དགག་གཞག་གི་ཚུལ་དུ་ཅུང་ཙམ་གླེང་བ།

ཐང་དགོན་འཇམ་དབྱངས།

མཚམས་སྤྲིན་དམར་པོའི་མདངས་ལྡན་མཚན་དཔེ་རྫོགས།།
བདེན་གཉིས་གནས་ལུགས་བཀྲལ་ལ་འཇམ་སྙན་དབྱངས།།
ཆོས་བཅུའི་རང་བཞིན་ངེས་པའི་མཁྱེན་རབ་ཅན།།
བདག་ལ་བརྩེ་བས་མ་དོར་རྟག་སྐྱོང་མཛོད།།

དེ་ཡང་སྤྱིར་དེང་གི་དུས་འདིར་ལྟ་གྲུབ་ཀྱི་རྣམ་གཞག་གྲངས་ཀྱིས་མི་ཆོད་པ་ཞིག་ཡོད་མོད་ཀྱི་ཐམས་ཅད་ཚད་མ་ཡིན་པ་ནི་སུ་ཡིན་ཀྱང་དམ་བཅའ་བར་མི་ནུས་སོ། དེས་ན་སྟོན་པ་རེ་ཡི་རྗེས་སུ་འབྲང་བའི་སྐྱེ་བོ་མི་ཉུང་བ་རེ་བྱུང་ཞིང་། དེ་དག་གིས་ཀྱང་སོ་སོའི་སྟོན་པ་གང་ཡིན་པ་དེ་སྐྱོན་གྱིས་མ་གོས་པའི་སྟོན་པ་ཡང་དག་ཁོ་ནར་བརྩིས་ཏེ་གང་གིས་གསུངས་པའི་གཞུང་ཚང་མ་ནི་རྡོ་རྗེའི་བཀའ་ལུང་ཤ་སྟག་ཏུ་འཛིན་སྲོལ་ཞིག་འཛམ་གླིང་ཡུལ་ཕྱོགས་མང་པོ་ཞིག་ལ་དར་ཁྱབ་བྱུང་། རྒྱུ་རྐྱེན་དེ་དག་ལ་བརྟེན་ནས་རིམ་ཞིན་ལྟ་གྲུབ་ཕན་ཚུན་དབར་ལ་བཞེད་དོན་མི་མཐུན་པས་དབང་གིས་དགག་གཞག་གི་བསྟན་བཅོས་ཀྱང་མང་དུ་དར། ་དེ་ལྟར་དུས་ཡུན་རིང་པོ་ཞིག་གི་ནང་དུ་རྩོད་གླེང་བྱས་པར་རྒྱུད་བསམ་ཡུལ་ལས་འདས་པའི་གྲུབ་འབྲས་དང་ཐག་ཆོད་མང་ཙམ་ཐུབ་ཡོད་ལ་ཕྱོགས་སུ་ལྷུང་བའི་རིགས་པ་ཞིག་བེད་སྤྱད་སྟེ་ཡིད་སྐྱོ་བའི་ལས་རིམ་ཡང་མང་དུ་བྱུང་ཡོད། དེ་དག་ཀྱང་སྟོན་པ་མི་གཅིག་པ་ཁོ་ན་ནས་བྱུང་བ་མ་ཡིན་པར་སྟོན་པ་གཅིག་གི་ལྟ་གྲུབ་གྱི་ནང་ཚན་ནས་ཀྱང་མང་དུ་བྱུང་ཡོད་པར་སྣང་། དཔེར་ན། ནང་པ་སངས་རྒྱས་པའི་ལྟ་གྲུབ་ཀྱི་ནང་ཚན་བཞི་རུ་དབྱེ་བ་དང་གྲངས་ཅན་པའི་གྲུབ་མཐའི་ནང་ཚན་གཉིས་སུ་དབྱེ་བ་ལྟ་བུའོ།། དེས་ན་གྲུབ་མཐའ་གང་ཞིག་ཡིན་རུང་རང་གིས་བསྟན་བྱའི་དོན་ཡོངས་སུ་རྫོགས་པར་ཚད་མ་ཡིན་པར་དམ་བཅའ་བ་ནི་སུས་ཀྱང་རིགས་པར་མི་འགྱུར་རོ།

སྟོན་པ་རེ་ལ་རྡོ་རྗེའི་བཀའ་ལུང་རེ།།
རྡོ་རྗེའི་བཀའ་རེ་གནས་ལུགས་ཟབ་མོ་རེ།།
གནས་ལུགས་ཟབ་མོ་སྟོང་གི་དྲྭ་བའི་དབུས།།
རྡོ་རྗེའི་བཀའ་ལུང་ཐེ་ཚོམ་ཡུལ་དུ་གྱུར།

