དགེ་ཆོས་དང་༼ནུབ་བྱང་གི་སྙིང་སྟོབས༽

བོང་རྫི།

ངས་ནུབ་བྱང་མི་རིགས་སློབ་གླིང་གླེང་དུས། དུས་རྒྱུན་དོན་དག་བཞི་ཙམ་ཞིག་སེམས་སུ་དྲན་ཡོང་གིན་འདུག། གཅིག་ནི། ང་རང་མ་སྐྱེས་བའི་སྐབས་ཀྱི་དོན་ཆེན་ཞིག་ཡིན་པ་དང། དེ་ནི་ལོ་རྒྱུས་ཀྱི་དོན་ཆེན་ཞིག་རེད། གཉིས་བ་ནི། ང་རང་ལན་ཀྲིག་དང། ནུབ་བྱང་མི་རིགས་སློབ་གྲྭར་སྡོད་སྐབས་སུ་བྱུང་བའི་་མཐོང་ཐོས་ཡིན། གསུམ་པ་ནི། ནུབ་བྱང་དང་དགེ་ཆོས་སྐོར་གྱི་དཔེ་དེབ་དང། དེའི་རྗེས་སུ་བྱུང་བའི་གཏམ་རྒྱུད་དག་ཡིན་པ་དང། བཞི་བ་ནི། ཉེ་ལམ་ཟི་ལིང་སོགས། བོད་ཀྱི་ས་ཁུལ་འགའ་ཤས་སུ་ནུབ་བྱང་གི་སློབ་ཕྲུག་དང་དགེ་རྒན་འགའ་ལ་འཕྲོས་མོལ་བྱུང་བ་དང། ལྷག་པར་ཉེ་ལམ་དྲ་རྒྱ་སོགས་སུ་ནུབ་བྱང་གི་མི་འགའ་ཤས་ཀྱིས་དགེ་ཆོས་སྐོར་ལ་བྲིས་བ་རྣམས་ལ་བལྟས་རྗེས་བྱུང་བའི་སེམས་ཀྱི་འཆར་ཚུལ་འགའ་ཤས་ཡིན། ཧར་གྱིས་བལྟས་ན། གོང་གི་དོན་ཚན་བཞི་ལ་འབྲེལ་བ་ཅི་ཡང་ཡོད་དོགས་མེད། ཅི་ཕྱིར་ཞེ་ན། དེ་དག་ནི་ཡུལ་དུས་དང་ལོ་རྒྱུས་མི་འདྲ་བ་མང་པོ་ཞིག་ལ་བརྟེན་ནས་བྱུང་བ་ཞིག་རེད། ཡིནའང་བསམ་བློ་སྙིང་ཐག་པ་ནས་བཏང་ཡོང་དུས། འདི་ཐམས་ཅད་ལ་འབྲེལ་བ་ཏན་ཏན་ཞིག་འདུག། དེ་ནི་ནུབ་བྱང་གི་དགེ་སློབ་མང་པོ་ཞིག་ལ་གསར་བརྗེའི་༼སྙིང་སྟོབས༽ཡོད་པ་དེ་རེད། སྤྱིར་བཏང་སྙིང་སྟོབས་ཟེར་བ་འདི་ལ་ཤེས་བརྗོད་འཇུག་གསུམ་གྱི་གོ་བ་མང་པོ་ཞིག་ཡོད་ཆོག་མོད། ནུབ་བྱང་ལ་ཡོད་པའི་སྙིང་སྟོབས་དེ་ནི། རྙིང་བཞི་༼ (四旧༽སྟེ། སེམས་ཀྱི་འཁྱེར་སྟངས་རྙིང་བ། རིག་གནས་རྙིང་བ། གོམས་སྲོལ་རྙིངབ། སྤྱོད་པ་རྙིང་བ ༽ ལ་རྒོལ་བ་དང། གནས་ལུགས་དང། རྒྱུ་མཚན་སོགས་ཅི་ཡང་མེད་པར་དོན་མེད་དུ། ཁོ་ཚོའི་ཚིག་བཀོལ་ན་༼གཏོར་གཤིག༽གཏོང་ཐུབ་པའི་སྙིང་སྟོབས་དེ་རེད།

དང་པོ། ནུབ་བྱང་གི་གསར་བརྗེའི་རྙིང་གཏོར་ཆེད་དུ་བཙུགས་པ་ཞིག་རེད། ནུབ་བྱང་མི་རིགས་སློབ་གླིང་ནི། དབུས་གཞུང་གིས་༡༩༥༠ལོའི་ཕྱི་ཟླ་༡༡བའི་ཚེས་༢༤་ཉིན་༼མི་རིགས་གྲངས་ཉུང༽གི་ལོ་ཙྭ་བ་དང། ལམ་ཁྲིད་པ་མང་པོ་ཞིག་དགོས་བའི་ཆེད་དང། མི་རིགས་གྲངས་ཉུང་གི་གཞུང་ཞབས་པ་མང་པོ་ཞིག་ལ་སློབ་གཉེར་སྤྲོད་རྒྱུ་དེའི་ཆེད་དུ་བཙུགས་པ་ཞིག་རེད། བཙུགས་པའི་དམིགས་ཡུལ་ཡང་སྤྱི་ཚོགས་རིང་ལུགས་ལ་ཞབས་ཞུ་དང། སྲིད་གཞུང་གི་ལྟ་བ་དང་ཆབ་སྲིད་རྣམས་རིམ་གྱིས་མི་རིགས་གཞན་གྱི་ས་ཁུལ་དུ་ལག་བསྟར་བྱ་རྒྱུའི་དེའི་ཆེད་དུ་རེད། དེང་དུས་སློབ་གྲྭ་དེ་རུ་ལས་ཀ་བ། སྟོང་གཅིག་དང་ལྔ་བརྒྱ་ཙམ་དང། སློབ་མ་ཁྲི་གཉིས་དང་སྟོང་གཉིས་སུམ་བརྒྱ་ཙམ་ཡོད་པར་བཤད་དོ། ༼ངེད་ཀྱི་འདི་ནས་ཆེད་དུ་བརྗོད་པར་བྱ་བ་ནི། སྔོན་གྱི་གྲངས་ཉུང་མི་རིགས་ཀྱི་སྐད་ཡིག་སྡེ་ཁག་དང། ད་ལྟའི་བོད་ཀྱི་ཤེས་རིག་སློབ་གླིང་གི་སྐོར་ཡིན་ཞིང། འདི་ཡང་གཙོ་བོ་རགས་བཤད་ཙམ་ཡིན།༽

