བོད་ཀྱི་སྤྱི་ཚོགས་དང་རྩོམ་པ་པོ།

སྒྲེན་པོ།

ཁོ་བོར་མཚོན་ན་རྩོམ་རིག་སྐོར་ནས་དྲན་རྟོག་ཐོར་ཙམ་བྱོ་རྒྱུ་ཡང་ཧ་ཅང་ཁག་པའི་གནས་ཤིག་རེད།བསམ་གཞིག་གནད་ཐིངས་བྱས་ན་རང་ཉིད་ལ་ཁག་མི་འདུག་སྙམ་པ་རེ་སྐྱེས་འོངས།རྒྱུ་མཚན་ཤིན་ཏུ་ནས་སླ་སྟེ།རྩོམ་རིག་ལ་ཐོག་དང་མཐའ་མེད།རྩོམ་རིག་ལ་ཤེས་པ་ལས་གཞན་ཚོར་བ་ཟེར་བའི་རྣམ་ཤེས་ལ་སྐྱོམས་འདར་སློང་བྱེད་ཀྱི།བླ་སྲོག་འཐོམ་སྤྲིད་གཏང་བྱེད་ཀྱི་ནམ་མཁའ་གཞན་ཞིག་ཡོད་པས་རེད།ཡང་ཅིག་བཤད་ན་རྩོམ་རིག་ནི་ཡི་གེ་ཡིན་པ་མ་ཟད།ཡི་གེ་ལས་འགོང་ཡོད་པས་ཡིན།ཡི་གེ་ནི་རྩོམ་རིག་གི་ཤུན་སྐོགས་ཡིན།འགྲོ་མིའི་ཤེས་རིག་བྱུང་འཕེལ་གྱི་ལོ་རྒྱུས་ལས་ཤེས་རྟོགས་འདྲོངས་པ་ནི།ཡི་གེ་གསར་བཟོ་མ་བྱས་པའི་གདོད་མའི་དུས་སྐབས་སུའང་རྩོམ་རིག་ཡོད་ཅེས་པ་དེའོ།རྩོམ་རིག་གི་བྱུང་བ་དང་མིའི་རིགས་ས་སྒང་ཟླུམ་པོ་འདིའི་སྟེང་དུ་བྱུང་བའི་དུས་ཡུན་གཉིས་ཁྱབ་མཉམ་ཡིན་རྐྱེན་རྩོམ་རིག་སྐོར་ནས་དྲན་འཆར་ཙམ་བྱོ་རྒྱུ་ཡང་ཁག་ངེས་ཨང་།

