གློག་བརྙན《བོད་ཀྱི་སྔོན་བྱུང་གཏམ་རྒྱུད་》་ལས་བྱུང་བའི་ནོར་འཆུག་དོན་ཚན་འགའ།

མདའ་མོ་འཕུར་ཤེས།

བོད་ཀྱི་འཚོ་བ་མཚོན་པའི་གློག་བརྙན་《བོད་ཀྱི་སྔོན་བྱུང་གཏམ་རྒྱུད་》(西藏往事)་ཟེར་བ་ནི་ཏེ་བེ་ཟེར་བའི་རྒྱ་རིགས་བུད་མེད་འཁྲབ་འཁྲིད་པ་དེས་ཉེ་ལམ་བོད་ཁུལ་ནས་ཕབས་སྐྲུན་བྱས་པའི་གློག་བརྙན་གཉིས་པ་རེད།ཁོ་མོས་ཕབ་སྐྲུན་བྱས་པའི་་གློག་བརྙན་་་གངས་ལྷ་མེ་ཏོག་་ལ་དེ་སྔོན་བལྟས་མྱོང་ལ།དེ་ཡིས་ཁོ་བོར་བཞག་པའི་མྱོང་ཚོར་ནི་རོལ་མོ་དང་བརྗོད་བྱའི་གླུ་གཞས་སྙན་པོ་ཞིག་ཡོད་པ་མ་གཏོགས།གཞན་རྣམས་ནི་ཆུ་ཁར་གཡེང་བའི་ཝུ་བ་ལྟར་སྙིང་བོ་ཆེར་མི་འདུག དེ་ལྟར་ཁོ་མོའི་གློག་བརྙན་གཉིས་པ《བོད་ཀྱི་སྔོན་བྱུང་གཏམ་རྒྱུད་》་་ཟེར་བ་དེའི་འོད་སྡེར་ལག་སོན་བྱུང་སྟབས།དེ་འཕྲལ་མགོ་ནས་མཇུག་བར་ཞིབ་ལྟ་ཐེངས་ཅིག་བྱས།ཡིན་ནའང་གློག་བརྙན་དེས་ང་ལ་བཞག་པའི་ཚོར་བ་ཧ་ཅང་སྐྱིད་པོ་མ་བྱུང་བ་དང་།དེའི་ཁྲོད་དུ་བྱུང་བའི་འབྲེལ་ཡོད་བོད་ཀྱི་རིག་གནས་དང་དམངས་སྲོལ།དད་འདུན།འཚོ་སྟངས་སོགས་ཀྱི་ཐད་ལ་བྱུང་བའི་ནོར་འཆུག་ཚབ་ཆེན་ཡིན་ལ། ནོར་འཆིག་་དེ་་དག་ཡིག་གེར་བཀོད་ནས་རྒྱ་ཆེ་བའི་ལྟ་མཁན་དག་གི་སྤྱན་སྔར་ཕུལ་བ་ཡིན།

གཅིག

གཏམ་རྒྱུད་མགོ་བརྩམས་ནས་ཅུང་མ་འགོར་བར་ཡུན་ཏི་ཨམ་པའི་ཚོ་ཁག་ལྟ་བུའི་རུ་སྡེ་ཞིག་བྱུང་བ་དང་། དེ་ནས་་བྱིས་པ་མང་པོ་ཞིག་གིས་གཡང་མཚོའི་མཐའ་རུ་རུབ་ནས་རྡོ་བ་འཕེན་བཞིན།འདྲེ་མོ།འདྲེ་མོ་ཞེས་འབོད་ཅིང་།འབྱུང་རྐྱེན་ནི་ཁོ་མོའི་སྐྱེས་པ་རི་མགོ་ནས་རྦབ་ཀྱིས་རྒྱབ་ནས་བསད་དེ་ཁོ་མོ་ཡུག་ས་རུ་གྱུར་བ་རེད།དེ་ནས་ལྷ་ས་ནས་ཕེབས་པའི་བླ་ཆེན་ཞིག་གིས་ཁོ་མོ་འདྲེ་མོ་ཡིན་ཟེར་ནས་ཐག་བཅད་པ་དང་དུས་དེ་ནས་བཟུང་མི་ཚང་མས་ཁོ་མོ་ལ་མཐོང་ཆུང་བྱས་པ་རེད་ཟེར།ང་ཚོ་བོད་པས་སྲོལ་རྒྱུན་ནང་དུ་བུད་མེད་ཅིག་ཡུག་སར་བུད་ཚེ་དེ་ནི་མི་རིགས་གཞན་དང་མཚུངས་པར་ལྟ་སྟངས་དེ་འདྲ་ལེགས་པོ་མི་འཛིན་པ་ནི་བདེན་མོད།འོན་ཀྱང་ཡུག་ས་བུད་ཚེ་འདྲེ་མོ་ཞེས་བོས་ནས་མི་ཚང་མས་བརྙས་རྨོད་མི་བྱེད་པ་དང་།་བྱིས་པ་དག་གིས་ཀྱང་དེ་ལྟར་འབོད་མི་སྲིད།ལྷག་པར་དུ་བོད་ཀྱི་བླ་ཆེན་ཞིག་གིས་ཉམས་ཆུང་བུད་མེད་ཅིག་ལ་འདྲེ་མོ་རེད་ཟེར་ནས་མི་ཡི་ཐོབ་ཐང་འཕྲོགས་པ་ཞིག་གཏན་ནས་མེད་ལ།གཞུང་གང་དང་གང་དུའང་ཡུག་ས་ཐམས་ཅད་འདྲེ་ཡིན་པའི་སྒྲུབ་གཞི་ཞིག་གཏན་ནས་མེད།དེ་ནི་བོད་མིའི་བུད་མེད་ཀྱི་ཐོབ་ཐང་ལ་འཁྱོག་བཤད་བྱས་པ་ཞིག་རེད།