སྤྱིར་ལྟ་གྲུབ་ཡོད་མེད་གང་ཡིན་རུང་བརྗོད་གཞི་ཟབ་མོར་ཞིག་ནས་གླེང་དགོས་ན་དགག་གཞག་གཉིས་ཀྱིས་སྒོ་ནས་གསལ་བཤད་བྱེད་དགོས་ཤིང་། མཁས་པ་སུ་ཞིག་ཡིན་ཀྱང་གནས་ལུགས་གཏན་ཏུ་དབབ་པ་ལ་དགག་གཞག་ཟེར་པ་དེ་མེད་ཐབས་མེད་པའི་ཆ་རྐྱེན་གལ་ཆེན་གྱི་གྲས་ཤིག་ཡིན། འོན་ཀྱང་དགག་གཞག་ཞེས་པ་དེ་བརྗོད་བྱ་གལ་ཆེན་ཞིག་ཡིན་པས་ན་གང་བྱུང་དུ་སྨྲ་བ་ཙམ་གྱི་འཐད་པར་མི་སེམས་སོ།། དེས་ན་སྐབས་འདིར་དགག་གཞག་བྱ་ཚུལ་གྱི་སྐོར་ལས་ཅུང་ཙམ་གླེང་པ་ལགས་ན། དེ་ཡང་དང་པོར་གཞན་ལུགས་དགག་ཚུལ་དང་རང་ལུགས་འཇོག་ཚུལ་གཉིས་ནས། དང་པོ་ལ་གཞན་ལུགས་དགག་པ་དང་རང་ལུགས་བཞག་པའོ།

དང་པོ་ལ། མཁས་པ་་ཁ་ཅིག། བྱེ་བྲག་ཏུ་མ་ཕྱེས་པར་ཆོས་ལུགས་ཀྱི་འཇིག་རྟེན་ཐམས་ཅད་ཕྱོགས་གཅིག་ཏུ་འདུས་ཏེ་ཆོས་ལུགས་གང་ཡང་རུང་བ་ཞིག་སྐྱོན་ཡོད་པ་ལ་བརྟེན་ནས་ཆོས་ལུགས་སྐྱོན་ཅན་དུ་སྨྲས། ཡང་ཁ་ཅིག་ཚན་རིག་པའི་ནང་ཚན་གྱི་དབྱེ་བ་མི་འབྱེད་པར་རིང་ལུགས་དེ་འཛིན་པ་པོ་ཞིག་གིས་ནོར་འཁྲུལ་ཤོར་བ་ལ་བརྟེན་ནས་ཚན་རིག་གྱི་ལྟ་གྲུབ་ལ་ནོར་འཁྲུལ་ཡོད་པ་སྨྲས།

དང་པོ་དེ་ལ་དཔྱད་པ་འདི་ཡོད་དེ། ཆོས་ལུགས་ཟེར་བ་དེ་སྤྱི་མིང་ཙམ་ཞིག་ཡིན་ཞིང་། དེ་ཡི་བྱེ་བྲག་སོ་སོར་དབྱེ་ན་ཕན་ཚུལ་དབར་ལ་འདོད་ཚུལ་མི་འདྲ་བ་མང་དུ་ཡོད་ལ། ཁས་ལེན་དངོས་འགལ་དུ་སོང་བ་ཡང་མང་དུ་ཡོད། དེས་ན་ཆོས་ལུགས་བྱེ་བྲག་པ་ཞིག་སྐྱོན་ཡོད་པ་ཙམ་གྱིས་ཆོས་ལུགས་ཀྱི་གྲུབ་མཐའ་ལ་སྐྱོན་ཡོད་པར་འཇོག་མི་རིག་སྟེ། དཔེར་ན། རྒྱལ་ཁབ་ཞིག་གི་ནང་དུ་དྲག་སྤྱོད་རིང་ལུགས་ཀྱི་ཚོགས་པ་ཞིག་ཡོད་པ་ལ་བརྟེན་ནས་རྒྱལ་ཁབ་དེ་དྲག་སྤྱོད་རིངས་ལུགས་སུ་འཇོག་མི་རིགས་པ་ལྟ་བུའོ། དེ་བཞིན་ཏུ་ཕྱི་མ་ཡང་མཚུངས་ཏེ་ཚན་རིག་གི་སྤྱི་ཚོགས་ཁྲོད་དུ་བློ་ཕྱོགས་སུ་ལྷུང་བ་མང་དུ་ཡོད་ཀྱང་། སྤྱིར་ཚན་རིག་པའི་ལྟ་གྲུབ་ལ་ཕྱོགས་ལྷུང་གིས་སྐྱོན་ཡོད་པར་རྩ་བ་ནས་འཇོག་མི་རིགས་སོ།

