སྤྱི་ཚོགས་​དང་སྤྲུལ་མི​ང་བའི་དབར་​གྱི་དཀའ་རྙོ​ག་ལ་དཔྱད་པ​།

ཐང་དགོན་འཇམ་དབྱངས།

གང་ཞིག་རིན་ཆེན་གཏེར་གྱི་མཆོག།
གསེར་སྦྱངས་བཙོ་མའི་མདངས་ལྡན་པ།།
རྟེན་ཅིང་འབྲེལ་བར་འབྱུང་གསུངས་པའི།།
སྟོན་པ་དེ་ལ་རྟག་ཏུ་འདུད།།

འདིར་ཉིན་རེ་བཞིན་བོད་པའི་སྤྱི་ཚོགས་ཀྱི་ཁྲོད་དུ། དར་ཁྱབ་འགྲོ་བཞིན་པའི་སྤྲུལ་སྐུའི་སྐོར་གྱི་དཔྱད་བརྗོད་འདི་ཡི་གྲལ་དུ་བདག་ཀྱང་ཐེངས་ཤིག་ཞུགས་པར་འདོད། དེ་ཡང་ཐོག་མར་ལོ་ངོ་བརྒྱ་ཕྲག་མང་པོའི་སྔོན་དུ་དར་ཟིན་པའི། བོད་ཀྱི་ལུགས་སྲོལ་གྱི་སྐུ་ཕྲེང་རིམ་བྱུང་གི་སྤྲུལ་སྐུ་ཟེར་བའི་ལོ་རྒྱུས་རིང་བོ་དེ་ལ་ཕྱིར་མིག་ཅིག་བལྟ་དགོས།

དེ་ཡང་དང་པོ་སྐུ་ཕྲེང་རིམ་བྱུང་ཞེས་པའི་བོད་ཀྱི་ལུགས་སྲོལ་དེ་ནི། ༧དཔལ་རྒྱལ་བ་ཀརྨ་པ་ལས་མགོ་བཙུགས་ཏེ་བྱུང་བར་གྲགས་ཤིང་། དེ་དང་དུས་མཚུངས་ཙམ་དུ་བོད་ལ་གསང་སྔགས་ཀྱི་བསྟན་པ་ཡང་དར་ཁྱབ་ཆེན་པོ་བྱུང་བར་སྣང་།

སྤྱིར་བོད་ལ་ནང་པ་སངས་རྒྱས་པའི་བསྟན་པ་རིན་པོ་ཆེ་ཐེག་པ་ཆེ་ཆུང་སྔགས་དང་བཅས་པ་ཆ་ཚང་བ་ཞིག་དར་ཁྱབ་བྱུང་བར་མ་ཟད། དེ་ཡང་ཁུངས་བཙན་པ་དང་སྤུས་དག་པ་ཞིག་དར་ཡོད་ན་ཡང་། ཉམས་ལེན་པ་དང་གདན་ས་ཁག་དང་། གཞན་ཡང་འདུས་སྡེ་ཆེ་ཁག་མ་གཏོགས། མི་མང་སྤྱི་ཡི་ཆ་ནས་བཤད་ན་ནང་ཆོས་ཀྱི་ཆུ་ཚད་ཧ་ཅང་དམན་ཞིང་། བསྟན་པ་ཡང་དག་པ་ཞིག་དར་ཐུབ་མེད་པ་ཤིན་དུ་གསལ། དེས་ན་བསྟན་པ་ལ་སེལ་ལྷད་ཞུགས་

ཤིང་། ཆོས་དང་ཆོས་མིན་གྱི་ས་མཚམས་ཡག་པོ་འབྱེད་མ་ཐུབ་པས་དབང་གིས། དད་པ་ཙམ་གཙོ་བོར་འཛིན་ཞིང་དབང་དང་སྔགས་གསོག་པ་ཙམ་གྱིས་ཡིད་ཚིམ་ནས་སྡོད་ཀྱི་ཡོད།

ཆོས་སྟོན་པ་པོ་རྣམས་ཀྱིས་ཀྱང་དབང་ཆེན་རེ་གནང་ཞིང་། དབང་གི་སྐབས་ཀྱི་བསྲུང་བྱ་རྣམས་འགྲེལ་བཤད་བྱེད་པ་ཙམ་གྱིས་ཆོག་པར་བྱེད་ཅིང་། གཞི་ལམ་འབྲས་གསུམ་གྱི་རྣམ་གཞག་མི་འཆད་པ་དེ་འདྲ་མང་དུ་བྱུང་། མི་མང་གི་ཁྲོད་དུ་གསང་སྔགས་དབང་ཆེན་སྐབས་ཀྱི་བསྲུང་བྱ་རྣམས་ཅུང་ཙམ་རེ་ཡིད་ལ་འཇགས་ཏེ།

དཔེར་ན། བླ་མ་དང་སངས་རྒྱས་ངོ་བོ་དབྱེར་མེད་བསྒོམ་དགོས་པདང། བླ་སློབ་ཀྱི་དབར་ལ་དམ་ཚིག་གཙང་མ་བསྲུང་དགོས་པ་སོགས་དང་། གཞན་ཡང་ཉིན་རེ་བཞིན་ཆག་མེད་དུ་སྔགས་བཟླ་དགོས་པ་ལ་སོགས་པ་རྣམས། ཆོས་ཕྱོགས་ཀྱི་བྱ་བ་གལ་ཆེ་ཤོས་སུ་རྩི་སྲོལ་ཡོད་པ་ལྟ་བུའོ། །དེ་ལྟར་རྨོངས་གཉིད་ཀྱི་འོག་ཏུ་ལུས་པའི་མི་མང་རྣམས་ལ། མཁས་པ་ཁག་ཅིག་གིས་བསང་སྔགས་གཞུང་ལས་སྦྱོར་ཆོས་ཀྱི་ ཉམས་ལེན་བྱེད་པ་ལ། ཚད་གཞི་ངེས་ཅན་ཞིག་སླེབས་དགོས་པ་རྣམས་སྦས་ཤིང་། གང་འདོད་དུ་བེད་སྤྱད་ཞིང་མགོ་བསྐོར་བྱས་ཏེ་ཆོས་མིན་ཆོས་སུ་སྨྲས། རྒྱུ་རྐྱེན་དེ་དག་ལ་བརྟེན་ནས། མི་མང་གི་ཁྲོད་དུ་བླ་མ་ཡིན་ན་འདུལ་པ་འཛིན་པ་ཡིན་མི་དགོས་པ་དང་། བུམ་པ་མགོ་ཐོག་ཏུ་འཇོག་མཁན་ཚང་མ་བླ་མར་འཛིན་དགོས་པ་སོགས་ཀྱང་རིམ་བཞིན་དར་ཏེ་ཆོས་མིན་སྨྲ་བ་ཚོ་གོ་སྐབས་ཇེ་ཆེ་རུ་སོང་།

