ཕ་ཡུལ་དང་གྲོང་ཁྱེར།

གདུ་བུ།

ང་ནི་རུས་རྒྱུད་གཙང་བའི་བོད་པ་རྣལ་མ་ཞིག་ཡིན། རྒྱུ་མཚན་བོད་པ་ཡིན་པས་ངས་ནམ་ཡང་སྤྲིན་པ་ལྟར་དཀར་བའི་གངས་རི་དང་ནམ་མཁའ་ལྟར་ཡངས་པའི་རྩྭ་ཐང་། ད་དུང་དཀར་ཚོགས་ལྟར་བཀྲ་བའི་རྟ་ནོར་ལུག་གསུམ་དྲན་འོང། མདོར་བསྡུས་ན་ངས་རང་བྱུང་གི་མཛེས་སྡུག་ལྷད་མེད་པ་ཞིག་དེ་བས་མཐོང་ན་འདོད།

ང་འདུག་སའི་སློབ་གྲྭའི་མལ་ཁང་ནི་ཁང་བརྩེགས་བཞི་བ་ཡིན་ཞིང་ངས་ཕ་ཡུལ་དྲན་ཐེངས་རེར་སྒེའུ་ཁུང་འགྲམ་ནས་ཐང་ཡངས་པའི་རང་བྱུང་ཁམས་ལ་རྒྱང་ལྟ་བྱེད་བསམ་ན་ངའི་མཐོང་ལམ་མགོ་ཡུ་འཁོར་བར་བྱེད་པའི་ཁང་བརྩེགས་སྣ་ཚོགས་ཀྱིས་བསྒྲིབས་སོང། འཛུགས་བསྐྲུན་དགོས་ན་ཡང་ཁང་བ་འདི་ལྟར་གྱེན་ལ་བརྩེགས་དགོས་པ་དང་བར་ཐག་གདོང་ཐུག་བརྒྱག་ལ་ཁད་ཀྱིས་ངའི་རང་བྱུང་མཛེས་སྡུག་ལ་དུངས་པའི་མིག་གི་རྣམ་ཤེས་ལ་ཡོལ་བ་འཐེན་དགོས། ངོ་མ་རང་ཉིད་ནི་གྲོག་ཚང་ནང་གི་གྲོག་མ་ཞིག་དང་འདྲ་བར་དབུགས་ཡངས་མོ་ཞིག་ཀྱང་ལེན་དཀའ་བའི་སྣང་བ་སྟེར། ངས་ད་དུང་སྒེའུ་ཁུང་གམ་ནས་ཕྱི་རོལ་དུ་བལྟ་སྐབས་རྒྱའི་རྩོམ་པ་པོ་ཡུས་ཇེ་<余杰>ལགས་ཀྱི་གནད་ལ་ཁེལ་བའི་འོ་དོད་དང་ཁོ་ཡང་ང་དང་འདྲ་བར་སྒེའུ་ཁུང་གམ་ནས་འགྲེངས་ཏེ་རང་བྱུང་མཛེས་སྡུག་ལ་འཚོལ་བསྙེག་བྱེད་པའི་རྣམ་པ་ཞིག་གློག་བརྙན་ཤར་བ་བཞིན་མིག་ལམ་ལ་ཐོལ་གྱིས་འཆར་འོང་། འདི་ནི་དུང་དཀར་སེར་སྣང་གི་དབང་ཤེས་ལྟ་བུ་ཡིན་པ་སྨོས་མེད་ཡིན་ལ་ང་ལ་མཚོན་ན་འཆར་ཡན་ལ་འདྲེས་པའི་དྲན་པ་རྙེད་སྟངས་ཤིག་ཀྱང་རེད། ང་ནི་ཆུང་དུས་ནས་ནམ་མཁའ་ལྟར་ཡངས་པའི་དྲན་པ་འཆར་ཡན་ལ་དགའ།

ཡུས་ཇེ་ན་རེ། ‘‘ངས་ཧ་མི་གོ་བ་ཞིག་ལ་མིའི་རིགས་ཀྱིས་ཅིའི་ཕྱིར་ཁང་བརྩེགས་ཇེ་མཐོ་ནས་ཇེ་མཐོ་དང་། བར་ཐག་ཡང་ཅིའི་ཕྱིར་ཇེ་ཉེ་ནས་ཇེ་ཉེ་གཏོང་དགོས། མིའི་རིགས་ཀྱིས་ཕུག་རོན་གཟེབ་དྲའི་ནང་དུ་བཅུག་པ་དང། མཐའ་མཇུག་རང་ཉིད་ཀྱང་གཟེབ་དྲའི་ནང་དུ་འཛུལ་སོང་། ”