ནུབ་བྱང་གི་སྙིང་སྟོབས་ཀྱི་སྐོར་བཤད་ན། རིག་གནས་གསར་བརྗེ་ཆེན་མོ་ནི་མི་གླེང་ཐབས་མེད་རེད། དེ་ཡང་༡༩༦༦ལོར་རིག་གནས་གསར་བརྗེའི་མགོ་བརྩམས་དུས། ནུབ་བྱང་གི་བོད་དང་སོག་པོའི་སློབ་ཕྲུག་རྣམས་བླ་བྲང་བཀྲ་ཤིས་འཁྱིལ་དུ་ཆས་ཏེ། ཐོག་དང་པོར་མཐའ་བའི་མི་རྣམས་དང་མཉམ་འབྲེལ་གྱིས་དགོན་པའི་མཐའི་སྐོར་གྱི་མ་ཎི་རྣམས་གཏོར་པ་དང། ལྔ་བརྒྱད་སྐབས་སུ་ལྷག་ལུས་ཡོད་པའི་ལྷ་ཁང་དང། ལྷག་པར་ཏུ་དཔེ་མཛོད་ཁང་སོགས་མེ་ལ་བསྲེགས་རྒྱུའི་སྟ་གོན་བྱས་དུས། དེའི་སྐབས་ཀྱི་རྒྱ་རིགས་རྫོང་དཔོན་ཞིག་གིས་དེ་ལྟར་བྱེད་དུ་མ་བཅུག་མོད། ཁོ་ཚོས་བླ་མའི་ནང་ཆེན་སོགས་འདུས་བའི་བླ་བྲང་གི་ཕྱེད་ཀའི་ལྷག་ཙམ་དེ་དུས་མེད་པར་བཏང་བར་བཤད། དེའི་སྐབས་ཀྱི་་དམར་སྲུང་དམག་མི་དེ་ཚོ། ད་ལྟ་བོད་ཁམས་ཡོངས་སུ། ལས་ཀ་འདྲ་མིན་སྣ་ཚོགས་བྱེད་བཞིན་ཡོད་པ་མ་ཟད། དགེ་རྒན་གྱི་སྟེགས་བུ་བསྡད་པའང་མང་པོ་འདུག། དེ་བས་སྤྱིར་བཏང་གི་བཤད་ན། གསར་བརྗེའི་སློབ་གྲྭ་དེ་ལྟ་བུ་ཞིག་ལ་གསར་བརྗེའི་རང་བཤིས་ཡོད་པ་ནི་ཏན་ཏན་རེད།

གཉིས་བ། ཕྲན་ཆུང་དུས། དགེ་བའི་བཤེས་གཉེན་ཆེན་པོ་ཚེ་ཏན་ཞབས་དྲུང་རིན་པོ་ཆེ་ནུབ་བྱང་མི་རིགས་སློབ་གླིང་དུ་༼དེ་དུས་སློབ་གླིང་ཞེས་འབོད༽དགེ་རྒན་ལ་ཕེབས་དུས། སེམས་སུ་དགེ་སློབ་དེ་དག་ནི་ཇི་འདྲའི་བསོད་ནམས་ཆེན་མོ་དང། སྐལ་བ་ལྡན་པ་ཡིན་ནམ་ཞེས་དགའ་བ་བསྒོམས་མྱོང། རྒྱུ་མཚན་ནི་ཕྲན་ཆུང་དུས་ནས་ཚེ་ཏན་ཞབས་དྲུང་རིན་པོ་ཆེ་ལ་དད་འབྲེལ་ཡོད་ཅིང། ཐོག་དང་པོ་རང་གིས་ཤེས་བའི་དུས་སུ་བླ་མ་ཞིག་ལ་འཇལ་བའང་ཁོ་ཡིན། རྗེས་སུ་མི་ཁ་ཅིག་གི་ཁ་ལས། ནུབ་བྱང་གི་དགེ་རྒན་དང། སློབ་ཕྲུག་འགའ་ཡིས་ཁོང་རིན་པོ་ཆེ་བརྩི་བཀུར་མ་བྱས་པར། ཁོའི་མདུན་དུ་དུ་བ་འཐེན་ཚུལ་དང། ཞྭ་གོན་ནས་འགྲོ་ཚུལ། ཞེ་སའི་ཚིག་གཅིག་ཀྱང་མེད་པར་ཁོང་རིན་པོ་ཆེ་ལ་དངོས་སུ་ཟུར་ཟ་དང་མཐོང་ཆུང་བྱས་བ་སོགས་བདེན་མི་བདེན་གྱི་སྐད་ཆ་མང་པོ་ཞིག་གོ་ཡོང་དུས། དངོས་གནས་ནུབ་བྱང་ནི་ག་འདྲ་ཞིག་ཡིན་ནམ་སྙམ་བྱུང་བ་ཙམ་ལས། ནུབ་བྱང་ལ་དངོས་སུ་འགྲོ་མྱོང་བ་མེད། དེའི་རྗེས་སྟེ།ད་ལྟ་བརྩིས་བའི་ལོ་ཉི་ཤུ་ཙམ་གྱི་སྔོན་དུ། ལན་ཀྲིག་སློབ་གྲྭ་ཆེན་མོར། དབྱིན་ཇིའི་སོགས་ལ་སློབ་གཉེར་གྱི་སྐབས་སུ། ནུབ་བྱང་མི་སློབ་གྲྭ་སློབ་གླིང་གི་སྐད་ཆ་མང་པོ་བྱུང། རྒྱའི་སློབ་མ་དག་ལ་ནུབ་བྱང་ལ་མི་ཟད་པའི་གདེང་འཇོག་གི་ཚད་དམའ་ཞིང། ཀུ་རེ་དང་མཉམ་དུ། དེ་ནི་སྤྱན་གཟིགས་ཁང་གཉིས་བ་༼第二高级动物园༽ཞེས་རེད་ཅེས་ཐེངས་མང་པོ་ལབ་པ་གོ་བྱུང། དེའི་རྗེས་ཕྲན་ལ་བཀའ་དྲིན་ཅན་གྱི་ཨ་རིའི་དགེ་རྒན་ཞིག་ཡོད་པ་ཕྱིར་ཨ་རི་ལ་ཕེབས་པ་དང། ཕྲན་ཡང་ཟླ་འགའ་ཤས་ཙམ་ལ་ནུབ་བྱང་མི་རིགས་སློབ་གླིང་ཏུ་སྡོད་རྒྱུའི་སྐལ་བ་བྱུང་ཞིང། དེའི་དུས་ནུབ་བྱང་གི་དགེ་སློབ་རྣམས་ཀྱི་སློབ་གཉེར་དང། ལུས་ངག་ཡིད་གསུམ་གྱི་སྤྱོད་པ། མི་ཚེའི་དམིགས་ཡུལ། ལྟ་གྲུབ་སོགས་ལ་ཞིབ་དཔྱོད་བྱས་པ་མ་ཟད། ཐོ་ཡིག་ཀྱང་བཏབ་པ་ཡིན།

