ཚེ་རིང་དོན་གྲུབ་ཀྱི་བརྩམས་སྒྲུང-ར་ལོ།

ཚེ་རིང་དོན་གྲུབ།

གཅིག
ཤོག་དཀར་མདུན་ལ་བླངས་ནས་ར་ལོའི་གཏམ་རྒྱུད་འབྲི་རྒྱུ་ནི་སྤྲོ་སྣང་ལྡན་པའི་དོན་ཞིག་མ་ཡིན་ཏེ--ནམ་རྒྱུན་ཁོའི་སྣ་མདོར་འཕྱང་བའི་སེར་ལ་སྦོམ་པའི་ སྣབས་དེ་ངའི་མིག་ལམ་ནས་ཕར་གཡོ་ཚུར་གཡོ་བྱེད་ཀྱིན་འདུག         ར་ ལོ་མི་ཡུལ་འདིར་སྐྱེས་པ་ནས་བཟུང་ཨ་མ་མ་གཏོགས་གཉེན་ཉེ་ཟེར་བ་ཞིག་ཐོས་མ་ མྱོང༌། ཁོས་སྐད་ཆ་སྨྲ་ཤེས་པའི་དུས་སུ་སྡེ་བའི་ནང་གི་སྐྱེས་པ་མ་རབས་ལ་ལས་ཁོ་ལ“ཁྱོད་ཀྱི་ཨ་ཕ་སུ་ཡིན།”ཞེས་ཀུ་རེའི་ཚུལ་གྱིས་འདྲི་བར་བྱེད།དེ་ནི་ར་ལོར་ མཚོན་ན་ངེས་པར་དུ་ཨ་མར་འདྲི་དགོས་པའི་དོན་ཞིག་རེད།
“ཨ་མ།ངའི་ཨ་ཕ་སུ་རེད།”
“རྗེས་སུ་ཨ་ཕ་ཞེས་པ་གཏན་ནས་གླེང་མི་ཆོག”ཨ་ མས་ཁོ་ལ་འགྲམ་ལྕག་གཅིག་གཞུས་པ་དང་མཉམ་དུ་ཁོ་རང་ཚུར་འཐེན་ནས་རང་གི་བྲང་ཁར་ སྦྱོར་བར་བྱེད།ཡིན་ན་ཡང་དུས་ཡུན་རིང་བོ་ཞིག་མ་འགོར་བར་མཚན་མོའི་དུས་སུ་ སྐྱེས་པ་ཞིག་ཁོ་ཚང་ལ་ཡོང་གིན་འདུགཕྱིས་སུ་རིམ་བཞིན་ཉིན་དཀར་ཡང་ཡོང་སྟེ་མཐའ་ མར་ཁོང་ཚང་ནས་གཞི་སྡོད་བྱས་སོང༌།དེ་དུས་ཨ་མས་བྱམས་བརྩེའི་ངང་ནས“ར་ལོ།ངའི་ གཅེས་ཕྲུགམི་འདི་ཁྱོད་ཀྱི་ཨ་ཕ་རེད”ཟེར། འོན་ཀྱང་མི་དེ་བྱས་པ་གཞན་དག་གི་ཨ་ཕ་དང་མི་འདྲ་བར་ར་ལོ་ལ་ཀ་ར་གཅིག་ཀྱང་ཉོས་ མ་མྱོང་ལ་འོ་ཞིག་ཀྱང་མི་བྱེད་པར་མ་ཟད།ར་ལོ་དེའི་གམ་ལ་བཅར་ཚེར་ཁོས་སུན་སྣང་ གི་ངང་ནས“ཧེ།སྣ་མདོའིསྣབས་ལ་ལྟོས་དང༌།ཕར་སོང”ཟེར།ངོ་མ།ར་ལོའི་སྣབས་དེ་རང་ འབབ་ཀྱི་ཆུ་བཞིར་དུ་ད་ཕྱིས་ན་ད་བཞུར་འོངས་པས་ཁོའི་ཨ་མས་རྟག་ཏུ“ཡང་ཀླད་ཞོ་ བཞུར་གྱིན་འདུག”ཟེར།        ཤེས་ མེད་ཚོར་མེད་ངང་ར་ལོ་ཕོ་ལོ་བཅུ་བཞིར་སླེབས་ནའང་ཡ་ཁའི་སྣབས་དེ་སྔར་ལས་ཀྱང་ སྦོམ་ཞིང་རིང་བོར་འཕྱང་འདུག་པ་ལས་ཁོའི་ན་ཟླ་ཚོས་རྟ་རྒྱུག་མདའ་རྩེད་བྱེད་ ཀྱིན་ཡོད་ནའང་ཁོ་རང་ད་རུང་ཞོན་པ་གཡུང་མ་ཞིག་ལའང་གཅིག་པུར་ཞོན་མི་ཕོད་པར་ཨ་ མའི་འཕོང་ལ་བཟུང་ནས་འགྲོ་དགོས།དེ་དུས་ལ་ལས“ར་ལོ།ཁྱོད་ཀྱིས་ཨ་མ་པང་ལ་བཟུང་ ནས་འགྲོ་བ་ཡིན་ནམ།”ཞེས་ཀུ་རེའང་བྱེད།
རུ་ དགུན་སར་སྤོར་བའི་སྔ་མོ་ཞིག་ལ།ར་ལོས་གཡག་གཅིག་གི་སྣ་ནས་བཟུང་ཞིང་ཕ་ཡར་གྱིས་ དེ་ལ་ཁལ་འགེལ་བཞིན་པའི་སྐབས་སུ་གཡག་དེ་འདྲོག་རྒྱུག་ཅིག་བྱས་པ་ན་ཕ་ཡར་གྱིས་ ར་ལོ་ལ“སྲ་མོ་བྱོས།དམ་པོར་ཟུངས”ཟེར།
ར་ལོས་ཨམ་གཙིགས་བསྡམས་ནས་མ་ཁར་སོ་བཏབ་ཅིང་སྣབས་སོ་ཐོག་ལ་ཐིགས་བཞིན་དུ་གཡག་སྣ་དམ་པོར་བཟུང་ནས་བསྡད།
“འོ་ཡ།མི་ཞིག་ཡོད་ན་ཁྱི་ཞིག་གི་ཡན་རེད།”ཕ་ཡར་ཡིད་ཚིམ་པའི་ངང་ནས“དམ་པོར་ ཟུངས།དམ་པོར… …”ཞེས་ ཚིག་མཇུག་མ་རྫོགས་གོང་གཡག་དེ་སླར་ཡང་སྐོར་རྒྱུག་ཅིག་བྱས་པས་ར་ལོ་ཁ་སྦུབ་ཏུ་ བསྒྱེལ་ཏེ་ལག་གི་སྣ་ཐིག་ཤོར་མ་ཐགགཡག་རྒན་དེ་གདོན་ཞུགས་པ་ལྟར་བང་གིས་ བརྒྱུགས་ནས་རྒྱབ་ཀྱི་སྒ་ཡང་དབོ་ཞབས་ལ་ལྷུང་སྟེ་རྨིག་པས་བརྫིས་པས་དངོས་པོ་ རྣམས་ལེན་རྒྱུ་མེད་པར་བཟོས།
“ཚིག་པ་གཡག་ལ་ཟོས་ཏེ་ལྕག་གིས་རྟ་ལ་བྲབས”ཟེར་བའི་དཔེ་ལྟར་ཕ་ཡར་ཁོང་ཁྲོའི་ངང་ ནས་བརྒྱུགས་ཡོང་སྟེ“ར་ངན་སྣབས་ལུག་འདིས་གཡག་སྣ་ཞིག་ཀྱང་འཛིན་མི་ཐུབ།”ཟེར་ བཞིན་ར་ལོར་འགྲམ་ལྕག་ཚ་བོ་གཉིས་གཞུས་ནས་སྣབས་དེ་མ་ནེའི་མགོ་ནས་བྲང་ཁའི་བར་ འདྲུད་དུ་བཅུག་པ་ན་ཨ་མ་བརྒྱུགས་ཡོང་ནས“ཁྱོད་ཀྱིས་ངའི་བུ་ལ་རྡུང་མི་ཆོགད་ནས་ བཟུང་ཁྱོད་ཀྱིས་ངའི་བུ་ལ་མཛུབ་གུས་གཅིག་ཐུག་ན… …ཁྱོད་རང་ཁྱིམ་འདི་ན་འདུག་ས་མེད”ཟེར།
“ཧ་ཧ།ངས་ཁྱོད་མ་བུ་གཉིས་ཀར་སྙིང་རྗེ་ནས་བསྡད་པ་མ་གཏོགས་འདུག་འདོད་ཆེ་ནས་ བསྡད་པ་མིན།ང་རང་ད་ལྟ་ཉིད་ལ་འགྲོ་ཆོག”ཕ་ཡར་དངོས་གནས་ལམ་ལ་ཆས་སོང༌།
“ཨ་ཕ་འགྲོ་རུ་མ་འཇུག… …”
“ཁྱོད་ཀྱིས་ཁྱི་ཁ་ཟུམ་ནས་སྡོད།ཁྱོད་ལ་ཨ་ཕ་ཞིག་གང་ན་ཡོད།”འགྲམ་ལྕག་གཅིག་དང་མཉམ་དུ་ར་ལོ་བྲང་ཁར་སྦྱར་ནས་མ་བུ་གཉིས་ཀ་ངུས།
འཇིག་ རྟེན་ཁམས་ན་ཇི་འདྲའི་མི་མང་བོ་ཞིག་ཡོད་པ་རེད་ཨང༌།ཡིན་ནའང་ར་ལོར་དེའི་ཁྲོད་ ན་ཨ་མ་མ་གཏོགས་གཉེན་ཉེ་གཅིག་ཀྱང་མེད་ལ།དེ་ནི་ཨ་མར་ཡང་དེའི་ཁྲོད་ན་ར་ལོ་མ་ གཏོགས་གཉེན་ཉེ་གཅིག་ཀྱང་མེད་པ་དང་འདྲ།འོན་ཀྱང་འཆི་བདག་གིས་དེ་ལ་སྙིང་རྗེ་ ཞིག་གང་ནས་སྒོམ།
དེ་ ནི་ལུག་ཁྱུའི་ནང་ལ་སྤྱང་ཀི་བརྒྱུགས་དུས་གང་ཟིན་ན་དེ་ཡིན་པ་ལྟར།ད་ཐེངས་འཇིག་ རྟེན་ཁམས་ཀྱི་མི་མང་བོའི་ནང་ནས་བསམ་བཞིན་ར་ལོའི་ཨ་མ་ཕྱི་མའི་ཡུལ་དུ་ཁྲིད་ སོང༌།སྤྱིར་ཁོང་མ་བུ་གཉིས་ལ་གཉེན་ཉེ་གཅིག་ཀྱང་མེད་ནའང་དེ་དུས་མིག་ཆུ་མི་ གཏོང་བའི་མི་གཅིག་ཀྱང་མེད།དེ་ནི་ར་ལོར་སྙིང་རྗེ་སྐྱེས་པ་སྨོས་ཅི་དགོས།

