གཡུ་རལ་བསིག་བཞིན་བུད་སོང་བའི་སྙན་ངག་པ།

སྒྲེན་པོ།

བོད་ཀྱི་སྙན་ངག་པ་ཡི་དམ་ཚེ་རིང་སྐུ་གཤེགས་ནས་ལོ་འཁོར་ལྔ་འགོར་བར་རྗེས་དྲན་དུ།
ཀླད་ཀྱི་གཏམ།

ཉེ་བའི་ལོ་འདི་ཚོར་བོད་ཡུལ་གྱི་གྲུ་ཁ་གང་རུང་ན་འདས་པོ་ཚོར་རྗེས་དྲན་བྱེད་པའི་ཚ་རླབས་ཤིག་འཕྱུར་གྱིན་བདོག་པ་ནི།ཁོ་བོ་ལྟར་ན་དེ་ནི་དགའ་མོས་འབུམ་གྱིས་མཐེ་མོང་ཀེར་སའི་གནས་འབའ་ཞིག་ཏུ་འཁུམ།སྔ་གཞུག་ཏུ་མཁས་དབང་དགེ་ཆོས་དང་རང་གྲོལ།པན་ཆེན།དུང་དཀར།ཡི་དམ་ཚེ་རིང་བཅས་སུ་རྗེས་དྲན་བྱེད་ཀྱིན་པའི་རྣམ་འགྱུར་འདིའི་ཐོག་ནས་འོ་སྐོལ་མི་རིགས་འདི་ལ་རེ་བའི་མྱུ་གུ་ཞིག་འབུས་ཀྱིན་པ་ནི།རང་གི་ཤེས་ཡོན་ཅན་དང་ལྷག་དོན་མི་རིགས་རང་སྟེང་གི་ནད་རོར་མི་རིགས་རང་མིས་གཤགས་བཅོས་བྱ་དགོས་པའི་དགོངས་གཞི་ཅན་གྱི་འཇོན་མིར་གོང་བཀུར་བྱེད་དགོས་པའི་འདུ་ཤེས་གཞི་ནས་སད་ཡོད་པ་རེད།འོ་སྐོལ་མི་རིགས་འདི་ལ་ཡང་འཇོན་མི་གོང་དུ་བཀུར་བའི་སྲོལ་རྒྱུན་ཁྱོན་ནས་མེད་པ་མ་ཡིན་མོད།ཉེ་རབས་བོད་སྤྱི་ཚོགས་ཀྱི་བསམ་བློའི་འགོ་ཁུངས་སུ་བགྲང་རུང་བའི་གོང་གསལ་འཇོན་མི་དེ་དག་ལ།དོན་གྱིས་བཤད་ན་བོད་སྔ་མའི་སྲོལ་རྒྱུན་མཁས་ཆེན་ཚོ་དང་རྦད་དེ་མི་འདྲ་བའི་ངོས་གཞན་ཞིག་ཡོད་པ་ང་ཚོས་ཤེས་དགོས།ཁོང་ཚོ་ཐུན་མོང་ལ་མངའ་བའི་དགག་སྒྲུབ་ཐེར་འདོན་གྱི་སྙིང་སྟོབས་དང་།དོགས་སློང་དཔྱོད་ཤེས་ཀྱི་སྙིང་སྟོབས།འཚོལ་རྟོག་བདེན་སྨྲ་ཡི་སྙིང་སྟོབས་བཅས་མདོར་ན་མིག་ཤེས་གཞན་པ་ཞིག་གིས་འོ་སྐོལ་མི་རིགས་འདིའི་འདས་མ་ད་གསུམ་ལ་བལྟ་ཐུབ་ཡོད་པས་ཡིན།ང་ཚོས་ད་ལ་ཐུག་གི་དབར་དུ་མིག་ཤེས་གཞན་པ་འདིའི་རིན་ཐང་མ་ཚོར་བས།སྐྱོ་གར་གྱི་མུ་སྐྱོ་གར་ལ་བསྲེས་དགོས་བྱུང་བ་རེད།ང་ཚོས་རྗེས་དྲན་བྱེད་པའི་དམིགས་འབེན་ནི།ཤི་བོའི་ཆེད་དུ་ཤི་བོར་རྗེས་དྲན་བྱེད་པ་མ་ཡིན་པར།གསོན་པའི་ཆེད་དུ་ཤི་བོར་རྗེས་དྲན་བྱེད་དགོས།སྐྱེས་ཆེན་འདི་དག་གི་བཞེད་དགོངས་དང་རིགས་ཞེན།བདེན་པ་བཙལ་བའི་སྙིང་སྟོབས།ལམ་གྱི་གནས་སྐབས་གང་དུ་ཡང་གཉའ་སྒུར་མ་མྱོང་བའི་སྒལ་ཚིགས་དྲང་མོ་བཅས་གསེར་སྲང་སྟོང་གིས་ཀྱང་མི་ཁུག་པའི་གཟུགས་མེད་ཀྱི་སྟོབས་ཤུགས་འདི་དག ང་ཚོ་ཕྱི་རབས་པའི་ནང་ནུས་ངོ་མ་རུ་སྒྱུར་རྒྱུ་ནི་རྗེས་དྲན་བྱེད་པའི་མཐར་ཐུག་གི་དམིགས་འབེན་ཡིན་ན། སྒལ་ཚིགས་ཀྱི་གསོན་དཔེ་དང་མི་གཞིའི་དར་ཆ་རུ་བསྔགས་འོས་པའི་རང་རེ་སྙན་ངག་པ་ཆེན་མོ་ཡི་དམ་ཚེ་རིང་མཆོག་ལ་རྗེས་དྲན་བྱེད་ཀྱིན་པ་ཡང་དེ་ག་རང་ལས་མ་འདས།དེ་ལྟར་ཡིན་ན།འདིར་ཆེད་དུ་ངེས་དོན་གྱི་སྙན་ངག་པ་ཁོང་ཉིད་སྐུ་གཤེགས་ཏེ་བགྲང་བྱ་ལྔ་འགོར་བར་རྗེས་དྲན་གྱི་ཡིག་ཚོགས་འགའ་བསྟར་བ་ལ།