༼པོ་ཏ་ལ་གཤིག་དགོས༽ འདི་ནི་ཕྲན་ནུབ་བྱང་དུ་སྡོད་སྐབས་སློབ་མ་ཞིག་གིས་ཕྲན་ལ་བཤད་པའི་སྐད་ཆ་རེད། བདག་གིས་ཐོ་ཡིག་ཏུ་འདི་ལྟར༼བོད་རྣམས་ཀྱིས་རང་རང་གིས་ལོ་གཅིག་ལ་འབད་པའི་བསགས་པའི་མར་རྣམས། ས་ཐག་རིང་དེ་འདྲ་ཞིག་ལ་ཁུར་ནས་སོང་ཏེ། མེ་རུ་སྒྲོན་པ་རེད། འདི་ནི་དངོས་གནས་སྙིང་བོ་མེད་པའི་བྱ་བ་ཁོ་ནར་རེད། པོ་ཏ་ལ་སོགས་གཤིག་པ་ཡིན་ན། རང་ནོར་རང་གིས་ཟ་བ་ཞིག་ཡོང་ཐུབ་རྒྱུ་རེད༽ཅེས་བཀོད་འདུག། སྤྱིར་བཏང་སློབ་ཕྲུག་དེས་སེམས་སུ་དངོས་གནས་དྲང་གནས་ཀྱི་དེ་ལྟར་དྲན་ཡོད་མེད་དེ་ལ་ང་ལ་དོགས་པ་ཡོད། དེང་དུས་གོ་ཚུལ་ལ་སློབ་ཕྲུག་དེ་ནི་བཤིས་རྒྱུན་འཇམ་པ། དངོས་གནས་དྲང་གནས་ཀྱི་བོད་ཀྱི་རིག་གནས་ལ་ཤ་ཚ་བ་ཞིག་རེད་ཅེས་ཐོས་མྱོང་བས། སེམས་སུ་དགའ་བ་སྒོམ་གིན་ཡོད། ཕྲན་ནུབ་བྱང་དུ་སྡོད་དུས། ཚོར་སྣང་ཆེ་ཤོས་ཤིག་བྱུང་བ་ནི། སློབ་ཕྲུག་ཕོ་རྣམས་ཀྱིས་ཉིན་མཚན་མེད་པར་ཆང་འཐུང། ཕ་མ་སོགས་ལ་རྫུན་བཤད་ནས། ཕ་མའི་ཤ་ཁྲག་ལས་གསོག་པའི་དངུལ་རྣམས་ཆང་དང། བཞང་འཚོང་མ། དུ་བ་སོགས་ཀྱི་སྟེང་བཀོད་བཞིན་པ་དང། བུ་མོ་རྣམས་ཀྱིས་ཉིན་མཚན་མེད་པར་གདོང་བཀྲུས། མཛེས་ཉམས་བཏོད། ཕོ་དང་མཉམ་དུ་དགའ་རོགས་བཙལ་རྒྱུ་དེ་རེད། དེ་བཞིན་དགེ་རྒན་རྣམས་ཀྱིས་ཀྱང་ཉིན་མཚན་མེད་པར་ཆང་འཐུང་ཉིན་མཚན་རོལ་རྒྱུ་དེ་རེད། ཁོ་ཚོ་དགེ་སློབ་གང་ཡིན་ལ། ཕྱི་ནང་གི་ཤེས་བྱའི་དབུལ་ཞིང། རང་ཚུགས་མེད་པ། རིགས་པའི་གཏད་སོ་མེད་པ་དག་ཏུ་མཐོང། རྒྱ་ལ་བལྟས་ན། བོད་ཀྱི་ཤེས་རིག་བཤད་ཁུལ་བྱས། བོད་ལ་ལྟོས་ནས་རྒྱའི་རིག་གནས་དང། ཁྱད་པར་ཏུ་ནུབ་ཀྱི་རིག་གནས་ཤེས་ཁུལ་བྱས། དོན་གྱིས་གཉིས་ཀ་ཅི་ཡང་ཤེས་མཁན་ཞིག་མེད་པར་མཐོང། ཡིན་ནའང་བོད་ཀྱི་དགོན་པ་དང། བླ་མ། གྲྭ་བ་དང། དད་པ་སོགས་བཤད་ཡོང་དུས། སྐད་མགོ་ཇེ་མཐོ་དང། མི་ཟད་པའི་ཁོང་ཁྲོ་དང། འུར་སྒྲ་བཅས་ཡོང་ནས་ཐམས་ཅད་ད་ལྟ་མྱུར་ཏུ་བརླགས་འགྲོ་སྙམ་པའི་སེམས་ཚོར་ཀྱང་ཏན་ཏན་སྟེར།
སྤྱིར་བཏང་གི་བཤད་ན། ནུབ་བྱང་གི་བོད་ཀྱི་སློབ་ཕྲུག་ཚོ་སྐལ་ལྡན་རེད། ཚེ་ཏན་ཞབས་དྲུང་སོགས་སྔ་རབས་པ་རྣམས་མ་བཤད། ད་ལྟའང་ངེས་པ་དོན་གྱི་མཁས་བ་ཆེན་པོ། དོར་ཞི་རིན་པོ་ཆེ་སོགས་མཁས་བ་དྲང་ཚུགས་ཅན། བློ་སྟོབས་ཅན་འགའ་རེ་བཞུགས་ཡོད་མོད། ཡང་གོ་ཐོས་སུ་དེང་དུས་སློབ་ཕྲུག་མང་ཆེ་བས། གསར་བརྗེ་བ་དོན་གྲུབ་རྒྱལ་དང། ཞོགས་དུང། བདུད་ལྷ་རྒྱལ་སོགས་ལ་བཀུར་བཟོ་དང། མཐོང་ཆེན་བྱ་བཞིན་པ་ལས། གཞན་དགེ་རྒན་ཡོན་ཏན་ཡོད་པ་ཚོ་ལ་དེ་འདྲའི་དོ་སྣང་མི་བྱེད་པ་མ་ཟད། དོར་ཞི་རིན་པོ་ཆེ་སོགས་ལ་དངོས་སུ་འཕྱ་སྨོད། མཐོང་ཆུང་བྱས་བའི་སྐད་ཆ་དང། ཐ་ན་རྩོམ་འཆལ་མང་པོ་ཡང་མངོན་སུམ་དུ་མཐོང་རྒྱུ་འདུག།