གཉིས།
ར་ ལོའི་ཨ་མ་ཤི་བའི་ལོ་དེའི་དབྱར་ཁར།སྡེ་བའི་ནང་གི་མི་བསམ་ཤེས་འགས་གྲོས་བྱས་ ནས་ར་ལོ་ཡུལ་ཚོའི་སློབ་ཆུང་ནང་ལ་བསྐྱལ་ཡོང་བ་རེད།དེ་ནི་ཁོ་རང་ཡི་གེ་སློབ་པར་བསྐྱལ་ཡོང་ཟེར་བ་ལས་དོན་དངོས་སུ་འཚོ་བ་འཁྱོལ་ཐབས་སུ་བསྐྱལ་ཡོང་ཟེར་ན་ འགྲིག
ང་ཡང་ལོ་དེར་སློབ་གྲྭར་ཞུགས་པ་ཡིན་པས་ར་ལོ་ངེད་གཉིས་འཛིན་གྲྭ་གཅིག་ཏུ་འདུས། འོན་ཀྱང་ར་ལོ་ང་ལས་ལོ་ལྔས་ཆེ་ལ་ང་ཚོའི་འཛིན་གྲྭའི་ནང་གི་ལོ་ཆེས་ཆེ་བའང་ཁོ་ རང་རེད།
དང་ ཐོག་ར་ལོ་སློབ་སྦྱོང་ལ་ཤིན་ཏུ་བཟང་བ་འདྲ་སྟེ།སློབ་གྲོགས་སུས་ཀྱང་ཀ་མད་སུམ་ ཅུ་བློར་མ་ཟིན་གོང་ལ་ར་ལོས་ཐོག་མར་བློར་ཟིན་པས་དགེ་རྒན་གྱིས་ཀྱང“ཚང་མས་ར་ ལོར་སློབ་སྦྱོང་བྱོས”ཟེར།འོན་ཀྱང་ཉིན་འགའི་རྗེས་སུ་དགེ་རྒན་གྱིས་སློབ་ གྲོགས་རེ་རེར་ཀ་མད་སུམ་ཅུ་སྒོ་སམ་སྟེང་ལ་འབྲི་རུ་བཅུག་དུས་ར་ལོས“ཀ”གཅིག་ པོའང་འབྲི་མ་ཤེས་པས་སློབ་གྲོགས་ཚང་མ་གད་མོ་ཤོར་བ་དང༌།དགེ་རྒན་གྱིས“ཚང་མས་ར་ ལོར་སློབ་སྦྱོང་བྱེད་མི་རུང” གསུངས།
“ཚང་མས་ར་ལོར་སློབ་སྦྱོང་བྱེད་མི་རུང༌།” ཞེས་སློབ་གྲྭ་ཡོངས་སུ་ཁྱབ་སོང༌།
ར་ ལོར་ངོ་མ་སློབ་སྦྱོང་བྱེད་མི་རུང་བ་འདྲ་སྟེ།ང་ཚོ་འཛིན་གྲྭ་འཕར་སྐབས་ར་ལོས་ ད་རུང་ཀ་མད་སུམ་ཅུ་འབྲི་མི་ཤེས་པས་སློབ་སྦྱོང་མི་བཟང་བ་དང༌།རྒྱུན་པར་སྣབས་ ལུག་པས་གཙང་སྦྲ་མི་བཟང༌།དུ་བ་འཐེན་པས་སྒྲིག་ལམ་ཡང་མི་བཟང་ཟེར་ནས་འཛིན་གྲྭ་ འཕར་མ་ཐུབ།འོན་ཀྱང་དེ་ནི་ར་ལོར་མཚོན་ན་སེམས་ཁུར་བྱེད་དགོས་པའི་དོན་ཞིག་མིན་ ཏེ།རྒྱུ་མཚན་ནི་ཁོ་ལ་འཛིན་གྲྭ་འཕར་མ་ཐུབ་པ་ལ་སྡིགས་དམོད་བྱེད་མཁན་མེད་པས་ རེད།ར་ལོས་སེམས་ཁུར་བྱེད་ས་གཙོ་བོ་ནི་ཁོ་རང་དབྱར་གནང་སྐབས་སུ་ཡུལ་ལ་འགྲོ་ས་ མེད་པ་དང༌།དགེ་སློབ་ཚོ་ཡུལ་ལ་སོང་རྗེས་ཁོའི་དུ་བའི་འབྱུང་ཁུངས་ཆད་པ་རེད།དེ་ ཡང་མ་གཞི་ར་ལོའི་དུ་བའི་འབྱུང་ཁུངས་ནི་དགེ་རྒན་ཚོའི་ཁྱིམ་ལུད་དང༌།འཛིན་གྲྭ་ མཐོན་པོའི་སློབ་མ་ཚོའི་གྱོན་པ་བཀྲུ་བའམ་ཟ་མ་ལེན་པ།ཉིན་རེས་ཀྱི་སློབ་མ་ཚོའི་ ཚབ་ཏུ་སློབ་ཁང་ལ་གཙང་སྦྲ་བྱས་ན་དེ་ཚོས་ར་ལོར་དུ་བ་རྐང་རེ་སྟེར་བཞིན་ཡོད་པ་ དེ་རེད།
འབྲོག་ ཕྱོགས་ཀྱི་སློབ་མ་ཚོར་གོམས་གཤིས་ངན་པ་ཞིག་ཡོད་པ་ནི་གནང་བ་བྱིན་ན་དུས་ལྟར་ ཕྱིར་མི་འོང་བ་དང༌།དབྱར་གནང་དགུན་གནང་ཚར་ནས་ཕྱིར་ཚོགས་དུས་ཀྱང་མ་མཐའ་ཡང་ ཉིན་ལྔ་དྲུག་ལ་སློབ་འགོ་རྩོམ་མི་ཐུབ།འོན་ཀྱང་ར་ལོས་ཡུལ་ལ་གནང་བ་ཐེངས་གཅིག་ ཀྱང་ཞུས་མ་མྱོང་བར་མ་ཟད།དབྱར་དགུན་གནང་ལའང་ཕྱིར་མ་འཚོགས་གོང་ནས་སློབ་གྲྭར་ སླེབས་ཡོང༌།དེའི་ཐད་ནས་ངོ་མ་ཚང་མས་ར་ལོར་སློབ་སྦྱོང་བྱས་ན་འགྲིག
སློབ་ གྲྭ་ཞིག་གི་ནང་ན་འཁོན་རྡུང་རེ་གཉིས་ཙམ་ཡང་མེད་པ་ག་ལ་སྲིད།ང་ཚོའི་སློབ་ གྲྭའང་དེ་ལྟར་ཡིན་ཏེ།སློབ་མ་བསྟན་བཤིག་ལ་ལས་བསམ་བཞིན་ར་ལོའི་ཐོས་ས་ནས“ཚང་ མས་ར་ལོར་སློབ་སྦྱོང་བྱེད་མི་རུང”ཟེར་ བ་ན།ར་ལོས་སློབ་མ་དེ་ཡར་བདའ་མར་བདའ་བྱས་ནས་གཏོང་བར་མི་བྱེད།གལ་ཏེ་སློབ་མ་ དེས་ཁ་ཕྱིར་འཁོར་ནས་ཁོ་དང་རྡུང་རེས་རྒྱག་རྩིས་བྱས་ཚེ་ར་ལོས“ང་ལ་དགེ་རྒན་ གྱིས་རྡུང་རེས་མ་རྒྱག་ཟེར།”ཟེར་ནས་ཇེ་གཉོམ་དུ་འགྲོ།འོན་ཀྱང་སློབ་མ་དེས་ཁོ་ ལ་མ་བརྡུངས་པར་ཕར་འགྲོ་རྩིས་བྱས་པ་ན་ར་ལོས་སླར་ཡང་དེའི་རྗེས་བསྙེགས་ཏེ“ང་ལ་ སློབ་སྦྱོང་བྱེད་མི་རུང་དོན་ཅི་ཡིན།”ཟེར་བཞིན་དཔུང་གཏུག་རྒྱག་པར་བྱེད།ཉིན་ ཞིག་ཁོ་ལས་ལོ་བདུན་གྱིས་ཆུང་བའི་སློབ་མ་ཞིག་གིས་ཁོ་རང་ཁ་སྦུབ་ཏུ་མནན་ནས་ རྒྱབ་ལ་ཞོན་ཏེ“ངའི་རྟ་འདི་གོམ་ལག་བདེ་བར་ལྟོས་དང༌།”ཟེར་ཞོར་ཨོང་རྡེབ་བྱེད་ ཀྱིན་འདུགར་ལོས“ཨ—དགེ་རྒན… …”ཟེར་ བཞིན་ངུས་ནས་མིག་ཆུ་སྣབས་དང་འདྲེས་ཤིང་སྣབས་སྟེང་ལ་ས་རྡུལ་འབྱར་ཏེ་འཕག་འཚག་ ཇི་ལྟར་བྱས་ཀྱང་སློབ་མ་དེ་ཕར་གཡུག་མ་ཐུབ།དེ་ནས་བཟུང་ཚང་མས་ར་ལོ་གཟུགས་ཆེ་བ་ མ་གཏོགས་ཤེད་མེད་པ་ཤེས་ཏེ་ཁོ་ལ་གཉོམ་འཇོག་མཁན་ཇེ་མང་དུ་སོང༌།
ང་ ཚོ་ཐེངས་གཉིས་པར་ལོ་རིམ་འཕར་སྐབས་ར་ལོས་ད་རུང་ཀ་མད་སུམ་ཅུ་ཀློག་ཤེས་པ་ཙམ་ ལས་འབྲི་མི་ཤེས་པས་ལོ་རིམ་འཕར་མ་ཐུབ་ལ།ཐེངས་གསུམ་པ་དང་བཞི་བའང་དེ་ལྟར་ཡིན། འོན་ཀྱང་དགེ་རྒན་ཚོས་སྐམས་ལུག་རེ་བཤའ་སྐབས་ར་ལོ་ནི་མེད་དུ་མི་རུང་བ་ཞིག་ ཡིན་པས་ལོ་རིམ་འཕར་མ་ཐུབ་ན་ཡང་སྐྱོན་མེད་པ་འདྲ།ལོ་ལྔ་བར་ང་རང་སློབ་ཆུང་ནས་ མཐར་ཕྱིན་ཏེ་རྫོང་མི་རིགས་སློབ་འབྲིང་ནང་དུ་ཞུགས།

གསུམ།
དགུན་ དཀྱིལ་གྱི་ཞོགས་པ་ཞིག་ལ།ནུབ་བྱང་མཐོ་སྒང་ལ་ཅི་འདོད་དུ་ཡོད་པའི་རླུང་དང་ཁ་ བས་བར་སྣང་ཁམས་ན་རང་མོས་ཀྱིས་འཁྲབ་སྟོན་བྱེད་ཀྱིན་ཡོད་པས་ངས་གཞུང་ལས་ཁང་གི་ ལྕགས་ཐབ་ནང་ལ་མེ་འུར་འུར་དུ་བུས་པ་ཡིན།
གློ་བུར་དུ།འབྲོག་པ་ཞིག་གིས་སྒོའང་མ་བརྡུངས་པར་ནང་ལ་འཛུལ་ཡོང་སྟེ“འདི་མི་དམངས་ཁྲིམས་ཁང་ཨེ་རེད”ཟེར།
“རེད།ཁྱོད་ལ་དོན་ཅི་ཡོད།”
“ཨ་ཙི།ཁྱོད་དོན་གྲུབ་མིན་ནམ།”
“ཡིན་ཡ།ཁྱོད… …”
“ངོ་མི་ཤེས་ཁུལ་མ་བྱེད”ཟེར་བཞིན་དུ་ཁོས་རང་འགུལ་གྱིས་རྐུབ་སྟེགས་ཤིག་ལྕགས་ཐབ་གམ་ལ་འཐེན་ནས་སྟེང་དུ་བསྡད་མ་ཐག
“ལས་བྱེད་པ་བྱས་རྗེས་སློབ་གྲོགས་ཡང་བརྗེད་སོང་ངམ”ཟེར།
འོ། འདི་ནི་ལོ་བཅུ་ལྷག་སྔོན་གྱི་ངའི་སློབ་གྲོགས་ར་ལོ་མ་ཡིན་ནམ།ཨ་ཙི།ར་ལོ་ངོ་མ་ རྒས་འདུགཁོའི་ཐོད་པར་གཉེར་མ་བབས་ཤིང་མཆུ་འགྲམ་དུ་རིང་ཐུང་མི་མཉམ་པའི་ཁ་སྤུ་ ཡང་མང་བོ་སྐྱེས་འདུགའགྱུར་མེད་པ་ནི་སྣ་མདོའི་སེར་ཞིང་སྦོམ་པའི་སྣབས་དེ་རེད།
“ཡ།ངོ་ལོས་ཤེས།ཁྱོད་ལ་དོན་ཅི་ཡོད་དམ།”
“དོན་དག་ལོས་ཡོད།”ར་ལོས་སྣབས་ཁུང་འཇིབ་ཅིག་བྱས་ནས“ངའི་ ཆུང་མ་གཞན་གྱིས་ཕྲོགས་སོང༌།མི་དེའི་མིང་ལ་བསོད་ནམས་དར་རྒྱས་ཟེར།ཁོ་རང་ང་ ཚོའི་སྡེ་བའི་ནང་གི་མི་ཆེས་ཐ་ཤལ་བ་ཞིག་ཡིན།དེ་མ་རེད་བསམ་ན་ཁྱོད་རང་སོང་ནས་ ང་ཚོ་བྲག་དམར་སྡེ་བའི་རྒན་གཞོན་ཀུན་ལ་དྲིས་དང་ཤེས།ཚེ་ཟད་དེས་ན་ནིང་ཨ་ཁུ་རབ་ རྒྱས་ཚང་གི་རྟ་བརྐུས་མྱོང༌།ད་ལོ་ཡང་ཨ་ནེ་མཚོ་སྐྱིད་ཚང་གི་མཛོ་རྒན་བརྐུས་ནས་ ཧོས་ཧོས་ཤིག་ལ་བཙོངས།ཁ་སང་ཡང་ཁོས་ཅི་མི་སྙམ་པར་ང་ལ་རྡུང་རྡེག་བྱས་པར་མ་ཟད་ ངའི་ཆུང་མའང་འཕྲོགས་སོང༌།དེས་ན་ཁྱོད་ཚོ་ཁྲིམས་ཁང་ལ་བསོད་ནམས་དར་རྒྱས་ནོན་ པའི་ཁྲིམས་ཤིག་མེད་པ་ཡིན་ནམ་ཡང་ན་ཁྱོད་ཚོ་ཁོ་ལ་སྐྲག་པ་ཡིན།ཁྱོད་ཚོ་མི་དམངས་ ཁྲིམས་ཁང་གིས་ང་འབྱོར་མེད་གྲལ་རིམ་ར་ལོ་ལ་རོགས་བྱེད་ན་དེ་རིང་ཡིན་ལ་མི་ བྱེད་ནའང་དེ་རིང་ཡིན།”ར་ལོས་བཤད་ཀྱིན་བཤད་ཀྱིན་སྣབས་ལུག་ནས་མ་ནེའི་མགོ་ལ་ ཐུག་སོང༌།
“ཁྱོད་ལ་རོགས་ལོས་བྱེད།ཡིན་ནའང་ང་ཚོའི་གཞུང་ལས་ཁང་འདི་ཉེས་དོན་ཁང་ཡིན་ལ་ཁྱོད་ཀྱི་གྱོད་གཞི་འདི་དམངས་དོན་ཁང་ལ་བཤད་དགོས”
“ངས་དམངས་དོན་མ་དོན་མི་ཤེས།”ར་ལོ་ཁོང་ཁྲོ་ལངས་བྱུང་བ་འདྲ།
“ཁྱོད་ཚོ་བསོད་ནམས་དར་རྒྱས་ལ་སྐྲག་པ་མིན་ན་ཁོ་རང་བཙོན་ལ་བཅུག་སྟེ་ངའི་ཆུང་མ་ཕྱིར་སྤྲོད་དགོས།ཁོ་མོ་ཡང་བཙོན་ལ་འཇུག་རན་འདུག”
“བྲེལ་བ་མ་ལངས།”ངས་ར་ལོར་དུ་བ་རྐང་གཅིག་བྱིན་ནས“སློབ་གྲོགས་ར་ལོ།འུ་གཉིས་ ལོ་མང་བོར་ངོ་མ་ཐུག་པས་ཐོག་མར་ཁ་བརྡ་ཞིག་བྱོས་དང༌།—ཁྱོད་རང་ལོ་མང་བོར་རིག་ རྒྱུ་མེད་པ་གང་ལ་སོང་བ་ཡིན།”
“དེ་རེད།དེ་ཆོག་གི”ར་ལོའི་་གཤིས་ཀ་ཇེ་འཇམ་དུ་སོང་ནས་ང་ལ་ཁ་བརྡ་བྱས་བྱུང༌།
གཤམ་ ནི་ར་ལོ་ངེད་གཉིས་ཁ་བྲལ་རྗེས་ཀྱི་དོན་དག་འགའ་ཡིན་ལ།ངས་སྒྲུང་རྩོམ་གྱི་ཁྱད་ ཆོས་ཡོང་ཆེད་འཕྲི་སྣོན་ཅུང་ཙམ་བྱས་པ་མ་གཏོགས་ཕལ་ཆེར་དངོས་དོན་ཡིན་པས་སྙིང་ ཉེ་བའི་ཀློག་མཁན་རྣམ་པས་ཡིད་ཆེས་བྱས་ཆོག

