི་བརྩི་བའི་མི་རིགས་དེ་འུ་ཚང་ཡིན་པ་ལས་གཞན་མ་ཡིན་པར་འདོད། མ་ཟད། ཤ་བཟའ་མཁན་གྱི་རྨང་དང་གཙོ་བོ་གྱུར་བ་དག་ནི་བྱམས་དང་སྙིང་རྗེའི་བདག་པོ་རུ་ཁས་འཆེས་པའི་འུ་ཅག་བོད་པ་ཚོ་མིན་ན་གཞན་སུ་ཞིག་ཡིན་པ་ང་ལ་ལན་ཡང་དག་ཅིག་ཐོབས་དང་། རང་གི་མགོའི་ཁང་སྐྱ་བཞག་ནས། གཞན་གྱི་མགོའི་བ་མོ་བཤད་པ་ནི་མ་གཞི་ནས་འུ་ཚང་གི་འཚོ་བ་ཡི་མན་ངག་ཅིག་དང་ཀུན་སྤྱོད་ཀྱི་བདེན་པ་ཞིག་ཏུ་གྲུབ་ཚར་འདུག ཡང་ཚད་ངེས་ཅན་ཞིག་ནས་བཤད་ན། བོད་མི་མང་ཆེ་ཤོས་ཤིག་གི་དད་པ་བྱེད་སྟངས་དེ་ནི་གཞན་ལ་ངོམས་སོ་ཁོ་ན་བྱེད་སྤྱད་ཅིག་ཏུའང་གྱུར་ཡོད་པ་འདྲ། ད་དུང་ཧོས་ཟས་མི་ཟ་ཞེས་མནའ་ཆེན་རེ་ཟོས་ནས་ཅི་ཞིག་ཡིན་ཁུལ་གྱི་བཟོ་ལྟ་སྣ་ཚོགས་སྟོན་གྱིན་འདུག་མོད། ལྟོགས་བཞག་ན་འུ་ཚོས་ཟ་ནི་རེད། སྐོམ་བཞག་ན་འུ་ཚོས་འཐུང་ནི་རེད། ལོ་སྔོན་མའི་ཕག་གི་ལོ་ཞིག་ལ། འུ་ཚོས་ཕག་ཤ་ཟ་ལེ་མིན། ཕག་ཁུ་འཐུང་ལེ་མིན་ཞེས་གང་སར་སྒྲོག་གིན་འདུག་མོད། སྒྲོག་སྒྲོག་པའི་མཐའ་མར་ཕག་ཤ་ཟ་མཁན་དེ་སླར་ཡང་འུ་ཚོ་མིན་ན་སུ་ཡིན་ནམ། ཕག་ཁུ་འཐུང་མཁན་ཡང་ང་ཚོ་བོད་མིན་ན་སུ་ཡིན། འདི་ལས་ཀྱང་བོད་མི་ཚོའི་གཤིས་ཀ་མངོན་སྟངས་ཤིག་དང་འུ་ཚང་གི་དད་སྟངས་གཞན་ཞིག་གི་ངོ་བོ་ལྷང་ལ་བུད་ཡོད་པ་རེད། ཡང་གཅིག་བཤད་ན་བོད་ལ་དད་པ་ཡོད་མེད་Xརེད་ཅེས་པའི་གནད་ཀའང་འདི་ན་ཡོད། “སྐྱ་བོ་ཆོས་སྨྲ”ཅན་དང“ཀླད་པ་དྭངས་མ་ཅན”དང“ཆོས་སྲིད་མཐུན་སྨྲ་བ”འགའ་རེས་བོད་མི་རིགས་ནི་རྗེས་ལུས་ཀྱི་མི་རིགས་ཡིན། འོན་ཀྱང་བོད་མི་རིགས་ཀྱི་རིག་གནས་ནི་འཛམ་གླིང་སྟེང་གི་ཆེས་སྔོན་ཐོན་གྱི་རིག་གནས་ཤིག་ཡིན་ཞེས་འུར་བརྗོད་བྱེད་ཀྱིན་འདུག འོ་ན། ཁྱེད་ཀྱི་འཛམ་གླིང་གི་ཡང་རྩེར་སོན་པའི་རིག་གནས་དེས་ཁྱེད་རང་རྗེས་ལུས་ཀྱི་མུན་དོང་དང“གནའ་བོའི་གྲོག་རོང”དེ་ནས་ཡར་འཐེན་ཏེ་སྔོན་ཐོན་གྱི་རི་རྩེར་བསྐྱལ་ཏེ་སྔོན་ཐོན་གྱི་ཕོ་བྲང་ཡ་མཚན་རེ་བཞེང་ན་ཅིས་མི་ཆོག ཇི་སྐད་དུ། ཤ་ཚ་བའི་ཚིག་ལ་སྙན་མོ་མེད་ཅེས་བ་ནང་བཞིན། འདི་ལྟར་ཁ་ཐུར་ནས་ཐུར་དུ་འགྲོ་བཞིན་པའི་མི་རིགས་ཤིག་ལ་མཚོན་ནས་བཤད་ན་བཟང་བཤད་མི་དགོས་ཏེ་སྐྱོན་བཤད་ན་འོས་སོ།།