མཚམས་དེར་ལྷ་ཡི་སྤྲུལ་བ་དང་། བླ་མའི་སྤྲུལ་བ། སངས་རྒྱས་ཀྱི་སྤྲུལ་བ། གཞན་ཡང་བྱང་སེམས་ཀྱི་སྤྲུལ་བ། མཁའ་འགྲོ་མའི་སྤྲུལ་བ་ལ་སོགས་པ་མང་དུ་དར་ཅིང་། དེ་རྣམས་ནི་དོན་མི་ཟ་བར་འཇིགས་པ་མཐའ་དག་ལས་སྒྲོལ་ནུས་པ་ཤ་སྟག་ཏུ་ཡིད་ཆེས་བྱས་ཤིང་། སྤྲུལ་མིང་བ་རྣམས་ལ། ཐོས་བསམ་གྱིས་ཕྱུག་པའི་སློབ་དཔོན་གང་འདྲ་ཞིག་ལས་རྩ་ཆེ་བར་འཛིན་སྲོལ་ཞིག་ཀྱང་དར་འཕེལ་བྱུང་། རྒྱུ་རྐྱེན་དེ་དག་དབང་གིས་བླ་མ་དང་སྤྲུལ་སྐུ་ངོ་བོ་དབྱེར་མེད་དུ་འཛིན་ཅིང་། སྤྲུལ་མིང་པ་རྣམས་ལ་བླ་མ་ཞེས་བརྗོད་ཏེ། བླ་སྤྲུལ་གྱི་དབར་ལ་ས་མཚམས་འབྱེད་མི་ནུས་པས་དབང་གིས་སྐུ་ཕྲེང་རིམ་བྱུང་གི་སྤྲུལ་སྐུ་ཞེས་པའི་འཇིག་རྟེན་འདི་ཆགས་པར་སྣང་ངོ་།།

ད་ནི་སྐུ་ཕྲེང་རིམ་བྱུང་གི་སྤྲུལ་སྐུའི་ངོ་བོ་ལ་དཔྱད་པ་དང་། བླ་མ་དང་བོད་ཀྱི་ལུགས་སྲོལ་གྱི་སྤྲུལ་མིང་པ་རྣམས་ཀྱི་དབར་ལ་དཔྱད་པའོ།

དང་པོ་ལ། སྐུ་ཕྲེང་རིམ་བྱུང་གི་སྤྲུལ་སྐུའི་ངོ་བོ་ལ་དཔྱད་པ་ནི།

དེ་ཡང་སྤྲུལ་སྐུ་ཞེས་པ་དེ་ནི་གང་ཟག་གང་ཡང་རུང་བ་ཞིག་གི་སྐྱེ་བ་ཕྱི་མ་ཡིན་པ་ཙམ་གྱིས་མི་ཆོག་པར། ཆ་རྐྱེན་ངེས་ཅན་ཞིག་ཚང་དགོས་པར་སེམས། ནང་པ་སངས་རྒྱས་པའི་སྤྲུལ་སྐུ་ཞེས་པ་དེ་ནི། མཆོག་གི་སྤྲུལ་སྐུ་ལ་སོགས་པ་སངས་རྒྱས་ཀྱི་ས་ཡིས་བསྡུས་པ་དང་། གཞན་ཡང་བྱང་ཆུབ་སེམས་དཔའ་ལ་སོགས་རིགས་ཅན་གསུམ་གྱིས་སྤྲུལ་པའི་སྐུར་བཞེངས་ཏེ། འགྲོ་དོན་བྱས་ཟིན་པ་དང་བྱེད་བཞིན་པ་གྲངས་ཀྱིས་མི་ཆོད་པ་ཞིག་ཡོད་པར་ངེས་ཀྱང་། དེ་ལྟར་སྤྲུལ་བའི་སྐུར་བཞེངས་པ་ལ་ལས་ཉོན་གྱི་དབང་གིས་འཇིག་རྟེན་དུ་སྐྱེ་བ་ལེན་མི་དགོས་པར། བསམ་བཞིན་དུ་སྲིད་པ་ལེན་ནུས་པ་ཞིག་ངེས་པར་དུ་དགོས་པ་ཤིན་དུ་གསལ། དེ་གང་གིས་ཤེ་ན།

སྤྲུལ་སྐུ་ཞེས་པ་དེ་ནི་སེམས་ཅན་གཞན་གྱི་དོན་དུ། རང་དབང་དུ་སྐྱེ་བ་ལེན་ཞིང་། རང་གིས་དམིགས་ཡུལ་གྱིི་འདུལ་བྱ་གང་ཡིན་པ་དེ། ཐོགས་མེད་དུ་སྒྲུབ་ནུས་པ་ཞིག་དགོས་

ཤིང་། བསྟན་པ་དང་འགྲོ་བ་ལ་དཀའ་ཁག་ཇེ་ཆེ་རུ་གྱུར་ཉིན། མངོན་གསལ་དོད་པོས་རྩ་འཛིན་བྱེད་མཁན་ཞིག་དགོས། དཔེར་ན། ལོ་ངོ་ལྔ་བཅུ་ཙམ་གྱི་གོང་དུ་རྟེན་དང་བརྟེན་པ་ཐམས་ཅད་ཉམས་ཆག་་གི་གནས་སུ་གྱུར་ཏེ། ལོ་རྒྱུས་ཀྱི་གྱང་རོ་ལྟ་བུར་གྱུར་བ་དང་། འདུས་མང་མང་ཆེ་བ་ཁྱིམ་པའི་གཟུགས་ཅན་དུ་གྱུར་མཚམས་སུ། དམྱལ་ཁམས་ལྟ་བུའི་བཙོན་རའི་ནང་དུ་ལོ་ངོ་བཅུ་ཕྲག་ཁ་ཤས་ལུས་ཀྱང་། རང་ཉིད་ཀྱི་ཚེ་སྲོག་ལ་སྲུང་སྐྱོབ་ཐུབ་པར་མ་