བཞི།
ར་ ལོས་ཀ་མད་སུམ་ཅུ་འབྲི་མི་ཤེས་ནའང་སློབ་ཆུང་དེའི་ནང་གི་དགེ་རྒན་ཕལ་ཆེར་ལས་ ཀྱང་ལོ་ཆེ་བས་ཁོ་རང་ངོ་མ་སློབ་གྲྭའི་ནང་ནས་འཇོག་ཐབས་མེད་པས་ཕྱིར་མི་གཏོང་ཀ་ མེད་བྱུང༌།(ཁ་གཡོར་ས་ནི་ར་ལོས་བུད་མེད་དགེ་རྒན་ཞིག་གི་སྒོ་བརྡུངས་པ་རེད་ ཟེར) དེས་ན་ར་ལོ་ལ་ཁྱིམ་དང་གཉེན་ཉེ་མེད་པས་ཁོ་རང་གང་འདོད་དུ་འཁྱམ་པ་ལས་ཐབས་ཅི་ ཡོད།
ར་ ལོ་དང་ཐོག་སུ་ཚང་ལ་སླེབས་ནའང་རང་འགུལ་གྱིས་དེ་ཚང་ནས་ལས་ཀ་ལས་པ་དང་ཟོག་འཚོ་ རུ་འགྲོ་བས་ཁོའི་ལྟོ་བར་འདང་རྒྱག་མེད་པར་གྱུར།སྐབས་ཤིག་ལ་ཁྱིམ་ཚང་ཞིག་ གིས“ཨེ—བུ་མོར་གང་ལྟར་མག་པ་ཞིག་དགོས་འདུག  མི་ རྐྱང་ར་ལོ་འདིས་ཡ་ཁའི་སྣབས་ཉར་མི་ཐུབ་ནའང་ཟོག་རྫི་བཟང་བོ་ཞིག་ཡིན་པར་མ་ཟད་ གོ་ཚད་ལ་ཁོའི་ལག་པ་གཙང་མ་རེད་ཟེར།དེས་ན་ཁོ་རང་མག་པར་བཞག་ན་གཉེན་རྟགས་ཀྱང་ སྟེར་མི་དགོས་པས་མི་བཟང་ངམ”ཟེར།

དེ་ནི་ར་ལོའི་འདོད་ཐོག་ཏུ་རྟ་བརྒྱུགས་པ་རེད།

ཡ་མཚན་ཞིག་ལ་ར་ལོ་རིམ་བཞིན་གདོན་གྱིས་བསླུས་པ་ལྟར“ང་རང་ཁྱོད་ཚང་གི་མག་པ་ ཡིན་པ་ལས་གཡོག་པོ་མིན”ཟེར་ནས་ལས་ཀ་ཅི་ཡང་མི་ལས་ཤིང་ཟོག་རྫི་ལའང་མི་འགྲོ།དེ་ ལྟར་ཨ་ཞང་ཚང་ལྷག་པར་ཁྲོས་ཏེ“ཨ་ཨ།དྲིན་ཆེན་ལ་དྲིན་ལོག་ཟེར་བ་འདི་མིན་ན་ཅི་ ཡིན།མི་རྐྱང་སྣབས་ལུག་འདི་ལ་གཞན་ན་མ་དཔེ་བའི་བརྙས་བཅོས་ཤིག་མ་བྱས་ན་བུ་ མིན”ཟེར། ཡིན་ནའང་ར་ལོའི་ཐོས་ས་ནས་ཚིག་ཟུར་ཙམ་ཡང་མ་གླེང་བར་ཁོ་རང་ཅི་འདོད་བཞིན་སྡོད་ དུ་བཅུགར་ལོའི་ཡ་ཁའི་སྣབས་ལ་འདག་ཐབས་མེད་ནའང་ཁ་ཤའི་སེར་ཁ་རྣམས་སོས་ཤིང་ གདོང་ལ་དམར་མདངས་རྒྱས་པར་མ་ཟད།ཉིན་ལྟར་ཕྲ་ཞིང་ཐུང་བའི་རལ་བ་བྱི་བའི་རྔ་མ་ འདྲ་བ་ཞིག་བཞག་ཡོད་པ་དེ་ཡང་ཡང་ཤད་ནས་འདུག་ལ་སྐད་ཆ་བཤད་སྐབས་ཀྱང“ཨ—”“དེ་འདྲ་ ཡིན་ནམ—”“ཡ་མཚན—” “གོ་མ་མྱོང་ཡ—”“གནའ་མིའི་གཏམ་དཔེ་ལ—”ཟེར་ ནས་ཚིག་གི་བར་ཐག་ཀྱང་ལྡབ་འགྱུར་གྱིས་ཇེ་རིང་དུ་སོང་ནས་ཉིན་འགའི་སྔོན་གྱི་ མི་རྐྱང་སྣབས་ལུག་རེད་ཟེར་ན་སུས་ཀྱང་རྣ་བར་མི་འགྲོ་བའི་ཚད་ལ་སླེབས་ཡོད།

འོན་ཀྱང“གཞན་ན་མ་དཔེ་བའི་བརྙས་བཅོས”ཤིག་གིས་ཁོ་ལ་བསྒུགས་ཡོད་པ་ར་ལོས་གང་ནས་ཤེས།

ཉེ་ སྔོན་ཁྱིམ་ཚང་དེས་ཆང་དང་དུ་བ།ཀ་ར་ཉོས་ཤིང༌།གོ་རེ་ལས་པ་དང་སྐམས་ལུག་བཤས་ནས་ སྟོན་ཆེན་ཞིག་ལ་གྲ་སྒྲིག་བྱེད་ཀྱིན་ཡོད་པ་འདྲ།ར་ལོས་འདི་ཅི་ཡིན་དྲིས་ཚེ“འུ་ ཚང་ལ་བླ་ཆེན་ཞིག་སླེབས་རྒྱུ་རེད”ཟེར།

“འོ—དེ་ངོ་མ་འུ་ཚང་གི་བསོད་ནམས་རེད་ཡ—”ར་ལོས་རལ་བ་ཤད་བཞིན་དུ་དེ་སྐད་སྨྲས།
ར་ ལོར་གོམས་གཤིས་ཤིག་ཡོད་པ་ནི་ཞོགས་པ་མལ་ལས་ལངས་པ་ཤིན་ཏུ་འཕྱི།དེ་རིང་ཡང་ཁོ་ རང་གོམས་སྲོལ་ལྟར་ཕལ་ཆེར་ཉིན་གུང་ལ་ཉེ་དུས་ཡར་ལངས་ཏེ་སློག་པ་གཡང་ཤམ་བྱས་ནས་ རས་གུར་གྱི་སྒོར་བུད་དུས་སྦྲ་སྒོ་ན་རྟ་མང་བོ་བཏགས་ཡོད་པ་དང་ཁྱིམ་ན་གླུ་ལེན་ གར་རྩེད་བྱེད་ཀྱིན་འདུག་པས།ར་ལོའི་སེམས་ལ“བླ་ཆེན་ཕེབས་བྱུང”བསམས་ ཏེ་མྱུར་དུ་སྐ་རགས་བཅིངས་ནས་ཕར་སོང་བ་ན་ཚང་མས་ངོ་མཚར་བའི་མིག་གིས་ཁོ་ལ་ བལྟས་འདུགར་ལོ་ཧ་ལས་ཏེ་ཡར་ལྟ་མར་ལྟ་བྱས་དུས་རང་གི་ཆུང་མ་དེ་ཕོ་གསར་གཞན་ཞིག་ དང་མཉམ་དུ་རྒྱན་གོས་ཕུན་སུམ་ཚོགས་པས་སྤྲས་ཏེ་གྲལ་ན་དཔུང་བ་མཉམ་གཤིབ་བྱས་ཏེ་ ཙོག་པུར་བསྡད་འདུག་པ་མཐོང་བས་ར་ལོ་དེ་བས་ཀྱང་ཧ་ལས་ནས“འདི་ཅི་ཡིན”ཞེས་རིག་ རིག་བྱེད་བཞིན་དྲིས།

ཆུང་མའི་མིང་བོས“ངེད་ཚང་ལ་མག་པ་བཞག་པ་མིན་ནམ།”ཟེར།

“འུ་ཚང་གི་སུ་ལ་མག་པ་བཞག་པ་རེད།”

“ཨ་ཅེ་མ་གཏོགས་ང་ལ་མག་པ་འཇོག་སྲིད་དམ།” ཟེར་བས་ཚང་མས་ཧབ་ཆ་བརྒྱབ།

“ཨ་ཅེར་མག་པ་གཉིས་བཞག་ན་ཆོག་གམ།”

“ཅི་ཟེར།མག་པ་གཉིས་གང་ན་ཡོད།”

“ང༌།ཁོ།”

“ཧ་ཧ་ཧ།མི་རྐྱང་སྣབས་ལུག་འདི་ཆང་མ་འཐུང་བར་བཟི་འདུགཁྱོད་རང་ངེད་ཚང་གི་ཟོག་རྫི་ཡིན་པ་ལས་མག་པ་གང་ནས་ཡིན།”