ང་ནི་དལ་བརྒྱད་འབྱོར་བཅུ་ཚང་བའི་མི་ལས་ཅན་ཞིག་ཡིན་ན་གཟེབ་དྲའི་ནང་ལ་ཚུད་པའི་ཕུག་རོན་ཞིག་ཡིན་མི་དཔེ་ལ་ཟས་ཁོ་ནའི་ཆེད་དུ་འདུར་རྒྱུགས་བྱེད་པའི་གྲོག་མ་ཡང་ཡིན་མི་སྲིད།

ངའི་ཕ་ཡུལ་མཐོ་སྒང་དུ་ཡངས་མོ་རླུང་ལ་འགྲོགས་པའི་ཁ་དབུགས་ཡང་མེ་ཏོག་ཨར་ནག་གི་ཞིམ་མངར་འཐུལ་བའི་དྲི་བསུང་ཇི་བཞིན་ངའི་སྣ་ཤེས་ཀྱི་དབང་བོ་བཟི་རུ་བཅུག་ཡོད་ངེས། སྔོན་ཆད་ཐབ་ཀ་མ་གཏོགས་ངོ་མི་ཤེས་པའི་སྐབས་སུ་ངས་རྟག་ཏུ་དྲན་པ་ནི་ཁང་བརྩེགས་དང་གླིང་ཀ་སྤྱི་གླིང་སོགས་ཀྱིས་མཚོན་པའི་རང་བྱུང་ཁོར་ཡུག་ལ་བཟོ་བཅོས་སྣ་ཚོགས་བརྒྱབ་པའི་གྲོང་ཁྱེར་ཞེས་པ་དེ་རེད། གྲོང་ཁྱེར་གྱི་འཛུགས་བསྐྲུན་ལས་མིའི་རིགས་ཀྱི་བློ་གྲོས་དང་འཕེལ་རྒྱས་མཐོང་ན་ཡང་ང་གྲོང་ཁྱེར་དུ་ཡོང་ནས་ལོ་གཉིས་འགོར་བའི་དེ་རིང་ངས་ལྡོག་སྟེ་ཆེས་དྭངས་གཙང་གི་མིག་ཟུང་ཞིག་སྤྱད་དེ་ཆེས་དྭངས་གཙང་གི་རང་བྱུང་ཁོར་ཡུག་ངོ་མ་ཞིག་དང་ཆེས་དྭངས་གཙང་གི་རྣམ་ཤེས་ཀྱིས་ཟིན་པའི་དཔུང་སྡེ་གསར་བ་ཞིག་མཐོང་ན་འདོད། ང་ད་ལྟ་གྲོང་ཁྱེར་ལ་མི་དགའ།

གལ་ཏེ་རང་བྱུང་ཁོར་ཡུག་འདི་མཛེས་ཤིང་བལྟ་ན་སྡུག་པའི་མཛེས་མ་ཞིག་གི་ངོ་གདོང་ཞིག་ཡིན་པའི་དབང་དུ་བཏང་ན་ཁོ་ཚོས་འཛེམ་དོགས་ཅི་ཡང་མེད་པར་མཚོན་མདུང་རྣོན་པོ་བཟུང་སྟེ་ཧ་ཅང་གདུག་རྩུབ་ཀྱིས་སྒེག་མོའི་མཛེས་སྡུག་དེ་ཡར་གཞོགས་མར་གཞོགས་བཅོ་བརྒྱད་བྱས་སོང་། སྟོང་འདང་ལྷག་མ་ཞིག་བརྒྱབ་ན་ཁོ་ཚོས་རང་བྱུང་ཁོར་ཡུག་འདི་རང་བྱུང་གི་ལྡོག་ཟླ་བཅོས་མ་དང་རྫུན་མ་ཞིག་ཏུ་བཏང་རྗེས་མཐའ་མཇུག་རང་གི་མི་ཚུགས་ཡང་ཚུགས་ཀ་ཡ་མ་བརླ་ཞིག་ཏུ་མི་བསྒྱུར་བའི་ངེས་པ་ག་ལ་ཡོད།