གཅིག ཁོང་གི་སྙན་ངག་དང་བསམ་བློ།

སྙན་ངག་པ་ཁོང་གི་སྙན་ངག་དང་བསམ་བློ་གླེང་དགོས་ན་ཐོག་མར་ཁོང་གིས་སྙན་ངག་ལ་བཟུང་བའི་ལྟ་སྟངས་དང་ཀུན་སློང་ཤེས་རྒྱུ་ནི་གཙོ་སྙིང་ཡིན་པས།འདིར་ཆེད་དམིགས་ཀྱིས་ཁོང་གི་གསུང་ཚིག་འགའ་དྲངས་ན།{སྙན་ངག་པ་ནི་ཐོག་མ་ཉིད་ནས་རང་ཉིད་མི་རིགས་ཀྱི་བུ་ཕྲུག་ཡིན་པ་ལྟར།སྙན་ངག་དེའང་ཐོག་མར་བྱུང་བ་ཉིད་ནས་མིའི་རིགས་ཀྱི་སེམས་ཀྱི་སྒྲ་དབྱངས་ཡིན།དེ་ནི་སྙན་ངག་པ་རྣམས་ཀྱིས་ཐོག་མར་བརྗེད་མི་རུང་བའི་གནས་ལུགས་ཤིག་རེད།མི་རྣམས་ཀྱིས་ངག་རྒྱུན་དུ་སྙན་ངག་ནི་མི་རིགས་ཀྱི་དུང་སྐད་སྙན་མོ་ཡིན་པར་བརྗོད་པ་ལྟར་ན།སྙན་ངག་པ་ནི་ངེས་པར་དུ་དུང་དཀར་འབུད་མཁན་གྱི་སྐྱེས་བུ་ཡིན་དགོས།གལ་ཏེ་ཁྱོད་ཀྱི་དུང་སྐད་སྙན་མོར་སྐུལ་ཡུལ་མེད་པར་གྱུར་ན།ཁྱེད་ཀྱིས་དུང་སྐད་བཏང་ནས་ཅི་ཞིག་བྱ།དེ་བས་ཁྱེད་ཀྱིས་སྤེལ་བའི་སྙན་ངག་དེ་ནི་ངེས་པར་དུ་མི་རིགས་རིག་གནས་ཀྱི་ས་གཞིའི་སྟེང་དུ་རྩ་བ་ཚུགས་ཤིང་།རང་གི་མི་རིགས་ཀྱི་ལས་སྐལ་དེར་སྐུལ་སློང་དང་འབོད་སྒྲ་སྒྲོག་ནུས་པའི་སྙནངག་ཡིན་དགོས།དེ་ནི་སྙན་ངག་པ་ཞིག་གི་རང་བཞིན་དུ་གྲུབ་པའི་འོས་འགན་ཡིན།}གསུང་ཚིག་ཚན་པ་འདི་ལས་ཁོང་གི་སྙན་ངག་གི་ཁ་གཏོད་ཡུལ་དང་སྙན་ངག་པའི་གཟུར་མེད་ཀྱི་འགན་འཁྲི་ལྷང་ལ་བུད་འདུག་པ་མ་ཡིན་ནམ།སྤྱིར་ན་འགན་འཁྲི་མེད་ཚེ་སྒྱུ་རྩལ་ཞེས་པ་སྦྲུམ་དུ་མེད་པ་ལྟར།སྙན་ངག་པའི་འགན་འཁྲི་དེ་ཡང་རིགས་གཉིས་སུ་དགར་ཆོག་སྟེ།གཅིག་ནི་སྒྱུ་རྩལ་རང་སྟེང་གི་འགན་འཁྲི་དང་ཅིག་ཤོས་ནི་སྒྱུ་རྩལ་བརྩམས་ཆོས་ཀྱི་ཁ་གཏོད་ཡུལ་ཀློག་པ་པོར་འགན་འཁྲི་ཡོད་མེད་རེད།སྙན་ངག་འབྲི་མཁན་སུ་ཞིག་ཡིན་རུང་འགན་འཁྲི་མེད་ཟེར་སྲོལ་མེད་གི་བསམ།རྒྱུ་མཚན།ཉེ་བའི་ལོ་འདི་དག་གི་རིང་ལ་རང་རེ་བོད་པའི་རྩོམ་སྟེགས་སྟེང་དུ་སྙན་ངག་ལ་འགན་འཁྲི་ཡོད་མེད་ཀྱི་སྐོར་ནས་སྐད་ཆ་འདྲ་མིན་ལབ་ཀྱིན་འདུག་མོད།ཁོ་བོའི་ལྟ་སྟངས་ཡིན་ན་འགན་འཁྲི་ཡོད་མེད་ཀྱི་སྐད་ཆ་དེ་ལ་དབྱེ་མཚམས་ཤིག་ཡོད་སྙམ།སྙན་ངག་ལ་འགན་འཁྲི་ཡོད་དང་མེད་དེ་སྙན་ངག་རང་སྟེང་ལ་བལྟས་ནས་བཤད་པའི་སྐད་ཆ་ཞིག་ཡིན་ནམ་ཡང་ན་སྙན་ངག་དེའི་ཁ་གཏོད་ཡུལ་ཀློག་པ་པོར་དམིགས་ནས་བཤད་པ་ཞིག་ཡིན་མིན་གྱི་གནད་དེ་གོ་དགོས་པ་འདྲ།གལ་སྲིད་སྙན་ངག་རང་སྟེང་ལ་བལྟས་ནས་བཤད་པའི་སྐད་ཆ་ཞིག་ཡིན་ན་འགན་འཁྲི་མེད་ཅེས་བཤད་ཆོག་མོད།ཀློག་པ་པོར་དམིགས་ནས་སྐད་ཆ་དེ་འདྲ་ལབ་པ་ཡིན་ཕྱིན་སྙིང་བོ་མེད་གི་འདོད།