ཡང་ཁ་ཅིག། ཆོས་ལུགས་ཀྱི་ནང་ཚན་སོ་སོར་ཕྱེས་པ་ཙམ་བྱེད་ཅིང་། ཕྱི་རོལ་གྲངས་ཅན་པ་ལྟ་བུ་ཞིག་ལ་གཞི་འཛིན་ཅིང་ལྷ་ཡོད་པར་བསྟན་པ་ལ་ནོར་འཁྲུལ་ལམ་སྐྱོན་ཅན་དུ་བརྗོད་སྟེ་གྲངས་ཅན་པའི་གྲུབ་མཐའ་ལ་སྐྱོན་ཡོད་པར་གསལ་བཤད་བྱས་། དེ་ཡང་མི་འཐད་དེ། ཕྱི་རོལ་གྲངས་ཅན་པའི་རིང་ལུགས་ལ་ལྷ་མེད་པར་སྨྲ་བ་ཡང་དུ་མ་ཡོད་པས་སོ། དཔེར་ན། ཚན་རིག་པའི་སྐྱེ་བ་སྔ་ཕྱི་ཁས་ལེན་དང་མི་ལེན་ཟེར་བའི་དྲི་བ་དེ་ལ། མཐའ་གཅིག་ཏུ་ཁས་ལེན་པ་ཡང་མ་ཡིན་ལ་མི་ལེན་པ་ཡང་མ་ཡིན། དེས་ན་ཐེ་ཚོམ་དུ་འཇོག་དགོས་ཀྱི་ཐག་གཅོད་ཐུབ་པའི་ལན་ཞིག་བློ་གཟུ་བོར་གནས་པ་རྣམས་ཀྱིས་འདེབས་མི་ཐུབ། འོན་ཀྱང་གང་ཟག་སོ་སོ་བ་ཞིག་ལ་མཚུངས་ན་ཡོད་པ་དང་མེད་པ་གཉིས་ཀར་ཐག་གཅོད་བྱེད་ཐུབ། ཡིན་ན་ཡང་དེ་ལྟ་བུའི་རིགས་པ་བྱེ་བྲག་པ་ཞིག་གིས་ཁས་ལེན་དངོས་འགལ་དུ་སོང་བར་སྒྲུབ་མི་ནུས་སོ།

འཇིག་རྟེན་ན་སྙན་གྲགས་ཆེ་བའི་མཁས་པ་ཁ་ཅིག། ཆོས་ཟེར་བ་དེ་དུག་ཡིན་པར་སྨྲས་ཤིང་། དེ་ཡི་རྒྱུ་མཚན་ནི་མི་རིགས་འཕེལ་རྒྱས་འགྲོ་བ་ལ་ཧ་ཅང་གནོད་པ་དང་མི་ཚེ་འདི་ལ་ཡར་རྒྱས་འགྲོ་བར་གནོད་དོ་ཞེས་དོན་མཚན་གཉིས་བཀོད་ཡོད། དགག་ཚུལ་དེ་ཡང་མི་འཐད་དེ། དང་པོ་ལ་འདི་ལྟར་ཏེ། ཆོས་ལུགས་ཀྱིས་མི་རིགས་འཕེལ་རྒྱས་འགྲོ་བ་མི་གནོད་དེ། ཆོས་ལུགས་དར་ཁྱབ་ཆེ་བའི་རྒྱལ་ཁབ་རྒྱ་གར་དང་རྒྱ་ནག་ལྟ་བུ་ལ་མཚུངས་ན་ད་ལྟ་འཛམ་བུ་གླིང་འདི་ཡི་སྒང་དུ་མི་འབོལ་མང་ཤོད་ཀྱི་གྲལ་དུ་འགྲོ་བཞིན་པ་འདི་ཡི་རྟགས་ལ་བརྟེན་ནས་ཀྱང་སྒྲུབ་ཐུབ་པ་སེམས་ཤིང། གཞན་ཡང་ཆོས་ལུགས་ཁག་ཅིག་གིས་མི་རིགས་འཕེལ་རྒྱས་འགྲོ་བ་ལ་ཕན་ཐོགས་བྱེད་ཀྱི་ཡོད། དཔེར་ན། ཁ་ཆེའི་ཆོས་ལུགས་པ་རྣམས་ཀྱིས་མི་རིགས་འཕེལ་རྒྱས་འགྲོ་བ་ལ་ཧ་ཅང་ཕན་པོ་ཡོད། ཇི་ལྟར་ཕན་ཞེ་ན། སྟོན་པ་དེ་ཡི་རིང་ལུགས་པ་རྣམས་ཀྱིས་མི་རིགས་གོང་འཕེལ་གཏོང་དགོས་པའི་བསྐུལ་མ་བྱ་ཞིང་།བུ་ཕྲུག་གསོ་སྐྱོང་བྱེད་མི་ཐུབ་བའི་དབུལ་བོ་ཚོའི་བུ་ཕྲུག་དེ་དག་དགོན་པ་རུ་སྐད་བཏང་ཏེ་ལྟ་སྐྱོང་བྱེད་ཀྱི་ཡོད། དེས་ན་ཆོས་ལུགས་གང་ཡང་རུང་བ་ཞིག་གིས་མི་རིགས་འཕེལ་རྒྱས་འགྲོ་བར་ཕན་ན་ཆོས་ལུགས་ཀྱིས་མི་རིགས་འཕེལ་རྒྱས་འགྲོ་བར་ཕན་པར་འཇོག་མི་རིགས་ན།ཆོས་ལུགས་གང་ཡང་རུང་བ་ཞིག་གིས་མི་རིགས་འཕེལ་རྒྱས་འགྲོ་བ་ལ་གནོད་ཀྱང་ཆོས་ལུགས་ཀྱིས་མི་རིགས་འཕེལ་རྒྱས་འགྲོ་བར་གནོད་པ་འཇོག་མི་རིགས་པའང་རྒྱུ་མཚན་མཚུངས་སོ། ཡང་དེ་ལས་ལྡོག་སྟེ་བཤད་ན་མི་རིགས་འཕེལ་རྒྱས་ཟེར་བ་དེ་ཡང་དེ་ཙམ་གྱི་གལ་ཆེན་ཞིག་ཏུ་མི་སྣང་སྟེ། དེང་སང་འཛམ་གླིང་ཤར་ནུབ་ཀུན་ཏུ་གཞུང་འབྲེལ་གྱི་སྨན་ཁང་ཁག་ནས་བུ་མེད་སྐྱེས་སྒོ་འགོག་པའི་ལས་འགུལ་ཞིག་སྤེལ་དང་སྤེལ་བཞིན་པ་ཡིན། དེ་ནི་མི་རིགས་འཕེལ་རྒྱས་འགྲོ་བའི་འགལ་རྐྱེན་ཆེ་གྲལ་ཞིག་ཡིན་པ་སྨྲོས་མེད་རེད། རྒྱུ་མཚན་དེ་ལ་བརྟེན་ནས་ས་སྒང་འདིར་མི་འབོར་མང་དྲག་པ་བསྟན་གྱི་ཡོད། མདོར་ན་འཇིག་རྟེན་འདི་ཡི་ཐོག་ཏུ་མི་འབོར་ཇི་ཙམ་མང་བ་དེ་ཙམ་གྱི་ཕྱིའི་དཔལ་འབྱོར་ལ་སོགས་པའི་དཀའ་ངལ་རྣམས་འཕེལ་གྱི་ཡོད། རྒྱུ་རྐྱེན་དེ་དག་ལ་བརྟེན་ནས་འཕྲོག་བཅོམ་དང་དམག་འཁྲུག་སོགས་འཚེ་བའི་རིགས་མཐའ་དག་རང་བཞིན་གྱིས་འཕེལ་གྱི་ཡོད། ཇི་ཙམ་གྱི་མི་འབོར་ཉུང་བ་ཡོད་ན་དེ་ཙམ་གྱི་མཐུན་རྐྱེན་བཟང་བ་དང་བརྩེ་བ་ཟབ་པ།ཞི་བདེ་ཆེ་བ་ཡོང་གི་ཡོད། དེས་ན་སྤྱིར་འཛམ་གླིང་ལ་མི་མང་བ་ལས་ཉུང་ན་དགེ་མཚན་ཆེ་བ་ཡོད།