ཟད། བསླབ་གསུམ་གྱི་ཡོན་ཏན་ཐམས་ཅད་མ་ཉམས་པར་གཅེས་འཛིན་བྱས་ཤིང་། བཙོན་ར་ནས་གྲོལ་རྗེས་སླར་ཡང་རྟེན་དང་བརྟེན་པ་ཐམས་ཅད། སྔར་ལྟར་ཉམས་གསོ་དང་གོང་སྤེལ་གནང་མཁན་གྱི། བསྟན་དང་འགྲོ་བའི་མཛའ་བཤེས་ཆེན་པོ་དེ་དག་ལྟ་བུ་ཞིག་དགོས།

གཞན་ཡང་ཆོས་སྟོན་པ་གཅིག་པུས་གདུལ་བྱ་རྣམས་ཀྱི་དོན་བྱེད་པ་ཡང་མ་ཡིན་ཏེ། དུད་འགྲོ་དང་ཡི་དྭགས་ལ་སོགས་པའི་ཁྲོད་དུ་ཡང་སྤྲུལ་བའི་སྐུར་བཞེངས་པ་ཡོད་པས་སོ། དེས་ན་རང་དབང་དུ་སྐྱེ་བ་ལེན་མ་ནུས་ན། རང་ཉིད་གར་འགྲོ་མི་ཤེས་པ་ལ་གཞན་གྱི་ཆེད་དུ་སྤྲུལ་བའི་སྐུར་བཞེངས་ནུས་པ་ཞིག་ག་ལ་སྲིད།

གཞན་ཡང་བོད་ཀྱི་ལུགས་སྲོལ་ལྟར། སྐུ་ཕྲེང་རིམ་བྱུང་གི་སྤྲུལ་སྐུ་ཞེས་པ་དེ་ནི་སྐྱེ་བ་ཐམས་ཅད་བོད་ཡུལ་དུ་ལེན་ནུས་པ་ཤ་སྟག་ཏུ་སྣང་ཞིང་། དེ་ལྟ་བུའི་སྤྲུལ་སྐུ་དེ་ཚོ་ནི། ངེས་པར་དུ་ལས་ཉོན་གྱིས་གཞན་དབང་དུ་མ་སོང་བ་ཞིག་དགོས་པར་ཤིན་ཏུ་གསལ་ལོ། །འོ་ན་དེ་ལྟ་བུའི་བསམ་བཞིན་དུ་སྲིད་པར་ལེན་པ་ལ་ཆ་རྐྱེན་ཇི་འདྲ་ཞིག་ཚང་དགོས་ཤེ་ན།

རྗེ་བཙུན་ཆོས་ཀྱི་རྒྱལ་མཚན་གྱིས། ཕར་ཕྱིན་སྤྱི་དོན་ནས། བྱང་སེམས་སོ་སྐྱེ་འགའ་ཞིག་ལས་ཉོན་དབང་གིས་ངན་སོང་དུ་སྐྱེ་བ་ལེན་པར་གསུངས་ཡོད། དེས་ན་བདེན་པ་བཞི་རྟོགས་པ་ལ་མངོན་དུ་ཕྱོགས་ཤིང་བདག་ལས་གཞན་གཅེས་ཀྱི་ཐབས་ཁྱད་པར་ཅན་རང་རྒྱུད་ལ་སྐྱེས་པའི་ལམ་ཞུགས་ཀྱི་གང་ཟག་ཁྱད་འཕགས་པ་རྣམས་ཀྱང་དེ་ལྟར་སྐྱེ་བ་ལེན་དགོས་ན། སྐུ་ཕྲེང་རིམ་བྱུང་གི་མཚན་གནས་འཛིན་པ་ལ། ཆ་རྐྱེན་ངེས་ཅན་ཞིག་ཚང་དགོས་པར་དོན་གྱིས་བསྟན་ཡོད། སྤྱིར་བོད་ཀྱི་དགོན་སྡེ་ཁག་ཐམས་ཅད་ཆོས་འདུལ་བའི་ཉམས་ལེན་ལ་སོགས་བྱེ་བྲག་འགའ་ཞིག་མ་གཏོགས། སྤྱིའི་ཆ་ནས་ཐེག་ཆེན་གྱི་གཞུང་ཤ་སྟག་འཆད་ཉན་བྱེད་མཁན་ཡིན་པས་ན། སྐབས་འདིར་ཐེག་ཆེན་ཀྱི་ལུགས་གཞིར་འཛིན་ཅིང་བཤད་ན། ཐེག་ཆེན་ཀྱི་གཞུང་དག་ལས་སྦྱོར་ལམ་བཟོད་པ་ཐོབ་པ་ན་ད་གཟོད་ལས་ཉོན་གྱི་གཞན་དབང་གིས་ངན་སོང་དུ་འཁྱམ་མི་དགོས་པར་བསྟན་ཡོད།

འོ་ན་དེ་ལྟ་བུའི་སྦྱོར་ལམ་བཟོད་པ་ཐོབ་པ་ལ་ཇི་འདྲ་ཞིག་དགོས་ཤེ་ན། ངེས་འབྱུང་གི་བསམ་པ་བཅོས་མ་མ་ཡིན་པ་དང་། སྙིང་རྗེ་ཆེན་པོ། བྱང་ཆུབ་ཀྱི་སེམས་ལ་སོགས་པ་

དང་། གཞན་ཡང་ཞི་ལྷག་ཟུང་འབྲེལ་གྱི་ཏིང་ངེ་འཛིན་རྣམས་རང་རྒྱུད་སྐྱེས་བ་སྔོན་དུ་འགྲོ་དགོས། དེ་ལྟ་བུའི་བློ་དེ་དག་གང་འདྲ་ཞིག་དགོས་ཤེ་ན།

དང་པོ་ལ། རྗེ་ཙོང་ཁ་པ་བློ་བཟང་གྲགས་པའི་དཔལ་གྱིས། ལམ་གཙོ་རྣམ་གསུམ་ནས། ཉིན་མཚན་ཀུན་ཏུ་ཐར་བ་དོན་གཉེར་བློ།། བྱུང་ན་དེ་ཚེ་ངེས་འབྱུང་སྐྱེས་པ་ལགས།། ཞེས་གསུངས་པ་ལྟར། ཉིན་མཚན་ཀུམ་ཏུ་འཁོར་བ་ལ་སྙིང་པོ་མེད་པར་མཐོང་ཞིང། ཐར་བ་དོན་དུ་གཉེར་པའི་བློ་དེ་ལ་ཀུན་སློང་གིས་བཅོས་མི་དགོས་པར་ངམ་ངམ་དུ་སྐྱེ་པ་ཞིག་ལ་ཟེར།