གསུམ། སྤྱིར་བཏང་དགེ་ཆོས་ནི། ནུབ་བྱང་ལ་འབྲེལ་བ་ཅི་ཡང་མི་འདུག། དགེ་ཆོས་ནི་དགོན་པ་ནས་སློབ་གཉེར་བྱས། དགེ་རྒན་བསྟེན། དེ་བས་ཁོང་གི་ལྟ་གྲུབ་གང་གི་ཆ་ནས་ཀྱང་སྔོན་གྱི་སྲོལ་ལུགས་དང། བཤིས་ལུགས་དང་མ་འབྲེལ་བ་ཞིག་གཏན་ནས་མེད། ཡིན་ནའང་ཉེ་ལམ་ཞིག་ལ། ནུབ་བྱང་གི་གསར་བརྗེ་བ་ཚོས། དགེ་ཆོས་འདི་ཁོ་ཚོ་དང་མཐུན་པའི་གསར་བརྗེ་བ་ཞིག་ཡིན་པར་སྒྲུབ་ཁུལ་གྱིས། དོན་མེད་ཀྱི་རྙོག་གཏམ་དང། རྨོངས་བཤད། འུར་ཆེན་པོ་བསྒྲགས་ཡོད་པ་མ་ཟད། འཛམ་གླིང་མཁས་བ་དག་གིས་ལུགས་སྲོལ་ལྟར་བྱས་ན། དགོད་བྲོ་བའི་འཁྲབ་སྟོན་སྣ་ཚོགས་བྱས་ཡོད་པ་ནི། གཞན་གྱིས་བལྟས་ན་དགོད་བྲོ་བ་དང། རང་གིས་བལྟས་ན་ངུ་བྲོ་བ་མང་པོ་བྱས་ཡོད་པ་རེད། དགོད་བྲོ་བའི་འཁྲབ་སྟོན་དེ་དག་ལ་ངོ་གནོང་བ་དང། དགོངས་དག་སོགས་གཏན་ནས་མེད་པར། ད་དུང་ཡིན་མདོག་མདོག་གིས་གཏམ་མང་པོ་བཤད་པ་འདིས་ཀྱང་དོན་གྱིས་ཁོ་ཚོའི་གསར་བརྗེའི་སྙིང་སྟོབས་དེ་མཚོན་ཡོད། འདི་དཔེརམཚོན་འགའ་བཀོད་ན། ཕྱི་ལོ་༢༠༠༢ལོ་ལ་མགོ་ལོག་གི་བླ་མ་ཞིག་གིས་སྤྱིན་བདག་བྱས་ཏེ། དགེ་ཆོས་ཀྱི་གསུང་རྩོམ་གསར་རྙེད་ཅེས་བ་ཞིག་དཔར་སྐྲུན་བྱས་བ་ལ། ནུབ་བྱང་གི་མེ་ལྕེ་སོགས་ཀྱིས་འདི་ལྟར། “དུས་རབས་གཅིག་གི་རིག་པའི་དཔའ་བོ་དགེ་འདུན་ཆོས་འཕེལ་དང་མདོ་ཆོ་མཁྱེན་བརྩེའི་སྤྲུལ་སྐུར་རང་ཐག་བཅད་པའི་མགོ་ལོག་པ་ཧཱུཾ་ཀར་རྡོ་རྗེ་གཉིས་ཤེས་རབ་དང། བསམ་བློ། སྙན་གྲགས་སོགས་གང་ཅིའི་ཐད་ནས་སྨྲས་ནའང་ཁྱེད་གཉིས་ཀྱི་བར་ལ་འདྲ་མཉམ་དང། དཔུང་བ་མཉམ་གཤིབ་ཅིག་མི་ཡོང་བ་རྣམ་དཔྱོད་ཀྱི་མིག་དང་ལྡན་པའི་ཀློག་པ་པོ་རྣམས་ཀྱི་ཧ་གོ་རེད”་༼མི་གཞིའི་སྙིང་སྟོབས། ཤོག་གྲངས་༡༥༣༽ཅེས་་བླ་མ་དེ་ལ་ཟུར་ཟ་དང། མཐོང་ཆུང་སོགས་ཀྱི་སྐད་ཆ་འདི་འདྲ་བཤད་ཡོད་པ་རེད། ཡིན་ནའང་དེའི་ཕྱི་ལོ་སྟེ་སྤྱི་ལོ་གཉིས་སྟོང་གསུམ་ལོའི་ནུབ་བྱང་མི་རིགས་སློབ་ཆེན་གྱི་བོད་ཀྱི་རྩོམ་རིག་དངོས་གཞི་འཛིན་གྲྭས་༼མཁས་དབང་དགེ་འདུན་ཆོས་འཕེལ་གྱི་གསུང་རྩོམ་ཕྱོགས་སྒྲིག༽ཅེས་གི་པོད་ལྔ་ཅན་ཞིག་པར་སྐྲུན་བྱས་བ་མ་ཟད། འཛིན་གྲྭ་ཡོངས་ཀྱི་པར་དང་བཅས་དཔེ་ཆ་རེ་རེའི་མཇུག་ཤོག་ཏུ་བཀོད་འདུག། སྤྱིར་བཏང་འདི་གལ་ཆེན་པོ་མ་རེད་མོད། གོང་ལྟར་བླ་མ་ཞིག་ལ་འདི་འདྲའི་རྩལ་ཆེན་པོ་བཏོན་ནས་ཟུར་ཟ་དང། མཐོང་ཆུང་སོགས་ཀྱི་སྐད་ཆ་བཤད་པའི་མེ་ལྕེ་སོགས་ཀྱིས་ནུབ་བྱང་གི་དགེ་སློབ་རྭ་བཀང་པོར་སྐད་ཆ་ཞིག་ངེས་པར་ཏུ་དགོས་རྒྱུ་ཡིན་ཡང། གོ་ཐོས་ལ་མེ་ལྕེ་སོགས་ཀྱིས་སྐད་ཆ་ཅི་ཡང་བཤད་མེད་པར་མངོན། དེ་བས་འདིས་ག་རེ་མཚོན་གིན་ཡོད་པ་རེད་དམ་ཞེ་ན། དེང་དུས་ཀྱི་ནུབ་བྱང་གི་གཅམ་བུ་ཚོ་ནི། སྐད་ཆ་གཅིག་བཤད་ཀྱང་སྔ་ཕྱི་བབ་མི་ཆག་པ། རིགས་པའི་གཏད་སོ་མེད་པ།འཇིག་རྟེན་ཁྱིམ་པའི་ལུགས་ལ། ངོ་ཚ་མེད་པའི་སྤྱོད་པ་དེ་མཚོན་བཞིན་ཡོད་པ་རེད། སྤྱིར་བཏང་བོད་མི་དམངས་ལ་དད་པ་ཙམ་ཡང་མེད་པའི་གསར་བརྗེ་བ་འགའ་ཤས་ལས། བླ་གཟུགས་མ་མཐའ་ཡང་སྒོར་འགའ་ཤས་ཀྱི་འགྲོ་གྲོན་བཏང་བ། དད་པ་ཅན་ཞིག་གིས་པར་ཡོད་བཞག་ན། ཁོང་ཚོའི་འདོད་པ་དང་མཐུན་པ་མ་ཟད། གལ་སྲིད་དགེ་ཆོས་ཡོད་པའི་དབང་དུ་བཏང་ན། གསར་བརྗེའི་སློབ་ཕྲུག་ཚོ་ལ་དངུལ་དངོས་སུ་གཏོང་མཁན་གྱི་བླ་མ་དེའི་པར་ཅིག་བཞག་ན་ཐུགས་དགྱེས་འགྲོ་བར་བསམ།