གཉིས་པ་དེ་ལ་དཔྱད་པ་འདི་ཡོད་དེ། མི་ཚེ་འདི་ཡར་རྒྱས་འགྲོ་བ་ལ་འགྲེལ་བཤད་ཇི་ལྟར་མང་ཡང་འཇིག་རྟེན་འདི་ལས་མ་འདས་པའི་དབང་དུ་བྱས་ཏེ་བཤད་ན། ནོར་ལོངས་སྤྱོད་དང་། མིང་སྙན་གྲགས། དབང་ཐང་གོ་ས་སོགས་གཙོ་བོ་ཡིན། དེ་དང་ཆོས་ལུགས་ཀྱི་བར་ལ་མཐུན་པའི་ཆ་གང་ཡོད་དང་མི་མཐུན་པའི་ཆ་གང་ཡོད་ཀྱི་སྐོར་ལས་ཅུང་ཙམ་ཞིག་གླེང་བར་བྱ་ཞིང་། དེ་ཡང་ཐོག་མར་ཆོས་ལུགས་ཟེར་བའི་ཐ་སྙད་དེ་ཁས་བླངས་ཀྱང་རུང་མ་བླངས་ཀྱང་རུང་གལ་གནད་ཆེན་པོ་མིན། གཙོ་བོ་དོན་གྱི་ཆ་ནས་གནས་མི་གནས་ལ་ལྟ་དགོས། དོན་དངོས་ཐོག་གོང་སོང་གི་ཆ་རྐྱེན་དེ་དག་ཆོས་ལུགས་ཀྱི་འཇིག་རྟེན་ཁག་ནས་མང་བ་ཡོང་གི་ཡོད། དཔེར་ན། ཆོས་ཟེར་བ་དེ་དུག་དུ་སྨྲ་བ་པོ་ཉིད་ཀྱིས་ཀྱང་ནང་པ་སངས་རྒྱས་པའི་མདོ་ལས་གསུངས་པའི་ཉམས་ལེན་གྱི་རིགས་མང་པོ་ལག་སྟར་བྱེད་ཀྱི་ཡོད། དཔེ་མཚུངས་ཙམ་ཞིག་ཞུས་ན། འཛན་གླིང་ལ་སྙན་གྲགས་ཆེ་བའི་མི་སྣ་ཞིག་གིས་སྟོད་ཐུང་ཕུ་ཁ་འཐད་པ་ཞིག་གྱོན་ཡོད་ཟེར། དེ་ནི་ཐ་སྙད་གང་ཞིག་བཏགས་རུང་དོན་གྱི་ཆ་ནས་ནང་ཆོས་ནས་བཤད་པའི་ཆོག་ཤེས་ཟེར་བ་དེ་ཡིན། དེ་ལྟ་བུའི་དཔེར་བརྗོད་མཐ྄འ་ཡས་བ་ཡོད་ཀྱང་འདིར་དེ་ཙམ་ལས་མ་བྲིས། མདོར་ན་དྲང་བདེན་གྱི་བྱ་བ་གང་བྱས་བ་དེ་ནི་ཆོས་ལུགས་ཁག་གིས་ཉམས་ལེན་གྱི་ཕྱི་རུ་མི་འདས་སོ། གཞན་ཡང་ཆོས་ལུགས་ཀྱི་མི་ཚེ་འདི་ཡར་རྒྱས་འགྲོ་བ་ལ་མི་གནོད་དེ། ཆོས་ལུགས་ཀྱི་འཇིག་རྟེན་ནས་དངོས་སུ་ཚར་ལོང་བྱུང་བའི་རྒྱ་གར་གྱི་མཁས་དབང་གན་དྷི་ལྟ་བུ་ལ་ཆ་མཚུངས་ན་མི་ཚེ་དེ་ལ་ཡར་རྒྱས་ཇི་ཙམ་སོང་ཡོད་མེད་ཐོག་དོག་པ་ཙམ་ཡང་བྱེད་མི་དགོས་ཀྱང་དེ་ནི་ཆོས་ལུགས་དང་འབྲེལ་བ་དམ་ཟབ་ཡོད་པར་སྣང་། རྒྱུ་མཚན་ནི།ཉིད་ནས་བདག་ལ་གཞན་དང་མི་འདྲ་བའི་ཁྱད་པར་གང་ཡོད་ཞེ་ན། ལྷ་མཆོག་ལ་ཡིད་ཆེས་གཞན་ལས་ཆེ་བ་ཡོད་གསུངས་བ་དེས་སོ། འོ་ན་ནང་པ་སངས་རྒྱས་པས་འཇིག་རྟེན་ཆོས་བརྒྱད་སྤོང་དགོས་ཟེར་པ་དེ་གང་ཡིན་ཞེ་ན། དེ་ནི་སྙན་འདོད་དང་གྲགས་འདོད་ལ་སོགས་པའི་ཆོས་བརྒྱད་པོ་དེ་སྤངས་དགོས་པ་ལུང་དེ་ཡི་དོན་ཡིན་གྱི་སྙན་པ་དང་གྲགས་པ་ལ་སོགས་པ་སྤངས་དགོས་པ་ནི་ལུང་དེའི་དོན་མ་ཡིན་ནོ།།