གཉིས།

རྒན་པོ་བསྟན་འཛིན་གྱིས་སྒྲུབ་ཕུག་ལྟ་བུ་ཞིག་གི་ནང་དུ་ཆོས་འདོན་དུས། མགོ་ཡི་ཞྭ་མོ་སྔར་བཞིན་གྱོན་འདུག་པ་དེ་ནི་བོད་མིའི་སྲོལ་དང་གཏན་ནས་མི་མཚུངས་པར་འདུགབོད་མི་ཞིག་ཡིན་ཕྱིན་སྐྱབས་སུ་མཆི་བ་ནི་དཀོན་མཆོག་གསུམ་ཡིན་ལ།དེ་ལ་ལུས་ངག་ཡིད་གསུམ་གྱིས་དད་པ་བྱེད་དུས་ཆོས་པ་དང་ཁྱིམ་པ་གང་ཡིན་ཡིན་ཀྱང་ཞྭ་མོ་ཕུད་དགོས་པ་ནི་སྲོལ་དང་།རང་གི་མེས་པོ་དང་རྒན་པ་དག་ལ་བཀུར་སྟི་བྱེད་དུས་ཐོག་མར་ཞྭ་མོ་ཕུད་དགོས་པ་ནི་ལོ་ཆུང་བྱིས་པ་ཚོས་ཀྱང་ཤེས་པའི་འཚོ་བའི་ཁྲོད་ཀྱི་རྒྱུན་སྲོལ་ཅིག་ཡིན།བྱེད་ཚུལ་དེ་ནི་བོད་མིའི་རིག་གནས་དང་སྲོལ་རྒྱུན་ལ་གཏན་ནས་འགལ་བ་ཞིག་རེད།

གསུམ།

གཡང་མཚོ་ཡི་བྱིས་པ་ཚེ་ལས་འདས་ནས་ཁོ་མོས་སྒྲུབ་ཕུག་ཏུ་མཆོད་པ་དང་སྐྱབས་འཇུག་ཞུ་དུས་དང་།བྱིས་པའི་བེམ་པོ་དུར་ལ་བསྐྱུར་དུས་ཀྱི་རྒྱབ་ལྗོངས་རོལ་མོ་ནི་བོད་ཀྱི་དམངས་ཀླུ་ཞིག་བྱས་ཡོད།བོད་མི་ཞིག་ལ་མཚོན་ན་རང་གི་གཉེན་ཉེ་གང་རུང་ཞིག་ཚེ་ལས་འདས་རྗེས་ཉིན་ཞེ་དགུའི་རིང་ལ་སྐྱོ་གདུང་ངང་སྐུ་རིམ་དང་འདས་མཆོད་སྒྲུབ་དགོས་པ་དང་།དེ་ནས་ལོ་གཅིག་ལ་གཟབ་ཆོར་དང་གླུ་ལེན་གར་རྩེད།གཉེན་སྟོན།དགའ་སྟོན་སོགས་ཅི་ཡང་མི་བྱེད་པ་དང་མི་ཞུགས་པར་འདས་པོར་མྱ་ངན་བྱེད།དེ་ལ་འདུན་བྱས་ཟེར་བ་ཡིན།རང་གི་ཤ་ལས་ཆད་པའི་བུ་ཕྲུག་ཚེ་ལས་འདས་དུས་རྒྱབ་ལྗོངས་ཏུ་དམངས་གླུ་ཉམས་དགའ་བ་དེ་ལྟ་བུ་ཞིག་བྱས་ཚེ་བོད་མིའི་འཚོ་བ་དང་དད་པ་རྩ་བ་ནས་རྒྱུས་ལོན་མ་བྱས་པས་ལན་པ་རེད། དེ་ནི་ངོ་མ་དགོད་བྲོ་ཞིང་ངུ་འདོད་པའི་རིག་གནས་སྟེང་གི་འཁྱོག་བཤད་ཅིག་རེད།

བཞི།

གཡང་མཚོའི་འཁྲབ་ཚིག་ཅིག་གི་ནང་འདི་ལྟར་ཟེར།ང་ཚོའི་ཡུལ་འདི་ཧ་ཅང་དབུལ།དགོན་པ་མེད།བླ་མ་མེད།སྟེང་ཕྱོགས་ལྷ་ཡིས་ཀྱང་ང་ཚོའི་གནས་འདི་ལ་ཐུགས་རྗེ་སྤྱན་གྱིས་གཟིགས་མི་སྲིད།་་འཁྲབ་ཚིག་འདི་ལྟ་བུ་ནི་ངོ་མ་ཡ་མཚར་བ་ཞིག་རེད།ནང་བསྟན་ཆོས་ལུགས་ཀྱི་དགོངས་པ་ནི་མ་གྱུར་སེམས་ཅན་ཐམས་ཅད་ལ་རིས་མེད་ཀྱིས་ཐར་བའི་ལམ་དུ་འགོད་པ་ཞིག་ཡིན་པས།དེ་ལ་དབུལ་ཕྱུགབཙན་གཉོམ།དབང་ཐང་གི་་ཆེ་ཆུང་ལྟར་དུ་མགོན་སྐྱབས་གནངས་པ་ཞིག་ཨེ་རེད།དེ་ནི་ནང་བསྟན་རིག་གནས་ཀྱི་དགོངས་གཞི་དང་བོད་མིའི་སྲོལ་རྒྱུན་ལྟ་སྟངས་དང་གཏན་ནས་འགལ་ཟླར་གྱུར་བ་ཞིག་རེད།