རྩོམ་རིག་བརྩམས་ཆོས་ལེགས་པོ་ཞིག་ཡིན་ན་བསམ་བློའི་བསྟན་དོན་དང་ཁ་འཕྲོད་གེའུ་སྦྱོར་གྱི་ཚུལ་དུ་གནས་པའི་མཚོན་ཐབས་བཀྲ་བོ་ཞིག་ཡོད་ངེས།རྩོམ་རིག་གི་བྱེ་བྲག་ཏུ་གྱུར་བའི་སྙན་ངག་ཀྱང་དེ་ག་རང་ལས་མ་འདས།སྙན་ངག་པ་ལ་ཤས་ཀྱིས་ཐ་སྙད་ཀྱི་སྡེབ་སྦྱོར་དང་ཚིག་གི་གྲུབ་གྲོལ།དུམ་ཚན་གྱི་བརྗེ་སྤོར།ཁ་བྱང་དང་གཞུང་དངོས་ཀྱི་མཐུན་མཇུག་གཙོས་སྒྲིག་གཞིའི་རྒྱུ་ཆར་གདམས་གསེས་དང་འདོར་ལེན་ཀྱི་རྣམ་པས་ཀློག་པ་པོར་མགུ་བ་བསྐྱེད་ཀྱིན་ཡོད་ལ།ཡང་སྙན་ངག་མཁན་པོ་ལ་ཤས་ཀྱིས་བསམ་བློའི་རྣོ་དབལ་དང་ཚོར་བའི་མེ་ལྕེ།དབྱངས་འགྲོས་ཀྱི་འཕྱོ་འཇགས།བརྩེ་དུངས་ཀྱི་ངུ་ཤུམ་བཅས་དབང་བཙན་པོར་བསྐྱེད་ནས་མིའི་ནང་སེམས་ཀྱི་ཚོས་གཞིའི་ངོར་དགའ་སྐྱོ་ཆགས་སྡང་གི་རི་མོ་འབྲི་བཞིན་ཡོད།གོང་གསལ་སྐད་ཆ་འདི་ནི་བདེ་ཐང་ཡིན་པའི་མི་རིགས་ག་གེ་མོའི་བདེ་ཐང་གི་རྩོམ་རིག་གནས་བབ་ལ་སྦྱར་ནས་གླེང་གིན་ཡོད་པའི་གནད་ཤེས་དགོས།འོ་ན་བདེ་ཐང་མ་ཡིན་པའི་མི་རིགས་ཤིག་ལ་མཚོན་ན།སྙན་ངག་གིས་མི་རིགས་དེའི་རྩོམ་རིག་ཁྲོད་དུ་གདན་ཐོབ་ག་ཙམ་ཟིན་འོས།དེ་བཞིན་སྙན་ངག་པ་ལ་མི་རིགས་དེའི་རྩོམ་པ་པོའི་ཁྲོད་གོ་ཐོབ་ག་འདྲ་སྟེར་དགོས།དེ་བཞིན་སྙན་ངག་འབྲི་རྐྱེན་གྱི་ན་ཟུག་ཁོ་ཚོར་གང་ནས་སྟོབས་ཀྱིན་ཡོད།བདེ་ཐང་གི་སྤྱི་ཚོགས་ཤིག་ལ་མཚོན་ན་ཁོ་བོའི་དོགས་གནད་འདི་དག་ནི་དགོས་མེད་འབའ་ཞིག་ཏུ་འཁུམ་ནའང་།ཁ་ཕྱིར་བལྟས་ཀྱིས་དོགས་ཚོམ་འདི་དག་བདེ་ཐང་མ་ཡིན་པའི་འུ་ཚོའི་སྤྱི་ཚོགས་ལ་སྦྱར་ན་དགོས་མེད་ཅིག་ག་ནས་ཡིན།