གཉིས་པ་རང་ལུགས་བཞག་པ་ནི། ཁོ་བོས་ནི་གཞན་ལུགས་དགག་པ་ལ་ངེས་པར་དུ་ཆ་རྐྱེན་གསུམ་སྔོན་དུ་འགྲོ་དགོས་པ་སེམས་ཏེ། ཆ་རྐྱེན་གསུམ་ནི་རང་གིས་དགག་བྱའི་གཞུང་དེ་ཡི་བཞེད་དོན་གང་ཡིན་པ་དེ་དེ་བཞིན་དུ་ངེས་པ་དང་། དེར་གནོད་བྱེད་ཀྱི་རྒྱུ་མཚན་ཡང་དག་མཐོང་བ། ཕྱོགས་ལྷུང་གི་རིགས་པའི་ཟུར་ཆ་ཙམ་ཡང་མ་གོས་པ་བཅས་སོ། ཚིག་རྐང་དང་པོ་དགོས་ཏེ། གཞུང་གང་ཞིག་ཡིན་རུང་དེ་ཡི་བསྟན་དོན་འཐད་མིན་ལྟ་བ་ལ་གཞུང་དེའི་བརྗོད་དོན་རྟོགས་པ་སྔོན་དུ་འགྲོ་དགོས། དེ་ལྟར་མ་སོང་ན་ལུགས་དེ་ཡང་དག་པ་དང་མ་དག་པ་གང་དུ་ཡང་བརྗོད་པར་མི་ནུས་པས་སོ། ཚིག་རྐང་གཉིས་པ་དགོས་ཏེ། གཞུང་དེ་ཡི་བསྟན་བྱའི་དོན་ཚུལ་བཞིན་རྟོགས་ཀྱང་དེར་གནོད་བྱེད་ཀྱི་རྒྱུ་མཚན་ཡང་དག་མེད་ན་ལུགས་དེ་སྐྱོན་ཅན་དུ་སྒྲུབ་མི་ནུས། ལུགས་དེ་འགོག་པ་ལ་དེ་སྐྱོན་ཅན་ཞིག་དུ་གསལ་བཤད་བྱེད་དགོས་ཀྱི་ལུགས་དེ་སྐྱོན་ཅན་མ་ཡིན་ན་དེར་དགག་པ་དོན་མེད་པས་སོ། ཚིག་རྐང་གསུམ་པ་ཡང་དགོས་ཏེ། ལྟ་གྲུབ་གྱི་རྣམ་གཞག་འབྱེད་པ་ལ་རང་ཕྱོགས་དང་གཞན་ཕྱོགས་གཉིས་སུ་མ་ལྷུང་བར་ལེགས་ཉེས་བླང་དོར་བྱེད་ནུས་པ་ཞིག་དགོས་ཀྱི་ཆགས་སྡང་གིས་གཞན་དབང་དུ་གྱུར་ཏེ་ཕྱོགས་ལྷུང་གི་རིགས་པའི་རྗེས་སུ་འབྲངས་ཤིང་རང་རེས་གང་བཤད་པ་ཐམས་ཅད་བདེན་པ་ཡིན་དགོས་པ་དང་དེ་དང་འགལ་བ་ཚང་མ་རྫུན་པ་ཡིན་དགོས་ཟེར་པ་ནི་ཨུ་ཚུགས་ཙམ་གྱི་ཟད་དོ།