ལྔ།

གཡང་མཚོ་ཡིས་རང་ཉིད་ཀྱི་སྲུང་འཁོར་དེ་རོ་པོ་ཐི་ལ་བྱིན་ནས་བགེག་བར་ཆད་མི་ཡོང་བའི་སྨོན་ལམ་འདེབས་པ་རེད།བོད་མི་རེའི་སྐེ་ན་སྲུང་འཁོར་རེ་ཡོད་པ་དེ་ནི་རང་ཉིད་དད་འདུན་དང་།ཡང་ན་རང་ཉིད་ཀྱི་མི་ཚེ་ཁྲོད་ཀྱི་རྐྱེན་ངན་ནད་གདོན་བར་གཅོད་སོགས་སེལ་པར་ཁ་གཏད་ནས་དགོས་མཁོ་ལྟར།ཆོས་པ་གང་རུང་པ་ཞིག་གི་ལུང་བསྟན་ལྟར་གནངས་ནས་འདོག་པ་ཞིག་ཡིན་ལ།དེའི་ནང་གི་རྟེན་རྫས་སོགས་ནི་མི་རེར་ཁ་གཏད་ནས་སྒྲུབ་པ་ཞིག་མ་གཏོགས་དེ་ནི་རྒྱན་ཆ་ཕལ་པ་ལྟར་གང་བྱུང་དུ་མི་ལ་ལེགས་སྐྱེས་སུ་ཕུལ་ཆོག་པ་ཞིག་གཏན་ནས་མིན།དེ་ཡང་བོད་ཀྱི་རིག་གནས་ལ་རྒྱུས་ལོན་མེད་པས་སྒོ་ནས་བྱས་པ་ཞིག་རེད།

དྲུག

རྒན་པོ་བསྟན་འཛིན་གྱིས་གཡང་མཚོ་ཚང་ནས་རོ་པོ་ཐི་ལ་བཅའ་བ་རིམ་གྲོ་སྒྲུབ་ནས་ཚར་རྗེས།ཁོ་ལ་ལུག་གསུམ་གྱི་འབུལ་བ་སྟེར་དགོས་ཟེར།དེ་ནི་ཤིན་ཏུ་མི་འོས་པ་ཞིག་རེད།བོད་པའི་ཆོས་གང་དང་དང་ཆོས་ལུགས་ཀྱི་ཆོ་ཀ་གང་རུང་ལ་མཁས་པའི་མི་སུ་ཡིན་ནའང་།ཆོས་པ་ཞུས་ནས་ཆོས་འདོན་པ་ནི་སེམས་ཅན་གྱི་འགྲོ་དོན་གྱི་ཆེད་དུ་ཡིན་པ་དང་།ཁྱིམ་ཚང་གི་ཆ་རྐྱེན་དང་འདོད་མོས་ལྟར་དུ་ཆོས་པ་དག་ལ་འཚོ་བའི་མཐུན་རྐྱེན་སྦྱར་བ་ཞིག་མ་གཏོགས།དེ་ནི་རང་ཉིད་ཀྱི་ཁེ་ཕན་ལྟར་ཚོང་གཏམ་པ་ལྟ་བུ་ཞིག་ག་ལ་ཡིན།དེ་ལྟར་བྱས་ཚེ་བོད་བརྒྱུད་ནང་བསྟན་གྱི་དགོངས་གཞི་སྤྱི་དང་བོད་མིའི་རིན་ཐང་ལྟ་བ་དང་ཡོངས་སུ་འགལ་བ་ཞིག་རེད།

བདུན།

གཡང་མཚོ་མཆོད་མཇལ་ལ་འགྲོ་བའི་བསྐོར་ལམ་དུ་མེ་མདའ་འཕོག་ནས་རང་སྲོག་ཤོར། མི་རྣམས་ཀྱི་སེམས་སུ་ལྷད་མེད་དད་སེམས་བཅངས་ནས་རྒྱང་ཕྱག་དང་གསོལ་འདེབས་བྱེད་པའི་ཞི་བདེ་འཆམ་མཐུན་གྱི་གནས་ཤིག་ཏུ།འཁྲུག་རྩོད་དང་མི་བསོད་ཀྱི་དོན་རྐྱེན་བཟོས་ན་དེ་ནི་གཏམ་རྒྱུད་བྱུང་སའི་གནས་ཡུལ་་བཀོད་བསྒྲིག་བྱས་པ་མི་འགྲིག་པས་ཨེ་རེད།དེ་ལྟར་བྱས་ཚེ་་དགོངས་གཞི་གང་ཞིགདང་་སྲོལ་རྒྱུན་གང་ཞིག་ལ་འགལ་ཡོད་པ་གླེན་པ་ཞིག་མིན་ཚེ་ཤེས་ལོས་ཐུབ་སྙམ།