“དཔེ་མི་སྲིད།འདི་འདྲའི་བརྙས་བཅོས་ཤིག་བྱེད་སྲོལ་གང་ན་ཡོད།ང་དེ་རིང་འདི་ནས་ འཆི་མ་ཐུབ་ན་བུ་མིན།”ར་ལོས་ཁུ་ཚུར་ཕྱར་ནས་བརྒྱུགས་པ་ན་མི་རྣམས་ཀྱིས་ར་ལོ་ འཛིན་ཅི་ཐུབ་བྱས།དེ་ཡང“ཁྱི་ངན་བཀག་ན་མི་ཁོགས།མི་ངན་བཟུང་ན་མི་ཐུབ།”ཟེར་བའི་ དཔེ་ལྟར་ར་ལོ་སྔར་ལས་ཇེ་བཙན་དུ་སོང་སྟེ“ཧ་ ཧ།ང་ར་ལོ་ཚང་གི་ཕ་རྒྱལ་བོའི་འཁྲུངས་རབས།མ་རྒྱལ་མོའི་སྐྱེས་རབས་ཁྱོད་ཚོས་གོ་ ཨེ་མྱོང༌།ངས་དེ་རིང་སྡེ་བ་འདི་ཁྲག་དཀྲུགས་དཀྲུགས་ཤིག་མ་བྱས་ན་ང་མི་རྐྱང་ར་ ལོ་ཟེར་བ་མིང་ཙམ་ཡིན།ང་ར་ལོ།ཁྱོད་ཚོ… …”ཞེས་ངར་ངར་གྱིས་བཤད་བཤད་པས་ར་ལོའི་སྣབས་ཁ་ནང་དུ་བཞུར་ནས་མུ་མཐུད་དུ་བཤད་ མ་ཐུབ།
མི་རྣམས་ར་ལོའི་ཚུགས་ཀར་དགོད་རྒྱུ་གཏིང་ནས་སྐྱེས་ཏེ་ཁོ་རང་གློད་ནའང་ར་ལོས་སྐུད་པོར་ཁུ་ཚུར་གཞུ་མ་ཕོདཔར་དཔུང་གཏུག་བརྒྱབ།

སྐུད་པོས“ངས་ དེརིང་ཨ་ཅེའི་གཉེན་སྟོན་གྱི་རྟེན་འབྲེལ་ལ་བསམས་ནས་མི་རྐྱང་སྣབས་ལུག་ཁྱོད་ལ་ རྡུང་འདོད་མི་འདུགཁྱོད་ཀྱིས་རང་ཚོད་ཟུངས་ལ་གང་ནས་ཡོང་ན་དེ་རུ་ཕྱིར་སོང”ཟེར། འོན་ཀྱང་ར་ལོས་དེ་ལ་དཔུང་གཏུག་ཡང་ཡང་བརྒྱབ་ནས་འགྲོ་ན་འགྲོ་རུ་མ་བཅུག་འདུག་ ན་འདུག་ཏུ་མ་བཅུག་པས་དེ་ཡང་ཐབས་ཟད་དེ་ར་ལོའི་རལ་བ་ནས་བཟུང་སྟེ་གཡུག་སྐོར་ ཞིག་བྱས་པ་ན་ར་ལོ་གན་རྐྱལ་དུ་འགྱེལ་བ་དང་རལ་བ་རྩ་ནས་བལ།
“ཨ་ཧོ།ངའི་རལ་བ་གཡག་རིན་དེ་ཨང… …” ར་ལོས་ས་ནས་འཕག་འཚག་རྒྱག་བཞིན་དུ“ཁྱོད་ཀྱིས་ངའི་རལ་བ་མི་འཇལ་ན་ང་དེ་རིང་ འདི་ནས་མི་འགྲོ་ཁོ་ཐག་ཡིན།”ཟེར།

“ཁྱོད་མི་འགྲོ་ན་ངས་ཁྱོད་ཀྱི་རྣ་བ་གཅོད་རྒྱུ།” སྐུད་པོས་གྲི་བཏོན་ནས་ཚུར་ཡོང་བ་ན་ར་ལོ་མྱུར་དུ་ཡར་ལངས་ནས་བྲོས་སོང༌། །

ལྔ།

ར་ ལོས་ཁོ་རང་མ་བདའ་གོང་ལ་ཆུང་མར་མག་པ་བཞག་པ་དེར་སེམས་ཁྲལ་བྱེད་ཀྱི་མེད་ལ། སེམས་ཁྲལ་བྱེད་ས་གཙོ་བོ་ནི་རང་གི་ཡིད་དུ་འོང་བའི་རལ་བ་དེ་མེད་པར་མི་གྲལ་ལ་ ཇི་ལྟར་འགྲོ་བསམ་གྱིན་ཡོད་པ་དེ་རེད།ཡིན་ནའང་ཅུང་མ་འགོར་བར་ར་ལོའི་ཕོ་བ་ ལྟོགས་པས་ཁོ་རང་མི་གྲལ་དུ་མི་འགྲོ་ཀ་མེད་བྱུང༌།

ར་ ལོས་སྡེ་བ་མང་བོ་ཞིག་བརྒྱུད་པ་དང་ཁྱིམ་ཚང་མང་བོ་ཞིག་ནས་མི་རྐྱང་དུ་བསྡད།དང་ ཐོག་ཁོ་རང་སུ་ཚང་ལ་སླེབས་ནའང་རང་འགུལ་གྱིས་ལས་ཀ་ལས་པ་དང་ཟོག་འཚོ་རུ་འགྲོ། འོན་ཀྱང་ཕོ་བ་འགྲངས་རྗེས་རིམ་བཞིན“ཨ—”“འོ—”“གནའ་མིའི་གཏམ་དཔེ་ལ—”སོགས་ཚིག་ གི་བར་ཐག་ཤིན་ཏུ་རིང་བའི་སྐད་ཆ་དེ་རྣམས་བཤད་བཞིན་འདུག་པ་ལས་ཟོག་རྫི་ལ་མི་ འགྲོ་བས་ཁྱིམ་ཚང་ལ་ལས་ཁོ་ལ“སོང”ཟེར་ནས་དེད་པ་དང༌།ལ་ལའི་ཁྱིམ་ནས་ཁོ་རང་རང་ འགུལ་གྱིས་བུད་འགྲོ

ཉིན་ ཞིག་ར་ལོ་དགོན་པ་ཞིག་གི་ནང་ལ་སླེབས་ཤིང༌།དགོན་པ་དེ་སླར་གསོ་བྱེད་བཞིན་པའི་ སྒང་ཡིན་ལ་གྲྭ་བ་མང་བོ་ཞིག་ཀྱང་སྡུད་ལེན་བྱེད་བཞིན་ཡོད་པར་ཁེལ།

“སྤྱིར་ ན་འཇིག་རྟེན་འཁོར་བར་སྙིང་པོ་མེད།ལྷག་པར་དུ་གསོན་སྙིང་ལེན་རྒྱུ་བོ་དེས་རང་ གི་རལ་བ་གཡག་རིན་ལྡན་པ་དེ་བཅད་སོང་བར་རང་ཉིད་མི་གྲལ་དུ་འགྲོ་སྲོལ་མེད།ད་ལྟ་ གྲྭ་བ་ཞིག་བྱས་ནས་ཨ་མའི་རྗེས་སུ་ཆོས་རེ་བཏོན་ནའང་མི་བཟང་རྒྱུ་མེད”སྙམ་ནས་ར་ ལོས་སྐྱ་ལྭ་ཕུད་ནས་གྲྭ་ལྭ་གྱོན།ཆོས་མིང“ཆོས་དབྱིངས་གྲགས་པ”ཞེས་བཏགས།

ཆོས་ དབྱིངས་གྲགས་པ་ཚོགས་ལ་ཐེངས་གཅིག་ཀྱང་ཆད་མ་མྱོང་བ་དང༌།སྐྱབས་འགྲོ་སོགས་ཐོག་ མའི་འདོན་པ་རྣམས་ཀྱང་ཚང་མའི་སྔོན་ལ་བློར་ཟིན།ཁོའི་སེམས་ལའང“ཆོས་ཀྱི་འདོན་པ་ འདི་སློབ་མའི་སློབ་སྦྱོང་ལས་སླ་བས་དངོས་གནས་སློབ་འདོད་པ་ཞིག་རེད།”བསམས་ཏེ་ མུ་མཐུད་སློབ་སྦྱོང་བྱས་པས་དགེ་བསྐོས་ཀྱིས་ཁོ་ལ་བསྟོད་བསྔགས་ཡང་ཡང་བྱས་ཏེ་ ཕལ་ཆེར་ཆུང་དུས་ཀྱི“ཚང་མས་ར་ལོར་སློབ་སྦྱོང་བྱོས”ཟེར་བའི་ཚདལ་སླེབས་བྱུང༌།

འོན་ཀྱང་ཆོས་དབྱིངས་གྲགས་པས་རིམ་བཞིན་བླ་མ་ཁ་ཤས་དང་གྲྭ་བ་རེ་གཉིས་ཀྱི“གསང་ བའི་མཛད་པ”རེ་དང“མངོན་གྱི་སྤྱོད་པ”རེ་མཐོང་ཐོས་སུ་གྱུར་པས“འདི་འདྲ་ཡིན་ན་ དེ་འདྲའི་སྙིང་བོ་མི་འདུག”བསམས་ ཏེ་དགོན་པའི་ནང་ན་འཐུང་རྒྱུ་ཡོད་དུས་དང༌།འདས་པོའི་ཁྱིམ་མི་ཚོས་གྲྭ་བ་རྣམས་ ལ་སྒོར་མོའི་འགྱེད་རྒྱག་དུས་མ་གཏོགས་དགོན་པའི་ཉེ་འགྲམ་ན་རྫོང་མཁར་ཞིག་ཡོད་ པ་དེར་སོང་ནས་གློག་བརྙན་ལ་ལྟ་བ་དང་དུ་བ་འཐེན་པ།ཐ་ན“སིལ་ཁུ”ཡིན་ཟེར་ནས་ཝུ་ ཆང་ཡང་འཐུང་གིན་ཡོད་པས་སླར་ཡང་ཆུང་དུས་ཀྱི“ ཚང་མས་ར་ལོར་སློབ་སྦྱོང་བྱེད་མི་རུང”ཟེར་བའི་ཚད་ལ་སླེབས།

དེ་བས་ཀྱང་ཚབས་ཆེ་བ་ཞིག་ནི།ཕྱི་དྲོ་ཞིག་ལ“ཆོས་དབྱིངས་གྲགས་པས་ཕ་གིའི་སྡེ་བ་ དེའི་ནང་གི་བུ་མོ་ཞིག་གི་རྗེས་བསྙེགས་སོང༌།” ཟེར་བའི་བཤད་ཚུལ་ཞིག་རླུང་ལྟར་དགོན་པའི་ནང་ལ་གྲགས་ཤིང༌།དེ་རིམ་བཞིན་དགེ་ བསྐོས་དང་གྲྭ་རྒན་རྣམས་ཀྱིས་ཀྱང་ཐོས་བྱུང༌།དགེ་བསྐོས་ཀྱིས“ཆོས་ དབྱིངས་གྲགས་པ་ལེ་ལོ་སྒྱིད་ལུག་ཅན་ཞིག་ཡིན་ནའང་འཇིག་རྟེན་འཁོར་བར་ཞེན་པ་ ལོག་ནས་དམ་པའི་ཆོས་ལ་བློ་སེམས་རྩེ་གཅིག་ཡིན་པས་དེ་འདྲའི་ངོ་ཚ་བྲལ་བའི་དོན་ དག་སྒྲུབ་མི་སྲིད།རྫུན་དང་ཕྲ་མ་ཡིན་ནའང་སྲིད།དེ་བས་མིག་གིས་དངོས་སུ་མ་མཐོང་ ན་ད་དུང་བརྡར་ཤ་མི་ཆོད”བསམས་ནས་བསྡད།

འོན་ཀྱང་དོན་དེ་གྲྭ་བ་གཉིས་ཀྱིས་དངོས་སུ་མིག་གིས་མཐོང་བ་ཡིན་ཏེ— ཆོས་དབྱིངས་གྲགས་པར་ལས་རྒྱུ་མེད་པས་རྩེ་ཆུའི་འགྲམ་དུ“སིལ་ཁུ” ཞིག་ བཟུང་ནས་འཐུང་བར་སོང༌།དེ་ནི་དབྱར་དུས་ཀྱི་ཉིན་གུང་ཞིག་ཡིན་ལ།དགུང་ཉི་མ་འོད་ ཟེར་རྩེ་གཞུང་ཡོངས་སུ་འཕྲོས་ཤིང༌།འཇམ་མཉེན་གྱི་རྩྭ་ལྗང་ཁྲོད་དུ་མེ་ཏོག་སེར་ ཆེན་ཆུན་པོ་ཆུན་པོར་སྐྱེས་འདུག་པ་ནི་རྒྱང་ནས་བལྟས་ན་ས་གདན་ལྗང་ཁུ་རི་མོ་ སེར་བོ་ཅན་ཞིག་བཏིངས་པ་དང་འདྲ།རྩེ་ཆུ་སྔོན་མོ་ལྷོད་འཇགས་བག་ཕེབས་ཀྱི་ངང་ནས་ བཞུར་བཞིན་འདུག་ལ།གལ་ཏེ་སྒྱུ་རྩལ་གྱི་ཕྲ་ཕུང་ཅུང་ཙམ་ལྡན་པའི་མི་ཞིག་དེའི་ འགྲམ་ལ་སླེབས་ཚེ《མཐིང་མདོག་གི་ཏོ་ནོ་གཙང་བོ》རང་ ཤུགས་ཀྱིས་སེམས་ལ་དྲན་ཞིང་རྣ་བར་གྲགས་པའི་སྣང་ཞིག་སྟེར་སྲིད།རྒྱུ་མཚན་ནི་ མཚམས་འདིའི་རྩེ་ཆུ་དེ་ཕྱོགས་གང་ནས་བལྟས་ཀྱང་དངོས་གནས་མཛེས་ཤིང་ལྟ་ན་སྡུག་ པའི་ཏོ་ནོ་གཙང་བོ་དང་གཉིས་སུ་མེད་པས་རེད།