ལར་འཛམ་གླིང་རྩོམ་རིག་གི་ད་ལྟའི་འཕེལ་ཕྱོགས་ནི་བརྩམས་ཆོས་ཀྱི་བསྟན་དོན་ནམ་བསམ་བློ་གུད་དུ་བཞག་སྟེ།ཚོར་སྣང་ངམ་འཆར་སྣང་རྐྱང་བ་ཙམ་ལ་འཐམས་འཁྱུད་བྱེད་པ་ལྟ་བུ་ཡིན།རྩོམ་རིག་སྤྱིའི་ཆོས་ཉིད་ནི་ཐུན་མོང་ཅན་ནམ་ཁྱབ་གཟུགས་ཅན།ཡང་ན་འཐུས་ཚབ་རང་བཞིན་ཅན་ནས་མི་སྒེར་ཅན་དུ་འཕོས་ཏེ་སྒེར་མིའི་མཐར་ཐུག་གི་དགའ་སྐྱོ་ཆགས་སྡང་བརྗོད་རྒྱུ་དང་།བསམ་བློ་ཅན་ནས་ཚོར་སྣང་ཅན་དུ་འཕོ་རྒྱུ་དེ་ཡིན།རྩོམ་རིག་གི་ཆེས་དཀའ་གནད་ཀྱང་སྒེར་མིའི་ནང་སེམས་ཀྱི་ཆགས་སྡང་དང་སྡུག་བསྔལ་དྲུངས་ནས་འཕྱིན་རྒྱུ་དེ་ཡིན།དངོས་ཡོད་རིང་ལུགས་ཀྱི་ཚབ་མཚོན་བརྩམས་ཆོས《ཞི་བདེ་དང་དམག་འཁྲུག》(托尔斯泰)བཀླགས་ན་དེ་ལས་མཐོང་ནུས་པ་ནི་ཨུ་རུ་སུར་ཧྲ་ཧོང་གིས་དབང་སྒྱུར་བྱེད་སྐབས་ཀྱི་ལོ་རྒྱུས་བརྙན་རིས་རེད།དངོས་ཡོད་རིང་ལུགས་ཀྱི་བརྩམས་ཆོས་འདི་དག་ལ་མཚོན་ན་བསྟན་དོན་ཆེད་དམིགས་ཀྱིས་གླེང་རྒྱུ་ནི་མདོ་དོན་ཡིན་ལ།ཚོར་སྣང་གྱི་སྔོན་འགྲོ་ལྟ་བུ་ནི་བསྟན་དོན་ཡིན་པས།ཚད་མཐོ་ས་ནས་གླེང་ན་བརྩམས་ཆོས་འདི་ལྟ་བུར་བསྟན་དོན་ལས་ཚོར་སྣང་མེད་ཅེས་བཤད་ཆོག འདི་དང་བསྡུར་ན《གཟུགས་འགྱུར་ཟིན་ཐོ》(卡夫卡)བཀླགས་མ་ཐག་དར་ཅིག་ལ་ང་ཚོས་འདིའི་བསྟན་དོན་ཐད་ཀར་ངོས་འཛིན་བྱེད་མི་ནུས་པར།རྨི་ལམ་དང་མངོན་སུམ་མཉམ་བསྲེས་ཀྱིས་གྲུབ་པའི་དྲ་རྒྱ་ཆེན་པོ་ཞིག་ཏུ་ལྟུང་གིན་པའི་ཚོར་སྣང་སྟེར་ངེས།དེ་མིན་རྩོམ་མཁན་ཁོང་གི《ས་དོང་》བཀླགས་ནའང་འཕྲལ་མར་བསྟན་དོན་བཤད་ཁག་པོ་ཡིན།དེས་ང་ཚོར་བྱིན་པའི་ཅིག་ཅར་གྱི་ཚོར་བ་ནི་མི་གཤིས་ཅན་ཏུ་བྱས་པའི་ཙི་གུ་དེ་སྡུག་ཡུས་ཁྲོད་དུ་ལུས་པའི་སྣང་བ་ཙམ་རེད།དེ་མིན་ད་དུང《སྦྲང་ནག》(萨特)དང་《ཞེན་ཁ་ལོག་པ》གཉིས་བཀླགས་པ་ཡིན་ན།དེ་གཉིས་ཀྱིས་ང་ཚོ་ཀློག་པ་པོ་དག་ཚོར་སྣང་ག་གེ་མོ་ཞིག་གི་ཁྲོད་སིམ་ཏུ་བཅུག་ཁར་ཚོར་བ་དེ་ལས་ཕྱིར་འོང་ཁག་པའི་འཆར་སྣང་བསྩོལ་ངེས།དེ་བཞིན《ཁེར་ཧྲེང་གི་ལོ་ཟླ》(马尔克斯)བཀླགས་ནའང་ཁེར་རྐྱང་དང་སུན་སྣང་གི་ཚོར་སྣང་ཙམ་སྟོབས་ངེས་ཡིན།སྙན་ངག་གི་སྐོར་ནས་ཀྱང་རྒྱའི་ཧེ་ཙི་དང་ཀོའུ་ཁྲིན་སོགས་ཀྱི་བརྩམས་ཆོས་གླེང་ནས་གསལ་ཁ་གྲོལ་ན་མངོན་སུམ་གྱི་བདེན་པ་ར་འཕྲོད་མོད།འདིར་ཡིག་ཚོགས་སྐྱུངས་ཕྱིར་མ་བཀོད།