གཉིས་པ་ལ། སློབ་དཔོན་ཀཱ་མ་ལ་ཤཱི་ལས། སྒོམ་རིམ་བར་བ་ལས། སྙིང་རྗེ་ཆེན་པོ་ནི་སེམས་ཅན་སྡུག་བསྔལ་བ་ཐམས་ཅད་་སྡུག་བསྔལ་དེ་ལས་བྲལ་བར་འདོད་པའི་རྣམ་པ་ཡིན་ནོ། ཞེས་གསུངས། དེས་ན་སེམས་ཅན་ཐམས་ཅད་སྒྲིབ་གཉིས་ཀྱིས་མནར་པའི། མི་བཟོད་པའི་སྡུག་བསྔལ་ལ་དམིགས་ཏེ། དེ་དག་མ་ལུས་པ་དེ་ལྟ་བུའི་སྡུག་བསྔལ་དེ་ལས་བྲལ་ན་ཅི་མ་རུང་སྙམ་པའི་གཞན་དོན་དོན་གཉེར་གྱི་འདུན་པ་ཞིག་ལ་འཇོག་དགོས་།

གསུམ་པ་ལ། བདག་ཅག་གི་སྟོན་པས། སྡོང་པོ་དཀོད་པའི་མདོ་ལས། རིགས་ཀྱི་བུ་བྱང་ཆུབ་ཀྱི་སེམས་ནི་སངས་རྒྱས་ཀྱི་ཆོས་ཐམས་ཅད་ཀྱི་ས་བོན་ལྟ་བུའོ། །ཞེས་གསུངས་སོ། དེ་ཡི་ངོ་བོར་དཔྱད་པ་ལ། རྒྱལ་ཚབ་དར་མ་རིན་ཆེན་ གྱིས། རྣམ་བཤད་སྙིང་པོ་རྒྱན་ལས། གཞན་དོན་དུ་ཡང་དག་པར་རྫོགས་པའི་བྱང་ཆུབ་དོན་གཉེར་གྱི་འདུན་པ་དང་མཚུངས་ལྡན་གྱི་སེམས་ཁྱད་པར་ཅན། ཞེས་གསུངས་སོ། དེས་ན་སེམས་ཅན་ཐམས་ཅད་ལ། སྒྲིབ་གཉིས་ཀྱིས་མནར་བའི་མི་བཟོད་པའི་སྡུག་བསྔལ་ལ་དམིགས་ཏེ། དེ་དག་མ་ལུས་པ་དེ་ལྟ་བུའི་སྡུག་བསྔལ་དེ་ལས་བྲལ་བར་འདོད་པའི་གཞན་དོན་དོན་གཉེར་གྱི་འདུན་པ་དང་། སྡུག་བསྔལ་གྱི་མནར་པའི་སེམས་ཅན་དེ་དག་སྐྱོབ་པའི་ནུས་པ་ཡོངས་སུ་མངའ་བ་ནི་ཐམས་ཅད་མཁྱེན་པ་ཉིད་ཡིན་པར་ཤེས་ཏེ། དེ་ལ་དམིགས་པའི་བྱང་ཆུབ་དོན་གཉེར་ཀྱི་འདུན་པ་སྟེ། འདུན་པ་གཉིས་དང་ལྡན་པའི་སེམས་བསྐྱེད་ཁྱད་པར་ཅན་ཞིག་ལ་གཙོ་བོར་འཇོག་དགོས།

བཞི་བ་ལ། བདག་ཅག་གི་སྟོན་པས། ཆོས་ཡང་དག་བསྡུས་པའི་མདོ་ལས། སེམས་མཉམ་པར་གཞག་པའི་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ་ཞེས་གསུང་པའི་མཉམ་གཞག་ནི་ཞི་གནས་དང་། ཇི་ལྟ་བ་བཞིན་ཤེས་པ་ནི་ལྷག་མཐོང་ངོ་། ཞེས་གསུངས་སོ། །དེས་ན་ཞི་གནས་ནི་སེམས་རྩེ་གཅིག་པ་ཉིད་གནས་ཐུབ་པ་སྟེ། དཔེར་ན། སེམས་དེས་གཞི་ཞིག་ལ་དམིགས་པ་གཞག་པའི་ཚེ། གཞི་དེ་ཡི་སྟེང་དུ་སེམས་རྩེ་གཅིག་ཏུ་གནས་ཐུབ་པ་ལས། དམིགས་པ་གཞན་ལ་མི་ཤོར་པ་ཞིག་ལ་འཇོག་དགོས་སོ། ལྷག་མཐོང་ཞེས་པ་ནི་ཡང་དག་པའི་དོན་ལ་དཔྱད་པ་བྱེད་པའི་བློ་ཁྱད་པར་ཅན་ཞིག་ལ་འཇོག་དགོས། ཟུང་དུ་འབྲེལ་བ་ནི་ཞི་གནས་ཀྱི་དམིགས་པ་རྩེ་གཅིག་ལ་གནས་པ་དེ་ལ། ལྷག་མཐོང་གིས་དཔྱད་པ་བྱེས་པ་དེ་ལ་ཟེར་གྱི་ཡོད།

དེ་ལྟ་བུའི་རྒྱུ་རྐྱེན་དེ་དག་ཡོངས་སུ་རྫོགས་པ་ན། ངན་འགྲོའི་ཆོས་ཐམས་ཅད་བཟོད་པར་གྱུར་ཏེ། ལས་ཉོན་གྱི་དབང་གིས་ངན་སོང་དུ་སྐྱེ་བ་ལེན་མི་དགོས་པ་དང་།བསམ་བཞིན་དུ་སྲིད་པ་ལེན་ནུས་པ་ཙམ་བསྟན་ཡོད། དེ་ལྟར་ཡོན་ཏན་རྣམས་མངའ་ན་སྤྲུལ་སྐུའི་མཛད་པ་སྟོོན་ནུས་སམ་ཞེ་ན།