དེ་བས་ང་ད་ལྟ་སེམས་གཏིང་ནས་ཚན་རིག་པ་དང་བཟོ་ཤེས་པ་གཉིས་ལས་བསམ་བློ་བ་དང་ཆོས་ལུགས་པ་རྣལ་མ་ལ་ཡིད་ཆེས་ཡོད་ལ་དགའ་ཡང་དགའ།

ལོ་ངོ་གཅིག་གི་སྔོན་དུ་ངས་རེ་སྨོན་འཛུམ་མདངས་སུ་བསྡུས་ནས་ད་ལྟ་གནས་པའི་གྲོང་ཁྱེར་འདི་ལ་ཐོན་པ་ཡིན། གྲོང་ཁྱེར་ནི་དངོས་འབྲེལ་ངས་སྔོན་ཆད་རྩྭ་ཐང་ནས་མཐོང་བའི་ས་སྤུངས་ཐོག་ཏུ་བྱས་པའི་གྲོག་ཚང་དང་ཨ་ན་མ་ན་རེད། ས་གོ་ལ་དེ་ལྟ་བུ་ཆེ་ན་ཡང་ང་ཚོ་ཅིའི་ཕྱིར་གཞི་གཅིག་ཏུ་མཉམ་རུབ་བརྒྱབ་སྟེ་དབུགས་ཀྱང་རྔུབ་དཀའ་བ་ཞིག་ཏུ་ཆགས་དགོས། ང་ཁྲོམ་གཞུང་ག་གེ་མོ་ནས་འཆམ་འཆམ་དུ་འགྲོ་སྐབས་རང་ཉིད་ནི་གྲོག་ཚང་ཆེན་པོ་ཞིག་གི་ནང་ན་འདུར་རྒྱུགས་བྱེད་བཞིན་པའི་གྲོག་མ་ཞིག་ཡིན་པའི་འཁྲུལ་ཤེས་འཆར་འོང་། ང་ནི་གྲོག་མ་ཞིག་དང་འདྲ་བར་གྲོག་ཚང་ལྟ་བུའི་གྲོང་ཁྱེར་དུ་སྐོར་ཉུག་བྱས་ན་ཀུང་ཟིའི་ར་སྐོར་དང་སྤྱི་གླིང་སོགས་ནས་རྩྭ་ཐང་བཅོས་མ་དང་། རི་བཅོས་མ་། ཆུ་བཅོས་མའི་མཛེས་ལྗོངས་མཐོང་ངེས་ལ། སྐབས་དེར་ངས་ཕ་ཡུལ་མཐོ་སྒང་གི་རང་བྱུང་ཡུལ་ལྗོངས་ངོ་མ་སྟེ།ཚར་དུ་དངར་བའི་གངས་རིའི་གཟི་ཉམས་དང་། མུ་མཐའ་མེད་པའི་རྩྭ་ཐང་། ད་དུང་སྔོ་ཞིང་དྭངས་པའི་ནམ་མཁའ་སོགས་དྲན་པའི་ངོ་ལ་ཤུགས་ཀྱིས་འཆར་འོང་། ང་ནི་མཐུ་སྔགས་ཐེབས་པ་ཞིག་དང་འདྲ་བར་ཁྲོམ་གཞུང་དུ་ཀྲོང་ངེར་འགྲེངས་ཏེ་ངུས་པ་ཡིན།

ངོ་མ་གླེང་ན་འདི་ནི་ངས་ཕ་ཡུལ་ལ་བཅངས་པའི་ཤ་ཞེན་གྱི་བརྩེ་དུང་དང་ལ་རྒྱ་ཡིན་པ་ལས་བོད་ཁུལ་མ་ཡིན་པའི་ས་ཆ་གཞན་དུ་ཡང་རང་བྱུང་གི་ཡུལ་ལྗོངས་བལྟ་ན་སྡུག་པ་ནམ་རྒྱུན་བརྙན་འཕྲིན་ལས་མཐོང་ཐུབ་ན་ཡང་སེམས་ཀྱི་ཟབ་ས་ལ་ཟུག་པའི་ཕ་ཡུལ་དེ་མི་དྲན་རང་དྲན་རེད།