བརྒྱད།

གཡང་མཚོ་ལ་བྱིས་པ་སྐྱེས་ནས་ནངས་མོ་ནས་བཟུང་རས་གོས་དམར་པོ་ཞིག་གིས་བཏུམ་སྟེ་རྒྱབ་ལ་འཁུར་ནས་གང་ས་གང་དུ་རྒྱུགས་བཞིན་ཡོད།བུད་མེད་ཅིག་གིས་སྐྱེས་མ་ཐག་གི་བྱིས་པ་དམར་འབྱར་ཞིག་རྒྱབ་ལ་འཁུར་ནས་འགྲོ་བ་ཞིག་ཡོད་སྲིད་དམ།ལྷག་པར་དུ་རས་དམར་པོ་ཐར་རྐྱང་ཞིག་གི་སྐེ་ལ་བྱིས་པ་བཏུམ་ཡོད།བོད་ཀྱི་ས་ཆ་ལ་ལར་བྱིས་པ་སྐྱེས་མ་ཐག་རས་སམ་གྱོན་གོས་དམར་པོ་སོགས་མཚོན་མདོག་ཅན་གྱི་ལྭ་བས་དེ་འཕྲལ་མི་བཏུམ་པའི་དཔེ་སྲོལ་ཡོད།བྱིས་པས་མིག་འབྱེད་ཐུབ་པ་དང་ལག་པའང་འགུལ་ཐུབ་དུས་ཕ་མས་རས་འདོག་ཅན་ཁ་ཤས་བསྟན་ཚེ།བྱིས་པས་མདོག་གང་ཞིག་ལ་ལག་པས་རེག་ཚེ་དེ་ནི་བྱིས་པ་དེའི་མི་ཚེ་འདིར་མཚམས་པའི་གོན་སྐལ་དང་་མཆོན་མདོག་རེད།

དགུ

གློག་བརྙན་ལས་བསྟན་འཛིན་གཉེན་སྒྲིག་བྱེད་པར་མགོ་དཔོན་ཀྱིས་ཆོག་མཆན་ཐོབ་དགོས་ཟེར།དེ་ལྟར་མ་བྱས་ཚེ་གཉེན་སྒྲིག་གི་ཐོབ་ཐང་དང་དབང་ཆ་མེད་ཟེར།དེ་ལྟ་བུའི་སྲོལ་ཤིག་བོད་ཀྱི་ལོ་རྒྱུས་ཡིག་ཚང་གང་ཞིག་ཏུ་འདུགསྐུ་དྲག་དང་མགོ་དཔོན་དག་གིསཁྱིམ་མི་གཉེན་སྡེབས་བྱེད་ཚེ་ཁྱིམ་ཚང་མཐོ་དམན་དང་།རིགས་རུས་ཆོ་འབྲང་ལ་ལྟ་བ་བདེན་མོད།བོད་ཀྱི་ལོ་རྒྱུས་ཏུ་འབངས་མི་སུ་ཡིན་ཡང་ཁོ་ཚོས་རང་རང་གི་གྲས་སུ་མཛའ་གྲོགས་བསྒྲིག་པ་དང་།གཉེན་སྒྲིག་པ་སོགས་ལ་སུས་ཀྱང་ཐེ་གཏོག་བྱེད་ཀྱིན་མེད་པར་རང་དབང་ཡོད་ལ།དེར་སྐུ་དྲག་དང་མགོ་དཔོན་སུ་ཞིག་གིས་ཀྱང་མཆོག་མཆན་ཐོབ་དགོས་པའི་ལོ་རྒྱུས་ངོ་་མ་ཞིག་མ་མཐོང་ངོ།

བཅུ།

གློག་བརྙན་ནང་གི་གཡང་མཚོ་ཚང་གི་རྟ་སྒ་དང་།གཞན་རྩྭ་ཐང་སྟེང་གི་སྐྱ་མི་ཚང་མའི་རྟ་སྒ་དེ་ཏ་ལྟའི་མི་དམངས་བཅིངས་འགྲོལ་དམག་གི་དམག་སྒ་རེད།འཛམ་གླིང་འཁྲུག་ཆེན་གཉིས་པའི་སྐབས་ཀྱི་མཚོ་བོད་མཐོ་སྒང་དུ་དམག་སྒ་དེ་ཡོད་སྲིད་དམ།

བཅུ་གཅིག

གློག་བརྙན་ནང་གི་ཕོ་མོ་མི་སྣ་ཚང་མའི་གྱོན་པའི་བོད་ལ་དེ་ནི།ལོ་རབས་བརྒྱད་ཅུའི་སྐབས་སུ་བོད་ཁུལ་དུ་དར་བའི་ཟི་ཚར་རམ་མིས་བཟོས་ལུག་པགས་ཏག་ཏག་རེད།མཐའ་ན་འཁྲབ་སྟོན་པ་གཙོ་བོ་གཡང་མཚོའི་ལྭ་བའང་དེ་ལྟར་རེད།དེ་འཁྲབ་ཁྲིད་པས་མ་ཤེས་ཡིན་ནམ།ཡང་ན་བསམ་བྱས་ནས་དེ་ལྟར་བྱས་པ་རེད།