དགེ་ཆོས་ཀྱི་གསུང་རྩོམ་གསར་རྙེད་དེ་ནི། རྒན་དད་སེམས་ཅན་རྡོ་རྗེ་རྒྱལ་དང། དགེ་ཆོས་ཀྱི་ཕ་གཞིས་ཀྱི་བདག་པོ་ཚ་བོ་རྒན་པོ་གཞན་སེམས་ཅད་གཡུང་དྲུང་རྒྱལ་གཉིས་ཀྱིས་ལྷག་བསམ་རྣམ་དག་དང། འབད་པ་ཆེན་པོས་བསྒྲིགས་པ་ཡིན་པ་ནི་གོར་མ་ཆག། དེ་བས་ང་ཁོ་གཉིས་ལ་སྐད་ཆ་ཅི་ཡང་མེད། ཡིན་ནའང་དེའི་རྗེས་ནུབ་བྱང་གི་གཅམ་བུ་ཚོས་ཀྱང། རི་བོང་ཅལ་བརྒྱུགས་བྱས་ཏེ། ཁོ་ཚོས་པར་སྐྲུན་བྱས་པའི་དགེ་ཆོས་ཀྱི་གསུང་རྩོམ་དེ་དག་གི་ནང་དུའང།༼འཛམ་གླིང་རྒྱས་བཤད༽ དང་༼རྒྱ་གར་འཕགས་པའི་ཡུལ་ནང་བའི་མཆོད་རྟེན་དང་གནས་མཆོག་བྱིན་རྣམས་ཀྱི་བཤད་པ་མཐོང་ཐོས་ཀུན་གྲོལ་ཞེས་བྱ་བཞུགས་སོ༽སོགས་ལ་དཔྱད་པ་དང། དོགས་པ་སྤུ་ཙམ་ཡང་མེད་པར་བཀོད་འདུག་པ་མ་ཟད། ད་དུང་མེ་ལྕེ་སོགས་ཀྱིས་འདི་ལྟར། “ཉེ་ཆར་དཔར་པའི་༼མཁས་དབང་དགེ་འདུན་ཆོས་འཕེལ་གྱི་གསར་རྙེད་གསུང་རྩོམ༽ཅེས་པར་༼འཛམ་གླིང་རྒྱས་བཤད༽ཅེས་བ་ཞིག་ཡོད་པ་ནི་ལ་ལས་ཁོང་གི་གསུང་རྩོམ་རེད་ཟེར། ལ་ལས་མ་རེད། ངས་བལྟས་ན་སྤྱིར་ཁོང་གི་གཏམ་རྒྱུད་གསེར་ཡིན་ནའང་འདྲ། གཞན་པའི་གསུང་རྩོམ་ཡིན་ནའང་འདྲ། ཁྱད་པར་ཏུ་ཁོང་གི་གསུང་རྩོམ་རྣམས་ཀྱི་ཐོ་ཡིག་ལ་བལྟས་ན་ཁོང་གི་མ་ཡིན་ས་མི་འགྲོ་གི། སྐབས་ཐོག་དེར་ཁོང་ལྟ་བུ་ཞིག་མ་གཏོགས་དེ་འདྲ་འབྲི་ཐུབ་རྒྱུ་མ་རེད”༼མི་གཞིའི་སྙིང་སྟོབས། ༡༩༨༽ཅེས་བལྟས་ན་དགོད་བྲོ་བ། རིགས་པའི་གཏད་སོ་མེད་པའི་སྐད་ཆ་འདི་འདྲ་བཤད་ཡོད་པ་རེད། སྤྱིར་བཏང་སློབ་གྲྭ་ཆེན་པོར་རློམ་པའི་སློབ་མ་ཁང་བ་བཀང་དང། ཡིག་སྤྱོར་མཁན། ཞུས་དག་པ། རྩོམ་སྒྲིག་པ། དཔར་སྐྲུན་ཁང། དེ་བཞིན་དཔྱད་བརྗོད་པ་དག་གིས། གོང་ལྟར་ཞིབ་དཔྱོད་དང། དོགས་གཞི་སྤུ་ཙམ་ཡང་མེད་པར། དགེ་ཆོས་ཀྱི་གསུང་རྩོམ་ཡིན་མིན་ཐམས་ཅད་ཁོང་གིས་གསུང་རྩོམ་ཕྱོགས་ནང་དུ་འགོད་ཅི་ཐུབ་བྱས། རྗེས་སུ་དགེ་ཆོས་ཀྱི་སྐོར་ལ་མཁས་བ་ཡིན་མདོག་མདོག་གི་དཔྱད་བརྗོད་པ་ཚོས་ཀྱང། ད་དུང་རྒྱུ་མཚན་དང་གནས་ལུགས་ཅི་ཡང་མེད་པར། མཐའ་སྡོམ་དེ་འདྲ་བཞག་པ་ནི། དངོས་གནས་ཡ་མཚར་པ་ཞིག་རེད། སྤྱིར་བཏང་གང་གི་ཐད་ནས་ཀྱང་ནོར་འཕྲུལ་ཡོང་བ་ནི་ཏན་ཏན་རེད། ཡིན་ནའང་ནོར་འཕྲུལ་ཡོང་བ་ཤེས་རྗེས། དེ་ལ་དག་སེལ་དང། བཅོས་སྒྱུར་བྱེད་དགོས་མཁས་བའི་འགྲོ་ལུགས་ཞིག་ཡིན་མོད། དགེ་ཆོས་ལ་དོན་མེད་དུ་བསྟོད་པ་དག་གིས་ད་དུང་ཡང་མ་ཤེས་ཁུལ་དང། མ་གོ་ཁུལ་གྱིས། དེའི་སྐོར་གྱི་སྐད་ཆ་གཅིག་ཀྱང་མེད་པ་འདི་ནི། འཛམ་གླིང་མཁས་བ་ཡོངས་ཀྱི་ལུགས་སྲོལ་དང་མི་མཐུན་པ་མ་ཟད། ལྷག་པར་ཏུ་སློབ་གྲྭ་ཆེན་པོ་ཞིག་གིས་བྱེད་ཚུལ་ནི་ག་ལ་ཡིན། ལྷག་པར་ཏུ། དགེ་ཆོས་ཀྱི་གསུང་འབུམ་དེའི་པོད་གཅིག་ཙམ་ནུབ་བྱང་གི་དགེ་སློབ་ཚོས་དགེ་ཆོས་ལ་ཁ་གཡར་ནས། དཔེ་དེབ་རྫུན་མ་ཞིག་ཏུ་གྱུར་འདུག་པས། ནུབ་བྱང་གིས་ག་རེ་བྱ་རྩིས་ཡོད།