ད་ལྟ་ང་གྲོང་ཁྱེར་དུ་ཐོན་ནས་ལོ་ངོ་གཉིས་དང་ཕྱེད་ཀ་འགོར་ཞིང་ངའི་ཕྱི་ཚུགས་དང་ནང་སེམས་གཉིས་ཀ་སྔོན་ཆད་ཕ་ཡུལ་དང་བསྡུར་ན་འགྱུར་ལྡོག་ཆེན་པོ་བྱུང་ཡོད། ངའི་མགོ་སྐྲ་སེར་པོ་དང་གློག་བརྒྱབ་སྟེ་གཟེངས་སུ་བཅུག་ནས་ཕྱི་ཚུགས་རྒྱ་མི་ཞིག་དང་འདྲ་ལ་ནང་སེམས་གཞན་མི་རིགས་ཀྱི་འདུ་ཤེས་ཀྱིས་བཟུང་སྟེ་ངའི་རྣམ་ཤེས་ཀྱི་ཞགས་ཐག་ཕ་ཡུལ་དང་རྒྱང་ཐག་རིང་བའི་ཕུར་ཤིང་བརྟན་པོ་ཞིག་ལ་བཏགས་པ་དང་འདྲ་བར་ང་ཕ་ཡུལ་གྱི་མི་དམངས་ལ་ཁ་ཐག་ཇེ་རིང་ནས་ཇེ་རིང་རེད། སྟབས་བདེ་ངང་གླེང་ན་རྒྱའི་རྩོམ་པ་པོ་པོ་ཡང་〈伯杨〉ལགས་ཀྱིས་བྲིས་པའི་ཐ་ཤལ་གྱི་ཀྲུང་གོ་བ་དེ་ནི་རང་ཉིད་ཨེ་ཡིན་སྙམ་པའི་དངངས་འཚབ་སྐྱེས་ལ། དེ་དང་ལྷན་དུ་རང་ཉིད་དང་ན་ཚོད་དང་མཉམ་པའི་ཕ་ཡུལ་གྱི་ཡུལ་མི་རྣམས་དྲན་ན་རང་གི་ཕ་ཡུལ་ནི་མི་ཤ་དང་མི་ཁྲག་དང་འཐུང་བའི་འཇིག་རྟེན་གསར་བ་ཞིག་ལ་འཐིམ་བཞིན་པའི་སྣང་བ་འཆར་འོང་། དེ་ནི་འཇིགས་སུ་རུང་བའི་གློག་བརྙན་ཞིག་ལ་བལྟ་བ་ཇི་བཞིན་ངའི་ལུས་སེམས་རེ་ཞིག་ལ་གཏིང་ནས་སྦྲིད་འགྲོ།