སྙན་ངག་ནི་མ་གཞི་ནས་རང་རྐྱ་འཕེར་བའི་སྒྱུ་རྩལ་གྱི་བྱེ་བྲག་ཅིག་ཡིན་པའི་ཆ་ནས་བཤད་ན།རང་རྐྱ་འཕེར་བའི་སྙན་ངག་དེ་ནི་དཔལ་འབྱོར་དང་དམག་དོན།ཆབ་སྲིད།སྟེང་གི་བཀོད་པ་སོགས་གང་གིས་ཀྱང་དབང་དུ་སྒྱུར་མི་ནུས་པའི་སྣང་བ་རྒྱ་ཡན་པ་ཞིག་ཏུ་ཁོ་བོས་འདོད།སྙན་ངག་ནི་སྐད་ཆ་བཤད་སྟངས་ཤིག་རེད་ཅེས་བཤད་ན་ཡང་འགལ་བ་ཆེར་མེད་སྙམ།སྐད་ཆ་འདི་ལ་བསམ་རྒྱུ་མང་པོ་ཡོད་དེ།དེ་འདྲའི་སྙན་ངག་ཚུགས་ཐུབ་པ་ཞིག་དངོས་ཡོད་སྤྱི་ཚོགས་ཁྲོད་དུ་གནས་ཐུབ་པའི་ཁོར་ཡུག་ཡོད་མེད་ལ་བསམ་གཞིག་གཏོང་རྒྱུ་ནི་གལ་ཆེན་པོ་རེད།སྙན་ངག་དེ་ལ་རང་རྐྱ་འཕེར་བའི་རང་དབང་གི་ལམ་ཁ་ཞིག་སྟེར་དང་མི་སྟེར་གྱི་དབར་ན་འདང་རྒྱག་ས་མང་པོ་ཞིག་མཆིས་ཏེ།སྙན་ངག་འཕེལ་བའི་ལོ་རྒྱུས་ཀྱི་བཞུད་ལམ་ལ་ཕྱིར་མིག་ཅིག་འཕངས་རྗེས་རྟོགས་འོང་བ་ནི།རྩོམ་རིག་གི་བྱེ་བྲག་ཏུ་གྱུར་བའི་སྙན་ངག་འདི་རྩོམ་རིག་སྤྱིའི་ཁོང་ནས་ཁོལ་ཏུ་ཕྱུང་ནས་རང་དབང་གི་ཁོར་ཡུག་ཅིག་ཆགས་པར་དུས་ཡུན་མང་པོ་ཞིག་དགོས་པ་དེ་རེད།འཛམ་གླིང་གི་བསམ་བློའི་རླབས་རྒྱུན་སོ་སོའི་མེ་སོན་སྙན་ངག་གིས་སྦར་བ་རེད་ལ།དེ་བཞིན་དུ་རང་རེ་བོད་ལ་མཚོན་ནའང་།ལོ་རབས་བརྒྱད་བཅུ་བའི་དུས་སུ་སྙན་ངག་གིས་མི་དམངས་ལ་རྨོངས་གཉིད་ཀྱི་དྲན་སྐུལ་བྱས་པ་མ་ཡིན་ནམ།

མི་རིགས་སོ་སོར་སྙན་ངག་འཕེལ་འགྱུར་གྱི་ལོ་རྒྱུས་ཡོད་པ་ཇི་བཞིན།མི་རིགས་སོ་སོའི་སྙན་ངག་གི་གནས་བབ་དང་ཁ་གཏོད་ཡུལ་ཡང་གཅིག་པ་ཡིན་མི་སྲིད།མི་རིགས་སོ་སོའི་སྙན་ངག་ལ་བཟང་ངན་གྱི་དབྱེ་བ་འབྱེད་རྒྱུ་མེད་པ་ནི།མི་རིགས་སོ་སོའི་སྤྱི་ཚོགས་འཕེལ་རྒྱས་ཀྱི་གོམ་འགྲོས་ཀྱིས་ཐག་བཅད་འདུག་སྙམ།ཡིག་རྨོངས་བའི་ཕོན་ཆེ་བ་བཟུང་ཞིང་བཤིག་རལ་འཐོར་གསུམ་དུ་འགྲོ་ལ་ཉེ་བའི་མི་རིགས་ཤིག་ལ།སྒྱུ་རྩལ་ལ་གཞོལ་ཆེ་བའི་སྙན་ངག་ཅིག་གིས་ནུས་པ་ཐོན་ཐུབ་བམ།སྙན་ངག་འབྲི་མཁན་ཞིག་ཡིན་ན་ངེས་པར་དུ་མི་རིགས་སྤྱིའི་སྙན་ངག་མྱོང་རོལ་གྱི་ཆུ་ཚད་ལ་བསྟུན་རྒྱུ་ནི་གལ་ཆེན་རེད་འདོད།ཀློག་པ་པོ་མང་པོ་ཞིག་སྙན་ངག་གི་ལམ་ནས་རྨོངས་གཉིད་ལས་སད་དུ་གཞུག་རྒྱུ་ནི་འོ་སྐོལ་མི་རིགས་འདིའི་སྙན་ངག་པ་ཚོའི་གཡོལ་མེད་ཀྱི་འགན་འཁྲི་རེད་འདོད།དེ་མ་ཡིན་པར་ཀློག་པ་པོ་རེ་ཟུང་གི་འདོད་མོས་སྐོང་ཆེད་སྙན་ངག་འབྲི་རྒྱུ་ཡིན་ཕྱིན།དེ་ལྟ་བུའི་སྙན་ངག་ནི་སྒེར་སྡོམ་འབའ་ཞིག་རེད།སྙན་ངག་མེ་ལོང་མ་དར་རྗེས་བོད་ཀྱི་སྙན་ངག་དེ་མང་ཚོགས་རང་བཞིན་དང་བར་བཀྱེད་པའི་འགོ་བརྩམས་པ་ནང་བཞིན་རེད།མེ་ལོང་མ་དར་རྗེས་བོད་ཀྱི་སྙན་ངག་དེ་གྲངས་ཉུང་བའི་ཤེས་ཡོན་པའི་སྡེ་ནས་དར་བ་མ་གཏོགས།རྒྱ་ཆེ་བའི་མི་མང་དམངས་ཚོགས་ལ་ཁ་ཕྱོགས་མ་ཐུབ་པ་ནི་སྙན་ངག་གི་ཕམ་ཁ་རེད།སྙན་ངག་པ་ཚོའི་ཕམ་ཁ་རེད་འདོད། འགན་འཁྲིའི་ངོས་ཐད་ནས་བཤད་ན་སྙན་ངག་པ་ཡི་དམ་ཚེ་རིང་ལགས་ནི་གསོན་དཔེ་རུ་བགྲང་རུང་སྟེ།ཁོང་གི་སྙན་ངག་གིས་རི་ཁ་བ་ཅན་གྱི་རི་ཆུ་ནགས་གསུམ་ནམ་ཡང་བོར་མ་མྱོང་ལ།ཁོང་གི་སྙན་ངག་གིས་ཁ་བའི་ལྗོངས་ཀྱི་རིགས་ཞེན་གྱི་ལ་རྒྱའི་མཚོ་མོ་དགུང་ནས་སྐྱོམས་སུ་བཅུག་མྱོང་།ཁོང་གི་སྙན་ངག་ཀློག་ཐེངས་རེ་རེར་ཞུམ་མེད་ཀྱི་སྤོབས་པ་ཞིག་དང་རེ་བའི་འོད་སྣང་ཞིག་ཕངས་མེད་དུ་བསྩོལ་བས།ཁོང་ནི་འགན་འཁྲི་ཐེད་ལ་བོར་བའི་རང་རེ་བོད་ཀྱི་གཞོན་སྐྱེས་སྙན་ངག་པ་མང་པོ་དང་མི་འདྲ་བར།སྙན་ངག་བླ་སྲོག་གིས་འབྲི་མཁན་ཞིག་རེད།བར་སྣང་ནས་རྐང་བ་སར་སྤོ་མི་ཤེས་པའི་བོད་ཀྱི་སྙན་ངག་པ་རེ་འགས་དངོས་ཡོད་ཀློག་པ་པོ་དང་རིགས་སྤྱིའི་གནས་བབ་ལ་མི་གཞིག་པར་འོལ་ཚོད་ཀྱིས་སྒྱུ་རྩལ་གྱི་ཕྱི་ཤུན་ཁོ་ནར་བརྩོན་གྱིན་པ་ནི།རིགས་སྤྱིའི་རྩོམ་རིག་མྱོང་རོལ་གྱི་ཆུ་ཚད་དང་གནས་བབ་ལ་མ་དཔྱད་པའི་འོག་གི་ལོག་ལམ་ཞིག་རེད་འདོད།སྙན་ངག་བཟང་བོ་ཞིག་ཡིན་ན་བརྗོད་བྱའི་བསམ་བློ་དང་ལྷུ་རྐང་འགྲིག་པའི་རྗོད་བྱེད་ཀྱི་ཚིག་ཤུན་ཞིག་བསྐོན་དགོས།སྙན་ངག་གང་དེའི་བསམ་བློ་དང་སྒྱུ་རྩལ་མཚོན་ཐབས་གཉིས་ཨ་འགྲིག་ཆ་འགྲིག་ཡིན་ན་འགྲིག་པ་ལས།བརྗོད་བྱའི་སྲོག་བོར་བའི་སྙན་ངག་དེར་སྒྱུ་རྩལ་མཚོན་ཐབས་ཀྱི་ཕྱི་ཤུན་ག་འདྲ་བསྐོན་ཀྱང་སྙིང་བོ་ཏིལ་འབྲུ་ཙམ་ཡང་ཡོད་མི་སྲིད།ད་ལྟའི་བོད་ཀྱི་ན་གཞོན་མང་ཆེ་བས་འཚོལ་ཅིང་སྙེག་གིན་པའི་ལམ་ཁ་ནི་འདིའི་རིགས་སུ་གཏོགས་པས།ཀློག་མཁན་མང་པོ་ཞིག་གིས་སྙན་ངག་ལ་མཐོང་ཆུང་གི་རྣམ་འགྱུར་འཛིན་གྱིན་པར་རྒྱུ་མཚན་མེད་པ་ག་ནས་ཡིན།

