འཇུ་སྐལ་བཟང་གིས་ངེད་དྲ་བར་བསྐུར་བའི་ཡུལ་ཤུལ་ས་ཡོམ་ལ་ཕུལ་བའི་མྱ་ངན་རྩོམ་ཡིག

འཇུ་སྐལ་བཟང་།

ཞུ་འཕྲིན་སྤུན་ཟླའི་སེམས་གསོ།

རང་བྱུང་འབྱུང་བཞིའི་འཇིགས་པ་བཟློག་ཏུ་མེད།།
མི་འདོད་ཐོག་བབས་ལས་ཀྱི་བསྐོས་ཐང་ལ།།
ཐེག་ཏུ་དཀའ་ཡང་ཅིས་ཀྱང་འཁུར་དགོས་པས།།
བཟོད་བསྲན་སྙིང་རུས་བསྐྱེད་དང་ཕ་བཟང་བུ།།

སྐྱེ་འཆི་བདེ་སྡུག་རྒྱུ་ནོར་མི་རྟག་པ།།
རང་རེའི་ལུགས་གཉིས་བསླབ་པའི་སྲོག་ཡིན་ན།།
ཆོས་ལྡན་བོད་པའི་ཁྱད་ཆོས་ད་རེས་དགོས།།
ཤེས་ཆེན་ཤོང་ཡངས་གྱེས་དང་ཨ་མའི་བུ།།

ཤི་བོའི་ལམ་སྟོན་གསོན་པོའི་སེམས་གསོ་ལ།།
ས་སྟེང་མི་ཡི་ཐུགས་འཁུར་ཆེས་ཆེ་བ།།
ལས་ངན་ནང་ནས་རང་རེ་ལས་ཅན་འདུག།
བློ་ཕུགས་སེམས་རྩ་མ་གཉོམ་ཤ་ཉེའི་གྲོགས།།

བསྟོད།9

དཔྱད་མཆན་སྤེལ།