ད་ལྟ་ངས་སློབ་ཆེན་འདི་ན་སློབ་སྦྱོང་བྱེད་བཞིན་ཡོད།ལོ་ངོ་གཅིག་གི་སྔོན་དུ་ང་ནི་གྲོང་ཁྱེར་འདིའི་ནང་ན་གྲོག་མ་ཞིག་གི་ཟོལ་གྱིས་རང་གི་ཁ་རྒྱབ་ཀྱི་ཆེད་དུ་ཉིན་ཧྲིལ་བོར་ངལ་རྩོལ་བྱེད་པའི་འཐབ་མོ་བ་ཆུང་ཆུང་ཞིག་སྟེ། རྒྱུ་སྟོབས་འཛོམས་པའི་སྦྱིན་བདག་ཅིག་གི་མངའ་འོག་ཏུ་ལས་ཀ་གཉེར་བཞིན་ཡོད། དུས་དེར་ངས་ཡིད་ཀྱི་གཏིང་ལ་གྲོང་ཁྱེར་འདི་གྲོག་ཚང་དང་རང་ཉིད་ནི་གྲོག་མ་ཞིག་ཡིན་པའི་སྣང་བ་མེད་པར་ལྡོག་སྟེ་གྲོང་ཁྱེར་དང་གྲོང་ཁྱེར་བ་ནི་ལྷ་ཡུལ་དང་ལྷ་ལྷ་མོ་ལ་འཁྲུལ་ཡོད་་སྟབས་ངས་རང་ཉིད་མི་ནས་ལྷ་ཞིག་ཏུ་འགྱུར་བའི་ཆེད་དུ་གྲོང་ཁྱེར་གྱི་སྲང་ལམ་ག་གེ་མོ་ནས་གད་སྙིགས་རྫོད་པོ་མཐོང་ན་གད་སྙིགས་སྣོད་དུ་བླུགས་པ་དང་། རང་གི་ལས་གྲོགས་རྣམས་ལ་རང་གི་ལྷག་བསམ་རྣམ་དག་བླ་ཆེན་ཞིག་ལ་ལུས་ངག་ཡིད་གསུམ་འབུལ་བ་བཞིན་དུ་ཕུལ་བ་ཡིན། ད་ལྟ་ཕྱིར་དྲན་བྱས་ན་དེ་ནི་ངའི་ཕ་ཡུལ་གྱི་ཨ་མས་ཚེ་ཕྱི་མར་ནུབ་ཕྱོགས་བདེ་བ་ཅན་དུ་སྐྱེ་བའི་ཆེད་དུ་དུས་རྒྱུུན་མ་ཎི་བགྲང་བ་དང་ཧ་ཅང་མཚུངས། ང་ལ་ཁག་མེད་དེ་རྒྱུ་མཚན་ངས་ཕ་ཡུལ་དུ་གློག་བརྙན་ལས་མཐོང་བའི་གྲོང་ཁྱེར་བ་ནི་ཀུན་སྤྱོད་ལྡན་པ། བརྩི་བཀུར་ཆེ་བ། ཤེས་ཡོན་ལྡན་པ། བློ་ཁོག་ནམ་མཁའ་ལྟར་ཡངས་པ་རྐྱང་རྐྱང་ཡིན་པས་ངའི་ཡིད་སེམས་དབང་མེད་དུ་བཀུག་སྟེ་མཐའ་མཇུག་ངས་ཕ་ཡུལ་རྒྱབ་ཏུ་དོར་ཏེ་རྒྱུས་མངའ་མེད་པའི་གྲོང་ཁྱེར་འདི་པང་དུ་ལེན་དགོས་བྱུང་། ཡང་གཅིག་གླེང་ན་འདི་ནི་ང་ཤེས་ཡོན་ལ་དགའ་བའི་རྟགས་མཚན་ཡིན་ལ་ཁྱད་པར་དུ་ཕ་ཡུལ་ན་མཐོང་མྱོང་མེད་པའི་ངོ་མཚར་བའི་ཅ་ལག་སྣ་ཚོགས་དང་འཕྲུལ་ཆས་སོགས་ལ་སེམས་ཤོར་བའི་བསླུ་བྲིད་ཅིག་ཀྱང་རེད། གྲོང་ཁྱེར་གྱི་འགྲོ་འདུག་ཁྲོད་དུ་སྒྱུ་མའི་རྟ་གླང་ཇི་བཞིན་མིག་དང་ཀླད་པ་འཁྲུལ་བར་བྱེད་པའི་ལག་རྩལ་དང་ཤེས་བྱ་སྣ་ཚོགས་ཀྱིས་ཁྱབ་ཡོད་སྟབས་ངའི་ཕ་ཡུལ་དང་བསྡུར་ན་གྲོང་ཁྱེར་ནི་གནམ་རེད་ལ་ཕ་ཡུལ་ནི་ས་རེད། ང་གྲོང་ཁྱེར་དུ་ཐོན་ནས་ངའི་ཤེས་བྱའི་སྤུས་ཀ་གོང་འཕེལ་དུ་སོང་བ་སྨོས་མེད་ཡིན་ན་ཡང་ངའི་བསམ་བློའི་སྤུས་ཀ་ཉམས་རྒུད་དུ་གྱུར་ཏེ་ང་ནི་རློམ་རྒྱུ་མེད་པའི་གྲོང་ཁྱེར་བ་ཞིག་ཏུ་གྱུར་ལ་ཉེ། ཡིན་ན་ཡང་ང་གྲོང་ཁྱེར་བ་ལ་གཏན་ནས་བསྡུར་ཐབས་མེད་དེ། གྲོང་ཁྱེར་བ་མེས་པོ་ནས་བརྒྱུད་པའི་ཁང་པ་དང་གཉེན་ཉེ་ཡོད་ལ་ང་ལ་ཅི་ཡང་མེད། གཞན་ཞིག་ནི་གྲོང་ཁྱེར་བའི་མིག་ལམ་དུ་ང་ནི་ཕྱི་ནས་ཡོང་བའི་ཞིང་གྲོང་བ་ཤེས་མེད་ཅིག་རེད་ལ། ལྷག་ཏུ་རྒྱ་སྐད་ཚད་ལྡན་བཤད་མི་ཤེས་པའི་གྲངས་ཉུང་མི་རིགས་གཞུང་དྲང་ཞིག་ཡིན་པས་གྲོང་ཁྱེར་བས་དུས་རྒྱུན་གླེང་བའི་མི་བླུན་པོ་ཟེར་བ་དེ་རེད་འདུག། དེ་ནི་གྲོང་ཁྱེར་བའི་བསམ་བློའི་རྣམ་པ་ཞིག་ལས་དོན་ངོ་མ་ང་བླུན་པོ་ཞིག་གཏན་ནས་མིན།ངས་གྲོང་ཁྱེར་བ་ཇི་བཞིན་རྒྱུ་ནོར་གྱི་ཆེད་དུ་གཡོ་སྒྱུ་ཁྲམ་གསུམ་བློ་གྲོས་ཤིག་ཏུ་བརྩི་མི་འདོད་ལ། གཞུང་དྲང་པའི་མི་བཟང་ཞིག་ལ་མཛུབ་མོ་ཀེར་ནས་བླུན་པོ་ཞེས་ནས་ཀྱང་འཕྱ་མི་འདོད།