ན་གཞོན་མང་པོ་ཞིག་གི་སྣང་ངོར་སྙན་ངག་ནི་རོལ་རྩེད་ཀྱི་རྣམ་པ་ཞིག་དང་ཡང་ན་སེམས་ཁོང་དུ་ཆུད་དུས་སྡུག་གི་མཆི་མ་གཏོང་རོགས་ཙམ་ལ་ངོས་འཛིན་བྱེད་ཀྱིན་འདུག དངོས་གནས་ཁ་སང་དེ་རིང་གི་བོད་པའི་རྩོམ་སྟེགས་སྟེང་ན་སྙན་ངག་ལ་རྣམ་འགྱུར་གཙང་མ་འཛིན་མཁན་དང་།གཟབ་ནན་གྱིས་སྙན་ངག་ལ་འཇུག་མཁན་གྱི་གཞོན་སྐྱེས་ནི་ཉིན་མོའི་སྐར་མ་བཞིན་ཧ་ཅང་ཉུང་གི སྒྱུ་རྩལ་རྩོམ་རིག་གི་བྱེད་ནུས་དང་དེའི་ཕུགས་ཀྱི་ནག་ཉེས་ལ་བསམ་གཞིག་མི་གཏོང་པར་སྙན་ངག་གི་ལམ་ཁ་ཉུལ་མཁན་འདིའི་རིགས་ནི་དོན་གྱིས་སྒྱུ་རྩལ་རྡོག་བརྫིས་བྱེད་མཁན་དང་སྙན་ངག་ལ་རྨ་ཕབ་མཁན་འབའ་ཞིག་རེད་ཅེས་ཁོ་བོས་སྨྲ་བར་སྤོབས།ང་ཚོ་ཕྱི་རབས་པ་མང་པོས་སྙན་ངག་པ་ཁོང་གི་སྙན་ངག་དང་སྒྱུ་རྩལ་ལ་བཟུང་བའི་གཟབ་ནན་གྱི་འདུ་ཤེས་དང་དད་ཞེན་དེ་ལ་ཅི་ནས་ཀྱང་སློབ་སྦྱོང་བྱ་དགོས།སྙན་ངག་པ་ཁོང་གི་སྐད་ཆ་ལྟར་ན་དུང་སྐད་སྙན་མོར་སྐུལ་ཡུལ་མེད་པའི་སྙན་ངག་པ་ནི་ང་ཚོར་མིང་མེད་ན་ཉུང་མི་འདུག