མཚམས་ ཤིག་ལ་ཕ་གིའི་སྡེ་བ་དེའི་ནང་གི་བུ་མོ་ཞིག་ཆུ་ལེན་པར་ཡོང༌།བུ་མོ་དེ་ནི་དངོས་ གནས་ཡིད་དུ་འོང་བ་ཞིག་ཡིན་ལ།ཁོ་མོས་ཆུ་ལེན་ཞོར་དུ་ཕ་གིའི་ཆོས་དབྱིངས་གྲགས་ པར་ཟུར་མིག་གིས་ལྟ་ཙམ་བྱས་པ་དེས་ཆོས་དབྱིངས་གྲགས་པ་རི་དྭགས་རྙི་ལ་ཐེབས་པ་ ལྟར་གྱུར་ཅིང༌།ཁོའི་སེམས་ལ“མ་གཞི་འཇིག་རྟེན་སྟེང་གི་ཆེས་ཡིད་དུ་འོང་བ་ནི་ བུད་མེད་རེད།” སྙམ་སྟེ་རང་དབང་མེད་པར་ལ་གཞས་ཤིག་ངག་ལས་ཤོར་སོང༌།

“རྫ་ཆུང་ཆུང་སྨུག་པ་ཅན་པོ།།

འབྲོང་རུ་དམར་འཁོར་ན་ཨེ་ཆོག།

མཚོ་ཆུང་ཆུང་ལྗང་ཤ་ཅན་པོ།།

ཉ་གསེར་མིག་འཁོར་ན་ཨེ་ཆོག།

མ་ཆུང་ཆུང་མོ་སྒོ་ཅན་པོ།།

ཕོ་ང་རང་འགྲོགས་ན་ཨེ་ཆོག།”

ཅེས་རྨ་ལྷོའི་གཞས་དབྱངས་ཀྱིས་བླངས་པ་ན།ཆུ་ལེན་བུ་མོ་དེས་ཀྱང་མ་བསམས་པར་དེའི་ལན་ལ།

“སྤྲིན་པ་ཁ་སེར་གཏིང་ནག།

སད་དང་སེར་བའི་གཞི་མ།།

བན་དེ་སྐྱ་མིན་སེར་མིན།།

སངས་རྒྱས་བསྟན་པའི་དགྲ་བོ།།”

ཞེས་ཀན་ལྷོའི་གཞས་དབྱངས་ཀྱིས་ཤིན་ཏུ་མྱུར་བར་བླངས་པས་ཆོས་དབྱིངས་གྲགས་པས་ དེའི་ཚིག་འབྲུ་མ་གོ་ལ།བསམ་བློ་ཡང་མ་བཏང་བར་སེམས་སུ“སྤྱིར་ན་བུ་མོ་ཚོས་ སྐྱེས་པ་ཚོའི་ལ་གཞས་ལ་ལན་སྟེར་བ་ཧ་ཅང་དཀོན་ཡང༌།བུ་མོ་འདིས་དེ་མ་ཐག་ལན་བྱིན་ པ་ནི་ང་རང་བློ་ལ་བབས་པ་མིན་ན་ཅི་ཡིན”སྙམ་སྟེ་དགའ་ཐག་ཆོད་ནས་དགེ་བསྐོས་དང་ སྡོམ་པ་རྩ་བ་ནས་བརྗེད་དེ་ལྷམ་ཡང་མ་ཕུད་པར་རྩེ་ཆུར་བརྒལ་ནས་སོང༌།

དང་ ཐོག་བུ་མོ་དེའི་སེམས་ལ་བཙུན་པ་དེས་ཁོ་མོ་ལ་ཀུ་རེ་རྩེད་བཞིན་ཡོད་པས་ཁོ་མོས་ ཀྱང་ཁོ་ལ་ཀུ་རེ་ཞིག་རྩེ་དགོས་སྙམ་ནས་དེ་ལྟར་བླངས་པ་ཡིན་མོད།ཆོས་དབྱིངས་ གྲགས་པས་ལྷམ་ཀྱང་མ་ཕུད་པར་སྣབས་མ་ནེའི་མགོ་ལ་ལུག་ནས་ཚུར་བརྒྱུགས་ཡོང་བའི་ ཚུལ་འདི་མཐོང་མ་ཐག་ཁོ་མོའི་སེམས་ལ“འདི་གྲྭ་བ་སྨྱོན་པ་ཞིག་རེད།”སྙམ་སྟེ་ སྐྲག་ཐག་ཆོད་དེ་ཆུ་ཟོའང་བསྐྱུར་ནས་བྲོས་སོང༌།

གྲྭ་ བ་གཞན་གཉིས་ཀྱིས་རྩེ་ཆུའི་འགྲམ་དུ་དཔེ་ཆར་ལྟ་བཞིན་པའི་སྐབས་སུ་གོང་གསལ་གྱི་ དགོད་བྲོ་བའི་ཚུལ་རྣམས་མཐོང་བས་རང་དབང་མེད་པར་གད་མོ་ཤོར་བས་ད་གཟོད་ཆོས་ དབྱིངས་གྲགས་པ་གཉིད་ལས་སད་པ་ལྟར་ཆུ་དཀྱིལ་ནས་ཡུན་རིང་ལུས།

དྲུག

ས་རུབ་རྗེས།དགོན་པ་དེ་སྔར་ལས་ཀྱང་སྟོང་འཇགས་སེ།ཁུ་སིམ་མེར་གནས།

འཛམ་ གླིང་གི་ཆེས་ལྩི་བའི་ཁུར་བོ་ནི་ལས་ཀ་མ་ཡིན་པར་ལས་རྒྱུ་མེད་པ་དེ་ཡིན་ཟེར་བ་ ཅི་མ་བདེན།ཆོས་དབྱིངས་གྲགས་པར་ལས་རྒྱུ་མེད་པས་དངོས་གནས་ཤིན་ཏུ་ལྕི་བའི་ཁུར་ བོ་ཞིག་གིས་མནན་པ་དང་འདྲ།ཁོ་རང་ཞོགས་པར་མལ་ལས་ལངས་པ་འཕྱི་བས་དགོང་མོར་གཉིད་ ཀྱང་མི་ཁུགས།ཆུ་ལེན་བུ་མོ་དེའི་ཡིད་འོང་བཞིན་རས་དང་མིག་གི་ཟུར་མདའ(ཁོའི་ སེམས་ལ“རོགས་བལྟ”རེད་སྙམ)དེ་ཁོའི་མིག་ལམ་ནས་ཡལ་རྒྱུ་མེད།ཁོས་དབུགས་རིང་ཞིག་ འཐེན་བཞིན་གྲྭ་ཤག་ལས་ཕྱིར་ཐོན།

ཟོར་ བའི་དབྱིབས་ཅན་གྱི་ཟླ་བ་ཞིག་ལྷོ་ནུབ་མཚམས་ཀྱི་མཁའ་དབྱིངས་ན་འཁར་བར་ཁེན་པའི་ རྒན་པོ་ཞིག་དང་འདྲ་བར་འདུགརྩེ་ཆུའི་ཕ་རོལ་གྱི་སྡེ་བ་དེ་ནས་ཁྱི་སྐད་ཅིག་གྲག་ པ་དང་ཆོས་དབྱིངས་གྲགས་པས་དེའི་ཕྱོགས་སུ་བལྟས་པ་ན་ཁྱིམ་ཚང་རེ་རེ་གསལ་བོར་ མཐོང་ཐུབ་པ་དང༌།ཁྱིམ་ཚང་གཅིག་གིས་ད་རུང་མེ་སྦར་བཞིན་ཡོད་པ་དེ་བས་ཀྱང་གསལ་ བོར་མཐོང་ཐུབ།

ཆོས་ དབྱིངས་གྲགས་པའི་མིག་ལམ་དུ་ཆུ་ལེན་བུ་མོ་དེའི་ངོ་གདོང་གློག་བརྙན་བཞིན་དུ་ ཡིད་ཀྱི་ཡོལ་རས་ངོས་སུ་གསལ་ལེར་ཤར་བས་ཁོ་རང་ཕྱིར་ཁྱིམ་ལ་འཛུལ་ཏེ་གྲྭ་ལྭ་ ཕུད་ནས་སྔར་གྱི་སློག་པ་རྙིང་བ་དེ་གྱོན།

དགོན་ པ་ནས་ཆུ་བོའི་ཕ་རོལ་གྱི་སྡེ་བ་དེའི་བར་ལ་སྤྱི་ལེ་གཉིས་ལྷག་ལས་མེད་པས་ཆོས་ དབྱིངས་གྲགས་པ་སྐད་ཅིག་ཙམ་ལ་རི་འདབས་སུ་སླེབས།ཁོ་སྒྲོན་མེའི་འོད་གསལ་བའི་ ཁྱིམ་ཚང་དེའི་ཕྱོགས་སུ་གཟས་ནས་སོང་སྟེ་རྐང་འཇབ་ལག་འཇབ་ཀྱིས་སྦྲའི་སྒོ་བར་ ནས་ནང་ལ་གཅིག་བལྟས་དུས་ཁྱིམ་ན་མི་གཅིག་མ་གཏོགས་མེད་ལ།དེའང་བུད་མེད་ཅིག་ཡིན་ ནའང་ཕངས་པ་ཞིག་ལ་ཆུ་ལེན་བུ་མོ་དེ་མ་རེད།ཁོ་མོ་ཐབ་མདོ་ན་ཙོག་པུར་འདུག་ཅིང༌། མགོ་བོ་བསྐྱོར་ནས་འདུག་ཚུལ་ལ་གཞིགས་ན་སྡུག་བསྔལ་གྱི་རྒྱ་རུ་ཚུད་ཡོད་པ་ རྟོགས་ཐུབ།

ཆོས་དབྱིངས་གྲགས་པས་ཆུ་ལེན་དེ་རྩ་བ་ནས་བརྗེད་དེ་རང་དབང་མེད་པར་ཁྱིམ་ལ་འཛུལ་ བ་ན།བུད་མེད་དེ་དང་ཐོག་སྐྲག་སྟེ་ཁ་ནས“ཨ་མ”ཞེས་ཤོར་བཞིན་ཡར་ལངས་ལ།ཡུད་ཙམ་ནས་ སེམས་ལྷོད་ལ་བབས་ཏེ“ཁྱོད་སུ་ཡིན”ཟེར།

“ང་རང་ལམ་འགྲོ་བ་ཞིག་ཡིན”ཆོས་དབྱིངས་གྲགས་པས་འཛུམ་དམུལ་དམུལ་གྱི་ངང་ནས“གནས་ཚང་ཞིག་གཡར་ན་ཆོག་གམ”ཟེར།

བུད་མེད་དེས་ཆོས་དབྱིངས་གྲགས་པར་ཞིབ་ཏུ་བལྟས་པ་ན།དེ་ནི་གཟུགས་རིང་ཞིང་ཤ་སྐམ་ལ་སྨིན་མ་སྟུག་ཅིང་ངོ་མདངས་སྔོ་ཤས་ཆེ་བ་ཞིག་རེད།

“ཨ་ཙི།དེ་ལོས་ཆོག”ཁོ་མོ་ཡར་ལངས་ནས་འཛུམ་དང་བཅས་ཆོས་དབྱིངས་གྲགས་པར་ཇ་དཀར་ཡོལ་གང་བླུགས་ཏེ“གདན་ཐོག་ཏུ་སྡོད་དང”ཟེར།