འཛམ་གླིང་གི་ད་ཆའི་རྩོམ་རིག་གནས་བབ་ལ་ཧོབ་བལྟ་བྱས་ན་ཚོར་སྣང་གིས་མངའ་བསྒྱུར་ཡོད་པ་མ་ཟད།གང་ཟག་སྒེར་མིའི་ནང་སེམས་ཀྱི་ཚོར་འདུ་ཕྲ་ཞིང་ཞིབ་པ་དག་བསལ་བསེད་འདོར་ལེན་གྱིས་སྔོག་རྒྱུ་ནི་རང་དབང་ཙམ་དང་མཐའ་མཇུག་གི་གནས་མལ་ཙམ་དུ་གྱུར་ཡོད།བདེ་ཐང་ཡིན་པའི་སྤྱི་ཚོགས་ཁྲོད་རྩོམ་རིག་ལ་འབབ་འོས་ཀྱི་གདན་ཐོབ་དང་ས་མིག་ཡོད་པ་མ་ཟད།རྩོམ་རིག་རང་ལ་ཡོད་འོས་པའི་ལམ་བུ་དེའང་ཆེས་ཆེར་ཕྱེས་ཡོད་པ་རྟོགས་སླ།གནས་བབ་འདི་འདྲའི་འོག སྙན་ངག་པ་ཚོས་ཀྱང་སྙན་ངག་པ་རང་གི་ཐུན་མོང་མ་ཡིན་པའི་ནང་སེམས་ཀྱི་ཚོར་བའི་སྐད་སྒྲ་འབྱིན་རྒྱུར་བརྩོན་ངེས།སྙན་ངག་པ་ལ་མཚོན་ན་འདི་ནི་མཐར་ཐུག་གི་བསྟི་གནས་མ་ཡིན་ནམ།མི་བུ་སྒེར་ངོས་ཀྱི་ནང་སེམས་གཤགས་ནས་སྟོན་རྒྱུ་དེ་སྒྱུ་རྩལ་ཀུན་པོའི་མཐའ་མཇུག་གི་འབབ་ཚིགས་ཡིན།རྒྱ་ནག་གི་ལོ་རབས་བརྒྱུད་ཅུ་བ་དང་བོད་ཀྱི་ལོ་རབས་བརྒྱད་ཅུ་བ་ལྟ་བུར་མཚོན་ན།སྙན་ངག་པ་ཚང་མའི་སྒེར་ངོས་ཀྱི་སྐད་སྒྲ་དེ་སྤྱི་ཚོགས་ཀྱི་གནས་བབ་ཀྱིས་བསྐྲུན་པའི་ཐུན་མོང་གི་འུར་ཆོམ་དེས་མཐར་བསྐྲད་བཏང་མྱོང་ཡོད།འུ་ཚོའི་ལོ་རབས་བརྒྱད་ཅུ་བའི་ནང་བརྩམས་གྲུབ་བྱས་པའི་སྙན་ངག་ཀུན་པོ་བཀླགས་ན་ཚང་མའི་སྙན་ངག་ཏུ་མངའ་བ་ནི་མི་རིགས་ཀྱི་བདེ་སྡུག་ཆེད་ཚོར་བས་ངུ་ཤུམ་བྱེད་ཀྱིན་པ་དེ་མ་ཡིན་ནམ།

རྩོམ་རིག་སྤྱིར་འཕེལ་ཕྱོགས་ཀྱི་ཆོས་ཉིད་གསལ་བ་ནང་བཞིན།རྩོམ་པ་པོའི་རྩོམ་འབྲིའི་ལངས་ཕྱོགས་ལའང་ཆོས་ཉིད་ཡོད།འོ་ན་ཆོས་ཉིད་དེ་ནི་སྤྱིར་བཏང་།དམངས་ཁྲོད་ཀྱི་རྣམ་པས་རྩོམ་འབྲི་མཁན—ཤེས་ཡོན་ཅན་གྱི་རྣམ་པས་རྩོམ་འབྲི་མཁན—མི་སྒེར་གྱི་ཆེད་དུ་རྩོམ་འབྲི་མཁན་བཅས་ཡིན་པར་འདོད།དམངས་ཁྲོད་ནས་ཤེས་ཡོན་ཅན།ཤེས་ཡོན་ཅན་ནས་མི་སྒེར་ཏུ་རིམ་པར་འཕོ་དགོས་པ་ནི་རྩོམ་པ་པོ་དག་ཆེད་ལས་རྩོམ་མཁན་དུ་འགྱུར་བའི་ཆོས་ཉིད་ཡིན་པ་འདྲ།མི་རིགས་གང་ཡིན་རུང་སྒྱུ་རྩལ་གྱི་རོ་བཅུད་དྭངས་མ་གཞིབ་འདོད་ན་བར་བརྒལ་རང་བཞིན་གྱི་ལངས་ཕྱོགས་དེ་གསུམ་པོ་བརྒྱུད་དགོས་པ་འདྲ།