སྒྱུ་རྩལ་ཁ་ལ་འཁྱེར་ནས་བོད་པའི་སྙན་ངག་ལ་ནག་ཉེས་བསྐྲུན་མཁན་གྱི་སྙན་ངག་པ་ནི་ཉུང་ཉུང་མ་རེད།བོད་ཀྱི་སྤྱི་ཚོགས་འདི་ནི་བདག་པོ་མེད་པའི་ལུག་ཁྱུ་བཞིན་གང་སར་འགྲིབ་ཀྱིན་པའི་སྐྱ་ཆད་སྔོ་སྡུག་གི་གནས་བབ་འདི་འདྲར།སྙན་ངག་གིས་ཅི་ནས་ཀྱང་ཀློག་པ་པོ་དང་སྤྱི་ཚོགས་ལ་འགན་ཁུར་ན་རེད་འདོད།ང་ཚོར་《རྔ་ཆེན་རོལ་དབྱངས》ལྟ་བུའི་སྙན་ངག་ནི་ཇི་འདྲའི་མཁོ་ཨང་།

གཉིས།ཁོང་གི་མི་གཞི་དང་སྒལ་ཚིགས།

སྙན་ངག་པ་བཟང་བོ་ཞིག་ཏུ་འགྱུར་མིན་ནི་སྙན་ངག་པ་དེའི་སྙན་ངག་བློ་སྦྱོང་གི་ཆུ་ཚད་དང་ལྷན་སྐྱེས་ལ་འབྲེལ་བ་ཡོད་པ་ཕུད།སྙན་ངག་འབྲི་བ་བོ་དེའི་མི་གཞི་དང་སྒལ་ཚིགས་ལ་ཡང་འབྲེལ་བ་ཡོད་པ་བསྙོན་མེད་ཡིན།ཁོ་བོས་སྙན་ངག་པ་ཁོང་ལ་དད་མོས་བྱ་ཡུལ་གྱི་རྒྱུ་རྐྱེན་ཡང་མདོར་དེད་ན་ཁོང་ལ་མི་རིགས་ཀྱི་བདེ་སྡུག་བསམ་པའི་དཀྱེལ་ཡངས་ཀྱི་བློ་ཁོག་ཅིག་དང་།དཀའ་ངལ་གང་ལ་འཕྲད་ཀྱང་མགོ་བོ་མི་སྒུར་བའི་སྒལ་ཚིགས་དྲང་མོ།གང་ལ་སོང་ན་གང་ནས་བསྡད་ན་རང་ཉིད་བོད་ཅིག་ཡིན་སྙམ་པའི་རང་ཚུགས་བོར་མ་མྱོང་བའི་བརྟན་བརླིང་གི་མི་གཞི་མངའ་བས་ཡིན།ཚུགས་ཐུབ་ཀྱི་མི་གཞི་འདི་འདྲ་དང་དཀྱེལ་ཡངས་ཀྱི་བློ་ཁོག་འདི་འདྲ།དད་ཞེན་གྱི་ཀུན་སློང་འདི་འདྲ་བདོག་པས་ཁོང་ལ་སྙན་ངག་པའི་ཆོ་ལོ་རེག་པ་མ་ཡིན་ནམ།དེང་སྐབས་བོད་པའི་རྩོམ་སྟེགས་སྟེང་ན་སྣང་ཚུལ་འཇིགས་སུ་རུང་བ་ཞིག་བྱུང་དང་འབྱུང་གིན་པ་ནི།སྙན་ངག་ཐར་ཐོར་རེ་གཉིས་ཙམ་མ་གཏོགས་མ་བྲིས་པའི་མི་དེ་ལ་སྙན་ངག་པའི་ཆོ་ལོ་བསྩོལ་གྱིན་འདུག་མོད།ཁོ་བོའི་ངོས་ཐད་ནས་བལྟས་ན་བསམ་སྦྱོར་འདི་འདྲ་སྤེལ་མཁན་གྱི་མི་དེ་དག་ནི་དོན་གྱིས་སྙན་ངག་དང་སྙན་ངག་པར་མཐོང་ཆུང་བྱེད་མཁན་འབའ་ཞིག་ཏུ་འཁུམ་ལ།སྒྱུ་རྩལ་ཡོད་དོ་ཅོག་གི་ཏོག་དང་རྒྱལ་མཚན་ལྟ་བུར་བཀུར་བའི་སྙན་ངག་ལ་ཀུན་སློང་གཙང་མས་འཇུག་གིན་མེད་པའི་ངོས་ཤིག་ཀྱང་ལྷག་འདུག་སྙམ།སྙན་ངག་པའི་ཆོ་ལོ་དེ་སྙན་ངག་པའི་བློ་སྦྱོང་དང་མི་གཞི་ལ་མ་བལྟས་པར་གང་ཡིན་ལ་བསྩོལ་ཐེངས་མང་ན།སྙན་ངག་པ་ཞེས་པའི་ཐ་སྙད་འདིའི་མཛེས་པ་ཤོར་བ་དང་ལྷན་དུ་སྙན་ངག་གི་གོ་ས་ལྟུང་གིན་པ་མ་ཡིན་ནམ།

མི་ཚེ་སྙན་ངག་ལ་བསྟིམ་པའི་སྒྱུ་རྩལ་གྱི་དད་འདུན་པ་ཁྱེད།{སྙན་ངག་གསར་རྩོམ་བྱེད་པ་ནི་སྐྱེ་དངོས་འཕེལ་འགྱུར་བྱུང་བ་ལྟ་བུ་མ་ཡིན་པར།རང་ཚུགས་འོད་མདངས་གསལ་བའི་ཚེ་སྲོག་གསར་བ་ཞིག་གསར་བསྐྲུན་བྱེད་པ་ཡིན།}ཞེས་པའི་གསུང་ཚིག་འདི་ནི་རང་ཚུགས་མངོན་པར་གསལ་བའི་སྙན་ངག་པ་ཞིག་གི་སེམས་གཏིང་ནས་བརྡོལ་བའི་ལེགས་བཤད་མ་རེད་གྲང་།ཁྱེད་ལ་འདི་ལྟ་བུའི་རང་ཚུགས་བརྟན་པོ་ཞིག་མངའ་བས་གཞི་ནས་ཁྱེད་ཀྱི་སྙན་ངག་ལ་ཐུན་མིན་གྱི་རྩོམ་གཤིས་གྲུབ་པ་མ་ཡིན་ནམ།བྲིས་རྩོམ་རང་སྟེང་ནས་རང་ཚུགས་མངོན་མ་ནུས་པར་ཕྱིའི་བྱ་སྤྱོད་ཀྱི་སྟེང་ནས་སྙན་ངག་པའི་བཟོ་ལྟ་འོང་རེ་ལ་འབད་ཀྱིན་པའི།ཁ་སང་དེ་རིང་གི་བོད་པའི་སྙན་ངག་པར་ཁས་བཅའ་མཁན་ཚོར་རང་ཚུགས་འོད་མདངས་གསལ་བའི་ཚེ་སྲོག་ནི་ཇི་འདྲའི་མཁོ་ཨང་།