བཅུ་གཉིས།

མགོ་དཔོན་ཚང་གི་སྦྲ་ནག་དང་སྣོད་ཅ་ལག་ཚང་མ་གཡང་མཚོ་ཚང་དང་ཕལ་ཆར་འདྲ་ལ།མགོ་དཔོན་བཟའ་ཟླས་སྐེ་ལ་བཏག་པའི་མགུལ་རྒྱན་དེ་ཏ་ལྟ་ཚོང་ར་གང་སར་ཁྱབ་པའི་གཡུ་བྱུར་རྫུས་མའི་རྒྱན་ཆ་དེ་རེད།སྐབས་དེར་དཔོན་པོ་དང་འབངས་མི་ཕལ་བ་ཞིག་གི་འཚོ་བའི་ཆ་རྐྱེན་དེ་འདྲ་གཅིག་མཚུངས་ཨེ་ཡིན་ནམ།

བཅུ་གསུམ།

མཚན་མོ་རོ་པོ་ཐི་ལུག་རྫི་ནས་ཕྱིར་སྦྲ་ནང་དུ་ཡོང་དུས།གཡང་མཚོ་ཡིས་རས་གོས་དཀར་པོ་ཞིག་གིས་ནུབ་ཕྱོགས་ཀྱི་བག་མ་གསར་བའི་གྱོན་པའི་རྒྱན་གོས་ཤིག་གྱོན་འདུགདེ་ནི་ངོ་མ་དགོད་བྲོ་བོ་འདུགབཟོ་སྟངས་དེ་སུ་ཞིག་གིས་ཁོ་མོར་བསླབས་པ་ཡིན།རྒྱུ་ཆ་དེ་རོ་པོ་ཐི་ཡི་མཁའ་འབབ་གདུག་ཡིན་ནམ་ཡང་ན་སུ་ཞིག་གིས་གནངས་པ་རེད།

བཅུ་བཞི

རྒན་པོ་བསྟན་འཛིན་གྱི་སྒྲུབ་ཕུག་གི་གྱང་ངོར་ཐང་ཀ་མང་པོ་གཤམའདུགདགོད་བྲོ་བ་ཞིག་ལ་ཐང་ཀ་དེ་དག་ནི་ཏ་ལྟ་ཚོང་ར་གང་ཡིན་སར་ཁྱབ་ཡོད་པའི་ཤོག་གུ་དང་མགྱིགས་ཤོག་གི་སྟེང་།གློག་ཀླད་ནང་མར་ཕབ་ནས་བསྐྱར་སྐུན་བྱས་པ་ཏག་ཏག་རེད།འདི་ལྟར་རྫུན་བཟོ་བྱས་ཚེ་བོད་ཀྱི་རིག་གནས་ལ་རྒྱུས་ལོན་མེད་པའི་མི་རིགས་གཞན་པའི་ལྟ་མཁན་དག་གི་རེ་ཞིག་མགོ་གཡོག་ཐུབ་མོད། འདི་ལྟ་བུའི་བྱ་སྤྱོད་དེ་དོན་སྙིང་ཅི་ཞིག་ཡོད་དམ།

བཅོ་ལྔ།

འབྲོག་པའི་སྦྲ་ནག་ནི་རང་གི་མི་རབས་དུ་མའི་འཚོ་སྡོད་བྱེད་སའི་ཁྱིམ་ཡིན།སྦྲ་ནག་ཕུབ་ན་གྲལ་འགྲིག་པོ།ཅ་དག་པོས་ངང་ནས་ཕུབ་པ་ནི་ཁོ་ཚོའི་འཇོན་ཐང་ཤེས་རིག་ལ་རེག་ལས་ཡོད།གློག་བརྙན་ནང་དུ་བྱུང་བའི་སྦྲ་ནག་དེ་དག་ནི་འགྱེལ་མ་ལངསདང་།ནར་མ་ནོར་དུ་ཕུབས་འདུག་ལ།ཕར་བལྟས་ཚེ་གཡུལ་འཁྲུག་གང་ཞིག་བྱུང་པའི་ཤུལ་རྗེས་ལོས་ཡིན་སྙམ་པའི་སྣང་བ་སྟེར།ཁྱོད་ཀྱིས་བལྟས་པའི་ཕྱི་གླིང་གློག་བརྙན་ནང་གི་ཡུན་ཏི་ཨམ་པའི་ཚོ་ཁག་དང་།ཨ་ལ་པོ་ཡིས་འབྲོག་པའི་འཚོ་བ་ལྟ་བུ་ཞིག་ག་ལ་ཡིན།

བཅུ་དྲུག

གློག་བརྙན་ནང་དུ་གཡང་མཚོར་རྒན་པོ་བསྟན་འཛིན་གྱིས་ཁ་ལ་བྱེད་དུས།གཡང་མཚོ་ལག་པ་གཡུག་ནས་་ཕར་སོང་ཕར་སོང་་་ཟེར་ནས་རྣམ་འགྱུར་རྩོག་པ་བཏོན་འདུགབོད་མི་སུ་ཞིག་ཡིན་ནའང་རང་ལས་ན་ཚོད་མཐོ་བའི་རྒན་པོ་ཞིག་གིས་ཁ་ལ་སློབ་གསོ་དང་སྐད་ཆ་གང་ཞིག་བཤད་ནའང་ཕྱིར་གུས་མེད་བྱེད་མི་སྲིད་ལ།ལྷག་པར་དུ་གཡང་མཚོ་ལྟ་བུའི་བུ་མོ་ལོ་ཆུང་ཞིག་གིས་གུས་མེད་སྐད་ཆ་དེ་ལྟ་བུ་དང་།རྣམ་འགྱུར་དེ་ལྟ་བུ་ཞིག་སྟོན་པ་དཔེ་མི་སྲིད་པ་རེད།དེ་ལྟ་བུ་ནི་བོད་མིའི་གུས་ལུགས་དང་ཡོངས་སུ་འགལ་བ་ཞིག་མིན་ནམ།