གཉིས་པ་རང་ལུག་འཇོག་ཚུལ་བཤད་པ་ལ་གཉིས་ཏེ། གཞན་ལུགས་དགག་པ་དང་རང་ལུགས་བཞག་པའོ དང་པོ་ལ་མཁས་པ་ཁ་ཅིག། ས་གཡོ་བ་དང་ཆུ་ལོག་པ་ལ་སོགས་རང་འབྱུང་ཁམས་ཀྱིས་གནོད་འཚེ་ལ་བརྟེན་ནས་སེམ་ཅན་རྣམས་ལ་བར་ཆད་འམ་དཀའ་ངལ་བྱུང་བའི་རྟགས་ཀྱིས་ལྷ་དྲེ་མེད་པ་སྒྲུབ། སྤྱིར་སྨྲ་བརྗོད་རང་དབང་ཡིན་པས་ན་དེ་ལ་དགག་པ་བྱ་བར་མི་འཐད་ཀྱང་། བསྟན་དོན་དེ་བཞིན་འཇོག་རིགས་མིན་ཐོག་དཔྱད་བརྗོད་སྤེལ་བ་ནི་སྤྱི་འགྲོས་ཡིན། དེས་ན་དེ་ལ་དཔྱད་པ་འདི་ཡོད་དེ། ལྷ་འདྲེ་ཟེར་བ་དེ་རྩོད་གཞི་ཅན་ཞིག་ཡིན་མོད་ཀྱི་དེ་མེད་པར་སྒྲུབ་བྱེད་ལས་ཡོད་པར་སྒྲུབ་བྱེད་མང་བ་ཡོད། གལ་ཏེ་མེད་པར་སྒྲུབ་མཁན་ཞིག་ཡིན་ན་ཡང་གོང་གིས་རྒྱུ་མཚན་དེ་དག་གིས་ནམ་ཡང་སྒྲུབ་མི་ཐུབ་སྟེ། དཔེར་ན། ཡོད་པའི་དབང་དུ་བཏང་ན་ཡང་རང་འབྱུང་ཁམས་ཀྱིས་གནོད་འཚེ་དེ་དག་རྩ་བ་ནས་འགོག་མི་ཐུབ། སྐད་གཅིག་མའི་ངོས་བོར་གྱུར་པའི་ནུས་ཁྱམས་ཞིག་ལས་གྲུབ་བའི་ཕྱི་སྣོད་ཀྱི་འཇིག་རྟེན་འདི་མི་འཇིག་པར་སུ་ཡིས་ཀྱང་ཚོད་འཛིན་མི་ཐུབ་ལ་གཡོ་བའི་རང་བཞིན་ཅན་གྱི་གློག་རླབས་ཤིག་ལ་མི་གཡོ་བར་དབང་སྒྱུར་ཐུབ་པའི་སྐྱེས་བུ་ཞིག་གང་ལ་སྲིད། དེས་ན་རྟགས་དང་སྒྲུབ་བྱ་འབྲེལ་མེད་དོན་གཞན་དུ་སོང་ཞིང་རང་ལུགས་དེ་ལྟར་བཞག་ཀྱང་དགོས་པས་ཕོང་ངོ་།

ཡང་ཁ་ཅིག། ལྷ་འདྲེ་ཟེར་བ་དེ་ནི་བོད་པས་གསར་བསྟོད་ཁོ་ནར་ཡིན་པར་སྨྲས། དེ་ལྟར་བརྗོད་པ་ནི་སྨྲ་བ་པོ་ཐོས་བསམ་གྱིས་དབུལ་པ་ཤིན་ཏུ་གསལ་ཏེ། ཨ་ཧྥི་རི་ཀ་དང་། ཨེ་ཤེ་ཡ། ཨ་མི་རི་ཀ་སོགས་གླིང་ཕྲན་གསུམ་གྱི་ནང་དུ་དར་པའི་ལྟ་གྲུབ་ཀྱི་རིགས། ཧིན་དྷི་དང་། ཡེ་ཤུ། ནང་པ། ཁ་ཆེའི་ཆོས་ལུགས། ཨ་ཧྥི་རི་ཀའི་གདོང་མའི་ཆོས་ལུགས་སོགས་ལྷ་འདྲེ་ཁས་ལེན་མཁན་དེ་དག་ཐམས་ཅད་ཀྱི་སྔ་རོལ་དུ་བོད་པས་ལྷ་འདྲེ་གསར་བསྟོད་བྱས་ཟིན་ཅིང་།དེ་ནས་ལྟ་གྲུབ་དེ་དག་ལ་ཁྱབ་བར་འདོད་དགོས་ཤིང། དེ་ལྟར་སྨྲ་བ་ནི་སུས་ཀྱང་ཁས་ལེན་པར་མི་རིགས་པས་ངག་འཁྱར་འབའ་ཞིག་ཏུ་ཐལ་ལོ།