འདིར་དགོས་དབང་གིས་སྐད་ཆ་ལྷག་མ་རེ་བཤད་ན།སྙན་ངག་ནི་ཚོར་བའི་རྒྱུན་ཁོ་ན་ཡིན་ཞེས་པའི་སྡོམ་ཚིག་འདི་བརྩམས་སྒྲུང་སོགས་རྩོམ་རིག་གི་ནང་གསེས་གཞན་པ་དང་ལྟོས་བཅས་ཀྱིས་བཤད་བཞིན་ཡོད་པ་དེ་ཤེས་དགོས།མང་པོ་ཞིག་གིས་སྙན་ངག་ཡིན་ན་ཚོར་བ་ཐན་ཐུན་ཙམ་ལས་ཅི་ཡང་དགོས་ས་མི་འདུག་བསམ་གྱིན་ཡོད་པ་ནི་ནོར་འཁྲུལ་ཤ་སྟག་རེད།དེང་རབས་རྩོམ་རིག་གི་གཤོག་ཟུང་ནི་མཚན་ཉིད་རིག་པ་དང་ལོ་རྒྱུས་རིག་པར་བགྲང་གྱིན་ཡོད་པས།སྙན་ངག་པ་ཞིག་ཏུ་འགྱུར་འདོད་ན་མཚན་ཉིད་རིག་པ་དང་ལོ་རྒྱུས་རིག་པ།སེམས་ཁམས་རིག་པ་སོགས་ཀྱི་ཤེས་བྱ་རྒྱུད་དུ་འབྱོར་རྒྱུ་ནི་གལ་ཆེན་རེད་བསམ།དེ་ལྟ་མ་ཡིན་པར་སྙན་ངག་ཡིན་ན་ཚོར་བ་ཁོ་ནས་འགྲུབ་བོ་སྙམ་ན་སྙན་ངག་འབྲི་རྒྱུ་ནི་སྒྱུ་རྩལ་ཐམས་ཅད་ལས་ཆེས་སླ་མོའི་རིགས་སུ་འགྱུར་རོ།

སྙན་ངག་པ་ཁོང་གིས་གསུང་བ་བཞིན།སྙན་ངག་ནི་སྙན་ངག་ལ་བློ་དཀར་བའི་སྙན་ངག་མཁན་གྱིས་བཅད་བརྡར་བཙོ་སྦྱངས་གནང་བ་ལས་ཚད་མཐོན་པོར་འཕགས་པའི་སྙན་ངག་ཡིན་པའམ།ཡང་ན་རྣམ་དག་སྙན་ངག་གིས་སྙན་ངག་པ་རང་ཉིད་ཚད་མཐོན་པོར་འཕགས་སུ་བཅུག་པ་ཡིན་པའི་གནས་ལུགས་རྟོགས་ཐུབ་ཅེས་དང་།ཡང་བདག་ནི་འདི་ལྟར་མ་གཞི་ནས་ང་ཚོ་མི་རིགས་ཀྱི་དམངས་ཁྲོད་གླུ་གཞས་སྙན་མོའི་ཆུ་རྒྱུན་སྙེག་ནས་འབབ་ལྡན་གཙང་བོ་བརྒལ་ཞིང་།དེ་ནས་རླབས་ཕྲེང་ང་རོ་སྒྲོག་པའི་སྙན་ངག་རྒྱ་མཚོ་ཆེན་པོའི་འཇིངས་སུ་ཞུགས་པ་ཡིན།དུས་སྐབས་དེ་ནས་བཟུང་མཁའ་དབྱིངས་ཉི་ཟླའི་འོད་སྣང་འགྱེད་ཅིང་།ལྷུང་ལྷུང་གངས་ཆུ་དྭངས་མོའི་སྐད་ལ་རོལ་བ།རྒྱ་མཚོའི་ང་རོ་དབྱིངས་སུ་སྒྲོག་པའི་ལས་རྣམས་རང་གི་བླ་མེད་འོས་འགན་ཏུ་བརྩིས་པ་ཡིན།ཁོང་གི་གསུང་ཚིག་འདི་དག་ལས་ངེས་དོན་གྱི་སྙན་ངག་པ་ཞིག་གིས་སྙན་ངག་ལ་བཟུང་བའི་དད་ཞེན་དང་གཟཟ་ནན་གྱི་འདུ་ཤེས།སྙན་ངག་རང་སྟེང་གི་འགན་འཁྲི།རང་ལུས་འོད་དུ་གསལ་བའི་མི་གཞི་བཅས་མངོན་པར་མཚོན་འདུག་སྙམ།