དེ་ཡང་ཐག་གཅོད་ཐུབ་པ་མ་ཡིན་ཏེ། ཐེག་ཆེན་ཀྱིས་འདོད་པ་ལྟར་སྤྲུལ་པའི་སྐུར་བཞེངས་ནས་འགྲོ་དོན་བྱེད་པ་ལ། སོ་སྐྱེ་ལས་འདས་པའི་འཕགས་པ་ཞེས་པ་དེ་ཡི་གོ་འཕང་ཐོབ་དགོས་ཤིང་། དེ་ལྟ་བུའི་གོ་འཕང་ཐོབ་པ་ལ་ལྟ་བ་གསུམ་མངོན་སུམ་དུ་རྟོགས་པའི་ཤེས་རབ་རྒྱུད་ལ་ལྡན་དགོས། ལྟ་བ་གསུམ་ནི། གང་ཟག་གི་བདག་མེད་དང་། གཉིས་སྟོང་། སྟོང་ཉིད་བཅས་ཡིན། དེ་གང་ཞེ་ན། གང་ཟག་རང་སྐྱ་ཐུབ་པའི་རྫས་ཡོད་ཀྱིས་སྟོང་བ་དང་པོའོ། གཟུགས་དང་གཟུགས་འཛིན་ཚད་མ་རྫས་གཞན་གྱིས་སྟོང་བ་གཉིས་པའོ། ཆོས་ཐམས་ཅད་བདེན་པས་སྟོང་བ་གསུམ་པའོ། དེ་གསུམ་ཀ་དངོས་སུམ་དུ་ནམ་རྟོགས་ན་སྤྲུལ་བའི་སྐུ་བཞེངས་པ་ནུས་སོ། འདི་དག་ནི་མཚོན་པ་ཙམ་ཡིན་ཞིང། རྒྱས་པར་མཁྱེན་འདོད་ན་དབུ་ཕར་གྱི་གཞུང་དག་ནས་ཤེས་པར་བྱེད་དགོས་སོ།།

གཉིས་པ་ལ། བླ་མ་དང་བོད་ཀྱི་ལུགས་སྲོལ་གྱི་སྤྲུལ་མིང་པ་རྣམས་ཀྱི་དབར་ལ་ཅུང་ཙམ་དཔྱད་པ་ལ།

ཁོ་བོས་ནི་ཇི་ལྟར་དཔྱད་ཀྱང་། ལུགས་སྲོལ་གྱི་སྤྲུལ་མིང་པ་རྣམས་དང་བླ་མའི་དབར་ལ་འབྲེལ་བ་ཐད་ཀར་མེད་པ་ལྟ་བུར་སྣང་། བླ་མ་ནི་མདོ་སྔགས་ཀྱི་གཞུང་ལུགས་ཀུན་མཁས་ཤིང་བྱང་པ་དང་། ཉམས་སུ་ལེན་པའི་རིམ་པ་ལ་མ་རྨོངས་པ་ཞིག་དགོས་ལ། སྲོལ་རྒྱུན་གྱི་སྤྲུལ་མིང་བ་རྣམས་ནི་དེ་ལྟར་མ་ངེས་སོ།

དཔེར་ན། སྲོལ་རྒྱུན་གྱི་སྤྲུལ་མིང་པ་མང་དག་ཅིག་སྐྱབས་འགྲོ་སེམས་བསྐྱེད་ཙམ་ཡང་འཆད་མི་ནུས་པ་དང་། བདེན་པ་བཞི་ཐ་སྙད་དུ་ཡང་སྨྲ་མི་ཐུབ་པར་སྣང་ཞིང་། དེ་དག་ནི་བླ་མའི་ས་མཚམས་ནས་ཡོངས་སུ་བུད་དོ།

གཞན་ཡང་ སྲོལ་རྒྱུན་གྱི་སྤྲུལ་མིང་པ་ཧ་ཅང་མང་ཡང་། དེ་དག་གི་ཁྲོད་དུ་མཚན་ཉིད་དང་ལྡན་པའི་བླ་མ་ནི་ཆེས་དཀོན་པོ་ཡིན། དེས་ན་སྲོལ་རྒྱུན་གྱི་སྤྲུལ་མིང་པ་རྣམས་དང་བླ་མའི་དབར་ལ་འབྲེལ་བ་ཆེར་ཡོད་པར་མི་སྣང་ངོ་།།

འོ་ན་མཚན་ཉིད་དང་ལྡན་པའི་བླ་མ་ཟེར་བ་དེ་གང་འདྲ་ཞིག་དགོས་ཤེ་ན།

འདི་ལྟར་ཏེ། རྒྱལ་ཚབ་བྱམས་པ་མགོན་པོས། མདོ་སྡེ་རྒྱན་ནས། བཤེས་གཉེས་དུལ་བ་ཞི་བ་ཉེར་ཞི་བ། ཡོན་གཏན་ལྷག་པ་བརྩོན་བཅས་ལུང་གིས་ཕྱུག། དེ་ཉིད་རབ་ཏུ་རྟོགས་པ་སྨྲ་མཁས་ལྡན། བརྩེ་བའི་བདག་ཉིད་སྐྱོ་བ་སྤངས་ལ་རྟེན། ཞེས་གསུངས་སོ། དེས་ན་ཏིང་ངེ་འཛིན་གྱི་བསླབ་བ་དང་། ཚུལ་ཁྲིམས་ཀྱི་བསླབ་བ། ཤེས་རབ་ཀྱི་བསླབ་བ་བཅས་རྟོགས་པའི་ཡོན་རྣམས་དང་ལྡན་པ་དང་། མདོ་སྡེའི་སྡེ་སྣོད་དང་། མངོན་པའི་སྡེ་སྣོད་ འདུལ་བའི་སྡེ་སྣོད་སོགས་སྡེ་སྣོད་གསུམ་འཆད་པ་ལ་ལྷག་པར་མཁས་པ། ཡང་དག་པའི་དེ་ཁོ་ན་ཉིད་ཀྱི་དོན་རྟོགས་པ་ལ་སོགས་པའི་ཡོན་ཏན་མངའ་བས། མཁྱེན་བརྩེ་ནུས་གསུམ་ཀྱི་བདག་ཉིད་ཅན་ཞིག་དགོས་སོ། ། རྒྱས་པར་ནི་ལམ་རིམ་ལ་སོགས་པའི་གཞུང་དག་ལས་ཤེས་པར་བྱ་དགོས་སོ། །