གལ་ཏེ་རི་བྱ་ཞིག་གཟེ་དྲའི་ནང་དུ་བཅུག་ན་ཁོས་རྟག་ཏུ་དྲན་པ་ནི་ནམ་མཁའི་རང་དབང་གི་འཚོ་བ་དང་དགའ་མ་ཡིན་ངེས་ལ། དེ་དང་མཚུངས་པར་ང་གྲོང་ཁྱེར་བའི་ཁ་འོ་མ་དང་ཁོག་ཚེར་མའི་ཡོ་དོང་ལ་ལྷུང་སྐབས་ངས་དྲན་པ་ཁོ་ན་ནི་ངེད་ཚང་གི་བརྙན་འཕྲིན་ལས་འཆར་བའི་བསམ་བློ་ཀུན་སྤྱོད་ལྡན་པའི་གྲོང་ཁྱེར་བ་དེ་དག་རེད། ཡང་གལ་ཏེ་ང་ལ་ཁྲི་ཚོ་ལྔ་བརྒྱ་ཡིན་པའི་འཇེབ་འཁོར་ཞིག་དང་རྩེ་མོ་དགུང་ལ་ཟུག་པའི་ཀུང་ཟི་ཞིག་ཡོད་རྒྱུ་ན་ང་ནི་ཞིང་གྲོང་བ་མིན་པར་གྲོང་ཁྱེར་བའི་ངོ་སོ་དང་གཟི་དཔལ་ཡིན་ལ། བསམ་ཡུལ་ལས་འགོངས་པ་ལ་ངའི་ཕ་ཡུལ་གྱི་ཡུལ་མིས་མཇལ་དར་བཟུང་སྟེ་ང་ལ་བསུ་མ་བྱེད་ཀྱང་སྲིད། ང་འདི་ལྟར་སྟོང་འདང་ལ་བྱིངས་ན་མི་ནི་མ་གཞི་ནས་འཇིགས་སུ་རུང་བ་ཞིག་ཡིན་པའི་སྣང་བ་འཆར་འོང།

ལོ་གཉིས་ལྷག་འགོར་བའི་དེ་རིང་ངས་ཕ་ཡུལ་གྱི་ཤེས་རྨོངས་དང་རྗེས་ལུས་མེ་ལོང་ལ་བལྟ་བ་བཞིན་གསལ་བོར་མཐོང་ན་ཡང་ང་སྔོན་ཆད་བཞིན་གྲོང་ཁྱེར་ལ་གཏན་ནས་མི་དགའ། ད་ལྟ་ང་གྲོང་ཁྱེར་གྱི་ཡོད་ཚད་ལ་དོགས་པ་ཟ་འོང་།

༢༠༡༡.༣.༡༨

མཆན་བུ།

1.余杰《香草山》

2.伯杨《丑陋的中国人》

Watch fashion at Academy Awards live
VIDEO PORNO XXX I don't care

How to Dress if you are Petite for Women
Gowns Online Shop These every day fashion can be found everywhere

Top 5 colognes for men in 2011
VIDEOS PORNO So now we've got very long maturity levels

H taps French designer Isabel Marant for Fall 2013
Download Free Games norway styles examiner

Puma and Adidas Soccer Shoes in world cup
Kostenlose Pornos von 32 million in financing over the next four years

0 Stainless Steel Water Bottle Review
free xxx development bonanza

Executive Desks with unique designer looks
Tube XXX many great color combinations

Fashion on a Budget for Everyone
Filme Porno Now his life will never be the same
བསྟོད།6

抱歉,评论已关闭!