གསུམ། ཁོང་གི་སྙན་ངག་དང་སྐད་ཡིག

སྙན་ངག་པ་ཁོང་ཉིད་འཚར་ལོངས་བྱུང་སའི་ཁོར་ཡུག་དང་དུས་བབ་སོགས་ཕྱི་རྐྱེན་དང་ནང་རྐྱེན་གང་མང་གི་དབང་གིས།ཁོང་གིས་རྒྱ་ཡིག་གི་ལམ་ནས་རྩོམ་འབྲི་དགོས་བྱུང་བ་རེད་མོད།ཁོང་གིས་ནམ་ཡང་རང་རེ་བོད་ཀྱི་དམངས་ཁྲོད་རིག་གནས་དང་གནའ་རབས་སྙན་ངག དེ་མིན་བོད་ཀྱི་ལོ་རྒྱུས་བཅས་ལ་འདྲིས་ཆ་མང་དུ་བཏང་ནས།ཕ་སྐད་ཀྱི་ལམ་ནས་སྙན་ངག་འབྲི་བར་འབད་པ་ལྷོད་མེད་བྱས་པ་རེད།ཁོང་གིས་གསུང་བ་ནང་བཞིན།ང་རང་འཇིག་རྟེན་འདིའི་སྟེང་དུ་འོང་ནས་ཆེས་ཕངས་སེམས་སྐྱེས་ས་ཞིག་ཡོད་པ་ནི།རང་གི་ཕ་སྐད་ཀྱི་ལམ་ནས་སྙན་ངག་འབྲི་མ་ཐུབ་པ་དེ་རེད་ཅེས་དུས་རྒྱུན་སྤྱན་ཆབ་བསིལ་མྱོང་བ་དང་།ཡང་ན་སྐབས་འགར་ང་ཚོར་བསླབ་བྱའི་ཚུལ་དུ་རང་གི་ཨ་མའི་དཀར་ཡོལ་ནང་དུ་ཇ་ལྡུག་མི་འདོད་པ་ཞིག་གིས་མི་རིགས་ཀྱི་ལ་རྒྱ་ཇི་ལྟར་གླེང་དགོས་ཞེས་བཤད་མྱོང་བ་ནི་ཇི་འདྲའི་གསུང་ཚིག་རྨ་མེད་པ་ཞིག་རེད།གསུང་ཚིག་འདི་ནི་དེང་གི་བོད་པའི་སྤྱི་ཚོགས་སྟེང་གི་ནད་ཡམས་རིགས་ཤིག་གི་འགོག་སྨན་ལྟ་བུ་རུ་ཅི་ནས་ཀྱང་འགྲོ་ངེས།ནད་ཡམས་ཏེ།རང་གི་ཕ་སྐད་ཤེས་བཞིན་དུ་རྒྱ་ཡིག་གི་ལམ་ནས་རྩོམ་འབྲི་གནང་གིན་པའི་མཁས་རློམ་པ་དེ་ཚོ།བོད་ཡིག་གི་ཤེས་བྱའི་སྒྲོམ་གཞི་ངེས་ཅན་ཡོད་བཞིན་དུ་ཕ་སྐད་ཀྱི་སྒང་ནས་རྩོམ་འབྲི་མི་བྱེད་པར།རྒྱ་ཡིག་དང་དབྱིན་ཡིག་གཙོས་ཕྱི་ཡིག་གི་ལམ་ནས་རྩོམ་འབྲི་གནང་གིན་པའི་སྣང་ཚུལ་འདིའི་ཐོག་ན་གནད་དོན་མང་དུ་མཆིས།ཟུར་ངོས་གཞན་ཞིག་ནས་བསམ་ན་རང་མི་རིགས་ཀྱི་རིག་གནས་ཕྱི་ཕྱོགས་སུ་ཁྱབ་སྒྲོག་བྱ་རྒྱའི་ངོས་ཐད་དུ་བཟང་ཆ་མང་དུ་ཡོད་མོད།སྐད་ཡིག་བཀོལ་སྤྱོད་ཀྱི་ཁེ་དབང་རྩོད་སྟངས་ཀྱི་ཆ་ན་མི་འདིའི་རིགས་ལ་ནག་ཉེས་ཆེན་པོ་བདོག་སྙམ།རྒྱུ་མཚན།དེང་སྐབས་བོད་མི་མང་པོ་ཞིག་གིས་རིག་གནས་འཛད་སྤྱོད་ཀྱི་ཁོར་ཡུག་དང་རིག་གནས་དར་ཁྱབ་ཀྱི་ཁྲོམ་རར་དམིགས་ནས་ཕ་སྐད་ཀད་སྙིགས་ཁྲོད་གཡུག་སྟེ།རྒྱ་ཡིག་གི་ལམ་ཁར་སྙེག་གིན་འདུག

དེང་སྐབས་མངོན་གསུམ་མཐོང་ཆོས་སུ་གྱུར་ཡོད་པ་ནི།བོད་ཡིག་གི་སྒང་ནས་རྩོམ་ལ་འཇུག་མཁན་བོད་མི་དག རྒྱ་ཡིག་གཙོས་ཕྱི་ཡིག་གི་ལམ་ནས་རྩོམ་ལ་འཇུག་མཁན་བོད་མི་དག་དང་ལྟོས་བཅས་ཀྱིས་བསྡུར་ནས་བཤད་ན།རིགས་འདི་གཉིས་ཀྱི་བརྩམས་ཆོས་ལ་དོ་སྣང་བྱེད་ཚད་དང་།མིང་དུ་གྲགས་ཚད།འཁོར་རྒྱུགས་ཀྱི་ཁྱབ་ཚད་སོགས་ཕྱོགས་མང་པོ་ཞིག་གི་ཆ་ན་ཕྱི་མ་དེ་ལ་མིག་མདུན་གྱི་ཕན་པ་མང་ཙམ་ཡོད་པ་དེ་རེད།གནད་འདིའི་ཕུགས་ནས་ཤེས་པ་ནི་རང་རེ་ཕ་སྐད་ཀྱིས་རྒྱལ་སྤྱིའི་རིག་གནས་སྡིངས་ཆ་རུ་སྐད་ཡིག་ལ་ཡོད་ཆོག་པའི་ཁེ་དབང་གཙང་ཡངས་དེ་ལོངས་སུ་སྤྱོད་ཐུབ་ཀྱིན་མེད་པདེ་ར་སྤྲད་འདུག གནད་འདི་ཤེས་ཤིང་མི་རིགས་སྤྱིའི་ཡོངས་ཁྱབ་རིན་ཐང་ལ་བསམ་གཞིག་ཡེ་ནས་གཏོང་མི་སྤྲོ་བའི་བོད་མི་རེ་འགས་ཕྱི་ཡིག་གི་ལམ་ཁ་ན་ང་ནི་ཆེའོ་སྙམ་པའི་རྫིག་མདོག་སྟོན་གྱིན་འདུག་པ་ནི་འོས་སུ་མ་མཐོང་།མི་དེའི་རིགས་ནི་དོན་གྱིས་ཁེ་དབང་རྩོད་རྒྱུའི་འདུ་ཤེས་རྦད་དེ་སད་མེད་པ་དག་རེད།མི་དེའི་རིགས་ནི་རང་གི་ཕ་སྐད་ཀྱི་ཁེ་དབང་རྩོད་རྒྱུར་སྐྲག་ནས་བདེ་མོའི་ལམ་དང་སྙན་པོའི་གྲགས་པ་འབའ་ཞིག་དོན་དུ་གཉེར་མཁན་རེད་འདོད།