དུས་ཀྱི་དབང་གིས་ཡོན་ཏན་དེ་དག་ཚང་བར་རྙེད་པ་དཀའ་བས་དེ་ལྟར་མ་རྙེད་ན་ཇི་ལྟར་བྱ་ཞེ་ན། བདག་ཅག་གི་སྟོན་པས། དཔུང་བཟང་གིས་ཞུས་པའི་མདོ་ལས། དེ་ལྟའི་ཡོན་ཏན་མ་ལུས་ལྡན་པ་དག། རྩོད་པའི་དུས་ན་ཤིན་ཏུ་དཀོན་པས་ན། ཡོན་ཏན་ཕྱེད་དམ་བཞི་ཆ་བརྒྱད་ཆ་ཅས། དེ་ལྟ་བུ་ནི་སྔགས་པས་གྲོགས་པོར་བསྟེན། ཞེས་གསུངས། ཞེས་གྲོགས་ལ་མཚན་ཉིད་ཡོངས་རྫོགས་གསུངས་པའི་བརྒྱད་ཆ་ལ་མ་མཐར་གསུངས་ཡོད། དེ་བླ་མ་ལའང་མཚུངས་སོ་ཞེས་ཇོ་བོ་རྗེ་དཔལ་ལྡན་ཨ་ཏི་ཤས་གསུང་བར་པོ་ཏོ་བའི་གསུང་སྒྲོས་དོལ་བས་བསྒྲིགས་པ་ལས་བསྟན་ལ། འཇམ་མགོན་བླ་མས། བྱང་ཆུབ་ལམ་རིམ་ཆེ་མོ་ནས་ཀྱང་། དེ་ལྟར་བཞེད་ཡོད། དེས་ན་གོང་སྨྲས་ཀྱི་ཡོན་ཏན་དེ་དག་ནས་བརྒྱད་ཆ་གཅིག་ཚང་ན་བླ་མར་འཇོག་རིགས་པར་སྣང་ངོ་། །མདོར་ན་བླ་མར་འཇོག་པ་ལ། རང་སེམས་དུལ་ཞིང་སྙིང་རྗེས་ཟིན་པ། ཐོས་པས་ཕྱུག་ཅིང་འཆད་ལ་མཁས་པ། ལྷག་བསམ་ལྡན་ཞིང་ཕྱོགས་འཛིན་དོར་བ། ང་རྒྱལ་མེད་ཞིང་རབ་ཏུ་ཞི་བ། འཇིག་རྟེན་ཆོས་བརྒྱད་ཀྱི་དབང་དུ་མ་སོང་བ་བཅས་ངེས་པར་དུ་ཚང་དགོས་ཏེ། སློབ་དཔོན་ཆེན་པོ་བྷ་བི་ལྷས། བླ་མ་ལྔ་བཅུ་པ་ལས། བློ་ལྡན་སློབ་མའི་བླ་མར་ལ། སྙིང་རྗེ་མེད་ཅིང་ཁྲོ་ལ་གདུག། ཁེངས་ཤིང་ཆགས་ལ་མ་བསྡངས་དང་། སྤྱོམས་དང་བཅས་པ་མི་བྱའོ། ཞེས་གསུངས་པས་ཕྱིར།

འོ་ན་དེ་ལྟ་བུའི་ཡོན་ཏན་རྣམས་ཡོངས་སུ་རྫོགས་པའི་སྤྲུལ་མིང་པ་དེ་དག་ཡིན་ན་སྤྲུལ་སྐུ་དང་བླ་མ་གཉིས་ཀ་ཡིན་དགོས་སམ་ཞེ་ན། དེ་ཡང་མི་དགོས་ཏེ། སྤྲུལ་སྐུ་རྣམས་རང་ཉིད་སྤྲུལ་བ་པོ་སྤྲུལ་སྐུ་མ་ཡིན་པ་རེ་ཡོད་དགོས་ཤིང་། དེ་དག་ནི་གོང་སྨྲས་ཀྱི་ཡོན་ཏན་དེ་དག་དང་ལྡན་པ་ཞིག་དགོས། དེས་ན་དེ་དག་ལ་སྤྲུལ་མིང་རེ་བཏགས་ཀྱང་དོན་ལ་སྤྲུལ་སྐུ་ཡིན་མི་དགོས་པར་ཤེས་པ་བྱས་ཤིང་། ཆ་གཉིས་སུ་ཕྱེས་ཏེ་གསལ་བཤད་བྱེད་དགོས་སོ།།

གཞན་ཡང་སྤྲུལ་མིང་པ་རྣམས་རང་ཉིད་ཀྱི་སྐུ་གོང་མར་གྲགས་པ། དེ་དག་གི་ཤེས་རྒྱུད་ངོ་མ་ཡིན་མིན་ཀྱང་ཐེ་ཚོམ་གྱི་ཡུལ་ལས་མ་འདས་ཏེ། དཔེར་ན། རྒྱལ་མཆོག་ཐམས་ཅད་མཁྱེན་པས། ངས་གང་ཤེས་པ་དེ་ནི་དགེ་བའི་བཤེས་གཉེན་རྣམས་ཀྱི་བཀའ་དྲིན་ཉག་གཅིག་ཡིན་གྱི། སྤྲུལ་མིང་ཆེན་པོ་འདི་ཡིས་གང་ཡང་མ་ཕན་ཞེས་དང་། ཀུན་གཟིགས་པཎ་ཆེན་མཆོག་གིས། ངས་པཎ་ཆེན་སྐུ་ཕྲེང་རིམ་བྱུང་གི་འགན་ཁུར་དགོས་པས། སྐུ་གོང་མ་རྣམས་ཀྱི་སྐུ་གདུང་བསྐྱར་བཞེངས་བྱས་པ་ཡིན་ཞེས་པ་དང་། རྒྱལ་བ་ཀརྨ་པས། རྩ་བའི་བླ་མ་རྣམས་ཀྱིས་ང་ལ་ཀརྨ་པའི་ཡང་སྲིད་ངོས་འཛིན་གནང་བ་ཡིན་པས། ངས་སྐུ་གོང་མ་རྣམས་ཀྱི་འགན་ཁུར་དགོས་ཞེས་སོགས་མཁས་གྲུབ་གཉིས་ལྡན་ཀྱི་བླ་མ་རྣམས་ཀྱིས། རང་ཉིད་ཀྱི་སྐུ་གོང་མ་རུ་གྲགས་པ་རྣམས་ཀྱི་ཤེས་རྒྱུད་ངོ་མ་ཡིན་པར་ཁས་ལེན་མི་འདོད་པའི་རྣམ་པ་གསལ་པོར་སྟོན་འདུག་པ་དེ་དག་ནི་ང་ཚོས་ངེས་པར་དུ་དོ་སྣང་བྱེད་དགོས།

རིགས་པའི་ལྷ་མོ་ནོར་བུའི་དོ་ཤལ་ཅན།།
རོལ་སྒེག་གར་གྱི་ཉམས་ལྡན་ཕྱོགས་དེ་ལ།།
ལང་ཚོའི་མཚར་སྡུག་མངའ་བའི་གཞོན་ནུ་ཡིས།།
མཛའ་བརྩེའི་ལྷིང་འཇགས་རོལ་ལ་སུ་མི་དགའ།།