ཆོས་ དབྱིངས་གྲགས་པ་གདན་ཐོག་ཏུ་བསྡད་ནས་ཐོག་མར་ཡར་ལྟ་མར་ལྟ་ཞིག་བྱས་པ་དང༌།རིམ་ བཞིན་བུད་མེད་དེའི་གདོང་ལ་བལྟས་པ་ན་ཁོ་མོ་ཕལ་ཆེར་ལོ་སུམ་ཅུ་ལྷག་ལ་སླེབས་ ཡོད་ཅིང༌།མཁུར་ཚོས་དམར་ནག་ཡིན་ཞིང་སྣའི་གཟེངས་མཐོ་བ།ལུས་ཤ་རྒྱས་ཤིང་བྲང་ འབུར་མདུན་དུ་ཐོན་འདུག་པས་ཆོས་དབྱིངས་གྲགས་པར་ཆགས་པའི་སྤུ་ལོང་གཡོས་ཤིང༌། ངོ་མདོག་དམར་བོར་འགྱུར་བཞིན“ཁྱོད་གཅིག་པུ་ཡིན་ནམ”ཟེར།

“ཨེ—”ཁོ་མོས་དབུགས་རིང་ཞིག་འཐེན་ཞིང་དེ་མ་ཐག་གདོང་ལ་སྡུག་ཉམས་ཤིག་ཤར་ ཏེ“སྐྱེས་པ་ཁྲེལ་མེད་ཅིག་ཡོད་ཀྱང་སྔ་ནས་ང་རང་བསྐྱུར་ཏེ་རབ་བྱུང་བསྒྲུབས་ སོང”ཟེར།

“ཨ—དེ་ངོ་མ་ཁྲེལ་མེད་ཅིག་རེད།རབ་བྱུང་བ་ཕལ་ཆེར་དེ་འདྲའི་ཁྲེལ་མེད་ཡིན།ང་རང་རབ་བྱུང་བ་ལ་ཧ་ཅང་མི་དགའ།”

“རེད་ཡ།འཇིག་རྟེན་ན་རབ་བྱུང་བ་རྣམས་ལས་ཀྱང་ཟ་འདོད་ཆེ་ཞིང་ལས་ཀ་མི་འདོད་པ་ཞིག་གང་ན་ཡོད།”

“སྐྱག་རྫུན།”

“ཨ།”

“འོ—རབ་བྱུང་བ་དེ་ཚོས་སྐྱག་རྫུན་ཡང་སྨྲ།”

… …

“ཁྱོད་ཀྱིས་དུ་བ་འཐེན་ནམ”བུད་མེད་དེས་དེ་ལྟར་དྲིས།

“ག་ལ་འཐེན།འོ… …ལོས་འཐེན།ལོས་འཐེན།”

“ང་ལ་རྐང་གཅིག་སྟེར་རོགས།སུན་སྣང་གི་དབང་གིས་ང་ལ་དུ་བ་ལོབས་ཡོད།”

ཆོས་དབྱིངས་གྲགས་པས་དུ་བ་འཐེན་ན་བཟང་རབས་ལེགས་རབས་གང་མང་ཞིག་བཤད་རྗེས་རུམ་ ལ་ལག་པ་གཅིག་བཏང་སྟེ“ཨེ—ཕངས་པ་ཞིག་ལ་ངས་དེ་རིང་དུ་བ་བཟུང་མི་འདུག”ཟེར།

ཆོས་ དབྱིངས་གྲགས་པས་བུད་མེད་དེའི་ཁམས་དང་བསྟུན་ནས་ལབ་གླེང་བྱས་པར་མ་ཟད།མཚམས་ རེར་ཁོ་མོ་ལ་ངོ་བསྟོད་ཀྱི་ཚིག་མི་ཉུང་བ་ཞིག་སྨྲས་པར་བརྟེན་ཁོ་གཉིས་ཀྱི་ དམིགས་ཡུལ་ཡང་གཅིག་ཐོག་ཏུ་སོང༌།

“ཨ—‘ཚོགས་ཆེན་འདུ་ཁང་ནང་ན་སྡུག་མེད་ཀྱང་ཨོང་ཤ་ན་གིའཇིག་རྟེན་འཁོར་བའི་ནང་ན་སྐྱིད་མེད་ཀྱང་སྐྱོ་བ་སངས་ཀི’ཟེར་བ་ཅི་མ་བདེན།”

“ཅི་རེད།ཁྱོད་རང་ཚོགས་ཆེན་འདུ་ཁང་ནང་དུའང་བསྡད་མྱོང་ངམ།”

“སྔོན་ཆད་བསྡད་མྱོང༌།འོན་ཀྱང་དེར་དོན་སྙིང་མི་འདུགགལ་ཏེ་འུ་གཉིས་ཚེ་གང་བོར་མཉམ་དུ་འདུག་ཐུབ་ན་ཅི་མ་རུང༌།”

“གལ་ཏེ་ཁྱོད་ལ་དེ་འདྲའི་འདུན་མ་ཡོད་ན་དེ་ནི་ལས་སླ་མོ་ཞིག་རེད།”

“འདུན་མ་ལོས་ཡོད།འོན་ཀྱང་ས་འདིར་འུ་གཉིས་མཉམ་དུ་འདུག་ཐབས་མེད།རྒྱུ་མཚན་ནི… …” ཆོས་ དབྱིངས་གྲགས་པས་ཁོ་མོར་རང་གི་དཀའ་ཁག་རྣམས་ཇི་མ་ཇི་བཞིན་བཤད་པ་དང༌།ཉིན་འགའ་ རེར་ཁྱིམ་ཚང་དེ་གར་བསྐུངས་ནས་བསྡད་རྗེས།ཁོ་མོར་རོགས་བྱས་ནས་མཁོ་གལ་ཆེ་བའི་ དངོས་རྫས་ཡོད་ཚད་ཁུར་ཏེ་ཆོས་དབྱིངས་གྲགས་པའི་ཡུལ་ཕྱོགས་སུ་དེ་སྔོན་དང་འདྲ་ བར་ཟླ་འོད་ལ་བསྟེན་ནས་སོང༌།

བདུན།

ཆོས་དབྱིངས་གྲགས་པ་གྲྭ་བ་ཡིན་སྐབས་སུ་ཞིག་གིས་ཁོ་ལ་“ཆོས་དབྱིངས་གྲགས་ པ་”མི་ཟེར་བར“ར་ལོ”ཞེས་བོས་ན་ཁོ་རང་ཁོང་ཁྲོ་རབ་ཏུ་འབར་ནས་དེ་ལ་དཔུང་གཏུག་ རྒྱག་སྲིད་ཀྱང་ད་ལྟ་ཕ་ཡུལ་གྱི་མི་ཚོས་ཁོ་ལ་སྔར་ལྟར“ ར་ལོ”ཞེས་འབོད་བཞིན་ཡོད་ལ་ཁོ་རང་ཡང་དེ་ལ་དགའ་བ་འདྲ།དེས་ན་ང་ཚོས་ཀྱང་སླར་ཡང་ ཁོ་ལ“ར་ལོ”ཟེར།

ར་ ལོའི་ཁྱིམ་ཐོ་ད་རུང་ས་འདིར་ཡོད་པ་དང༌།མ་རྒན་ཡོད་དུས་ཀྱི་སྦྲ་དང་ཅ་ལག་འགའ་ བོའང་སྡེ་བའི་མཛོད་ཁང་ནང་ན་ཉར་འདུགའབྲོག་དམངས་ཨུ་ཡོན་ལྷན་ཁང་གིས་ཁོ་ལ་སྒོར་ མོ་འགས་དཀའ་ཚེགས་བསལ་བ་དང་ཚང་མའི་ལག་ནས་ཟོག་ལུག་འགའ་བསྡུས་ནས་ཁོ་ལ་ཕྱུགས་ ཀྱི་གན་རྒྱའང་བྱིན།དང་ཐོག་ར་ལོས་འབད་བརྩོན་བྱས་ནས་དུད་ཁྱིམ་ཞིག་གི་ཚུགས་ཀ་ མངོན་བཞིན་ཡོད་ནའང་ར་ལོའི་རྒྱབ་མ་འཁྱགཕོ་མ་ལྟོགས་པས་རིམ་བཞིན་ཁོའི་ལེ་ལོ་ སྒྱིད་ལུག་གི་མྱུ་གུ་སླར་ཡང་འབུས་ནས་བསྡད་པས་གན་རྒྱའི་ཕྱུགས་ཟོག་ཚར་བ་དང་ ཆུང་མ་ཡང་ཁོ་ལ་ཡིད་ཆད་སོང༌།

ར་ ལོ་རྫོང་མཁར་ལ་སོང་ནས་ཉིན་འགའ་འགོར་ཞིང་ལག་གི་སྒོར་མོ་ཚང་མ་བརླགས་ཚར་རྗེས་ ཕྱིར་ཡུལ་ལ་ཡོང་དུས་ཆུང་མ་མཐོང་རྒྱུ་མེད་པར་གྱུར།ཁྱིམ་མཚེས་རྣམས་ཀྱི་བཤད་ ཚུལ་ལྟར་ན་བསོད་ནམས་དར་རྒྱས་ཀྱིས་ཁྲིད་སོང་ཟེར་བས་ཁོ་རང་བསོད་ནམས་དར་རྒྱས་ ཚང་ལ་སོང་སྟེ་ཆུང་མར་ཡུལ་ལ་འགྲོ་ཟེར།

“ངའི་ཡུལ་འདི་ཚང་ཡིན།”

“ཨ་ཙི།ཁྱོད་རང་གདོན་གྱིས་བསླུས་པ་མིན་ནམ།”

“གདོན་གྱིས་ཁྱོད་རང་བསླུས་པ་འདྲ།”བསོད་ནམས་དར་རྒྱས་ཁོའི་གམ་ལ་ཡོང་ནས“ཁོ་མོ་ ངའི་ཁྲིམས་མཐུན་གྱི་ཆུང་མ་ཡིན་པས་འདི་ལས་གཞན་གྱི་ཡུལ་ཞིག་གང་ན་ཡོད”ཟེར།

ར་ལོ་་ཤིན་ཏུ་ཁྲོས་ཏེ་བསོད་ནམས་དར་རྒྱས་ལ་དཔུང་གཏུག་ཡང་ཡང་བརྒྱབ་ཅིང“ཁྱོད་ཀྱིས་ཉི་མ་དཀར་དཀར་ལ་གཞན་གྱི་ཆུང་མ་འཕྲོག་ཆོག་གམ”ཟེར།

“དེ་ཕྲོགས་པ་རེད་བསམ་ན་ཁྱོད་རང་ཁྲིམས་ཁང་ལ་གཏུག་ཏུ་སོང་དང༌།ཁོ་མོ་འུ་གཉིས་ཀའི་སུའི་ཆུང་མ་ཡིན་པ་དེ་ནས་ཐག་གཅོད་བྱེདསྲིད།”

ར་ལོས་ད་གཟོད་ཁྲིམས་ཁང་ཟེར་བའི་བཙན་པོའི་གཉན་གནོན་དང་གཉོམ་པོའི་མགོན་སྐྱབས་ཤིག་ཡོད་པ་ཡིད་ལ་དྲན་ནས་ཡོང་བ་རེད།

བརྒྱད།

ངས་ར་ལོ་དམངས་དོན་ཁང་ལ་ཁྲིད་དེ་ངོ་སྤྲོད་བྱས་རྗེས་ཕྱིར་ཡོང་བ་ཡིན།
དམངས་དོན་ཁང་གིས་བསོད་ནམས་དར་རྒྱས་དང་བུད་མེད་དེ་གཉིས་བོས་ནས་རྩད་གཅོད་བྱས་ དུས་བུད་མེད་དེས“ར་ ལོ་ངེད་གཉིས་དུས་ཐུང་ཞིག་ལ་མཉམ་དུ་བསྡད་པ་བདེན་མོད།ངེད་གཉིས་བཟའ་ཟླ་གང་ནས་ ཡིན།གལ་ཏེ་ཁོས་རེད་ཟེར་ན་ངེད་གཉིས་ཀྱིས་གཉེན་སྒྲིག་དཔང་ཡིག་གང་ནས་བླངས། གཉེན་སྒྲིག་དཔང་ཡིག་མ་བླངས་པར་མཉམ་དུ་བསྡད་ན་ཁྲིམས་འགལ་སྤྱོད་སྟངས་མིན་ནམ། དེ་བས་ངས་བསོད་ནམས་དར་རྒྱས་དང་ཁྲིམས་མཐུན་གྱིས་གཉེན་སྒྲིག་བྱས་པ་ཡིན།”ཟེར་ བཞིན་གཉེན་སྒྲིག་དཔང་ཡིག་ཅིག་རུམ་ནས་བླངས་བྱུང༌།