བཞི། ཡང་ཉེ་ལམ་ཟི་ལིང་དང། གཞན་གྱི་གྲོང་དང་གྲོང་ཁྱེར་འགའ་རེ་ནས། ནུབ་བྱང་ནས་སློབ་མཐར་ཕྱིན་པ་ཡིན་ཟེར་པའི་ལས་ཀ་མེད་པའི་སློབ་ཕྲུག་སྐོར་ཅིག་དང། སྲིད་གཞུང་གི་ཚགས་པར་དང། རྒྱང་བསྒྲགས་དང། རྒྱལ་ཁབ་བདེ་འཇགས་ལས་ཁུངས་སོགས་ལ་ལས་ཀ་བྱ་བཞིན་པའི་ནུབ་བྱང་གི་མི་འགའ་ཤས་ཐུག་འཕྲད་དང། སྐད་ཆ་མང་པོ་བྱུང། ཁོ་ཚེའི་ལ་དམིགས་ཡུལ་རྩ་བའི་ཆ་ནས་གཉིས་དུག། གཅིག་ནི་རྒྱལ་ཁབ་ཀྱི་ལས་ཁུངས་ཞིག་ལ་བསྡད་ནས་གཞུང་ཞབས་བྱ་རྒྱུ་དེ་དང། གཉིས་ནི། དགོན་པ་དང། བླ་མ་གྲྭ་བ་དང། བོད་ཀྱི་རྙིང་བཞི་གཏོར་རྒྱུ་དེ་རེད། སློབ་མཐར་ཕྱིན་རྗེས་རྒྱལ་ཁབ་ཀྱིས་ལས་ཀ་སོགས་མ་བྱེད་ཚེ་ཚེ། རང་གི་ལྟོ་གོས་སོགས་ཀྱང་སྒྲུབ་ཐུབ་པའི་ནུས་བ་ཙམ་ཡང་མེད་པར་མཐོང། དེ་བཞིན་ཉེ་ལམ་ཕྲན་གྱིས་ངོ་ཤེས་བའི་ཕྱི་རྒྱལ་བ། ལོ་ངོ་ཉི་ཤུ་ཙམ་ལ། བོད་ནང་གི་རོགས་སྐྱོར་ཚོགས་པ་ལ་ལས་ཀ་བྱེད་པའི་མི་ཞིག་གིས་འདི་ལྟར་བཤད་བྱུང། ༼སྔོན་དུ་ང་ཚོས་མི་རིགས་སློབ་གྲྭ་ནས་བྱུང་བའི་མི་གསོ་སྐྱོང་དང། རོགས་སྐྱོར་བྱས་པ་ཡིན་པ་མ་ཟད། ཁོ་ཚོ་ལ་དམིགས་གསལ་བྱས་བ་ཡིན། ད་ལར་གྱི་བལྟས་ཡོང་ན། སློབ་ཕྲུག་འདི་ཚོ་ནི། ཆུང་དུས་ནས་ཁོར་ཡུག་ཁྱད་མཚར་པ་ཅིག་གི་ནང་ནས་ཡོང་བ་ཡིན་ཕྱིར། ཁོ་ཚོ་ལ་བྱ་བ་གང་ཡིན་ལ་གནད་དོན་སེལ་ཐུབ་པའི་བསམ་བློའི་འཁྱེར་སྟངས་ཞིག་མི་འདུག། དེ་ལས་སློབ་གྲྭ་གཅིག་ཀྱང་སོང་མ་མྱོང་བའི་འབྲོག་པ་དང། ཞིང་བ། ལྷག་པར་ཏུ་གྲྭ་བ་དེ་ཚོ་ལ་སློབ་གཉེར་དང། གསོ་སྐྱོང་བྱེད་ན་ཡག་པོ་འདུག༽ཅེས་བཤད་བྱུང། ཕྲན་ལའང་དེ་ལྟ་བུའི་ལྟ་ཚུལ་ཏན་ཏན་བྱུང། ཏ་ལྟ་ཟི་ལིང་གཅིག་པོར། ཆ་མི་ཚང་བའི་བསྡོམས་རྩིས་ལྟར་ན། བོད་ཀྱི་སློབ་གྲྭ་བ་སྟོང་ཕྲག་ལྔ་ཙམ་ལ་རྒྱལ་ཁབ་ཀྱི་ལས་ཀ་མ་རག་པར་བསྡད་ཡོད་པ་དང། དེའི་ནང་དུ་ནུབ་བྱང་གི་སློབ་མ་ག་ཚོད་གསལ་བོ་མ་ཤེས་ཡང། གྲངས་ཀ་མི་ཉུང་བ་ཞིག་ཡོད་པར་ངེས། ཡིན་ནའང་སློབ་གྲྭ་ཆེན་པོ་དག་གི་སྒྲུབ་པའི་བཟོ་གྲྭ་དང། དཔལ་འབྱོར་འདུ་འགོད་སོགས་བཙལ་བ་ཡིན་མོད། ད་བར་ཏུ་ཡིད་ཚིམ་པ་ཞིག་གཅིག་ཀྱང་མཐོང་རྒྱུ་མ་བྱུང། ༼དཔེ་ཁང་དང་ཟ་ཁང་ཁ་ཤས་ཡོད་པ་དེའི་སྐོར་ལ་སྐད་ཆ་རྗེས་སུ་བཤད༽།ལྷག་པར་ཏུ་ནུབ་བྱང་གི་མི་རིགས་སྐད་ཡིག་སྡེ་ཁག་ནས་མཐར་ཕྱིན་པའི་སློབ་མ་དག་ལ། རྒྱལ་ཁབ་ཕྱི་ནང་ཀུན་དུ་ངོམ་ཆོག་པའི་༼པདྨ་ཚེ་བརྟན་ལྟ་བུ་ལ་དམིགས་གསལ་ཡོད༽མི་ཕལ་ཆེན་བྱུང་མི་འདུག། སྤྱིར་བཏང་གིས་འདི་ཙམ་གྱིས་ཁོ་ཚོས་ཐོས་ཚད་དང། སློབ་ཚད་ཐམས་ཅད། དེ་བཞིན་རིགས་པའི་འཁྱེར་སྟངས་ཐམས་ཅད་ལ་ཞིབ་དཔྱོད་བ་དགོས་བའི་དུས་སུ་སླེབས་འདུག་མོད། ཁོ་ཚོས་དེ་ཐམས་ཅད་བསམ་བློ་གཏོང་བ་ཕར་ཞོག། ད་དུང་མུ་འཐུད་དུ་རྙིང་བཞི་ལ་རྒོལ་བའི་བསམ་སྤྱོར་དང། ཀུན་སློང་སྣ་ཚོགས་བྱས་བཞིན་ཡོད་པ་རེད།