ཞེས་བར་སྐབས་སུ་ངལ་གསོ་བར་བྱས་ཞིང་། སླར་ཡང་རིགས་པའི་རོལ་རྩེད་ཅུང་ཙམ་སྤྲོ་བར་བྱེད་དོ། །

དེ་ཡང་སེལ་ལྷད་ཅན་གྱི་སྤྲུལ་མིང་བ་དེ་དག་གི་རྒྱུ་རྐྱེན་ལ་དཔྱད་པ་དང་། འདི་ཡི་སྐོར་གྱི་དཔྱད་བརྗོད་པ་རྣམས་དང་སྐབས་བསྟུན་ཏེ་སྨྲ་བའོ།

དང་པོ་ལ། སྲོལ་རྒྱུན་གྱི་སྤྲུལ་མིང་བ་རྣམས་ནི་གཞན་གྱིས་དབང་འཛིན་ཁོ་ནས་སྟེང་ནས་བྱུང་དགོས་ཤིང་། རང་ཉིད་ཀྱིས་ཕུགས་བསམ་ལ་རྒྱང་ལྟ་བྱེད་ནུས་པའི་མཚམས་སུ། རང་ཉིད་ཀྱིས་གདམ་ཁ་བྱེད་མི་ཆོག་པའི་འགན་འཁྲི་ལྗིད་པོ་ཞིག་སྐུ་ཚེའི་འདུ་བྱེད་མ་སྟོང་གི་བར་དུ་འཁུར་དགོས་ཤིང་། དེ་ཡི་རྒྱུ་རྐྱེན་ནི་རང་ཉིད་ཆུང་ངུའི་དུས་ནས་ཁྲི་སྟེང་དུ་འཇོག་མཁན་དེ་དག་ཡིན། བྱིས་བ་རྣམས་སྤྲུལ་སྐུ་ཡིན་པར་ངོས་འཛིན་བྱེད་མཁན་ཀྱི་ཆོས་པའི་མཚན་ཅན་རྣམས་དང་། ངོ་སྤྲོད་བྱེད་མཁན་གྱི་ཨ་མ་ཁ་བདེ་དེ་དག་ཡིན། ཨ་མ་ཚོས་སོ་སོའི་བྱིས་པ་བཙས་སྐབས་སུ་རྟེན་འབྲེལ་གྱི་རྣམ་གཞག་མང་དག་ཞིག་ངོ་སྤྲོད་བྱས་ཤིང་། ཡང་སྲིད་འཚོལ་བ་པོ་རྣམས་ཀྱིས་དེ་ལ་འགྲེལ་བ་མང་དག་ཅིག་བྱས་ཏེ། བྱིས་པ་དེ་དག་ལ། མིང་ཆེན་པོ་རེ་གནང་ནས་མི་ཚེ་དེ་ལ་དོར་ཐབས་མེད་པའི་འགན་འཁྲི་རེ་འཁུར་དུ་བཅུག་གི་ཡོད།

འོན་ཀྱང་རྒྱུ་མཚན་དེ་དག་ནི་ཆེད་ཡིད་ཆེས་བྱེད་དཀའ་བའི་དངོས་པོ་འབའ་ཞིག་ཏུ་གྱུར་བར་སེམས་ཏེ། དཔེར་ན། ཁང་སྟེང་ནས་ཁུ་བྱུག་གྲག་པ། སྤྲུལ་སྐུ་འཁྲུང་བའི་རྟགས་ཡིན་ན། བྲག་ཐོག་ནས་ཕོ་རོག་གྲག་པ་ཡང་། ཅིས་ཕྱིར་སྤྲུལ་སྐུ་འཁྲུང་བའི་རྟགས་མིན། ཉེ་འདབ་དུ་ཟླ་གུར་ཕུབ་པ། སྤྲུལ་སྐུ་འཁྲུང་བའི་རྟགས་ཡིན་ན། ཐག་རིང་དུ་ཉི་གུར་ཕུབ་པ་ཡང་། ཅིས་ཕྱིར་སྤྲུལ་སྐུ་འཁྲུང་བའི་རྟགས་མ་ཡིན། ཁྱིམ་ཕུག་ཏུ་མེ་ཏོག་ཤར་བ། སྤྲུལ་སྐུ་འཁྲུང་བའི་རྟགས་ཡིན་ན། ར་བ་རུ་སྨྱུ་གུ་སྨིན་པ་ཡང་། ཅིས་ཕྱིར་སྤྲུལ་སྐུ་འཁྲུང་བའི་རྟགས་མ་ཡིན། བྱིས་བ་བཙས་ཁ་མའི་ཨ་མར་སྣང་བའི་འཇའ་ཚོན་། སྤྲུལ་སྐུ་འཁྲུང་བའི་རྟགས་ཡིན་ན། མགོ་ཐོག་ཏུ་དབྱུག་པ་ཕོག་པའི་མི་ལ་ནམ་མཁའ་དམར་པོ་སྣང་བ་དེ་ཡང་། ཅིས་ཕྱིར་སྤྲུལ་སྐུ་འཁྲུང་བའི་རྟགས་མ་ཡིན། དེ་ལྟ་བུའི་རྒྱུ་མཚན་ཕྱི་མ་རྣམས་ཁས་ལེན་པར་མ་ནུས་ན། དང་པོ་རྣམས་ཀྱང་གྲུབ་བར་མི་འགྱུར་ལ། ཕྱི་མ་རྣམས་ཁས་བླངས་ན་ནི། མི་ཡིན་ན་སྤྲུལ་སྐུ་ཡིན་དགོས་པར་གྱུར་རོ། མདོར་ན་སྤྲུལ་མིང་བ་རྣམས་སྐུ་འཁྲུངས་སྐབས་སུ་རྟེན་འབྲེལ་གྱི་རྣམ་གཞག་མང་དག་ཅིག། བོད་པ་རྣམས་ཀྱིས་གླེང་འདུག་ཀྱང་ངོ་མཚར་བསྐྱེད་དགོས་པ་ནི་གང་ཡང་མི་སྣང་ངོ་།