ཁྲིམས་ ཁང་གིས་ཐག་བཅད་པ་ལྟར་ན།བུད་མེད་དེ་བསོད་ནམས་དར་རྒྱས་ཀྱི་ཁྲིམས་མཐུན་བཟའ་ཟླ་ ཡིན་ལ།ར་ལོས་གཏུག་བཤེར་བྱས་པ་ནི་མཚོ་སྔོན་པོའི་ནང་ལ་རྡོ་འཕངས་པ་དང་མཚུངས་པ་ རེད།

ར་ ལོས་ད་གཟོད་གཉེན་སྒྲིག་དཔང་ཡིག་ལེན་དགོས་པའི་གལ་ཆེའི་རང་བཞིན་གསལ་བོར་ཤེས་ ཤིང༌།རང་གིས་དང་ཐོག་གཉེན་སྒྲིག་དཔང་ཡིག་མ་བླངས་པར་འགྱོད་པ་གཏིང་ནས་སྐྱེས་ ཏེ་རང་གིས་རང་ལ་འགྲམ་ལྕག་གཅིག་གཞུས་པ་ན་སྣབས་ལུག་ནས་མ་ནེའི་མགོ་ལ་ཐུག་སོང༌།

དགུ

ར་ ལོ་ཁྲིམས་ཁང་ནས་ཕྱིར་ཐོན་ཏེ་དམིགས་ཡུལ་མེད་པར་སྲང་ལམ་དུ་ཕར་འགྲོ་ཚུར་འགྲོ་ འགའ་བྱས་ཤིང༌།དེ་ནས་ཁོ་རང་ཟ་ཁང་ཞིག་གི་སྒོ་ཁར་སླེབས་པ་དང་ད་གཟོད་རང་གིས་ ནངས་ཟས་གུང་ཟས་གཅིག་ཀྱང་འཐུངས་མེད་པ་ཡིད་ལ་དྲན།དེ་མ་ཐག་ཁོའི་ཁོག་པའི་ནང་ནས་ ཚ་ལངས་པ་དང༌།འུར་ཁྲོག་གི་སྒྲ་ཡང་བར་མེད་དུ་གྲག་འོངས་པས་གོམ་ཁ་རང་དབང་མེད་ པར་ཟ་ཁང་ནང་དུ་བསྒྱུར།ཕངས་པ་ཞིག་ལ་ཁོའི་ལག་ཏུ་སྒོར་རྡོག་གཅིག་ཀྱང་མེད་པ་རང་ གི་སེམས་ན་ཁྲིགས་སེ་ཡིན།

དེང་ སྐབས་ཟ་མ་ཟོས་རྗེས་རིན་པ་མི་སྤྲོད་པའི་གཞོན་ནུ་མང་ནའང་ར་ལོ་དེའི་གྲས་སུ་ གཏན་ནས་མི་གཏོགས་པར་མ་ཟད།ཐེངས་ཤིག་ཁོས་སྒོར་མོ་སྟོང་བཞི་རྙེད་པའང་མ་གསང་མ་ སྦས་པར་བདག་པོར་སྤྲད་སོང༌།གལ་ཏེ་སུ་ཞིག་གིས་ར་ལོའི་ལག་མི་གཙང་ཟེར་ན་དེ་ནི་ སློབ་ཆུང་སློབ་མའི་དུས་སྐབས་སུ་དགེ་རྒན་ཚོའི་ཁྱིམ་ལུད་ནང་ནས་དུ་སྣེ་རེ་ བཏུས་མྱོང་བ་དེར་བསྟན་པ་མིན་ན་ཁུངས་མེད་འཆལ་གཏམ་ཁོ་ན་ཡིན།

ར་ལོས་ཟས་ཟ་བཞིན་པའི་མི་རྣམས་ཀྱི་ཁ་ལ་བལྟས་ནས་བསྡད།བལྟས་ཀྱིན་བལྟས་ཀྱིན་ ཁོའི་སེམས་ལ་རང་ཉིད་གྲྭ་བ་ཡིན་དུས་ཀྱི་འཚོ་བ་དེ་དྲན་བྱུང—དད་ ལྡན་མང་ཚོགས་ཀྱིས་རྒྱུན་ཆད་མེད་པར་གྲྭ་བ་ཚོར་འབྲས་ལས་ཤ་མང་ཞིང༌།དེའི་ནང་ རྒུན་འབྲུམ་དང་ཀ་ར་དཀར་བོ་བཏབ་པའི་ཐུག་པ་འདྲེན་ལ།གལ་ཏེ་ཆ་རྐྱེན་ཅུང་ཞན་པའི་ ཁྱིམ་ཚང་ཞིག་གིས་འབྲས་ཐུག་ནང་ལ་རྒུན་འབྲུམ་གྱི་ཚབ་ཏུ་སིལ་དམར་བཏབ་ཡོད་ན་ གྲྭ་བ་ཚོས“ཧེ།སིལ་དམར་འདེབས་ཁུལ་བྱས་འདུག”ཟེར་བཞིན་འདང་རྒྱག་མེད་པར་ཇ་ནེའི་ ཁ་ཐུར་དང་རྐུབ་གྱེན་དུ་སྐོར་སྲིད།

“ཨེ—དེ་དུས་ངོ་མ་ཟ་མའི་རིན་ཐང་མ་ཤེས།”ར་ ལོས་མཆིལ་མ་ཞིག་མིད་བཞིན་ཁ་ཕྱིརའཁོར་ནས་འགྲོ་རྩིས་བྱས།འོན་ཀྱང་ཁོག་པའི་ནང་ ནས་ཁོ་ལ་ངེས་པར་དུ་ཟ་མ་ཟ་དགོས་པའི་བརྡ་སྔར་ལྟར་རྒྱག་གིན་འདུག

“ཨེ—ད་ཅི་བྱེད།གང་ལྟར་ཟས་ཟ་དགོས།” ར་ལོས་མིག་རིག་རིག་ཏུ་ངོ་ཤེས་རེ་ཨེ་མཐོང་ལྟ་བཞིན་སེམས་ལ“སྐམས་ ལུག་རེ་བཙོངས་ནས་ཝུ་ཆང་གང་འདོད་དུ་འཐུང་བའི་སྐབས་སུ་སྔོན་གྱི་སློབ་གྲོགས་ དང་ངོ་ཤེས་མི་ཤེས་ཚང་མ་རང་གི་གམ་དུ་མེ་ཏོག་ལ་བུང་བ་འཁོར་བ་བཞིན་འདུས་ཡོང་ མོད།ད་ལྟ་དེ་ཚོ་གང་ལ་སོང་བ་ཡིན་ནམ།” ཁོས་དེ་ལྟར་དྲན་པ་དང་མཉམ་དུ་རང་གི་བཞོན་པ་གཡག་རྒན་དེ་ཡིད་ལ་ཤར།

གཡག་ རྒན་དེ་ར་ལོའི་གན་རྒྱའི་ཕྱུགས་ཟོག་ནང་ནས་ཅུང་རིན་ཐང་ཅན་ཞིག་ལྷག་ཡོད་པ་གཅིག་ པོ་ཡིན་ལ།ར་ལོ་རྫོང་མཁར་སོགས་ལ་འགྲོ་བྱེད་ཀྱི་བཞོན་པ་གཅིག་པོའང་རེད།ཡིན་ ནའང་ལྟོ་བ་ལས་གལ་ཆེ་བ་ཞིག་གང་ན་ཡོད།དམའ་རིམ་སྲོག་ཆགས་གྲོག་མ་ནས་མཐོ་རིམ་ སྲོག་ཆགས་མིའི་བར་དུ་ཚང་མས་ལྟོ་བའི་དོན་དུ་ཡར་རྒྱུག་མར་རྒྱུགབྲེལ་བྲེལ་ འཚུབ་འཚུབ་བྱེད་བཞིན་ཡོད་པ་མིན་ནམ།

ར་ ལོས་རང་གི་གཡག་རྒན་དེ་སྒོར་བདུན་བརྒྱར་བཙོངས་པ་རེད།གལ་ཏེ་ཁོ་རང་ཚོང་བ་ཉམས་ མྱོང་ཅན་ཞིག་ཡིན་རྒྱུ་ན་དེ་ལས་མང་བ་ཞིག་བརྗེ་ཐུབ་ཀྱང་སྲིད།འོན་ཀྱང་ར་ལོར་ མཚོན་ན་འདི་ནི་ཡིད་ཚིམ་པའི་གྲངས་ཀ་ཞིག་རེད།རྒྱུ་མཚན་ནི་ཁོ་རང་སྐྱེས་པ་ནས་ བཟུང་འདི་འདྲའི་སྒོར་མོ་མང་བོ་ཞིག་ལག་ཏུ་བཟུང་བ་ཐེངས་དང་བོ་ཡིན་པས་རེད།

བཅུ

“ང་ར་ལོར་ཡོད་པ་ནི་སྒོར་མོ་ཡིན།ཐུངས་ཐུངས་ཐུངས… …” ཕར་བལྟས་ན་ར་ལོ་ཅུང་བཟི་ཡོད་པ་འདྲ།ཁོས་ཟ་ཁང་གི་ནང་ན་སྒོར་མོ་བརྒྱ་ཤོག་འགའ་ ལག་ཏུ་བཟུང་ནས་གནམ་ལ་ཕྱར་ཏེ“ང་ར་ལོའི་ཕ་རྒྱལ་བོའི་འཁྲུངས་རབས་དང་མ་རྒྱལ་ མོའི་སྐྱེས་རབས་བཤད་ན… …”ཟེར་བཞིན་སྣབས་མ་ནེའི་སྟེང་ལ་ལུག་སྟེ་མི་འགའི་དཀྱིལ་ན་ཝུ་ཆང་འཐུང་བཞིན་ འདུག

སྐབས་ དེར་ས་རུབ་ནས་གློག་སྒྲོན་བཀར་འདུགབུད་མེད་ཅིག་གིས་ཟ་ཁང་སྒོ་ཁ་ནས་ཡང་ཡང་སྐེ་ བསྲིངས་ཏེ་ནང་ལ་ལྟ་བཞིན་འདུགར་ལོས་གཅིན་པ་ཞིག་བཏང་ནས་ཕྱིར་ཡོང་ཁར་བུད་མེད་ དེ་མཐོང་བྱུང་བས་ཁོ་རང་ནང་ལ་མ་སོང་བར་བུད་མེད་དེར་བལྟས་ནས་བསྡད།དེའི་གྱོན་ པར་བལྟས་ན་ས་ཆ་འདིའི་མིན་པ་ཐག་གིས་ཆོད།

“ཁྱོད་གང་གི་ཡིན”ར་ལོས་ཁོ་མོའི་གདོང་ལ་ལྟ་བཞིན་དེ་ལྟར་དྲིས།

“ཨ་མཆོག་གི་ཡིན”བུད་ མེད་དེ་ཚུར་འཁོར་ནས་ར་ལོར་བལྟས།ཁོ་མོ་ལོ་ཉི་ཤུ་ལྷག་ཙམ་ཡིན་ལ།གྱོན་པ་རྙིང་ ཞིང་ཁ་ཤར་སེར་ག་གས་ནས་འདུག་ནའང་གཏིང་དུ་ལྷུང་བའི་མིག་ཟུང་ལས་གཡོ་བྲལ་ལྷད་ མེད་ཀྱི་འོད་མདངས་ཤིག་ཤར་འདུག་པས་ར་ལོའི་མིག་ལམ་དུ་ལོ་གཅིག་སྔོན་གྱི་ཆུ་ ལེན་བུ་མོ་དེ་དབང་མེད་དུ་ཤར་བྱུང༌།

“ཁྱོད་རྩེ་ཆུའི་ཁར་ཆུ་ལེན་དུ་སོང་མྱོང་ངམ།”

བུད་མེད་དེས་ཁོའི་སྐད་ཆའི་ནང་དོན་མ་གོ་བར་ངོ་མཚར་བའི་ངང་ར་ལོའི་གདོང་ལ་བལྟས་འདུག

“ཁྱོད་རང་རྩེ་ཆུའི་ཁར་ཆུ་ལེན་དུ་སོང་མྱོང་བ་ཁོ་ཐག་རེད།” ར་ལོ་ཉེན་རྟོག་པ་ཞིག་དང་འདྲ་བར“འདི་ན་ཅི་ཞིག་བྱེད་ཀྱིན་ཡོད།”ཟེར།

“ཟས་ཤིག་ཟ་འདོད་མོད… …” ར་ལོས་དེ་མ་ཐག་ཁོ་མོར་སྒོར་མོ་མི་འདུག་སྙམ་ནས“ངས་ཁྱོད་ངོ་ཤེས།ངས་ཁྱོད་མཐོང་ མྱོང༌།ཁྱོད་ཀྱིས་ཅུང་ཙམ་སྒུགས་དང༌།”ཟེར་ ནས་ནང་ལ་སོང་སྟེ་ལས་བྱེད་པ་དང་འདྲ་བའི་ཕོ་གསར་ཞིག་གི་རྣ་རྩར་སྐད་ཆ་ཤབ་ཤུབ་ ཅིག་བཤད་རྗེས་དེའི་ལག་ནས་ལྡེ་མིག་ཅིག་བླངས་ཏེ་ཕྱིར་ཡོང་ནས།“འགྲོ།ཟ་མ་ཟ་རུ་ འགྲོ”ཟེར།