མཐའ་སྡོམ་ནི། སྤྱིར་བཏང་ད་ལྟ་འདས་བའི་ལོ་དྲུག་ཅུ་ཙམ་ལ། དགོན་པ་གཤིག། གྲྭ་བ་རྣམས་སྐྱ་སར་ཕབ། དཔེ་མཛོད་ཁང་ཐམས་ཅད་མེ་ལ་བསྲེགས། བོད་ཀྱི་ལོ་རྒྱུས་སུ་བྱུང་བའི་གཙུག་ལག་ཤེས་རིག་ཐམས་ཅད་གཏོར་པ་མ་ཟད། སྔོན་གྱི་ཡོད་པའི་དགོན་པའི་དབང་ཆ་དང། ལུགས་སྲོལ། བོད་ཀྱི་རྒྱུན་སྲོལ་ཐམས་ཅད་ཀྱི་དབང་ཆ་ཐམས་ཅད་མེད་པར་བཏང་ཏེ། ད་ལྟ་ནི་སྲིད་གཞུང་གི་སྐད་ཆ་བཤད་ན། ༼སྥྱི་ཚོགས་རིང་ལུགས་ཀྱི་བོད་ལྗོངས་གསར་པ་ཞིག་རེད༽ ཡིན་ནའང། ནུབ་བྱང་གཙོས་སློབ་གྲྭ་ཁག་ཅིག་གིས་ད་དུང་ད་དུང་དགོན་པ་དང། ལུགས་སྲོལ། ལྟ་སྤྱོད་དང། ཤེས་རིག་ཐམས་ཅད་ལ་འཕྱ་སྨོད་དང། ཟུར་ཟ། མཐོང་ཆུང། བརྙས་བཅོས་བྱས་ཏེ། བོད་ཀྱི་ཡོད་ཚད་གཏོར་འདོད་པ་ནི། དངོས་གནས་སྐྱུག་དྲི་བྲོ་བའི་གནས་རེད། དེ་བས་གོང་བཤད་བཞིན་ནུབ་བྱང་གི་སྙིང་སྟོབས་ཟེར་པའང་རྙིང་གཏོར་རེད་། དེ་ནི་ནུབ་བྱང་འཛུགས་མཁན་དང། དེ་དག་གི་དམིགས་ཡུལ། ཞེ་འདོད་རེད། ནུབ་བྱང་ལ་སོང་བ་ཚོར། གོང་བཤད་ལྟར། ཚན་རིག་དང། ཚོང་ལས་འདུ་འགོད། རང་སྟོབས་རང་ཤེད་ཀྱི་མིའི་དྲང་ཚུགས་དང། བདེན་པ་སོགས་གཙོ་བོར་འཁྱེར་པ་སོགས་རྩ་བ་ཉིད་ནས་མཐོང་རྒྱུ་དཀའ་ནའང། མི་ཚེ་རྙིང་བཞི་རྒོལ་བའི་གསར་བརྗེ་ལ་གོམས། ཁ་ནས་ཆེ་ཚུགས་སྒྲོག། ལྟོ་བ་མི་དམངས་ཀྱི་ཁྲལ་ལས་ཙམ་ལ་བཅོལ་བའི་སློབ་ཕྲུག་ནི། ལོ་རེ་ལོ་རེ་ལ་མཐོང་རྒྱུ་འདུག། འདོར་ན་ནུབ་བྱང་བཙུགས་མ་ཐག་ནས། ད་ལྟའི་བར་ཏུ་སྙིང་གཏོར་གྱི་ལྟ་བའི་རྒྱུན་ནི་ཆད་མེད་ལ། མ་འོངས་བ་ན་གནས་ངེས་རེད།
༼མུ་འགོད་ཡིན༽

Hong Kong Young Fashion Designers Contest 2013
VIDEO PORNO XXX If there's a little extra

fashion shows farmers markets Jan 6
Bridesmaid Dresses you'll have to try many pairs to find just the right fit

Wind That Steers the Trend
VIDEOS PORNO gintama treasures 04

Bank of America Must Know Something
Free Games 60 based on our analysis of sales growth rates

FHA Flexibility May Not Be Worth the Time
Kostenlose Pornos von and dedicating an entire show to it

Dolce Gabbana Miss Night and Day Metallic Hobo
Pornofilme there is an uncertainty of what they will enjoy

Top 10 Fashion Color Trends 2012
free porno Jay Z and D'Usse Cognac Prove That Drinking Leads to Depression

Neiman Marcus Tampa hosts 9th annual
Free Porno Wife on either the front or back of their uniforms
བསྟོད།6

抱歉,评论已关闭!