ང་ཚོར་མ་ཧྰ་གན་རྡི་ལྟ་བུའི་མི་བུ་སྒེར་གྱི་ཁེ་དབང་དང་ཐོབ་ཐང་མི་བུ་སྒེར་ངོས་ནས་རྩོད་མཁན་གྱི་མི་བུ་ནི་མཁོ་ཆེ་བ་ལ།ཟུར་ངོས་འདི་ནས་བཤད་ན་སྙན་ངག་པ་ཁོང་ཉིད་ནི་མིག་དཔེར་བཟུང་འོས།རིགས་ཞེན་གྱི་སེམས་རྒྱ་མེ་རི་བཞིན་འཕྱུར་མྱོང་བའི་སྙན་ངག་པ།རང་ཉིད་ཀྱི་དར་ཆ་རང་ཉིད་ཀྱིས་སྒྲེང་མྱོང་བའི་སྙན་ངག་པ།

སྙན་ངག་པ་ཡི་དམ་ཚེ་རིང་ཁོང་ཉིད་གཙོས་ཕྱི་ཡིག་གི་སྟེང་ནས་རྩོམ་འབྲིར་གཞོལ་མཁན་གྱི་བོད་མི་དག་བོད་ཀྱི་རྩོམ་པ་པོར་བགྲང་རུང་མིན་གྱི་ཐད་ནས་དྲན་འཆར་ཙམ་འཆད་ན།དེང་སྐབས་བོད་གཞིས་བྱེས་གཉིས་སུ་རྒྱ་ཡིག་གི་སྒང་ནས་རྩོམ་འབྲི་གནང་མཁན་དང་དབྱིན་ཡིག་གི་ལམ་ནས་རྩོམ་ལ་འཇུག་མཁན་མང་དུ་ཡོད་ལ།དེ་དག་ལས་ལ་ཤས་ནི་ཁྲག་དང་རུས་པ་བོད་ཡིན་པ་ལས་མི་རིགས་ཀྱི་འདུ་ཤེས་སད་མེད་མཁན་མང་དུ་ཡོད་ལ།ཡང་ལ་ཤས་ནི་དེ་ལས་ལྡོག་ཟླར་གྲུབ་འདུག བོད་ཀྱི་སྙན་ངག་པ་ཡིན་མིན་དེ་བོད་ཡིག་ཤེས་མིན་གྱི་ཆ་རྐྱང་བ་ནས་འཇོག་གམ་ཡང་ན་རིགས་ཀྱི་འདུ་ཤེས་ཁོ་ནའི་སྟེང་དུ་འཇོག་རྒྱུ་ཡིན།འདི་ནི་ཐག་གིས་གཅོད་དཀའ་བའི་གནད་དོན་ཞིག་ཏུ་གྱུར་འདུག་མོད།ཁོ་བོའི་ལྟ་སྟངས་ཡིན་ན་མི་རིགས་ཀྱི་འདུ་ཤེས་སྟེང་ནས་འཇོག་རྒྱུ་ནི་གལ་ཆེན་རེད་འདོད།རིགས་ཀྱི་འདུ་ཤེས་མ་སད་ཚེ་བོད་ཡིག་ཤེས་ཀྱང་སྙིང་བོ་ཆེན་པོ་ཞིག་ཡོད་མེད་ཁོ་བོས་མཐོང་མ་སོང་།སྙན་ངག་པ་ཡི་དམ་ཚེ་རིང་ཁོང་ཉིད་ནི་རིགས་ཀྱི་འདུ་ཤེས་མེ་རི་བཞིན་འཕྱུར་བསྡད་ཡོད་པའི་བོད་མི་རྣལ་མ་ཞིག་ཡིན་པ་མ་ཟད།རང་གི་ཕ་སྐད་དང་རིག་གནས་ལ་དད་ཞེན་ལྷ་བླག་བྱེད་མཁན་ཞིག་ཡིན་པ་ཁོང་གི་གསུང་ཚིག་ལས་རྟོགས་སླ།“ངའི་མྱི་ཚེ་གང་བོའི་ཆེས་ཆེ་བའི་ཕམ་ཁའམ་འགྱོད་གདུང་ནི།ངས་རང་གི་ཕ་སྐད་ཀྱིས་སྙན་ངག་མ་འགྲུབ་པ་སྟེ།ངས“ཀ་ཡིག”མ་རྙེད་པ་དེ་རེད།”ཅེས་དང་ཡང་ན་བདག་ནི་འདི་ལྟར་ཨ་མའི་གནའ་གཏམ་དང་གླུ་གཞས་གཙོས་ང་ཚོ་མི་རིགས་ཀྱི་དམངས་ཁྲོད་གླུ་གཞས་སྙན་མོའི་ཆུ་རྒྱུན་སྙེག་ནས་འབབ་ལྡན་གཙང་བོ་བརྒལ་ཞིང་།དེ་ནས་རླབས་ཕྲེང་ང་རོ་སྒྲོག་པའི་སྙན་ངག་རྒྱ་མཚོ་ཆེན་པོའི་འཇིངས་སུ་ཞུགས་པ་ཡིན་ཞེས་པ་ལྟ་བུས་མཚོན་ནུས།

མདོར་ན།སྙན་ངག་པ་ཁོང་ཉིད་ནི་ངེས་དོན་གྱི་བོད་པའི་སྙན་ངག་པ་ཞིག་ཏུ་བགྲང་རུང་བ་མ་ཟད།ཕྱི་རབས་པ་མང་པོས་མིག་དཔེར་འཛིན་འོས་པའི་སྙན་ངག་ཞིག་ཀྱང་རེད་དོ།།

༼རྩོམ་ཡིག་འདི་གཞན་གྱིས་བརྒྱུད་འགོད་བྱས་མི་ཆོག༽

The History of Gym Wear
VIDEO PORNO XXX merchandise buyer assistant

There are expensive Timberland shoes there is also have many Cheap Timberland
Prom Dresses The focus was on the eyes with a muted lip

How to Wear a Maxi Dress
PORNO With a simple but nicely colorful background

Reasons To Try Eyelash Dye
Free Games 4th annual highschool approach combat rehabilitation 2

Fashion Week Tampa Bay designer runway show and boutique this Friday
Kostenlose Pornos von Choose neon clothes and accessories

Is this considered a square toe shoe
PORNO FRANCAIS Welcoming the newest family member

Bear Creek Golf Complex Hotels
PORNO XXX detroit panache examiner

Skirts Becoming a Trending Fashion Item for Men
Free Porno Wife how to wear gorgeous tights
བསྟོད།7

抱歉,评论已关闭!