ཡང་ཁ་ཅིག།། བོད་པ་ཚོས་ད་ལྟའི་བར་དུ་སྐྱབས་གནའ་བོ་ཁོ་ན་ལ་བཅོལ་དགོས་པ་སྨྲས་ཡོད་ཟེར། སྤྱིར་བོད་ཀྱི་མི་རིགས་འདི་ཆོས་རྒྱལ་མེས་དབོན་རྣམ་གསུམ་ནས་བཟུང་སྟེ་ད་ལྟའི་བར་ནང་པས་ཆོས་ལུགས་དར་ཁྱབ་ཆེན་པོ་སོང་སྟེ་བོད་མི་རྒྱ་ཆ་དགུ་བཅུ་ཙམ་གྱིས་ནང་ཆོས་ལ་ཡིད་ཆེས་བྱེད་ཀྱི་ཡོད། གོང་གིས་དམིགས་ཡུལ་དེ་ཡང་བོད་མི་ནང་པ་དེ་དག་ལ་གཙོ་བོ་ཟེར་གྱི་ཡོད། ཁྱོད་ཀྱིས་སྨྲས་པའི་སྐྱབས་གནས་ཟེར་བ་དེ་མཐར་ཐུག་གི་སྐྱབས་གནས་ཀྱི་དབང་དུ་བྱས་པ་ཡིན་ནམ་གནས་སྐབས་ཀྱི་སྐྱབས་གནས་ལ་ཟེར་བ་ཡིན། དང་པོ་ལྟར་ན་མི་འཐད་དེ། ནང་པ་སངས་རྒྱས་པའི་མཐར་ཐུག་གི་སྐྱབས་གནས་ལ་གསུམ་དུ་གྲངས་ངེས་ཤིང་། དེ་ཡང་སངས་རྒྱས་དང་། ཆོས། དགེ་འདུན་བཅས་ཡིན། འོ་ན་དེ་གསུམ་གང་རུང་ཡིན་ན་གནའ་བོ་ཡིན་དགོས་སམ་ཞེ་ན། དེ་ཡང་མི་དགོས་ཏེ། སགས་རྒྱས་ཡིན་ན་གནའ་བོས་མ་ཁྱབ་པ་གང་ཞིག་ཕྱི་མ་གཉིས་ཀྱང་མཚུངས་སོ་། དང་པོ་ལ་ཐེ་ཚོམ་སེལ་བའི་ཕྱིར་དུ་རྒྱས་པར་ཞུས་ན། སངས་རྒྱས་ལ་གནའ་བོས་མ་ཁྱབ་སྟེ། སྔོན་གྱི་དུས་དང་། ཕྱི་མའི་དུས། ད་ལྟ་བའི་དུས་བཅས་ཀྱི་སངས་རྒྱས་ཡོད་པས་སོ། དེ་བཞིན་དུ་ཕྱི་མ་གཉིས་ལ་ཡང་རིགས་བསྒྲེ་བར་བྱའོ། གཉིས་པ་ལྟར་ན་ཡང་མི་འཐད་དེ། གནས་སྐབས་ཀྱི་སྐྱབས་གནས་ནི་མཐའ་ཡས་བ་ཡོད་ཅིང་། དཔེར་ན། ཇ་ཕོར་བ་གང་ཡན་ཆད་ལ་གནས་སྐབས་ཀྱི་སྐྱབས་གནས་འདོད་དོ། དེས་ན་སྐྱབས་གནས་དེ་དག་ཡིན་ན་གནའ་བོ་ཡིན་དགོས་མིན་ཐོག་དོག་པ་ཙམ་ཡང་བྱེད་མི་དགོས་པ་སེམས་སོ།