གཞན་ཡང་སྤྲུལ་སྐུའི་ཡང་སྲིད་ངོས་འཛིན་བྱེད་པོ་རྣམས་ནི། སྐྱེ་བོ་མང་པོའི་རང་དབང་རྩ་རླག་གཏོང་མཁན་ལྟ་བུར་སྣང་སྟེ། ཡང་སྲིད་ངོས་འཛིན་ཟེར་བའི་ཐ་སྙད་དེ། རྣ་བར་ཐོས་བ་ཙམ་གྱིས་མ་དྲང་བའི་རང་བཞིན་ཞིག་ངམ་ངམ་དུ་ཤར་ཐུབ། གལ་སྲིད་སྐུ་ཕྲེང་རིམ་བྱུང་གི་སྤྲུལ་སྐུ་ཞིག་བོད་པ་རྣམས་དང་བྲལ་མེད་དུ་ཡོད་པའི་དབང་དུ་བཏང་ན་ཡང་། དེ་བསྟན་པ་དང་འགྲོ་བའི་དོན་དུ་མི་བྲལ་བ་ཡིན་གྱི། གསེར་ཁྲི་དང་ལོངས་སྤྱོད་ཀྱི་ཆེད་དུ་མི་བྲལ་བ་ནི་མི་སྲིད་དོ། ། སྤྲུལ་སྐུ་ཞེས་པའི་མིང་དེ་ཡི་འོག་ནས་སྐྱེ་བོ་མང་པོ་ཞིག་དཀའ་ངལ་ཕྲད་དང་འཕྲད་བཞིན་པ་ཡིན་མིན་ཐོག་དོགས་པ་ཙམ་ཡང་མི་དགོས་ཀྱང། འདི་ནི་སྤྲུལ་སྐུའི་ཡང་སྲིད་ངོས་འཛིན་བྱེད་པོ་རྣམས་ཀྱི་ལག་རྗེས་འབའ་ཞིག་གོ། དེས་ན་ཇི་ཙམ་དཔྱད་

ཀྱང་། ཡང་སྲིད་ངོས་འཛིན་བྱེད་སྲོལ་གྱི་ལོ་རྒྱུས་དེ་ནི། དོར་བྱ་ཡིན་གྱི་བླང་བྱ་མ་ཡིན་པར་ར་སྤྲོད་བྱེད་ནུས་སོ།།

གཉིས་པ་ལ། དེང་གི་དུས་འདིར་དྲྭ་ལམ་ཁག་དང་། དུས་དེབ། རྩོམ་དེབ། གླུ་གར་ལ་སོགས་པ་མང་དག་ཞིག་ནས། སྤྲུལ་མིང་བ་རྣམས་ལ་དགག་པ་ཆར་ལྟར་བབས་འདུག་

ཀྱང་། ཡང་སྲིད་ངོས་འཛིན་བྱེད་པོ་རྣམས་ནི་དེ་ཙམ་དོ་སྣང་མ་བྱས་པར་མངོན་། གནས་ཚུལ་འདི་ཡི་ཕྱོགས་སུ་དཔྱད་པ་བྱེད་མཁན་ཚོས། གནད་འགག་འདི་དོན་ཆུང་དུ་འཛིན་པ་ནི་ཆེད་བསམ་ཡུལ་ལས་འདས་པ་ཞིག་རེད། རྒྱུ་རྐྱེན་དེ་ལ་དོ་སྣང་མི་བྱེད་པ། སྤྲུལ་མིང་བ་རྣམས་ལ་དགག་པ་བྱས་པ་ནི་དོན་མེད་པར་སེམས་ཏེ། སྤྲུལ་མིང་བ་རྣམས་ལ་ཇི་ཙམ་དགག་ཀྱང་། རྒྱུ་རྐྱེན་དེ་དག་ཇི་སྲིད་གནས་པའི་བར་དུ་སྤྲུལ་མིང་བ་རྣམས་ལ་གནོད་པར་མི་འགྱུར་ཏེ། དཔེར་ན། ཡལ་ག་བརྒྱ་དང་ལྡན་པའི་སྡོང་པོ་དེ་ལ། སྡོང་པོ་དེ་ཇི་ཙམ་གནས་པ་ན། དེ ཙམ་དུ་ཡལ་ག་རྫོགས་མེད་དུ་སྐྱེ་བ་དང་། ནམ་ཞིག་སྡོང་པོ་དེ་མེད་པར་གྱུར་ན། ཡལ་ག་རྣམས་ཀྱང་རང་བཞིན་གྱིས་ཡལ་འགྲོ་བ་ལྟ་བུའོ། །

གཞན་ཡང་སྤྲུལ་མིང་བ་རྣམས་ལ། མི་བུ་ཕལ་བ་རྣམས་ལས་ལྷག་པ་ཞིག་དགོས་ཟེར་བ་ནི་ཁུངས་མེད་ཀྱི་གཏམ་དུ་ཟད་དེ། སྤྲུལ་མིང་བ་མང་དག་ཅིག་ནི་སྐྱེ་བོ་ཕལ་བ་རྣམས་ཀྱི་ཕྱི་རོལ་དུ་མི་འདས་ཤིང་། མི་བུ་ཕལ་བ་དག་ལ་སྤྲུལ་མིང་ཆེན་པོ་ཞིག་སྤྲད་ཀྱང་། མི་བུ་རང་གི་ནུས་ཚད་ལས་འདས་པའི་བྱ་བ་བྱེད་མི་ཐུབ་པ་ལྟ་བུའོ།།།།

སྤྱི་ལོ༢༠༡༡ཟླ༦ཚེས༢ཉིན་རྒྱལ་ཁམས་པ་ཐང་དགོན་འཇམ་དབྱངས་ཀྱིས་སེར་བྱེས་ལྔ་རིག་ནང་བསྟན་གཙུག་ལག་སློབ་གྲྭ་ཆེན་མོ་རུ་བྲིས་སོ།

MBT Masai Barefoot Technology Walking Shoes
VIDEO PORNO XXX Avoid wide legs and cuffs on trousers

Know Wraparound Prescription Sunglasses Deeply
Gowns Online Shop that was her real name

How Did Girls Dress in the 1980s
PORNO In the same article

How to Not Look Fat in White Pants
Download Free Games go inside and see a wealth of beautiful paintings

Designer Bedding Ensembles and Fashion Comforter Sets
Kostenlose Pornos von So let's kill it

Adding Style Sense With Best Qual Montblanc Watches
free xxx Eliminating dark circles can

South Korean cell phone brand VOTO comes into the Chinese market
free porno Its primary target market is college and high school students

The Reason Online Dating Works
Darmowe Porno Crew Group NYSE
བསྟོད།7

抱歉,评论已关闭!