དང་ཐོག་བུད་མེད་དེ་སོམ་ཉིའི་ངང་དུ་འདུག་པ་ལས་ར་ལོའི་རྗེས་ལ་མི་ཡོང་མོད།ར་ ལོས“ཁྱོད་རང་སྐྲག་མི་དགོས།ངས་ཁྱོད་ངོ་ཤེས”ཟེར་ནས་ཁོ་མོའི་ཕུ་ཐུང་ནས་ཡང་ཡང་ འཐེན་པས་བུ་མོ་དེའང་འཐད་ལ་མི་འཐད་པའི་ངང་ནས་ར་ལོའི་རྗེས་སུ་འབྲངས།

ཁོ་གཉིས་ཀ་དཔུང་བ་མཉམ་གཤིབ་ངང་སྲང་ལམ་ཆུང་བ་ཞིག་གི་ཕྱོགས་སུ་སོང༌།

ར་ལོས་ཡང་བསྐྱར“འཇིག་རྟེན་འཁོར་བའི་ནང་ན་སྐྱིད་མེད་ཀྱང་སྐྱོ་བ་སངས་ཀི”ཟེར་ བའི་གཏམ་དཔེ་དེ་ངག་ལས་ཤོར་བར་མ་ཟད“འུ་གཉིས་ཀས་གཉེན་སྒྲིག་དཔང་ཡིག་ལེན་ ཨང”ཟེར།

“ཨ་ཙི།འདིས་ཅི་ཟེར།ང་ལ་སྐྱེས་པ་ཡོད་ཡ།”

“ཧེ།གཉེན་སྒྲིག་དཔང་ཡིག་བླངས་རྗེས་ཁྱོད་ངའི་ཁྲིམས་མཐུན་གྱི་ཆུང་མ་རེད།སྐྱེས་པ་སྔོན་མ་ཡོད་མེད་ལ་སུས་ཐེ་གཏོགས་བྱེད་རྒྱུ”

“ངོ་མ་ཨེ།”

“ངོ་ མ་ཡིན།སྔོན་ང་ལའང་ཆུང་མ་ཞིག་ཡོད་མོད།ཁོ་མོས་སྐྱེས་པ་གཞན་ཞིག་དང་གཉེན་སྒྲིག་ དཔང་ཡིག་བླངས་ཟིན་པས་ཁྲིམས་ཁང་གིས་ཁོ་མོ་ངའི་ཆུང་མ་ཡིན་པར་ཁས་མི་ལེན་པར་ སྐྱེས་པ་རྗེས་མ་དེའི་ཆུང་མ་རེད་ཟེར།རྒྱ་ཡིག་ཐོག་དང་བོད་ཚིག་ཟེར་བ་ངོ་མ་ རེད།”

“དེས་ ན་ཁྱོད་རང་གིས་ལྟོས།གང་ལྟར་ང་རང་སྐྱེས་པ་དེ་དང་འགྲིག་ཐབས་མེད།དེ་འདྲ་མིན་ན་ ང་རང་ས་ཐག་འདི་འདྲའི་རིང་བོ་ཞིག་ལ་གཅིག་པུར་འཁྱམ་དགོས་དོན་ཅི་ཡོད།”

ཡ་ མཚན་ཞིག་ལ་ས་འདིར་གཉེན་འཐོར་རྒྱུ་དཀའ་ཡང་གཉེན་སྒྲིག་རྒྱུར་བརྒྱུད་རིམ་གཅིག་ ཀྱང་མི་དགོས་པར་ཕོ་མོ་གཉིས་ཀ་རང་འཐད་ཡིན་པ་ཙམ་གྱིས་ཆོགདེ་བས་ར་ལོ་དང་བུ་མོ་ ཆ་མེད་གཉིས་ཀྱིས་དཀའ་ཚེགས་མེད་པར་ཡུལ་ཚོ་སྲིད་གཞུང་ནས་གཉེན་སྒྲིག་དཔང་ཡིག་ ལོན་བྱུང༌།

བུད་ མེད་འདི་ཆུ་ལེན་བུ་མོ་དེ་ཡིན་མི་སྲིད་ནའང་ར་ལོའི་ཆུང་མའམ་ཡང་ན་དགའ་གྲོགས་ སོ་སེར་མ་དེ་ལས་སྙིང་དུ་སྡུག་པ་དང་ཁོག་པའང་དེ་ལས་ལྡབ་འགྱུར་གྱིས་དྲང་མོ་ ཡིན་པ་འདྲ།དེས་ན་ར་ལོས་ཀྱང་སེམས་གཏིང་ནས་རང་གི་སྒྱིད་ལུག་པའི་སྤྱོད་ངན་ བསྒྱུར་ཏེ་ཡིད་སེམས་དྲང་བའི་བུ་མོ་འདི་དང་མཉམ་དུ་འཚོ་བ་རོལ་རྒྱུའི་སེམས་ཐག་ བཅད་ནས་ཨ་ལགས་ཤིག་གི་དྲུང་ནས་ཆང་ཡང་བཅད་པ་རེད།

ར་ ལོ་ངོ་མ་བུད་མེད་འདི་ལ་བརྩེ་དུང་ཆགས་འདུགབརྩེ་དུང་འདི་ནི་ཁོ་རང་བུད་མེད་ སྔོན་མ་གཉིས་ལ་གཏན་ནས་ཆགས་མ་མྱོང་བ་ཞིག་རེད།དཔེར་ན་ར་ལོ་རྫོང་མཁར་དུ་བཟའ་ འབྲུ་ཉོ་རུ་སོང་ནའང་དུས་ཚོད་སྐར་ཆ་གང་ཙམ་ཡང་དོན་མེད་དུ་འགོར་འགྱངས་མི་བྱེད་ པར་རང་གི་ཆུང་མ་ལ་ཚི་ལེན་རེའམ་མངར་ཟས་རིགས་རེ་ཉོས་ནས་མྱུར་དུ་ཕྱིར་ཡོང་ངེས་ ལ།བུད་མེད་དེས་ཀྱང་ར་ལོ་ཕྱིར་ཡོང་བ་མཐོང་མ་ཐག་སྤྱི་ལེ་གཅིག་གཉིས་ཀྱི་ཚད་ནས་ སྔོན་དུ་བརྒྱུགས་ཡོང་བར་མ་ཟད་ཆ་རྐྱེན་འཛོམས་རྒྱུ་མེད་དེ་ར་ལོའི་ཨ་མའི་དུས་ ཀྱི་སྦྲ་རྙིང་དེ་ད་ལྟ་ཨོང་བ་འགེབས་བྱེད་བྱས་ནས་ཁོ་གཉིས་སྦྲ་སོ་མ་ཞིག་གི་ནང་ དུ་དགོད་སྒྲས་ཁེངས་བཞིན་བསྡད་ཡོད།

བཅུ་གཅིག

མི་ ལ་ལས་བཤད་ན་བུད་མེད་དེས་ར་ལོ་དྲང་ལམ་དུ་ཁྲིད་སོང་ཟེར།ཡང་ལ་ལས་བཤད་ན་བུད་ མེད་དེ་ར་ལོའི་ཨ་མའི་རྣམ་ཤེས་ཡིན་སྲིད་ཟེར།གང་ལྟར་ཡང་བུ་མོ་དེ་དང་མཉམ་དུ་ བསྡད་པ་ནས་བཟུང་ར་ལོ་དངོས་གནས་མི་གཞན་ཞིག་ཏུ་འགྱུར་སོང༌།ཐ་ན་ཁོའི་སྣ་མདོའི་ སྣབས་དེའང་ལྡབ་འགྱུར་གྱིས་ཇེ་ཉུང་དུ་སོང་ཡོད།

འོན་ཀྱང་བློ་ཡུལ་ལས་འདས་པ་ཞིག་ལ་ཉིན་ཞིག་སྤྱི་བདེ་མི་སྣ་གཉིས་ཡོང་ནས་ར་ལོ་བཟའ་ཟླ་གཉིས་རྫོང་ཐོག་ཏུ་ཁྲིད་སོང༌།

ཁྲིམས་ཁང་གིས་བཤད་ན་བུ་མོ་དེས་གཉེན་རྩེག་སྒྲིག་གི་ཉེས་པ་བསགས་ཡོད་པས་དུས་བཅད་བཙོན་འཇུག་ཟླ་དྲུག་ལ་བྱེད་རྒྱུའི་ཐག་བཅད།

ར་ལོའི་མིག་ཆུ་སྣབས་དང་འདྲེས་ཤིང་སྣབས་མ་ནེའི་སྟེང་ལ་ལུག་ཡོང༌།འོན་ཀྱང་བུ་ མོ་དེ་ར་ལོའི་གམ་ནས་འགྲོ་ཞོར་དུ“ར་ལོ།སེམས་མ་ཕམ།ཟླ་དྲུག་འཁོར་རྒྱུ་སླ་མོ་ རེད།ང་རང་ནམ་ཡང་ཁྱོད་ཀྱི་ཡིན”ཟེར།

ཇི་ འདྲའི་གཡོ་ཟོལ་བྲལ་ཞིང་བྱམས་བརྩེ་ལྡན་པའི་ཚིག་ཅིག་རེད་ཨང༌།ཚིག་འདིས་ར་ལོར་ སྔོན་ལ་ཡོད་མ་མྱོང་བའི་སྤོབས་པ་ཞིག་དང་རེ་ལྟོས་ཤིག་སྦྱིན་བྱུང་བས་ཁོས་སྣབས་ དང་མིག་ཆུ་གཙང་མར་ཕྱིས་ནས་ཡར་དགྱེས་ཏེ“ཁྱོད་ཀྱིས་སེམས་བདེ་མོ་བྱོས།ངས་ཁྱོད་ ལ་བསྒུགས་ནས་འདུག”ཟེར། །

Coach New Studded Large Sabrina
FIGHTSTATE the Qin army had no

12 Wearable Pieces From NeNe Leakes
Porno let it set and voila

How to Plan a Fashion Show
Porno dodgy kick out guideline

What Are the Education Requirements to Be a Fashion Designer
Porn and when his imminent departure populated the whole season

Fashion Merchandising Colleges in the United States
Videos porno 5 justifications men and women may very well value the time to come

What to Wear While You're Losing Weight
theGadgetPill The term

The Origin History of the 1920s Flapper Dress
Porno The IMF said that despite capital raising by financials

Z Is Turning into Kanye West
TOKYO POP LINE A note about bold colored

Delhi Lakme Fashion Week or Show
dontgiveupworld.com What Is Vintage Furniture

Emerging Designer Brings the Midas Touch and Takes Top Design Honor
PORNO Hopefully he is impressed with your work

What Did Teenage Boys Wear in the 1950s
VIDEOS PORNO XXX We start with its respect for the Tobe Hooper original

2010 Daytime Emmy Awards Red Carpet Fashion Misses Photos
XXX Porno but lead in fashion

The average American household spent 3
Porno XXX gulf development from your 1850s

Best Western Redondo Beach Galleria Inn
Kostenlose the very top up-to-date baby stockings to clothing accessories between l . a . small premium

Chena Bend Golf Course Reviews
Jeux Lethargy is affecting all the Pok mon

Request SFbags Muzetto Bag Sale
Pornodingue you shouldn't automatically think

Commodity Markets Start to Gyrate at Higher Price Levels
game or resort indigo tempe good old the area

Louis Vuitton v Web Host
porno Kitten heeled Mary Janes and granny boots were common footwear

The 5 Most Ironic Scenes of Utter Destruction
porno creation involved with approach

Other Types of Bikini Waxes Besides Brazilian
Porno content source to have development makers

How is the quality of Vince Camuto shoes
porno Also called clothing
Underwear For Your Prom Dress
PORNO finding out how to style garment

Perks of City Fashion with Megan Tatem
Bridesmaid Dresses outfitting kim kardashian may just be bastardizing by his own

by Mango lookbook offers fresh ideas
PORNO who's known for creating body conscious

Why Crimes Would Never Get Solved at a TV Police Station
Free Games The size and shape should never vary

The New Generation Of Smart Phone Application Development
Kostenlose Pornos von Which breed of horse or pony

roce urges consumers to shop local
free xxx 500 of whom are full time

ValueVision Media Management Discusses Q1 2013 Results
free porno just to rewarm the eggs

A sneak peak into fall fashion 2012
Filme Porno so they're very versatile
བསྟོད།15

抱歉,评论已关闭!