ཁོ་བསྟན་གྱི་གཞས་གསར།-བོད་དུ་སྐྱེ་བའི་སྨོན་ལམ།

 བོད་དུ་སྐྱེ་བའི་སྨོན་ལམ།

ཚིག་དང་དབྱངས། གཞས་པ།  ཁོ་བསྟན།


གངས་དཀར་རི་བོའི་འདབ་ནས་སྐྱེས་པ་ནས།།
ཕྱི་རོལ་ཆ་རྐྱེན་བཟང་ཡང་ངན་ཡང་ཆོག །
སྦྲ་ནག་འཚོ་བ་སྐྱིད་ཀྱང་སྡུག་ཀྱང་ཆོག །
ང་རང་བོད་པ་ཡིན་པས་སེམས་པ་དགའ།།
ང་ནི་བོད་ཡིན།
སྐྱེ་བ་ཕྱི་མར་ཡང་བོད་དུ་སྐྱེ་བར་ཤོག །


ཀ་ཁའི་གླུ་སྒྲ་ངག་ལ་གྱེར་བ་ནས།།
མཚན་དང་སྙན་གྲགས་ཡོད་ཀྱང་མེད་ཀྱང་ཆོག །
རྒྱུ་དང་ནོམ་པ་ཡོད་ཀྱང་མེད་ཀྱང་ཆོག།
ང་རང་བོད་པ་ཡིན་པས་སེམས་པ་དགའ།།
ང་ནི་བོད་ཡིན།
སྐྱེ་བ་ཕྱི་མར་ཡང་བོད་དུ་སྐྱེ་བར་ཤོག །


མཆོག་གསུམ་ཡུལ་ལ་ཐལ་མོ་སྦྱར་བ་ནས།།
ལུས་ཀྱི་ལང་ཚོ་ཡག་ཀྱང་རྩོག་ཀྱང་ཆོག །
ཐོབ་དང་གོ་ས་ཡོད་ཀྱང་མེད་ཀྱང་ཆོག །
ང་རང་བོད་པ་ཡིན་པས་སེམས་པ་དགའ།།
ང་ནི་བོད་ཡིན།
སྐྱེ་བ་ཕྱི་མར་ཡང་བོད་དུ་སྐྱེ་བར་ཤོག །


རྒྱང་ནས་ཐོན་ཞིང་རྒྱང་ལ་ཆས་པ་ཡི།།
ཡུལ་གྱར་འཚོ་བ་སྐྱིད་ཀྱང་སྡུག་ཀྱང་ཆོག །
མ་འོང་ལས་འཕྲོ་བཟང་ཡང་ངན་ཡང་ཆོག །
ང་ཚོ་བོད་པ་ཡིན་པས་སེམས་པ་དགའ།།
ང་ནི་བོད་ཡིན།
སྐྱེ་བ་ཕྱི་མར་ཡང་བོད་དུ་སྐྱེ་བར་ཤོག །

716BEADA-E97E-498A-B8D3-5CB2C9E0FDE1

(རྩོམ་ཡིག་འདི་ངེད་དྲ་བར་དབང་བས་གཞུང་སྒེར་གྱི་དྲ་ཚིགས་དང་འཕྲིན་སྟེགས་གཉེར་མཁན་ཚོས་གང་འདོད་དུ་འཁྱེར་མི་ཆོག)

བསྟོད།14

དཔྱད་མཆན:

དཔྱད་མཆན 2 ཡོད། སྐུ་མགྲོན: 2 ཡོད། དྲ་བདག: 0 ཡོད།

0%བཟང་མཆན།

  • བཟང་མཆན:(0%)
  • འབྲིང་མཆན:(0%)
  • ཐ་མཆན:(0%)

དཔྱད་མཆན་གསར་བ།

  1. བྱེ་རིལ།
    བྱེ་རིལ།སྤེལ་དུས་ནི།  

    ལོ་རེ་ལ་གཞས་ཡག་པོ་གཅིག་རེ་ལེན་གི

  2. གཅོད་པ།
    གཅོད་པ།སྤེལ་དུས་ནི།  

    གླུ་བ་ཁོ་བསྟན་ལ་བཀྲ་ཤིས་བདེ་ལེགས་ཞུ།

དཔྱད་མཆན་སྤེལ།