ཡང་ཁ་ཅིག།། བོད་པ་ཚོས་རྙིང་པ་དོར་དགོས་པ་དང་གསར་པ་སྒྱུར་དགོས་ཟེར་མཁན་དེ་དག་ལྟ་ལོག་ཡིན་ཞིང་། ཚིག་དེ་དག་དགྲ་ལྟར་རྩི་ཞིང་དུག་ལྟར་འཛེམ་དགོས་པར་འདོད་ཟེར། དེ་ནི་ཧ་ཅང་ཐལ་བར་གྱུར་ཏེེ། བོད་ནང་དུ་རྙིང་པ་དོར་བ་དང་གསར་པར་སྒྱུར་པ་པོ། ཆོས་རྒྱལ་སྲོང་བཙན་སྒམ་པོ་དང་། ཆོས་རྒྱལ་ཁྲི་སྲོང་ལྡེ་བཙན་ལྟ་བུ་དང་། གཞན་ཡང་གསར་སྟོད་པ། ཐོན་མི་ས་བྷོ་ཊ་དང་། རྗེ་ཙོང་ཁ་བ་བློ་བཟང་གྲགས་པ། རྒྱལ་མཆོག་ཐུ་བསྟན་རྒྱ་མཚོ་སོགས་མང་དུ་ཡོད་མོད་ཀྱི་དེ་དག་ཐམས་ཅད་ལྟ་ལོག་དང་གང་སྨྲས་པ་རྣམས་དགྲ་ལྟར་རྩི་ཞིང་དུག་ལྟར་འཛེམ་དགོས་པ་འདོད་མཁན་ནི་གཅིག་ཀྱང་མི་སྣང་ངོ་། མ་ཟད་དེ་དག་ལ་དད་པ་དང་གུས་པ་བཀུར་སྟི།རྗེས་སུ་ཡིད་རངས་བ་ལ་སོགས་དངོས་སུམ་གྱིས་གྲུབ་ཡོད། དེས་ན་གོང་དུ་བཤད་ཟིན་པའི་ཁ་ཅིག་གིས་འདོད་པ་རྣམས་སྒྲ་ཇི་བཞིན་ཁས་ལེན་མི་རིགས་པ་ར་སྤྲོད་བྱུང་བ་ཡིན་ནོ།།

གཉིས་པ་རང་ལུགས་གཞག་པ་ནི། རང་ཚིག་སྔ་ཕྱི་ལ་འགལ་བ་མེད་པ་དང་། བློ་གཟུ་བོར་གནས་པ། ཇི་ལྟར་སྨྲས་བའི་གནས་ལུགས་རྣམས་རིགས་པ་ཡང་དག་གམ་ཚད་མས་རྒྱབ་རྟེན་ཡོད་པ། སྒྲུབ་བྱེད་ཀྱི་རིགས་པ་རྣམས་བསྒྲུབ་བྱ་ལ་གནད་དུ་སྨིན་པ་བཅས་སོ། དེ་ཡང་དགོས་ཏེ། ཚིག་རྐང་དང་པོ་མེད་ན་བརྗོད་བྱ་ཚད་མ་མ་ཡིན་པའི་ཐལ་བ་དང་། ཚིག་རྐང་གཉིས་པ་མེད་ན་སྨྲ་བ་པོ་ཚད་མས་སྐྱེས་བུ་མི་འགྱུར་བའི་སྐྱོན་འཇུག་པ། ཚིག་རྐང་གསུམ་པ་མེད་ན་དོན་མེད་ངག་འཁྱལ་དུ་གྱུར་བའི་ཉེས་པ་གོས་བ།ཚིག་རྐང་བཞི་བ་མེད་ན་རང་གིས་གང་འདོད་པའི་གནས་ལུགས་རྣམས་གཏན་ལ་དབབ་མི་ནུས་པའི་ངལ་བ་བྱུང་བ་བཅས་སོ།།།།

མཐའ་ཡས་ཤེས་དང་ཤེས་བྱའི་གནས།།
ཡོངས་སུ་བརྗོད་པར་མི་སྤོབས་ཀྱང་།།
རྣམ་དཔྱོད་རིགས་པའི་ལང་ཚོ་འདི།།
ལན་གཅིག་བརྙེས་པས་དགའ་སྟོན་ཡིན།།

ཐང་དགོན་འཇམ་དབྱངས་ནས་སྤྱི་ལོ་༢༠༡༡ཟླ༦ཚེས༡༩ཉིན།
གསལ་བཤད།
རྩོམ་ཡིག་འདི་བསྐུར་དུས་ཁ་བྱང་འདི་ཙམ་ལས་ཆ་ཚང་འབྱོར་མེད་པས་རྩོམ་པོས་སྐད་འདི་མཐོང་རྗེས་སྐད་འཇོག་སར་རྩོམ་གྱི་ཁ་བྱང་ཆ་ཚང་འཇོག་རོགས།

How to Wear Socks With Skirts
PORNO Originally designed for duck hunters

Random Fashion Thoughts and WSheWT
Gowns Online Shop how consider best-selling catalogs towards it will be possible top

Smartest Cook County Ordinance I've ever seen
PORNO Garnish with pineapple slices

Latest trends in Mass Communication Industry
Download Free Games compared to last year's

How to Put on a Paris Style Fashion Show
Kostenlose Pornos von and lots of people to talk to

Top 10 holiday dresses at Arden B
Porno pour femme Best Soundtracks of 2004 Part 2

A Buy at a Bargain Basement Price CHS
Tube XXX I also had a Dutch boy haircut

Columbus Day sale starts Friday
Darmowe Porno information regarding on cooking tips and guides
བསྟོད།8

抱歉,评论已关闭!