ཁོ་བོར་མཚོན་ན་བོད་རང་གི་ད་ལྟའི་རྩོམ་པ་པོ་ཚོའི་རྩོམ་འབྲིའི་ལངས་ཕྱོགས་ནི་གོང་གསལ་སྐས་རིམ་གསུམ་པོ་ལས་བར་མ་དེ་འོས་བར་སྙམ།ཤེས་ཡོན་ཅན་གྱི་རྣམ་པས་རྩོམ་འབྲི་རྒྱུ་དེ་དེང་སྐབས་ཕ་སྐད་མ་ཡིག་གི་སྒང་ནས་རྩོམ་འབྲི་གནང་མཁན་གྱི་རྩོམ་པ་པོ་ཚོའི་རྩོམ་འབྲིའི་ལངས་ཕྱོགས་སུ་ངོས་བཟུང་ན་འགྲིག སྙན་ངག་པ་དང་བརྩམས་སྒྲུང་བ།འབོལ་རྩོམ་པ།དཔྱད་བརྗོད་པ།རྩོམ་རིག་སྨྲ་བ།རྩོམ་རིག་ཆེད་མཁས་པ་གང་ཡིན་རུང་ཤེས་ཡོན་ཅན་གྱི་རྣམ་པས་རྩོམ་འབྲི་རྒྱུ་ནི་སྐབས་དོན་གྱིས་བསྩལ་བའི་འོས་འགན་ཡིན་སྙམ།མི་རིགས་རང་སྐྱོང་གི་གཞི་རྩའི་བདག་དབང་དང་རྩིས་ཐང་ཐོབ་རྗེས་རྩོམ་མཁན་ལ་ཤས་སྙན་ངག་མཚན་ཉིད་པའི་(纯艺术)ལམ་ཁར་ཞུགས་ངེས་པ་ཆོས་ཉིད་ཅིག་ཡིན།འོན་ཀྱང་ད་ལྟའི་འུ་ཚོའི་མི་རབས་འདི་ལམ་ཁ་དེར་ཞུགས་རྒྱུའི་རེ་བ་ནི་མག་མོག་ཙམ་ཏུ་སྣང་།ཤེས་ཡོན་ཅན་གྱི་རྣམ་པས་རྩོམ་འབྲི་བ་དེ་རྩོམ་རིག་མཚན་ཉིད་པ་དང་བལྟོས་བཅས་ཀྱིས་བཤད་ན་དགོས་མེད་ཅིག་ཏུ་སྣང་ཡང་།ད་ལྟའི་བོད་ཀྱི་སྤྱི་ཚོགས་གནས་བབ་ལ་མཚོན་ན་ཤེས་ཡོན་ཅན་གྱི་རྣམ་པས་རྩོམ་ལུས་ཐམས་ཅད་ལ་འཇུག་རྒྱུ་ནི་སྟོབས་ཤུགས་ཅིག་དང་བློ་འབྱེད་ཅིག དགོས་དབང་ཅིག་ག་ནས་མིན།འདུ་ཤེས་འཛིན་སྟངས་ཅན་དུ་བྱས་པའི་སྙན་ངག་འབྲི་སྟངས་འདིས་རྩོམ་རིག་ལ་ཕན་དགེ་བསྐྲུན་པ་མ་ཟད་དེ་ལས་ལྡོག་པའི་རྨ་ཡང་ཕབ་ངེས་མོད།བོད་ཀྱི་ད་ལྟའི་གནས་བབ་ལ་གཞིག་ན་ལངས་ཕྱོགས་འདི་ནི་ངེས་པར་ལག་ལེན་ལ་བསྟར་དགོས་པ་ཞིག་ཏུ་མཐོང་།