བཅུ་བདུན།

འཛམ་གླིང་འཁྲུག་ཆེན་གཉིས་པའི་སྐབས་ཀྱི་ལོ་རབ་བཞི་བཅུའི་དུས་སུ་རོ་པོ་ཐི་གནམ་གྲུ་ལས་ལྷུང་སའི་བོད་བྱང་ཐང་དུ་རླངས་འཁོར་སོགས་འཁོར་ལོ་རྒྱུགས་སའི་གཞུང་ལམ་ཞིག་ཡོད་མི་སྲིད།གཡང་མཚོ་སོགས་གནས་རི་ལ་མཇལ་སྐོར་དུ་འགྲོ་བའི་ལམ་ནི་ཏ་ལྟ་རླངས་འཁོར་སོགས་འགྲོ་བའི་་གཞུང་ལམ་རེད།འདི་དག་འཁྲབ་ཁྲིད་པའི་ཤེས་དགོས་པའི་དོན་བྱ་ཞིག་མིན་ནམ།

བཅོ་བརྒྱད།

རོ་པོ་ཐི་འཛིན་པར་རྒྱུགས་པ་མི་བསྐོར་ཞིག་གིས་རུ་འདབས་སུ་གདན་ཆ་བརྒྱབ་ནས་ཆང་ལ་བཏུང་ཞིང་ཤ་ལ་བཟའ་བཞིན་འདུགཡིད་ཕམ་པ་ཞིག་ལ་ཁོ་ཚོས་བཏུང་བྱའི་ཆང་སྣོད་ནི་ཏ་ལ་ལྟའི་་རྫ་ཤུན་ནག་པོ་ཁ་ཏོ་མགྱིག་རྫས་དཀར་པོ་ཞིག་རེད།བཟའ་བའི་བག་ལེབ་་ནི་ཏ་ལྟ་བཟའ་ཁང་དང་ཚོང་ར་ན་བཙོང་བཞིན་པའི་རྒྱ་མིའི་བག་ལེབ་མིང་ལ་པེ་པིན་་ཟེར་བའི་བག་ལེབ་ལེབ་མོ་ཆུང་ཆུང་དེའི་རིགས་རེད།འདི་ལྟར་བསམ་བཙུགས་ནས་འཁྱོག་བཤད་རྒྱག་དོན་ཅི།

བཅུ་དགུ

རོ་པོ་ཐི་དང་གཡང་མཚོ་གཉིས་རྩྭ་ཐང་དུ་ལྷན་དུ་སྡོད་དུས།ཁོར་ཡུག་ཏུ་ལྕགས་སྐུད་ཀྱིས་རྩྭ་ས་སྐོར་ཡོད།ཏ་ལྟའི་བོད་ཁུལ་དུ་ཡོད་པའི་རྩྭ་ས་ར་བ་རེད།དེ་དུས་སུ་ཞིག་རྩྭ་ས་འཛུགས་སྐྲུན་དེ་ལྟ་བུ་ཞིག་བྱས་པ་རེད།ཤིན་ཏུ་དགོད་བྲོ།

ཉི་ཤུ།

གཡང་མཚོ་ཚང་གི་སྒོ་ཁ་རུ་བཏག་པའི་རྟ་དེ་གནས་གཅིག་ཏུ་འགུལ་མེད་ཚོར་མེད་ངང་བཏག་འདུག་པ་དང་།གཏམ་རྒྱུད་ལ་འགྱུར་ལྡོག་ཇི་ལྟར་བྱུང་རུང་རྟ་དེ་གནས་གཅིག་ཏུ་སྔར་བཞིན་བདུག དེ་ནི་འཁྲབ་ཁྲིད་པས་ཐུགས་ཉམས་མ་བཞག་པས་ཨེ་ཡིན།

ཉེར་གཅིག

མགོ་པ་ཚང་གི་སྦྲ་ནང་གི་ཁེལ་མགོར་བཀལ་ཡོད་པའི་ཏ་ལེན་དེ་ནི་ཏ་ལྟ་ཚོང་ར་རུ་ཡོད་པའི་རས་ཀྱིས་བཟོས་ཤིང་གང་ས་གང་ལ་ཁྱབ་པའི་ཏ་ལེན་དེ་དག་རེད།འཁྲབ་ཁྲིད་པའི་ཏ་ལེན་དེ་ཡི་མཚོན་མདོག་ཡག་པོ་རེད་བསམ་ནས་དེ་རུ་ཆེད་དུ་བཀལ་བ་ཨེ་རེད།

ཉེར་གཉིས།

དཔོན་ཚང་དུ་ཏ་ལྟའི་ལྕགས་ཐབ་དང་ལྕགས་ཀྱི་དུད་ཁུང་།ད་དུང་སོ་ཕག་དམར་པོ་སོགས་འདུག དེ་དུས་བོད་ཁུལ་དུ་ལྕགས་ཐབ་དར་ཡོད་འདུག་ཤེས་དཀའ་མོད།ཡིན་ནའང་མཐའ་རྒྱན་ཟངས་དམར་བཞག་པའི་ཏ་ལྟའི་ལྕགས་ཐབ་དེ་ལྟ་བུ་ཡོད་མི་སྲིད། དེ་ལྟ་བུའི་སོ་ཕག་ཅིག་གྱང་གཏན་ནས་ཡོད་མི་སྲིད།

ཉེར་གསུམ།

མཇལ་སྐོར་བ་མང་པོའི་ཁྲོད་བུད་མེད་ཅིག་གིས་ཏ་ལྟའི་ཉིས་ལོང་གི་ལ་བ་ཞིག་གྱོན་ཡོད་ལ།ད་དུང་མཇལ་བ་མང་པོའི་ཁྲོད་དུ་ཏ་ལྟའི་སྐེ་རགས་དང་།ལྷམ། གྱོན་པ་གྱོན་ཡོད་པ་ཏག་ཏག་རེད། འདི་ཚང་མ་ཅི་ལྟར་བྱ།

ཉེར་བཞི།

གནས་རིར་མཇལ་བའི་ལམ་བར་དུ་མཇལ་སྐོར་དེ་འདྲའི་མང་པོ་ཡོད་ལ། དེ་ལྟ་བུའི་མིཚོགས་ཁྲོད་དུ་རི་པོ་ཐི་དང་གཡང་མཚོ་གཉིས་ངོ་ཐུག་བྱུང་ལ། འཛེམ་བྱ་ཅི་ཡང་མེད་པས་སྒོ་ནས་ཕན་ཚུན་འཐམས་འཁྱུད་བྱས་ན་དེ་ནི་བོད་མིའི་སྲོལ་དང་ཨེ་མཐུན །

ཉེར་ལྔ།

གློག་བརྙན་གྱི་མིང་བོད་ཡིག་ཏུ་་་བོད་ཀྱི་སྔོན་བྱུང་གཏམ་རྒྱུད་་ཟེར་ནས་བསྒྱུར་འདུག བོད་ཀྱི་སྔོན་བྱུང་གཏམ་རྒྱུད་ཟེར་ན་དེ་ནི་བོད་མིའི་རིག་གནས་དང་ལོ་རྒྱུས།དམག་དོན་སོགས་བོད་སྤྱི་ལ་ཁྱབ་པའི་མིང་ཞིག་དང་།ད་དུང་དེ་ནི་བོད་མིའི་བྱུང་བ་བརྗོད་པའི་གནའ་བོའི་གཏམ་རྒྱུད་ཅིག་ལ་འཁྲུལ་གྱང་སྲིད། གློག་བརྙན་དེ་ནི་ཕྱི་གླིང་པའི་གནམ་གྲུའི་ཁ་ལོ་བ་ཞིག་དང་།བོད་པའི་བུ་མོ་ཞིག་གི་བར་བྱུང་བའི་བརྩེ་དུང་གི་གཏམ་རྒྱུད་ཅིག་ཡིན་སྟབས། གཏམ་རྒྱུད་དེར་དམིགས་ནས་མིང་འདོག་རྒྱུ་མ་གཏོགས་བོད་ཟེར་བའི་མིང་ཆེན་པོ་དེ་ལྟ་བུ་ཞིག་འདོག་དོན་གཏན་ནས་མེད།

ཉེར་དྲུག

གཡང་མཚོའི་བྱིས་པ་ཚེ་ལས་འདས་ནས་ཁོ་མོ་སྒྲུབ་ཕུག་ཏུ་སོང་ནས་ལག་ལ་མཆོད་ཀོང་བཟུང་ནས་མྱ་ངན་བྱེད་ཅིང་མིག་ཆུ་འདོན། ལག་ཏུ་མཆོད་ཀོང་བཟུང་ནས་དེ་ལྟ་བུ་བྱེད་སྲོལ་ཅིག་བོད་ས་གནས་གང་ཞིག་ཏུ་ཡོད་དམ།

ཉེར་བདུན།

གཡང་མཚོའི་བྱིས་པའི་བེམ་པོ་མི་འགའ་ཡིས་བཟུང་ནས་མཚོ་ཡི་ཕྱོགས་སུ་སོང་ནས་མཚོ་ནང་ལ་བསྐྱུར་བའམ་ཡང་ན་མཚོ་ངོགས་སུ་བཅུག་པ་གང་ཡིན་མི་ཤེས་མོད། གང་ལྟར་དེ་ནི་བོད་ཀྱི་སེམས་ཁུངས་སུ་གོ་གནས་འགངས་ཆེན་བཟུང་བའི་ཡར་འབྲོག་གཡུ་མཚོ་ཡིན་ལ། དེ་ནི་བོད་པའི་བླ་མཚོ་རེད། དེ་ལྟ་བུའི་མཚོ་མོའི་ནང་དུ་གང་འདོད་དུ་བྱས་ཆོག་པ་ཞིག་ག་ལ་ཡིན།