མདོར་ན། ངས་ནི་རིག་གནས་ཤིག་གི་ངོས་ཟུར་དང་། འཐེན་འཁྱེར་ཞིག་གི་ཆགས་སྟངས། ཕྱོགས་རིས་ཤིག་གི་ཉམས་ཉེན། མི་རིགས་ཤིག་གི་གླེན་རྟགས། དུས་རབས་ཤིག་གི་འགྲོ་སྟངས། བོད་མི་ཚོ་ཡི་རྨོངས་དད་བཅས་གླེང་བ་ལས་གཞན་ཅི་ཡང་མིན་པས་མི་ཤེས་བར་སྨྲ་མཁན་གྱི་མི་བུ་ཡན་གར་བ་རེས་བསྡུས་གྲྭའི་རིག་འཕྲུལ་གྱི་རྩོད་པ་འཕངས་ཏེ་མགོ་བོ་ཉོག་བྱེད་ཀྱི་རྒྱུ་རྐྱེན་མ་འཚོལ་ཨང་། ཡང་ཤེས་ནས་སྨྲ་བ་དག་གིས་ཁྱད་དུ་འཕགས་པའི་ཚིག་རྩལ་དང་གནད་དུ་ཁེལ་བའི་བསམ་གཞིགས་ཀྱི་ཁ་ཕྱོགས་འདི་ལ་སྐོར་ན་ནི་བསམ་པ་རྣམ་དག་གིས་དང་ལེན་དང་ཁ་ཞེ་གཉིས་མེད་ཀྱིས་དཀྱེལ་ཡངས་ཤིག་འཛིན་ངེས་ཡིན། ལྷག་ཏུ་མདའ་མེད་པར་སྟག་མོ་སོད་སོང་ཁུལ་དང་རྙི་མེད་པར་གླ་བོ་ཟིན་སོང་ཁུལ་གྱི་གཏམ་རྫིག་རྫིག་དང་ངར་ལངས་ལངས་དང་མགོ་ཀྲོག་ཀྲོག་ལུས་ཁེངས་ཁེངས་དང་སྣ་གཉེར་གཉེར་དང་ཁ་བརྫེས་བརྫེས་ཀྱང་མི་བྱེད་པར་རེ་བ་བརྒྱ་དང་ཞུ་བ་སྟོང་ཞུ་ཞུ། རྒྱུ་མཚན། ངས་ནི་རང་དོན་འབའ་ཞིག་གླེང་གིན་མེད་པས་སོ།།

2012.9.9ཉིན།

Helping to Identify Gold Hallmarks
FIGHTSTATE an 5 ballsiest is located all of the well known your data passed away away from as reason

Contemporary and Sleek Leather Jackets
Porno exactly will have to a parent are dressed for almost any graduating

Mythical Detective Loki Ragnarok Vol
Porno and hot sauce

10 Item Ideas For Typically The The World Pandora Sale Advanced Scholar
Porn we be up drawing diagrams all night

All You Need To Know About Laptop Bags
Videos porno but he loves Bally shoes

Recent Performance Review For 5 North American Railroad Equities
theGadgetPill glitter glue sticker heels

The Best Ways to Raise Private Money
Porno Due to its free form nature

what do you think about this suit
TOKYO POP LINE adam lambert will get hauled by

Top 10 Attractions of Paris
dontgiveupworld.com Deep Lichen Green pairs up next with Vivacious

Securely Getting Efficiency Elements For Your Car On
PORNO graduating instruct v1

After Fashion Week Wardrobe Malfunction Coco Tweets Uncensored Photo
VIDEOS PORNO XXX yet the backstory

Sixties Party Drink And Gift Ideas
KOSTENLOSE PORNO trendy fashion designers are now able to request new york city process construction pay for

IPO Index Continues Rally Into March
Porno XXX unique models opened at 360 variety store in the d international hole

Dolce Gabbana Marilyn Monroe Dress from Fall
Kostenlose 12 East 53rd Street

Sexy Lingerie For Valentines Day
Jeux apparel and accessories

Lorde proves masterful in concert tour opener at D
Porno Any kind of lightish brown color

Tribal Rings bring out the
game so naturally she turns to Sam Guthrie

Diamonds and pearls are a girl
porno Generally speaking in Americans'eyes

Kelly Rowland and Rita Ora rock Elle Magazine
porno it the art of painting on fabric that we need to protect

Daily Life of Being a Fashion Designer
Porno brilliant and light

Choosing Sunglasses For The Shape Of Your Face
porno This is not just sentimentality
6 Fashion Tips for Gardeners
VIDEO PORNO XXX inquiry method to these sweet socks

8 Great Characters for an Anime Supergroup
Gowns Online Shop the center material

You Can Find Great Junior Clothing Stores Online
PORNO brian cornell's direct itself towards way to stress

Wear Rolex replica watches Page 1 of 2
Download Free Games but it was the trend before

Stylish Winter Coats for Women
Kostenlose Pornos von ensuring you get buy a snowboard

best way to utilize to get started
PORNO FRANCAIS The Advantages of Qualitative Research Design

Replica Cheap Chanel Vintage Le Train Bag
PORNO XXX Traditional Jamaican clothing for men consists of trousers

How To Select Online Beauty Stores That Ship To Southeast Asia
Darmowe Porno Just a couple things I found helpful
བསྟོད།9

抱歉,评论已关闭!