སྙན་ངག་པ་རྣལ་མ་ཞིག་ཏུ་འཁྱོངས་བར་འབད་ནས་སྙན་ངག་མཚན་ཉིད་པ་ཞིག་འབྲི་རྒྱུ་དང་ཡང་ན་འཛམ་གླིང་འགྲོ་མིའི་འཕེལ་ཕྱོགས་ལྟར་རང་ཉིད་ཀྱི་བགོ་བསྐལ་དུ་སྨིན་པའི་རང་དབང་ལོངས་སུ་སྤྱོད་པར་མི་མགུ་མཁན་ཞིག་ག་ནས་ཡོད་མོད།འོན་ཀྱང་འུ་ཚོ་གནས་ས་ནི་དུས་རབས་ཉེར་གཅིག་པའི་བོད་ཀྱི་བདེ་ཐང་མ་ཡིན་པའི་སྤྱི་ཚོགས་ཡིན་པས།སྙན་ངག་མཚན་ཉིད་པ་(纯艺术)ཞིག་བྱུང་ཐུབ་བམ།སྙན་ངག་མཚན་ཉིད་པ་འབྱུང་སའི་སྤྱི་ཚོགས་ཀྱི་བདེ་ཐང་ལ་འདང་རྒྱག་རྒྱུ་ནི་གལ་གནད་ཡིན།བོད་དང་ཡང་ན་རྒྱ་ནག་ལྟ་བུའི་དམིགས་བསལ་རང་བཞིན་གྱི་མི་རིགས་ཤིག་ལ་མཚོན་ན།རྩོམ་རིག་སྒྱུ་རྩལ་གྱི་སྒེར་ཚུགས་མངོན་ཐབས་བྲལ།ཡང་ན་སྒྱུ་རྩལ་མཚན་ཉིད་པ་གནས་སའི་བར་གླགས་མེད་ཅེས་བཤད་ནའང་འགལ་ཆ་མེད།རྩོམ་འབྲི་གནང་མཁན་ཞིག་གིས་ཚོར་ཤེས་རྒྱ་ཡན་ལ་གཞོལ་བའི་སྙན་ངག་པ་རྣལ་མ་ཞིག་ཨེ་འཁྱོངས་ལ་འབད་གྲབས་བྱེད་པ་དེའང་འོས་སུ་མ་མཐོང་།རྒྱུ་མཚན།རྩོམ་པ་པོ་ཁོ་སྤྱི་ཚོགས་དེའི་ཁྲོད་འཚོ་གནས་སྐྱེལ་གྱིན་ཡོད་པས།མ་མཐའ་ཡང་ཁོར་འཚོ་སྡོད་དང་འཚོ་གནས་ཀྱི་འགན་འཁྲི་ཡོད་ངེས་ཡིན།དེ་བས་ཁོ་བོའི་དྲན་སྣང་ལ་བོད་ཀྱི་སྙན་ངག་པ་དང་རྩོམ་པ་པོ་ཞིག་ཡིན་ན་ཐོབ་ཐང་གཉིས་མཉམ་གནས་ཀྱིས་སྤྱོད་དགོས།དེ་ནི་བློ་འབྱེད་ཤེས་ཡོན་ཅན་གྱི་བགྱི་བ་དང་ལེན་བྱེད་དགོས་པ་མ་ཟད།སྙན་ངག་པའི་གསོལ་རེས་ཀྱང་དང་ལེན་བྱ་དགོས་པ་དེ་གཉིས་ཡིན།ཤེས་ཡོན་ཅན་གྱི་རྣམ་པས་སྙན་ངག་འབྲི་རྒྱུ་དང་རྩོམ་འབྲི་གནང་རྒྱུ་ནི་ད་ལྟའི་བོད་ཀྱི་རྩོམ་པོ་ཀུན་གྱི་ལས་དབང་ཡིན་ནོ།

མཆན།ཤེས་ཡོན་ཅན་གྱི་རྣམ་པའི་རྩོམ་འབྲི་བྱེད་མཁན་ལ་ངོས་འཛིན་འདི་ལྟར་བྱ་དགོས།ཤེས་ཡོན་ཅན་ལ་མངའ་བའི་མི་ཚུལ་རིང་ལུགས་ཀྱི་དགོངས་པ་དང་དངོས་ཡོད་སྤྱི་ཚོགས་ཀྱི་ཐུགས་གཞིག དགག་བསྒྲུབ་དང་དོགས་སློང་།སྤྱི་བའི་དོ་ཁུར།འཚོལ་སྙེག གསར་བཅོས་བཅས་ཀྱིས་ཕྱུར་བུར་གཏམས་པའི་ལངས་ཕྱོགས་ལ་གོ་དགོས།

MTV Movie Awards 2011 Red Carpet Fashion
VIDEO PORNO XXX Due to its close link to Asian farmers

How to Style a Pompadour
Gowns Online Shop and undress or everyday

Wills Lifestyle India Fashion Week
PORNO sovereign kong 1960s trendiness

Can anyone identify these lovely black boots
Download Free Games assignment runway season 6 episode 1

Cover Letter Examples Administrative Assistant
pornos Young women flattened their breasts with fabric bands to enhance a slim

Choosing Jewelry For Your Mom
free xxx let the shoes dry overnight

Lindsay Lohan sues former fashion partner for
free porno This involves taking an initial design through to making

A Detailed Look at Six Retailers' November Sales
Filme Porno fashion solution going up against cold weather
བསྟོད།7

抱歉,评论已关闭!