ཉེར་བརྒྱད།

གློག་བརྙན་འདིའི་འཁྲབ་མཁན་གཙོ་བོ་བུ་མོ་དེས་གྱོན་ཆས་གྱོན་ལུགས་དང་། གོམས་པ་འགྲོ་སྟངས། ལས་ཀ་ལས་སྟངས།སྐད་ཆ་བཤད་སྟངས་སོགས་བོད་རིགས་བུ་མོ་ཞིག་གི་སྣང་བརྙན་དང་ཧ་ཅང་ཐག་རིང་ལ། མཐའ་ན་མིག་མདངས་དང་། བརྩེ་ཉམས་སྟོན་ཚུལ་སོགས་ཀྱང་བོད་མོ་ཞིག་དང་ཡོངས་སུ་འགལ་འདུག ལྷག་པར་དུ་གཡང་མཚོའི་གདོང་དང་།རྒྱ་མཚོའི་གདོང་ལ་དྲི་ནག་གམ་རྫས་ནག་པོ་ཅི་ཞིག་བྱུག་པ་མི་ཤེས་མོད།བོད་མའི་རང་བྱུང་གི་ཤ་མདངས་དུ་སྡུར་ཚེ་ཤིན་ཏུ་རྫུན་འདུག

མདོར་ན་གློག་བརྙན་འདི་ནི་བོད་ཀྱི་འཚོ་བ་མཚོན་པའི་རྒྱལ་ནང་གི་གློག་བརྙན་གཞན་དང་འདྲ་བར་བོད་མིའི་དམངས་སྲོལ་དང་།རིག་གནས།འཚོ་བ།དད་པ་སོགས་འགལ་པ་ཅུང་ཚབས་ཆེན་ཡིན་པའི་གློག་བརྙན་ཞིག་རེད།

འཁྲབ་ཁྲིད་པས་བོད་མི་རིགས་ཀྱི་རིག་གནས་དང་དམངས་སྲོལ།དད་འདུན། འཚོ་སྟངས་སོགས་དང་རིང་ནས་འགལ་པའི་གློག་བརྙན་འདི་ལྟ་བུ་ཞིག་ཕབ་བསྐྲུན་བྱས་ནས།ཡང་སྙིང་སུ་ཞིག་ལ་སྟོན་འདོད་པ་ཡིན། ཕྱིར་བོད་མི་རིགས་ལ་མཐོང་དུ་མི་འཇུག་པས་ཆེད་ཨེ་ཡིན། འདི་ལྟར་འཁྱོག་བཤད་དང་འགལ་ཟླ་མང་པོ་ཞིག་བསྐྲུན་ཚེ་ཁྱོད་གློག་བརྙན་སྒྱུ་རྩལ་པ་ཞིག་ཡིན་ན་རྒྱུ་འབྲས་དང་འགན་ཁྲི་ཞིག་ཡོད་དགོས་ལ་། ཁྱོད་ཀྱིས་སེམས་ཤེས་རྒྱུ་འབྲས།འགན་ཁྲི་གང་ལ་སོང་།

ཁོ་བོ་ནི་གློག་བརྙན་ལ་ཞིབ་འཇུག་དང་གློག་བརྙན་ལ་དཔྱད་བརྗོད་སྤེལ་མཁན་ཞིག་མིན་ལ་། རྩོམ་ཡིག་འདི་ནི་བོད་རིགས་ལྟ་མཁན་དཀྱིས་མ་ཞིག་གི་མཐོང་སྣང་ལ་ཤར་བའི་བསམ་ཚུལ་ངོ་མ་ཞིག་ཡིན། རེ་བར་བོད་ཀྱི་རིག་གནས་སྤྱི་དང་བོད་མིའི་འདུ་ཤེས་འཛིན་སྟངས་ལ་རྒྱུས་ལོན་མེད་པའི་གློག་བརྙན་པ་དག་གིས་མི་རིགས་ཤིག་གི་རིག་གནས་ འཁྱོག་བཤད་བརྒྱབ་ནས། མི་རིགས་སོ་སོའི་བར་གྱི་མཆམ་མཐུན་ལ་གནོད་པའི་ལས་མ་བྱས་ན་ལེགས་ལ།རྒྱལ་ཁབ་ཀྱི་འབྲེལ་ཡོད་གློག་བརྙན་བདག་དོམ་ལས་ཁུངས་ནས་ཀྱང་གློག་བརྙན་འདི་ལྟ་བུ་དྲིལ་བསྒྲོག་དང་འགྲེམ་སྤེལ་གྱི་ཕྱོགས་ལ་གཟབ་ནན་བྱས་ནས། མི་རིགས་སོ་སོའི་མཐུན་སྒྲིལ་མཆམ་མཐུན་གྱི་ལས་དོན་ཕྱོགས་ལ་མཐུན་རྐྱེན་ལེགས་པོ་བསྐྲུན་རྒྱུ་ནི་ཆེ་གལ་འགངས་ཆེ་བའི་བྱ་བ་ཞིག་མིན་ནམ།

2011-4-14

Full Body Dumbbell Workouts For Fitness
PORNO After World War I

The New Fashion In Trash
Prom Dresses With just two days to work and a budget of just

Chicago Black Hair and Health
PORNO mode product occupations

Harley Davidson Tee Shirts for Every Occasion
Free Games Mike and Eric have a high taste level

Dress Up Games For Girls
Kostenlose Pornos von design houses and other fashion oriented markets around the world

Tips on Fashion for Women With Curves
free xxx books and personal accessories

Fall Into Fashion with Rhinestones
Tube XXX A suit may consume some two hundred hours from start to finish

s Diasappointing Results Cause for Concern
Filme Porno On the eve of New York Fashion Week
བསྟོད།7

抱歉,评论已关闭!